ఓమిత్యేకాక్షరం బ్రహ్మ వ్యాహరన్తి త్రయశ్శిఖాః ।
తస్మైతారాత్మనే మేధాదక్షిణామూర్తయే నమః ॥ 1 ॥
నత్వా యం మునయస్సర్వే పరంయాన్తి దురాసదమ్ ।
నకారరూపిణే మేధాదక్షిణామూర్తయే నమః ॥ 2 ॥
మోహజాలవినిర్ముక్తో బ్రహ్మవిద్యాతి యత్పదమ్ ।
మోకారరూపిణే మేధాదక్షిణామూర్తయే నమః ॥ 3 ॥
భవమాశ్రిత్యయం విద్వాన్ నభవోహ్యభవత్పరః ।
భకారరూపిణే మేధాదక్షిణామూర్తయే నమః ॥ 4 ॥
గగనాకారవద్భాన్తమనుభాత్యఖిలం జగత్ ।
గకారరూపిణే మేధాదక్షిణామూర్తయే నమః ॥ 5 ॥
వటమూలనివాసో యో లోకానాం ప్రభురవ్యయః ।
వకారరూపిణే మేధాదక్షిణామూర్తయే నమః ॥ 6 ॥
తేజోభిర్యస్యసూర్యోఽసౌ కాలక్లృప్తికరో భవేత్ ।
తేకారరూపిణే మేధాదక్షిణామూర్తయే నమః ॥ 7 ॥
దక్షత్రిపురసంహారే యః కాలవిషభఞ్జనే ।
దకారరూపిణే మేధాదక్షిణామూర్తయే నమః ॥ 8 ॥
క్షిప్రం భవతి వాక్సిద్ధిర్యన్నామస్మరణాన్నృణామ్ ।
క్షికారరూపిణే మేధాదక్షిణామూర్తయే నమః ॥ 9 ॥
ణాకారవాచ్యోయస్సుప్తం సన్దీపయతి మే మనః ।
ణాకారరూపిణే మేధాదక్షిణామూర్తయే నమః ॥ 10 ॥
మూర్తయో హ్యష్టధాయస్య జగజ్జన్మాదికారణమ్ ।
మూకారరూపిణే మేధాదక్షిణామూర్తయే నమః ॥ 11 ॥
తత్త్వం బ్రహ్మాసి పరమమితి యద్గురుబోధితః ।
సరేఫతాత్మనే మేధాదక్షిణామూర్తయే నమః ॥ 12 ॥
యేయం విదిత్వా బ్రహ్మాద్యా ఋషయో యాన్తి నిర్వృతిమ్ ।
యేకారరూపిణే మేధాదక్షిణామూర్తయే నమః ॥ 13 ॥
మహతాం దేవమిత్యాహుర్నిగమాగమయోశ్శివః ।
మకారరూపిణే మేధాదక్షిణామూర్తయే నమః ॥ 14 ॥
సర్వస్యజగతో హ్యన్తర్బహిర్యో వ్యాప్యసంస్థితః ।
హ్యకారరూపిణే మేధాదక్షిణామూర్తయే నమః ॥ 15 ॥
త్వమేవ జగతస్సాక్షీ సృష్టిస్థిత్యన్తకారణమ్ ।
మేకారరూపిణే మేధాదక్షిణామూర్తయే నమః ॥ 16 ॥
ధామేతి ధాతృసృష్టేర్యత్కారణం కార్యముచ్యతే ।
ధాఙ్కారరూపిణే మేధాదక్షిణామూర్తయే నమః ॥ 17 ॥
ప్రకృతేర్యత్పరం ధ్యాత్వా తాదాత్మ్యం యాతి వై మునిః ।
ప్రకారరూపిణే మేధాదక్షిణామూర్తయే నమః ॥ 18 ॥
జ్ఞానినోయముపాస్యన్తి తత్త్వాతీతం చిదాత్మకమ్ ।
జ్ఞాకారరూపిణే మేధాదక్షిణామూర్తయే నమః ॥ 19 ॥
ప్రజ్ఞా సఞ్జాయతే యస్య ధ్యాననామార్చనాదిభిః ।
ప్రకారరూపిణే మేధాదక్షిణామూర్తయే నమః ॥ 20 ॥
యస్య స్మరణమాత్రేణ నరోముక్తస్సబన్ధనాత్ । [ సరోముక్త ]
యకారరూపిణే మేధాదక్షిణామూర్తయే నమః ॥ 21 ॥
ఛవేర్యన్నేన్ద్రియాణ్యాపుర్విషయేష్విహ జాడ్యతామ్ ।
ఛకారరూపిణే మేధాదక్షిణామూర్తయే నమః ॥ 22 ॥
స్వాన్తేవిదాం జడానాం యో దూరేతిష్ఠతి చిన్మయః ।
స్వాకారరూపిణే మేధాదక్షిణామూర్తయే నమః ॥ 23 ॥
హారప్రాయఫణీన్ద్రాయ సర్వవిద్యాప్రదాయినే ।
హాకారరూపిణే మేధాదక్షిణామూర్తయే నమః ॥ 24 ॥
ఇతి శ్రీ మేధాదక్షిణామూర్తి మన్త్రవర్ణపద స్తుతిః ॥
