కృష్ణ యజుర్వేదీయ తైత్తిరీయ సంహితా
చతుర్థం-వైఀశ్వదేవ-ఙ్కాణ్డ-మ్పఞ్చమః ప్రపాఠకః
ఓ-న్నమో భగవతే॑ రుద్రా॒య ॥
నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమః॑ ।
నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమః॑ ॥
యా త॒ ఇషు॑-శ్శి॒వత॑మా శి॒వ-మ్బ॒భూవ॑ తే॒ ధనుః॑ ।
శి॒వా శ॑ర॒వ్యా॑ యా తవ॒ తయా॑ నో రుద్ర మృడయ ।
యా తే॑ రుద్ర శి॒వా త॒నూరఘో॒రా-ఽపా॑పకాశినీ ।
తయా॑ నస్త॒నువా॒ శన్త॑మయా॒ గిరి॑శన్తా॒భిచా॑కశీహి ॥
యామిషు॑-ఙ్గిరిశన్త॒ హస్తే॒ బిభ॒ర్ష్యస్త॑వే ।
శి॒వా-ఙ్గి॑రిత్ర॒ తా-ఙ్కు॑రు॒ మా హిగ్ం॑సీః॒ పురు॑ష॒-ఞ్జగ॑త్॥
శి॒వేన॒ వచ॑సా త్వా॒ గిరి॒శాచ్ఛా॑ వదామసి ।
యథా॑ న॒-స్సర్వ॒మిజ్జగ॑దయ॒ఖ్ష్మగ్ం సు॒మనా॒ అస॑త్ ॥
అధ్య॑వోచదధివ॒క్తా ప్ర॑థ॒మో దైవ్యో॑ భి॒షక్ ।
అహీగ్॑శ్చ॒ సర్వా᳚ఞ్జ॒మ్భయ॒న్-థ్సర్వా᳚శ్చ యాతుధా॒న్యః॑ ॥
అ॒సౌ యస్తా॒మ్రో అ॑రు॒ణ ఉ॒త బ॒భ్రుస్సు॑మ॒ఙ్గలః॑ ।
యే చే॒మాగ్ం రు॒ద్రా అ॒భితో॑ ది॒ఖ్షు శ్రి॒తా-స్స॑హస్ర॒శో-ఽవై॑షా॒గ్ం॒ హేడ॑ ఈమహే ॥
అ॒సౌ యో॑-ఽవ॒సర్ప॑తి॒ నీల॑గ్రీవో॒ విలో॑హితః ।
ఉ॒తైన॑-ఙ్గో॒పా అ॑దృశ॒న్నదృ॑శన్నుదహా॒ర్యః॑ ।
ఉ॒తైనం॒-విఀశ్వా॑ భూ॒తాని॒ స దృ॒ష్టో మృ॑డయాతి నః ॥
నమో॑ అస్తు॒ నీల॑గ్రీవాయ సహస్రా॒ఖ్షాయ॑ మీ॒ఢుషే᳚ ।
అథో॒ యే అ॑స్య॒ సత్వా॑నో॒-ఽహ-న్తేభ్యో॑-ఽకర॒న్నమః॑ ॥
ప్రము॑ఞ్చ॒ ధన్వ॑న॒స్త్వము॒భయో॒రార్త్ని॑ యో॒ర్జ్యామ్ ।
యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప ॥
అ॒వ॒తత్య॒ ధను॒స్త్వగ్ం సహ॑స్రాఖ్ష॒ శతే॑షుధే ।
ని॒శీర్య॑ శ॒ల్యానా॒-మ్ముఖా॑ శి॒వో న॑-స్సు॒మనా॑ భవ ॥
విజ్య॒-న్ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త ।
అనే॑శన్న॒స్యేష॑వ ఆ॒భుర॑స్య నిష॒ఙ్గథిః॑ ॥
