(තෛ. ආ. 8-1-1)

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ । ඕං ශාන්ති॒-ශ්ශාන්ති॒-ශ්ශාන්තිඃ॑ ॥

බ්ර॒හ්ම॒විදා᳚ප්නෝති॒ පරම්᳚ । තදේ॒ෂා-ऽභ්යු॑ක්තා । ස॒ත්ය-ඤ්ජ්ඤා॒නම॑න॒න්ත-ම්බ්රහ්ම॑ । යෝ වේද॒ නිහි॑ත॒-ඞ්ගුහා॑යා-ම්පර॒මේ ව්යෝ॑මන්න් । සෝ᳚-ऽශ්නු॒තේ සර්වා॒න්කාමා᳚න්​ථ්ස॒හ । බ්රහ්ම॑ණා විප॒ශ්චිතේති॑ ॥ තස්මා॒ද්වා ඒ॒තස්මා॑දා॒ත්මන॑ ආකා॒ශස්සම්භූ॑තඃ । ආ॒කා॒ශාද්වා॒යුඃ । වා॒යෝර॒ග්නිඃ । අ॒ග්නේරාපඃ॑ । අ॒ද්භ්යඃ පෘ॑ථි॒වී । පෘ॒ථි॒ව්යා ඕෂ॑ධයඃ । ඕෂ॑ධී॒භ්යෝ-ऽන්නම්᳚ । අන්නා॒ත්පුරු॑ෂඃ । ස වා ඒෂ පුරුෂෝ-ऽන්න॑රස॒මයඃ । තස්යේද॑මේව॒ ශිරඃ । අය-න්දක්ෂි॑ණඃ ප॒ක්ෂඃ । අයමුත්ත॑රඃ ප॒ක්ෂඃ । අයමාත්මා᳚ । ඉද-ම්පුච්ඡ॑-ම්ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥
ඉති ප්රථමෝ-ऽනුවාකඃ ॥

අන්නා॒ද්වෛ ප්ර॒ජාඃ ප්ර॒ජාය॑න්තේ । යාඃ කාශ්ච॑ පෘථි॒වීග් ශ්රි॒තාඃ । අථෝ॒ අන්නේ॑නෛ॒ව ජී॑වන්ති । අථෛ॑න॒දපි॑ යන්ත්යන්ත॒තඃ । අන්න॒ග්​ම්॒ හි භූ॒තානා॒-ඤ්ජ්යේෂ්ඨම්᳚ । තස්මා᳚ථ්සර්වෞෂ॒ධමු॑ච්යතේ । සර්වං॒-වෛඁ තේ-ऽන්න॑මාප්නුවන්ති । යේ-ऽන්න॒-ම්බ්රහ්මෝ॒පාස॑තේ । අන්න॒ග්​ම්॒ හි භූ॒තානා॒-ඤ්ජ්යේෂ්ඨම්᳚ । තස්මා᳚ථ්සර්වෞෂ॒ධමු॑ච්යතේ । අන්නා᳚ද්භූ॒තානි॒ ජාය॑න්තේ । ජාතා॒න්යන්නේ॑න වර්ධන්තේ । අද්යතේ-ऽත්ති ච॑ භූතා॒නි । තස්මාදන්න-න්තදුච්ය॑ත ඉ॒ති । තස්මාද්වා ඒතස්මාදන්න॑රස॒මයාත් । අන්යෝ-ऽන්තර ආත්මා᳚ ප්රාණ॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වය॑-ම්පුරුෂ॒විධඃ । තස්ය ප්රාණ॑ ඒව॒ ශිරඃ । ව්යානෝ දක්ෂි॑ණඃ ප॒ක්ෂඃ । අපාන උත්ත॑රඃ ප॒ක්ෂඃ । ආකා॑ශ ආ॒ත්මා । පෘථිවී පුච්ඡ॑-ම්ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥
ඉති ද්විතීයෝ-ऽනුවාකඃ ॥

