ఓం అస్య శ్రీ రుద్ర కవచస్తోత్ర మహామన్త్రస్య దూర్వాసృషిః అనుష్ఠుప్ ఛన్దః త్ర్యమ్బక రుద్రో దేవతా హ్రాం బీజం శ్రీం శక్తిః హ్రీం కీలకం మమ మనసోఽభీష్టసిద్ధ్యర్థే జపే వినియోగః ।
హ్రామిత్యాది షడ్బీజైః షడఙ్గన్యాసః ॥
ధ్యానమ్ ।
శాన్తం పద్మాసనస్థం శశిధరమకుటం పఞ్చవక్త్రం త్రినేత్రం
శూలం వజ్రం చ ఖడ్గం పరశుమభయదం దక్షభాగే వహన్తమ్ ।
నాగం పాశం చ ఘణ్టాం ప్రళయ హుతవహం సాఙ్కుశం వామభాగే
నానాలఙ్కారయుక్తం స్ఫటికమణినిభం పార్వతీశం నమామి ॥
దూర్వాస ఉవాచ ।
ప్రణమ్య శిరసా దేవం స్వయమ్భుం పరమేశ్వరమ్ ।
ఏకం సర్వగతం దేవం సర్వదేవమయం విభుమ్ ॥ 1 ॥
రుద్ర వర్మ ప్రవక్ష్యామి అఙ్గ ప్రాణస్య రక్షయే ।
అహోరాత్రమయం దేవం రక్షార్థం నిర్మితం పురా ॥ 2 ॥
రుద్రో మే చాగ్రతః పాతు పాతు పార్శ్వౌ హరస్తథా ।
శిరో మే ఈశ్వరః పాతు లలాటం నీలలోహితః ॥ 3 ॥
నేత్రయోస్త్ర్యమ్బకః పాతు ముఖం పాతు మహేశ్వరః ।
కర్ణయోః పాతు మే శమ్భుః నాసికాయాం సదాశివః ॥ 4 ॥
వాగీశః పాతు మే జిహ్వాం ఓష్ఠౌ పాత్వమ్బికాపతిః ।
శ్రీకణ్ఠః పాతు మే గ్రీవాం బాహూంశ్చైవ పినాకధృత్ ॥ 5 ॥
హృదయం మే మహాదేవః ఈశ్వరోవ్యాత్ స్తనాన్తరమ్ ।
నాభిం కటిం చ వక్షశ్చ పాతు సర్వం ఉమాపతిః ॥ 6 ॥
బాహుమధ్యాన్తరం చైవ సూక్ష్మరూపః సదాశివః ।
స్వరం రక్షతు సర్వేశో గాత్రాణి చ యథా క్రమమ్ ॥ 7 ॥
వజ్రశక్తిధరం చైవ పాశాఙ్కుశధరం తథా ।
గణ్డశూలధరం నిత్యం రక్షతు త్రిదశేశ్వరః ॥ 8 ॥
ప్రస్థానేషు పదే చైవ వృక్షమూలే నదీతటే ।
సన్ధ్యాయాం రాజభవనే విరూపాక్షస్తు పాతు మామ్ ॥ 9 ॥
శీతోష్ణాదథ కాలేషు తుహి న ద్రుమకణ్టకే ।
నిర్మనుష్యేఽసమే మార్గే త్రాహి మాం వృషభధ్వజ ॥ 10 ॥
ఇత్యేతద్రుద్రకవచం పవిత్రం పాపనాశనమ్ ।
మహాదేవప్రసాదేన దూర్వాసో మునికల్పితమ్ ॥ 11 ॥
మమాఖ్యాతం సమాసేన న భయం విన్దతి క్వచిత్ ।
ప్రాప్నోతి పరమారోగ్యం పుణ్యమాయుష్యవర్ధనమ్ ॥ 12 ॥
విద్యార్థీ లభతే విద్యాం ధనార్థీ లభతే ధనమ్ ।
కన్యార్థీ లభతే కన్యాం న భయం విన్దతే క్వచిత్ ॥ 13 ॥
అపుత్రో లభతే పుత్రం మోక్షార్థీ మోక్షమాప్నుయాత్ ।
త్రాహి త్రాహి మహాదేవ త్రాహి త్రాహి త్రయీమయ ॥ 14 ॥
త్రాహి మాం పార్వతీనాథ త్రాహి మాం త్రిపురన్తక ।
పాశం ఖట్వాఙ్గ దివ్యాస్త్రం త్రిశూలం రుద్రమేవ చ ॥ 15 ॥
నమస్కరోమి దేవేశ త్రాహి మాం జగదీశ్వర ।
శత్రుమధ్యే సభామధ్యే గ్రామమధ్యే గృహాన్తరే ॥ 16 ॥
గమనాగమనే చైవ త్రాహి మాం భక్తవత్సల ।
త్వం చిత్తం త్వం మానసం చ త్వం బుద్ధిస్త్వం పరాయణమ్ ॥ 17 ॥
కర్మణా మనసా చైవ త్వం బుద్ధిశ్చ యథా సదా ।
జ్వరభయం ఛిన్ది సర్వజ్వరభయం ఛిన్ది గ్రహభయం ఛిన్ది ॥ 18 ॥
సర్వశత్రూన్నివర్త్యాపి సర్వవ్యాధినివారణమ్ ।
రుద్రలోకం స గచ్ఛతి రుద్రలోకం సగచ్ఛత్యోన్నమ ఇతి ॥ 19 ॥
ఇతి స్కన్దపురాణే దూర్వాస ప్రోక్తం శ్రీ రుద్రకవచమ్ ॥