యా తే॑ హే॒తిర్మీ॑డుష్టమ॒ హస్తే॑ బ॒భూవ॑ తే॒ ధనుః॑ ।
తయా॒-ఽస్మాన్, వి॒శ్వత॒స్త్వమ॑య॒ఖ్ష్మయా॒ పరి॑బ్భుజ ॥
నమ॑స్తే అ॒స్త్వాయు॑ధా॒యానా॑తతాయ ధృ॒ష్ణవే᳚ ।
ఉ॒భాభ్యా॑ము॒త తే॒ నమో॑ బా॒హుభ్యా॒-న్తవ॒ ధన్వ॑నే ॥
పరి॑ తే॒ ధన్వ॑నో హే॒తిర॒స్మాన్ వృ॑ణక్తు వి॒శ్వతః॑ ।
అథో॒ య ఇ॑షు॒ధిస్తవా॒రే అ॒స్మన్నిధే॑హి॒ తమ్ ॥ 1 ॥
శ్రీ శమ్భ॑వే॒ నమః॑ ॥
నమ॑స్తే అస్తు భగవన్-విశ్వేశ్వ॒రాయ॑ మహాదే॒వాయ॑ త్ర్యమ్బ॒కాయ॑ త్రిపురాన్త॒కాయ॑ త్రికాగ్నికా॒లాయ॑ కాలాగ్నిరు॒ద్రాయ॑ నీలక॒ణ్ఠాయ॑ మృత్యుఞ్జ॒యాయ॑ సర్వేశ్వ॒రాయ॑ సదాశి॒వాయ॑ [శఙ్క॒రాయ॑] శ్రీమ-న్మహాదే॒వాయ॒ నమః॑ ।
నమో॒ హిర॑ణ్య బాహవే సేనా॒న్యే॑ ది॒శా-ఞ్చ॒ పత॑యే॒ నమో॒
నమో॑ వృ॒ఖ్షేభ్యో॒ హరి॑కేశేభ్యః పశూ॒నా-మ్పత॑యే॒ నమో॒
నమ॑-స్స॒స్పిఞ్జ॑రాయ॒ త్విషీ॑మతే పథీ॒నా-మ్పత॑యే॒ నమో॒
నమో॑ బభ్లు॒శాయ॑ వివ్యా॒ధినే-ఽన్నా॑నా॒-మ్పత॑యే॒ నమో॒
నమో॒ హరి॑కేశాయోపవీ॒తినే॑ పు॒ష్టానా॒-మ్పత॑యే॒ నమో॒
నమో॑ భ॒వస్య॑ హే॒త్యై జగ॑తా॒-మ్పత॑యే॒ నమో॒
నమో॑ రు॒ద్రాయా॑తతా॒వినే॒ ఖ్షేత్రా॑ణా॒-మ్పత॑యే॒ నమో॒
నమ॑స్సూ॒తాయాహ॑న్త్యాయ॒ వనా॑నా॒-మ్పత॑యే॒ నమో॒
నమో॒ రోహి॑తాయ స్థ॒పత॑యే వృ॒ఖ్షాణా॒-మ్పత॑యే॒ నమో॒
నమో॑ మ॒న్త్రిణే॑ వాణి॒జాయ॒ కఖ్షా॑ణా॒-మ్పత॑యే॒ నమో॒
నమో॑ భువ॒న్తయే॑ వారివస్కృ॒తా-యౌష॑ధీనా॒-మ్పత॑యే॒ నమో॒
నమ॑ ఉ॒చ్చైర్ఘో॑షాయాక్ర॒న్దయ॑తే పత్తీ॒నా-మ్పత॑యే॒ నమో॒
నమః॑ కృత్స్నవీ॒తాయ॒ ధావ॑తే॒ సత్త్వ॑నా॒-మ్పత॑యే॒ నమః॑ ॥ 2 ॥
నమ॒-స్సహ॑మానాయ నివ్యా॒ధిన॑ ఆవ్యా॒ధినీ॑నా॒-మ్పత॑యే॒ నమో॒
నమః॑ కకు॒భాయ॑ నిష॒ఙ్గిణే᳚ స్తే॒నానా॒-మ్పత॑యే॒ నమో॒
నమో॑ నిష॒ఙ్గిణ॑ ఇషుధి॒మతే॒ తస్క॑రాణా॒-మ్పత॑యే॒ నమో॒
నమో॒ వఞ్చ॑తే పరి॒వఞ్చ॑తే స్తాయూ॒నా-మ్పత॑యే॒ నమో॒