ප්රා॒ණ-න්දේ॒වා අනු॒ප්රාණ॑න්ති । ම॒නු॒ෂ්යාඃ᳚ ප॒ශව॑ශ්ච॒ යේ । ප්රා॒ණෝ හි භූ॒තානා॒මායුඃ॑ । තස්මා᳚ථ්සර්වායු॒ෂමු॑ච්යතේ । සර්ව॑මේ॒ව ත॒ ආයු॑ර්යන්ති । යේ ප්රා॒ණ-ම්බ්රහ්මෝ॒පාස॑තේ । ප්රාණෝ හි භූතා॑නාමා॒යුඃ । තස්මාථ්සර්වායුෂමුච්ය॑ත ඉ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මා᳚ත්ප්රාණ॒මයාත් । අන්යෝ-ऽන්තර ආත්මා॑ මනෝ॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වය॑-ම්පුරුෂ॒විධඃ । තස්ය යජු॑රේව॒ ශිරඃ । ඍග්දක්ෂි॑ණඃ ප॒ක්ෂඃ । සාමෝත්ත॑රඃ ප॒ක්ෂඃ । ආදේ॑ශ ආ॒ත්මා । අථර්වාඞ්ගිරසඃ පුච්ඡ॑-ම්ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥
ඉති තෘතීයෝ-ऽනුවාකඃ ॥

යතෝ॒ වාචෝ॒ නිව॑ර්තන්තේ । අප්රා᳚ප්ය॒ මන॑සා ස॒හ । ආනන්ද-ම්බ්රහ්ම॑ණෝ වි॒ද්වාන් । න බිභේති කදා॑චනේ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මා᳚න්මනෝ॒මයාත් । අන්යෝ-ऽන්තර ආත්මා වි॑ජ්ඤාන॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වය॑-ම්පුරුෂ॒විධඃ । තස්ය ශ්ර॑ද්ධෛව॒ ශිරඃ । ඍත-න්දක්ෂි॑ණඃ ප॒ක්ෂඃ । සත්යමුත්ත॑රඃ ප॒ක්ෂඃ । යෝ॑ග ආ॒ත්මා । මහඃ පුච්ඡ॑-ම්ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥
ඉති චතුර්ථෝ-ऽනුවාකඃ ॥

වි॒ජ්ඤානං॑-යඁ॒ජ්ඤ-න්ත॑නුතේ । කර්මා॑ණි තනු॒තේ-ऽපි॑ ච । වි॒ජ්ඤාන॑-න්දේ॒වාස්සර්වේ᳚ । බ්රහ්ම॒ ජ්යේෂ්ඨ॒මුපා॑සතේ । වි॒ජ්ඤාන॒-ම්බ්රහ්ම॒ චේද්වේද॑ । තස්මා॒ච්චේන්න ප්ර॒මාද්ය॑ති । ශ॒රීරේ॑ පාප්ම॑නෝ හි॒ත්වා । සර්වාන්කාමාන්​ථ්සමශ්නු॑ත ඉ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මාද්වි॑ජ්ඤාන॒මයාත් । අන්යෝ-ऽන්තර ආත්මා॑-ऽऽනන්ද॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වය॑-ම්පුරුෂ॒විධඃ । තස්ය ප්රිය॑මේව॒ ශිරඃ । මෝදෝ දක්ෂි॑ණඃ ප॒ක්ෂඃ । ප්රමෝද උත්ත॑රඃ ප॒ක්ෂඃ । ආන॑න්ද ආ॒ත්මා । බ්රහ්ම පුච්ඡ॑-ම්ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥
ඉති පඤ්චමෝ-ऽනුවාකඃ ॥

