॥ තෘතීයමුංඩකේ ද්විතීයඃ ඛංඩඃ ॥

ස වේදෛතත් පරමං බ්රහ්ම ධාම
යත්ර විශ්වං නිහිතං භාති ශුභ්රම් ।
උපාසතේ පුරුෂං-යේඁ හ්යකාමාස්තේ
ශුක්රමේතදතිවර්තංති ධීරාඃ ॥ 1॥

කාමාන් යඃ කාමයතේ මන්යමානඃ
ස කාමභිර්ජායතේ තත්ර තත්ර ।
පර්යාප්තකාමස්ය කෘතාත්මනස්තු
ඉහෛව සර්වේ ප්රවිලීයංති කාමාඃ ॥ 2॥

නායමාත්මා ප්රවචනේන ලභ්යෝ
න මේධයා න බහුනා ශ්රුතේන ।
යමේවෛෂ වෘණුතේ තේන ලභ්ය-
ස්තස්යෛෂ ආත්මා විවෘණුතේ තනූං ස්වාම් ॥ 3॥

නායමාත්මා බලහීනේන ලභ්යෝ
න ච ප්රමාදාත් තපසෝ වාප්යලිංගාත් ।
ඒතෛරුපායෛර්යතතේ යස්තු විද්වාං-
ස්තස්යෛෂ ආත්මා විශතේ බ්රහ්මධාම ॥ 4॥

සංප්රාප්යෛනමෘෂයෝ ජ්ඤානතෘප්තාඃ
කෘතාත්මානෝ වීතරාගාඃ ප්රශාංතාඃ
තේ සර්වගං සර්වතඃ ප්රාප්ය ධීරා
යුක්තාත්මානඃ සර්වමේවාවිශංති ॥ 5॥

වේදාංතවිජ්ඤානසුනිශ්චිතාර්ථාඃ
සංන්යාසයෝගාද් යතයඃ ශුද්ධසත්ත්වාඃ ।
තේ බ්රහ්මලෝකේෂු පරාංතකාලේ
පරාමෘතාඃ පරිමුච්යංති සර්වේ ॥ 6॥

ගතාඃ කලාඃ පංචදශ ප්රතිෂ්ඨා
දේවාශ්ච සර්වේ ප්රතිදේවතාසු ।
කර්මාණි විජ්ඤානමයශ්ච ආත්මා
පරේऽව්යයේ සර්වේ ඒකීභවංති ॥ 7॥

යථා නද්යඃ ස්යංදමානාඃ සමුද්රේऽ
ස්තං ගච්ඡංති නාමරූපේ විහාය ।
තථා විද්වාන් නාමරූපාද්විමුක්තඃ
පරාත්පරං පුරුෂමුපෛති දිව්යම් ॥ 8॥

ස යෝ හ වෛ තත් පරමං බ්රහ්ම වේද
බ්රහ්මෛව භවති නාස්යාබ්රහ්මවිත්කුලේ භවති ।
තරති ශෝකං තරති පාප්මානං ගුහාග්රංථිභ්යෝ
විමුක්තෝऽමෘතෝ භවති ॥ 9॥

තදේතදෘචාऽභ්යුක්තම් ।
ක්රියාවංතඃ ශ්රෝත්රියා බ්රහ්මනිෂ්ඨාඃ
ස්වයං ජුහ්වත ඒකර්​ෂිං ශ්රද්ධයංතඃ ।
තේෂාමේවෛතාං බ්රහ්මවිද්යාං-වඁදේත
ශිරෝව්රතං-විඁධිවද් යෛස්තු චීර්ණම් ॥ 10॥

තදේතත් සත්යමෘෂිරංගිරාඃ
පුරෝවාච නෛතදචීර්ණව්රතෝऽධීතේ ।
නමඃ පරමෘෂිභ්යෝ නමඃ පරමෘෂිභ්යඃ ॥ 11॥

॥ ඉති මුංඩකෝපනිෂදි තෘතීයමුංඩකේ ද්විතීයඃ ඛංඩඃ ॥

॥ ඉත්යථර්වවේදීය මුංඩකෝපනිෂත්සමාප්තා ॥

ඕං භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒-ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්​ම් ස॑ස්ත॒නූභිඃ॑ । ව්යශේ॑ම දේ॒වහි॑තං॒-යඁදායුඃ॑ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑-ර්දධාතු ॥
ඕං ශාංතිඃ॒ ශාංතිඃ॒ ශාංතිඃ॑ ॥

॥ ඕං ශාංතිඃ ශාංතිඃ ශාංතිඃ ॥