నమో॑ నిచే॒రవే॑ పరిచ॒రాయార॑ణ్యానా॒-మ్పత॑యే॒ నమో॒
నమ॑-స్సృకా॒విభ్యో॒ జిఘాగ్ం॑సద్భ్యో ముష్ణ॒తా-మ్పత॑యే॒ నమో॒
నమో॑-ఽసి॒మద్భ్యో॒ నక్త॒ఞ్చర॑ద్భ్యః ప్రకృ॒న్తానా॒-మ్పత॑యే॒ నమో॒
నమ॑ ఉష్ణీ॒షిణే॑ గిరిచ॒రాయ॑ కులు॒ఞ్చానా॒-మ్పత॑యే॒ నమో॒
నమ॒ ఇషు॑మద్భ్యో ధన్వా॒విభ్య॑శ్చ వో॒ నమో॒
నమ॑ ఆతన్-వా॒నేభ్యః॑ ప్రతి॒దధా॑నేభ్యశ్చ వో॒ నమో॒
నమ॑ ఆ॒యచ్ఛ॑ద్భ్యో విసృ॒జద్భ్య॑శ్చ వో॒ నమో॒
నమో-ఽస్య॑ద్భ్యో॒ విద్య॑ద్భ్యశ్చ వో॒ నమో॒
నమ॒ ఆసీ॑నేభ్య॒-శ్శయా॑నేభ్యశ్చ వో॒ నమో॒
నమ॑-స్స్వ॒పద్భ్యో॒ జాగ్ర॑ద్భ్యశ్చ వో॒ నమో॒
నమ॒స్తిష్ఠ॑ద్భ్యో॒ ధావ॑ద్భ్యశ్చ వో॒ నమో॒
నమ॑-స్స॒భాభ్య॑-స్స॒భాప॑తిభ్యశ్చ వో॒ నమో॒
నమో॒ అశ్వే॒భ్యో-ఽశ్వ॑పతిభ్యశ్చ వో॒ నమః॑ ॥ 3 ॥
నమ॑ ఆవ్యా॒ధినీ᳚భ్యో వి॒విధ్య॑న్తీభ్యశ్చ వో॒ నమో॒
నమ॒ ఉగ॑ణాభ్యస్తృగ్ం-హ॒తీభ్య॑శ్చ వో॒ నమో॒
నమో॑ గృ॒త్సేభ్యో॑ గృ॒త్సప॑తిభ్యశ్చ వో॒ నమో॒
నమో॒ వ్రాతే᳚భ్యో॒ వ్రాత॑పతిభ్యశ్చ వో॒ నమో॒
నమో॑ గ॒ణేభ్యో॑ గ॒ణప॑తిభ్యశ్చ వో॒ నమో॒
నమో॒ విరూ॑పేభ్యో వి॒శ్వరూ॑పేభ్యశ్చ వో॒ నమో॒
నమో॑ మహ॒ద్భ్యః॑, ఖ్షుల్ల॒కేభ్య॑శ్చ వో॒ నమో॒
నమో॑ ర॒థిభ్యో॑-ఽర॒థేభ్య॑శ్చ వో॒ నమో॒
నమో॒ రథే᳚భ్యో॒ రథ॑పతిభ్యశ్చ వో॒ నమో॒
నమ॒-స్సేనా᳚భ్య-స్సేనా॒నిభ్య॑శ్చ వో॒ నమో॒
నమః॑, ఖ్ష॒త్తృభ్య॑-స్సఙ్గ్రహీ॒తృభ్య॑శ్చ వో॒ నమో॒
నమ॒స్తఖ్ష॑భ్యో రథకా॒రేభ్య॑శ్చ వో॒ నమో॒
నమః॒ కులా॑లేభ్యః క॒ర్మారే᳚భ్యశ్చ వో॒ నమో॒
నమః॑ పు॒ఞ్జిష్టే᳚భ్యో నిషా॒దేభ్య॑శ్చ వో॒ నమో॒
నమ॑ ఇషు॒కృద్భ్యో॑ ధన్వ॒కృద్భ్య॑శ్చ వో॒ నమో॒
నమో॑ మృగ॒యుభ్య॑-శ్శ్వ॒నిభ్య॑శ్చ వో॒ నమో॒
నమ॒-శ్శ్వభ్య॒-శ్శ్వప॑తిభ్యశ్చ వో॒ నమః॑ ॥ 4 ॥
నమో॑ భ॒వాయ॑ చ రు॒ద్రాయ॑ చ॒
నమ॑-శ్శ॒ర్వాయ॑ చ పశు॒పత॑యే చ॒
నమో॒ నీల॑గ్రీవాయ చ శితి॒కణ్ఠా॑య చ॒
