సర్వేశం పరమేశం శ్రీపార్వతీశం వన్దేఽహం విశ్వేశం శ్రీపన్నగేశమ్ ।
శ్రీసామ్బం శమ్భుం శివం త్రైలోక్యపూజ్యం వన్దేఽహం త్రైనేత్రం శ్రీకణ్ఠమీశమ్ ॥ 1॥
భస్మామ్బరధరమీశం సురపారిజాతం బిల్వార్చితపదయుగలం సోమం సోమేశమ్ ।
జగదాలయపరిశోభితదేవం పరమాత్మం వన్దేఽహం శివశఙ్కరమీశం దేవేశమ్ ॥ 2॥
కైలాసప్రియవాసం కరుణాకరమీశం కాత్యాయనీవిలసితప్రియవామభాగమ్ ।
ప్రణవార్చితమాత్మార్చితం సంసేవితరూపం వన్దేఽహం శివశఙ్కరమీశం దేవేశమ్ ॥ 3॥
మన్మథనిజమదదహనం దాక్షాయనీశం నిర్గుణగుణసమ్భరితం కైవల్యపురుషమ్ ।
భక్తానుగ్రహవిగ్రహమానన్దజైకం వన్దేఽహం శివశఙ్కరమీశం దేవేశమ్ ॥ 4॥
సురగఙ్గాసమ్ప్లావితపావననిజశిఖరం సమభూషితశశిబిమ్బం జటాధరం దేవమ్ ।
నిరతోజ్జ్వలదావానలనయనఫాలభాగం వన్దేఽహం శివశఙ్కరమీశం దేవేశమ్ ॥ 5॥
శశిసూర్యనేత్రద్వయమారాధ్యపురుషం సురకిన్నరపన్నగమయమీశం సఙ్కాశమ్ ।
శరవణభవసమ్పూజితనిజపాదపద్మం వన్దేఽహం శివశఙ్కరమీశం దేవేశమ్ ॥ 6॥
శ్రీశైలపురవాసం ఈశం మల్లీశం శ్రీకాలహస్తీశం స్వర్ణముఖీవాసమ్ ।
కాఞ్చీపురమీశం శ్రీకామాక్షీతేజం వన్దేఽహం శివశఙ్కరమీశం దేవేశమ్ ॥ 7॥
త్రిపురాన్తకమీశం అరుణాచలేశం దక్షిణామూర్తిం గురుం లోకపూజ్యమ్ ।
చిదమ్బరపురవాసం పఞ్చలిఙ్గమూర్తిం వన్దేఽహం శివశఙ్కరమీశం దేవేశమ్ ॥ 8॥
జ్యోతిర్మయశుభలిఙ్గం సఙ్ఖ్యాత్రయనాట్యం త్రయీవేద్యమాద్యం పఞ్చాననమీశమ్ ।
వేదాద్భుతగాత్రం వేదార్ణవజనితం వేదాగ్రం విశ్వాగ్రం శ్రీవిశ్వనాథమ్ ॥ 9॥