අස॑න්නේ॒ව ස॑ භවති । අස॒ද්බ්රහ්මේති॒ වේද॒ චේත් । අස්ති බ්රහ්මේති॑ චේද්වේ॒ද । සන්තමේන-න්තතෝ වි॑දුරි॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । අථාතෝ॑-ऽනුප්ර॒ශ්නාඃ । උ॒තාවි॒ද්වාන॒මුං-ලෝඁ॒ක-ම්ප්රේත්ය॑ । කශ්ච॒න ග॑ච්ඡ॒තී(3) । ආහෝ॑ වි॒ද්වාන॒මුං-ලෝඁ॒ක-ම්ප්රේත්ය॑ । කශ්චි॒ථ්සම॑ශ්නු॒තා(3) උ॒ । සෝ॑-ऽකාමයත । බ॒හුස්යා॒-ම්ප්රජා॑යේ॒යේති॑ । ස තපෝ॑-ऽතප්යත । ස තප॑ස්ත॒ප්ත්වා । ඉ॒දග්​ම් සර්ව॑මසෘජත । යදි॒ද-ඞ්කිඤ්ච॑ । තථ්සෘ॒ෂ්ට්වා । තදේ॒වානු॒ප්රාවි॑ශත් । තද॑නු ප්ර॒විශ්ය॑ । සච්ච॒ ත්යච්චා॑භවත් । නි॒රුක්ත॒-ඤ්චානි॑රුක්ත-ඤ්ච । නි॒ලය॑න॒-ඤ්චානි॑ලයන-ඤ්ච । වි॒ජ්ඤාන॒-ඤ්චාවි॑ජ්ඤාන-ඤ්ච । සත්ය-ඤ්චානෘත-ඤ්ච ස॑ත්යම॒භවත් । යදි॑ද-ඞ්කි॒ඤ්ච । තත්සත්යමි॑ත්යාච॒ක්ෂතේ । තදප්යේෂ ශ්ලෝ॑කෝ භ॒වති ॥ 1 ॥
ඉති ෂෂ්ඨෝ-ऽනුවාකඃ ॥

අස॒ද්වා ඉ॒දමග්ර॑ ආසීත් । තතෝ॒ වෛ සද॑ජායත । තදාත්මානග්ග් ස්වය॑මකු॒රුත । තස්මාත්තථ්සුකෘතමුච්ය॑ත ඉ॒ති । යද්වෛ॑ තථ්සු॒කෘතම් । ර॑සෝ වෛ॒ සඃ । රසග්ග් හ්යේවායං-ලඁබ්ධ්වා-ऽऽන॑න්දී භ॒වති । කෝ හ්යේවාන්යා᳚ත්කඃ ප්රා॒ණ්යාත් । යදේෂ ආකාශ ආන॑න්දෝ න॒ ස්යාත් । ඒෂ හ්යේවා-ऽऽන॑න්දයා॒ති । ය॒දා හ්යේ॑වෛෂ॒ ඒතස්මින්නදෘශ්යේ-ऽනාත්ම්යේ-ऽනිරුක්තේ-ऽනිලයනේ-ऽභයං
ප්රති॑ෂ්ඨාං-විඁ॒න්දතේ । අථ සෝ-ऽභය-ඞ්ග॑තෝ භ॒වති । ය॒දා හ්යේ॑වෛෂ॒ ඒතස්මින්නුදරමන්ත॑ර-ඞ්කු॒රුතේ । අථ තස්ය භ॑ය-ම්භ॒වති । තත්ත්වේව භයං-විඁදුෂෝ-ऽම॑න්වාන॒ස්ය । තදප්යේෂ ශ්ලෝ॑කෝ භ॒වති ॥ 1 ॥
ඉති සප්තමෝ-ऽනුවාකඃ ॥