నమః॑ కప॒ర్దినే॑ చ॒ వ్యు॑ప్తకేశాయ చ॒
నమ॑-స్సహస్రా॒ఖ్షాయ॑ చ శ॒తధ॑న్వనే చ॒
నమో॑ గిరి॒శాయ॑ చ శిపివి॒ష్టాయ॑ చ॒
నమో॑ మీ॒ఢుష్ట॑మాయ॒ చేషు॑మతే చ॒
నమో᳚ హ్ర॒స్వాయ॑ చ వామ॒నాయ॑ చ॒
నమో॑ బృహ॒తే చ॒ వర్షీ॑యసే చ॒
నమో॑ వృ॒ద్ధాయ॑ చ సం॒వృఀధ్వ॑నే చ॒
నమో॒ అగ్రి॑యాయ చ ప్రథ॒మాయ॑ చ॒
నమ॑ ఆ॒శవే॑ చాజి॒రాయ॑ చ॒
నమ॒-శ్శీఘ్రి॑యాయ చ॒ శీభ్యా॑య చ॒
నమ॑ ఊ॒ర్మ్యా॑య చావస్వ॒న్యా॑య చ॒
నమ॑-స్స్రోత॒స్యా॑య చ॒ ద్వీప్యా॑య చ ॥ 5 ॥
నమో᳚ జ్యే॒ష్ఠాయ॑ చ కని॒ష్ఠాయ॑ చ॒
నమః॑ పూర్వ॒జాయ॑ చాపర॒జాయ॑ చ॒
నమో॑ మధ్య॒మాయ॑ చాపగ॒ల్భాయ॑ చ॒
నమో॑ జఘ॒న్యా॑య చ॒ బుధ్ని॑యాయ చ॒
నమ॑-స్సో॒భ్యా॑య చ ప్రతిస॒ర్యా॑య చ॒
నమో॒ యామ్యా॑య చ॒ ఖ్షేమ్యా॑య చ॒
నమ॑ ఉర్వ॒ర్యా॑య చ॒ ఖల్యా॑య చ॒
నమ॒-శ్శ్లోక్యా॑య చా-ఽవసా॒న్యా॑య చ॒
నమో॒ వన్యా॑య చ॒ కఖ్ష్యా॑య చ॒
నమ॑-శ్శ్ర॒వాయ॑ చ ప్రతిశ్ర॒వాయ॑ చ॒
నమ॑ ఆ॒శుషే॑ణాయ చా॒శుర॑థాయ చ॒
నమ॒-శ్శూరా॑య చావభిన్ద॒తే చ॒
నమో॑ వ॒ర్మిణే॑ చ వరూ॒థినే॑ చ॒
నమో॑ బి॒ల్మినే॑ చ కవ॒చినే॑ చ॒
నమ॑-శ్శ్రు॒తాయ॑ చ శ్రుతసే॒నాయ॑ చ ॥ 6 ॥
నమో॑ దున్దు॒భ్యా॑య చాహన॒న్యా॑య చ॒
నమో॑ ధృ॒ష్ణవే॑ చ ప్రమృ॒శాయ॑ చ॒
నమో॑ దూ॒తాయ॑ చ॒ ప్రహి॑తాయ చ॒
నమో॑ నిష॒ఙ్గిణే॑ చేషుధి॒మతే॑ చ॒
నమ॑స్తీ॒ఖ్ష్ణేష॑వే చాయు॒ధినే॑ చ॒
నమ॑-స్స్వాయు॒ధాయ॑ చ సు॒ధన్వ॑నే చ॒
నమ॒-స్స్రుత్యా॑య చ॒ పథ్యా॑య చ॒
నమః॑ కా॒ట్యా॑య చ నీ॒ప్యా॑య చ॒
నమ॒-స్సూద్యా॑య చ సర॒స్యా॑య చ॒
నమో॑ నా॒ద్యాయ॑ చ వైశ॒న్తాయ॑ చ॒
నమః॒ కూప్యా॑య చావ॒ట్యా॑య చ॒
నమో॒ వర్ష్యా॑య చావ॒ర్ష్యాయ॑ చ॒
నమో॑ మే॒ఘ్యా॑య చ విద్యు॒త్యా॑య చ॒
నమ ఈ॒ధ్రియా॑య చాత॒ప్యా॑య చ॒
నమో॒ వాత్యా॑య చ॒ రేష్మి॑యాయ చ॒
నమో॑ వాస్త॒వ్యా॑య చ వాస్తు॒పాయ॑ చ ॥ 7 ॥
నమ॒-స్సోమా॑య చ రు॒ద్రాయ॑ చ॒
