Arunachala Ashtakam - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

అరుణాచల అష్టకమ్

దర్శనాదభ్రసదసి జననాత్కమలాలయే ।
కాశ్యాం తు మరణాన్ముక్తిః స్మరణాదరుణాచలే ॥ 1 ॥

కరుణాపూరితాపాఙ్గం శరణాగతవత్సలమ్ ।
తరుణేన్దుజటామౌలిం స్మరణాదరుణాచలమ్ ॥ 2 ॥

సమస్తజగదాధారం సచ్చిదానన్దవిగ్రహమ్ ।
సహస్రరథసోపేతం స్మరణాదరుణాచలమ్ ॥ 3 ॥

కాఞ్చనప్రతిమాభాసం వాఞ్ఛితార్థఫలప్రదమ్ ।
మాం చ రక్ష సురాధ్యక్షం స్మరణాదరుణాచలమ్ ॥ 4 ॥

బద్ధచన్ద్రజటాజూటమర్ధనారీకలేబరమ్ ।
వర్ధమానదయామ్భోధిం స్మరణాదరుణాచలమ్ ॥ 5 ॥

కాఞ్చనప్రతిమాభాసం సూర్యకోటిసమప్రభమ్ ।
బద్ధవ్యాఘ్రపురీధ్యానం స్మరణాదరుణాచలమ్ ॥ 6 ॥

శిక్షయాఖిలదేవారి భక్షితక్ష్వేలకన్ధరమ్ ।
రక్షయాఖిలభక్తానాం స్మరణాదరుణాచలమ్ ॥ 7 ॥

అష్టభూతిసమాయుక్తమిష్టకామఫలప్రదమ్ ।
శిష్టభక్తిసమాయుక్తాన్ స్మరణాదరుణాచలమ్ ॥ 8 ॥

వినాయకసురాధ్యక్షం విష్ణుబ్రహ్మేన్ద్రసేవితమ్ ।
విమలారుణపాదాబ్జం స్మరణాదరుణాచలమ్ ॥ 9 ॥

మన్దారమల్లికాజాతికున్దచమ్పకపఙ్కజైః ।
ఇన్ద్రాదిపూజితాం దేవీం స్మరణాదరుణాచలమ్ ॥ 10 ॥

సమ్పత్కరం పార్వతీశం సూర్యచన్ద్రాగ్నిలోచనమ్ ।
మన్దస్మితముఖామ్భోజం స్మరణాదరుణాచలమ్ ॥ 11 ॥

ఇతి శ్రీఅరుణాచలాష్టకమ్ ॥

Browse Related Categories: