శ్రీరామసౌమిత్రిజటాయువేద షడాననాదిత్య కుజార్చితాయ ।
శ్రీనీలకణ్ఠాయ దయామయాయ శ్రీవైద్యనాథాయ నమఃశివాయ ॥ 1॥
శమ్భో మహాదేవ శమ్భో మహాదేవ శమ్భో మహాదేవ శమ్భో మహాదేవ ।
శమ్భో మహాదేవ శమ్భో మహాదేవ శమ్భో మహాదేవ శమ్భో మహాదేవ ॥
గఙ్గాప్రవాహేన్దు జటాధరాయ త్రిలోచనాయ స్మర కాలహన్త్రే ।
సమస్త దేవైరభిపూజితాయ శ్రీవైద్యనాథాయ నమః శివాయ ॥ 2॥
(శమ్భో మహాదేవ)
భక్తఃప్రియాయ త్రిపురాన్తకాయ పినాకినే దుష్టహరాయ నిత్యమ్ ।
ప్రత్యక్షలీలాయ మనుష్యలోకే శ్రీవైద్యనాథాయ నమః శివాయ ॥ 3॥
(శమ్భో మహాదేవ)
ప్రభూతవాతాది సమస్తరోగ ప్రనాశకర్త్రే మునివన్దితాయ ।
ప్రభాకరేన్ద్వగ్ని విలోచనాయ శ్రీవైద్యనాథాయ నమః శివాయ ॥ 4॥
(శమ్భో మహాదేవ)
వాక్ శ్రోత్ర నేత్రాఙ్ఘ్రి విహీనజన్తోః వాక్శ్రోత్రనేత్రాఙ్ఘ్రిసుఖప్రదాయ ।
కుష్ఠాదిసర్వోన్నతరోగహన్త్రే శ్రీవైద్యనాథాయ నమః శివాయ ॥ 5॥
(శమ్భో మహాదేవ)
వేదాన్తవేద్యాయ జగన్మయాయ యోగీశ్వరద్యేయ పదామ్బుజాయ ।
త్రిమూర్తిరూపాయ సహస్రనామ్నే శ్రీవైద్యనాథాయ నమః శివాయ ॥ 6॥
(శమ్భో మహాదేవ)
స్వతీర్థమృద్భస్మభృతాఙ్గభాజాం పిశాచదుఃఖార్తిభయాపహాయ ।
ఆత్మస్వరూపాయ శరీరభాజాం శ్రీవైద్యనాథాయ నమః శివాయ ॥ 7॥
(శమ్భో మహాదేవ)
శ్రీనీలకణ్ఠాయ వృషధ్వజాయ స్రక్గన్ధ భస్మాద్యభిశోభితాయ ।
సుపుత్రదారాది సుభాగ్యదాయ శ్రీవైద్యనాథాయ నమః శివాయ ॥ 8॥
(శమ్భో మహాదేవ)
బాలామ్బికేశ వైద్యేశ భవరోగ హరేతి చ ।
జపేన్నామత్రయం నిత్యం మహారోగనివారణమ్ ॥ 9॥
(శమ్భో మహాదేవ)
॥ ఇతి శ్రీ వైద్యనాథాష్టకమ్ ॥