నమ॑స్తా॒మ్రాయ॑ చారు॒ణాయ॑ చ॒
నమ॑-శ్శ॒ఙ్గాయ॑ చ పశు॒పత॑యే చ॒
నమ॑ ఉ॒గ్రాయ॑ చ భీ॒మాయ॑ చ॒
నమో॑ అగ్రేవ॒ధాయ॑ చ దూరేవ॒ధాయ॑ చ॒
నమో॑ హ॒న్త్రే చ॒ హనీ॑యసే చ॒
నమో॑ వృ॒ఖ్షేభ్యో॒ హరి॑కేశేభ్యో॒
నమ॑స్తా॒రాయ॒
నమ॑శ్శ॒మ్భవే॑ చ మయో॒భవే॑ చ॒
నమ॑-శ్శఙ్క॒రాయ॑ చ మయస్క॒రాయ॑ చ॒
నమ॑-శ్శి॒వాయ॑ చ శి॒వత॑రాయ చ॒
నమ॒స్తీర్థ్యా॑య చ॒ కూల్యా॑య చ॒
నమః॑ పా॒ర్యా॑య చావా॒ర్యా॑య చ॒
నమః॑ ప్ర॒తర॑ణాయ చో॒త్తర॑ణాయ చ॒
నమ॑ ఆతా॒ర్యా॑య చాలా॒ద్యా॑య చ॒
నమ॒-శ్శష్ప్యా॑య చ॒ ఫేన్యా॑య చ॒
నమ॑-స్సిక॒త్యా॑య చ ప్రవా॒హ్యా॑య చ ॥ 8 ॥
నమ॑ ఇరి॒ణ్యా॑య చ ప్రప॒థ్యా॑య చ॒
నమః॑ కిగ్ంశి॒లాయ॑ చ॒ ఖ్షయ॑ణాయ చ॒
నమః॑ కప॒ర్దినే॑ చ పుల॒స్తయే॑ చ॒
నమో॒ గోష్ఠ్యా॑య చ॒ గృహ్యా॑య చ॒
నమ॒స్తల్ప్యా॑య చ॒ గేహ్యా॑య చ॒
నమః॑ కా॒ట్యా॑య చ గహ్వరే॒ష్ఠాయ॑ చ॒
నమో᳚ హ్రద॒య్యా॑య చ నివే॒ష్ప్యా॑య చ॒
నమః॑ పాగ్ం స॒వ్యా॑య చ రజ॒స్యా॑య చ॒
నమ॒-శ్శుష్క్యా॑య చ హరి॒త్యా॑య చ॒
నమో॒ లోప్యా॑య చోల॒ప్యా॑య చ॒
నమ॑ ఊ॒ర్వ్యా॑య చ సూ॒ర్మ్యా॑య చ॒
నమః॑ ప॒ర్ణ్యా॑య చ పర్ణశ॒ద్యా॑య చ॒
నమో॑-ఽపగు॒రమా॑ణాయ చాభిఘ్న॒తే చ॒
నమ॑ ఆఖ్ఖిద॒తే చ॑ ప్రఖ్ఖిద॒తే చ॒
నమో॑ వః కిరి॒కేభ్యో॑ దే॒వానా॒గ్॒మ్॒ హృద॑యేభ్యో॒
నమో॑ విఖ్షీణ॒కేభ్యో॒ నమో॑ విచిన్వ॒త్కేభ్యో॒
నమ॑ ఆనిర్ హ॒తేభ్యో॒ నమ॑ ఆమీవ॒త్కేభ్యః॑ ॥ 9 ॥
ద్రాపే॒ అన్ధ॑సస్పతే॒ దరి॑ద్ర॒న్నీల॑లోహిత ।
ఏ॒షా-మ్పురు॑షాణామే॒షా-మ్ప॑శూ॒నా-మ్మా భేర్మా-ఽరో॒ మో ఏ॑షా॒-ఙ్కిఞ్చ॒నామ॑మత్ ।
యా తే॑ రుద్ర శి॒వా త॒నూ-శ్శి॒వా వి॒శ్వాహ॑భేషజీ ।
శి॒వా రు॒ద్రస్య॑ భేష॒జీ తయా॑ నో మృడ జీ॒వసే᳚ ॥
ఇ॒మాగ్ం రు॒ద్రాయ॑ త॒వసే॑ కప॒ర్దినే᳚ ఖ్ష॒యద్వీ॑రాయ॒ ప్రభ॑రామహే మ॒తిమ్ ।
యథా॑ న॒శ్శమస॑ద్ద్వి॒పదే॒ చతు॑ష్పదే॒ విశ్వ॑-మ్పు॒ష్ట-ఙ్గ్రామే॑ అ॒స్మిన్ననా॑తురమ్ ।