භී॒ෂා-ऽස්මා॒ද්වාතඃ॑ පවතේ । භී॒ෂෝදේ॑ති॒ සූර්යඃ॑ । භීෂා-ऽස්මාදග්නි॑ශ්චේන්ද්ර॒ශ්ච । මෘත්යුර්ධාවති පඤ්ච॑ම ඉ॒ති । සෛෂා-ऽऽනන්දස්ය මීමාග්​ම්॑සා භ॒වති । යුවා ස්යාථ්සාධුයු॑වා-ऽධ්යා॒යකඃ । ආශිෂ්ඨෝ දෘඪිෂ්ඨෝ॑ බලි॒ෂ්ඨඃ । තස්යේය-ම්පෘථිවී සර්වා විත්තස්ය॑ පූර්ණා॒ ස්යාත් । ස ඒකෝ මානුෂ॑ ආන॒න්දඃ । තේ යේ ශත-ම්මානුෂා॑ ආන॒න්දාඃ ॥ 1 ॥
ස ඒකෝ මනුෂ්යගන්ධර්වාණා॑මාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-ම්මනුෂ්යගන්ධර්වාණා॑මාන॒න්දාඃ । ස ඒකෝ දේවගන්ධර්වාණා॑මාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-න්දේවගන්ධර්වාණා॑මාන॒න්දාඃ । ස ඒකඃ පිතෘණා-ඤ්චිරලෝකලෝකානා॑මාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-ම්පිතෘණා-ඤ්චිරලෝකලෝකානා॑මාන॒න්දාඃ । ස ඒක ආජානජානා-න්දේවානා॑මාන॒න්දඃ ॥ 2 ॥
ශ්රෝත්රියස්ය චාකාම॑හත॒ස්ය । තේ යේ ශතමාජානජානා-න්දේවානා॑මාන॒න්දාඃ । ස ඒකඃ කර්මදේවානා-න්දේවානා॑මාන॒න්දඃ । යේ කර්මණා දේවාන॑පිය॒න්ති । ශ්රෝත්රියස්ය චාකාම॑හත॒ස්ය । තේ යේ ශත-ඞ්කර්මදේවානා-න්දේවානා॑මාන॒න්දාඃ । ස ඒකෝ දේවානා॑මාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-න්දේවානා॑මාන॒න්දාඃ । ස ඒක ඉන්ද්ර॑ස්යා-ऽऽන॒න්දඃ ॥ 3 ॥
ශ්රෝත්රියස්ය චාකාම॑හත॒ස්ය । තේ යේ ශතමින්ද්ර॑ස්යා-ऽऽන॒න්දාඃ । ස ඒකෝ බෘහස්පතේ॑රාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-ම්බෘහස්පතේ॑රාන॒න්දාඃ । ස ඒකඃ ප්රජාපතේ॑රාන॒න්දඃ । ශ්රෝත්රියස්ය චාකාම॑හත॒ස්ය । තේ යේ ශත-ම්ප්රජාපතේ॑රාන॒න්දාඃ । ස ඒකෝ බ්රහ්මණ॑ ආන॒න්දඃ । ශ්රෝත්රියස්ය චාකාම॑හත॒ස්ය ॥ 4 ॥
ස යශ්චා॑ය-ම්පු॒රුෂේ । යශ්චාසා॑වාදි॒ත්යේ । ස ඒකඃ॑ । ස ය॑ ඒවං॒​විඁත් । අස්මාල්ලෝ॑කාත්ප්රේ॒ත්ය । ඒතමන්නමයමාත්මානමුප॑සඞ්ක්රා॒මති । ඒත-ම්ප්රාණමයමාත්මානමුප॑සඞ්ක්රා॒මති । ඒත-ම්මනෝමයමාත්මානමුප॑සඞ්ක්රා॒මති । ඒතං-විඁජ්ඤානමයමාත්මානමුප॑සඞ්ක්රා॒මති । ඒතමානන්දමයමාත්මානමුප॑සඞ්ක්රා॒මති । තදප්යේෂ ශ්ලෝ॑කෝ භ॒වති ॥ 5 ॥
ඉත්යෂ්ටමෝ-ऽනුවාකඃ ॥

යතෝ॒ වාචෝ॒ නිව॑ර්තන්තේ । අප්රා᳚ප්ය॒ මන॑සා ස॒හ । ආනන්ද-ම්බ්රහ්ම॑ණෝ වි॒ද්වාන් । න බිභේති කුත॑ශ්චනේ॒ති । ඒතග්​ම් හ වාව॑ න ත॒පති । කිමහග්​ම් සාධු॑ නාක॒රවම් । කිමහ-ම්පාපමකර॑වමි॒ති । ස ය ඒවං-විඁද්වානේතේ ආත්මා॑නග්ග් ස්පෘ॒ණුතේ । උ॒භේ හ්යේ॑වෛෂ॒ ඒතේ ආත්මා॑නග්ග් ස්පෘ॒ණුතේ । ය ඒ॒වං-වේඁද॑ । ඉත්යු॑ප॒නිෂ॑ත් ॥ 1 ॥
ඉති නවමෝ-ऽනුවාකඃ ॥

ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්ය॑-ඞ්කරවාවහෛ । තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ । ඕං ශාන්ති॒-ශ්ශාන්ති॒-ශ්ශාන්තිඃ॑ ॥

॥ හරිඃ॑ ඕම් ॥
॥ ශ්රී කෘෂ්ණාර්පණමස්තු ॥