మృ॒డా నో॑ రుద్రో॒త నో॒ మయ॑స్కృధి ఖ్ష॒యద్వీ॑రాయ॒ నమ॑సా విధేమ తే ।
యచ్ఛ-ఞ్చ॒ యోశ్చ॒ మను॑రాయ॒జే పి॒తా తద॑శ్యామ॒ తవ॑ రుద్ర॒ ప్రణీ॑తౌ ।
మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉఖ్ష॑న్తము॒త మా న॑ ఉఖ్షి॒తమ్ ।
మా నో॑-ఽవధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిషః ।
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మా నో॑ రుద్ర భామి॒తో-ఽవ॑ధీర్హ॒విష్మం॑తో॒ నమ॑సా విధేమ తే ।
ఆ॒రాత్తే॑ గో॒ఘ్న ఉ॒త పూ॑రుష॒ఘ్నే ఖ్ష॒యద్వీ॑రాయ సు॒మ్నమ॒స్మే తే॑ అస్తు ।
రఖ్షా॑ చ నో॒ అధి॑ చ దేవ బ్రూ॒హ్యధా॑ చ న॒-శ్శర్మ॑ యచ్ఛ ద్వి॒బర్హాః᳚ ।
స్తు॒హి శ్రు॒త-ఙ్గ॑ర్త॒సదం॒-యుఀవా॑న-మ్మృ॒గన్న భీ॒మము॑పహ॒త్నుము॒గ్రమ్ ।
మృ॒డా జ॑రి॒త్రే రు॑ద్ర॒ స్తవా॑నో అ॒న్యన్తే॑ అ॒స్మన్నివ॑పన్తు॒ సేనాః᳚ ।
పరి॑ణో రు॒ద్రస్య॑ హే॒తిర్వృ॑ణక్తు॒ పరి॑ త్వే॒షస్య॑ దుర్మ॒తి ర॑ఘా॒యోః ।
అవ॑ స్థి॒రా మ॒ఘవ॑ద్భ్య-స్తనుష్వ॒ మీఢ్వ॑స్తో॒కాయ॒ తన॑యాయ మృడయ ।
మీఢు॑ష్టమ॒ శివ॑తమ శి॒వో న॑-స్సు॒మనా॑ భవ ।
ప॒ర॒మే వృ॒ఖ్ష ఆయు॑ధన్ని॒ధాయ॒ కృత్తిం॒-వఀసా॑న॒ ఆచ॑ర॒ పినా॑క॒-మ్బిభ్ర॒దాగ॑హి ।
వికి॑రిద॒ విలో॑హిత॒ నమ॑స్తే అస్తు భగవః ।
యాస్తే॑ స॒హస్రగ్ం॑ హే॒తయో॒న్యమ॒స్మన్నివ॑పన్తు॒ తాః ।
స॒హస్రా॑ణి సహస్ర॒ధా బా॑హు॒వోస్తవ॑ హే॒తయః॑ ।
తాసా॒మీశా॑నో భగవః పరా॒చీనా॒ ముఖా॑ కృధి ॥ 10 ॥
స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ ।
తేషాగ్ం॑ సహస్రయోజ॒నే-ఽవ॒ధన్వా॑ని తన్మసి ।
అ॒స్మిన్మ॑హ॒త్య॑ర్ణ॒వే᳚-ఽన్తరి॑ఖ్షే భ॒వా అధి॑ ।
నీల॑గ్రీవా-శ్శితి॒కణ్ఠా᳚-శ్శ॒ర్వా అ॒ధః, ఖ్ష॑మాచ॒రాః ।
నీల॑గ్రీవా-శ్శితి॒కణ్ఠా॒ దివగ్ం॑ రు॒ద్రా ఉప॑శ్రితాః ।
యే వృ॒ఖ్షేషు॑ స॒స్పిఞ్జ॑రా॒ నీల॑గ్రీవా॒ విలో॑హితాః ।
యే భూ॒తానా॒మధి॑పతయో విశి॒ఖాసః॑ కప॒ర్దినః॑ ।
యే అన్నే॑షు వి॒విధ్య॑న్తి॒ పాత్రే॑షు॒ పిబ॑తో॒ జనాన్॑ ।
యే ప॒థా-మ్ప॑థి॒రఖ్ష॑య ఐలబృ॒దా॑ య॒వ్యుధః॑ ।
యే తీ॒ర్థాని॑ ప్ర॒చర॑న్తి సృ॒కావ॑న్తో నిష॒ఙ్గిణః॑ ।
య ఏ॒తావ॑న్తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే ।
తేషాగ్ం॑ సహస్రయోజ॒నే-ఽవ॒ధన్వా॑ని తన్మసి ।
నమో॑ రు॒ధ్రేభ్యో॒ యే పృ॑థి॒వ్యాం-యేఀ᳚-ఽన్తరి॑ఖ్షే॒ యే ది॒వి యేషా॒మన్నం॒-వాఀతో॑ వ॒ర్ష॒మిష॑వ॒స్తేభ్యో॒ దశ॒ ప్రాచీ॒ర్దశ॑ దఖ్షి॒ణా దశ॑ ప్ర॒తీచీ॒-ర్దశో-దీ॑చీ॒-ర్దశో॒ర్ధ్వాస్తేభ్యో॒ నమ॒స్తే నో॑ మృడయన్తు॒ తే య-న్ద్వి॒ష్మో యశ్చ॑ నో॒ ద్వేష్టి॒ తం-వోఀ॒ జమ్భే॑ దధామి ॥ 11 ॥
త్ర్య॑మ్బకం-యఀజామహే సుగ॒న్ధి-మ్పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑ఖ్షీయ॒ మా-ఽమృతా᳚త్ ।
యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నా వి॒వేశ॒ తస్మై॑ రు॒ద్రాయ॒ నమో॑ అస్తు ।
తము॑ ష్టుహి॒ య-స్స్వి॒షుస్సు॒ధన్వా॒ యో విశ్వ॑స్య॒ ఖ్షయ॑తి భేష॒జస్య॑ ।
యఖ్ష్వా᳚మ॒హే సౌ᳚మన॒సాయ॑ రు॒ద్ర-న్నమో᳚భిర్దే॒వమసు॑ర-న్దువస్య ।
అ॒య-మ్మే॒ హస్తో॒ భగ॑వాన॒య-మ్మే॒ భగ॑వత్తరః ।
అ॒య-మ్మే᳚ వి॒శ్వభే᳚షజో॒-ఽయగ్ం శి॒వాభి॑మర్శనః ।
యే తే॑ స॒హస్ర॑మ॒యుత॒-మ్పాశా॒ మృత్యో॒ మర్త్యా॑య॒ హన్త॑వే ।
తాన్ య॒జ్ఞస్య॑ మా॒యయా॒ సర్వా॒నవ॑ యజామహే ।
మృ॒త్యవే॒ స్వాహా॑ మృ॒త్యవే॒ స్వాహా᳚ ।
ఓ-న్నమో భగవతే రుద్రాయ విష్ణవే మృత్యు॑ర్మే పా॒హి ॥
ప్రాణానా-ఙ్గ్రన్థిరసి రుద్రో మా॑ విశా॒న్తకః ।
తేనాన్నేనా᳚ప్యాయ॒స్వ ॥
నమో రుద్రాయ విష్ణవే మృత్యు॑ర్మే పా॒హి ॥
సదాశి॒వోమ్ ।
ఓం శాన్తి॒-శ్శాన్తి॒-శ్శాన్తిః॑ ।
