॥ තෘතීය මුංඩකේ ප්රථමඃ ඛංඩඃ ॥

ද්වා සුපර්ණා සයුජා සඛායා සමානං-වෘඁක්ෂං පරිෂස්වජාතේ ।
තයෝරන්යඃ පිප්පලං ස්වාද්වත්ත්යනශ්නන්නන්යෝ අභිචාකශීති ॥ 1॥

සමානේ වෘක්ෂේ පුරුෂෝ නිමග්නෝऽනිශයා ශෝචති මුහ්යමානඃ ।
ජුෂ්ටං-යඁදා පශ්යත්යන්යමීශමස්ය
මහිමානමිති වීතශෝකඃ ॥ 2॥

යදා පශ්යඃ පශ්යතේ රුක්මවර්ණං
කර්තාරමීශං පුරුෂං බ්රහ්මයෝනිම් ।
තදා විද්වාන් පුණ්යපාපේ විධූය
නිරංජනඃ පරමං සාම්යමුපෛති ॥ 3॥

ප්රණෝ හ්යේෂ යඃ සර්වභූතෛර්විභාති
විජානන් විද්වාන් භවතේ නාතිවාදී ।
ආත්මක්රීඩ ආත්මරතිඃ ක්රියාවා-
නේෂ බ්රහ්මවිදාං-වඁරිෂ්ඨඃ ॥ 4॥

සත්යේන ලභ්යස්තපසා හ්යේෂ ආත්මා
සම්යග්ජ්ඤානේන බ්රහ්මචර්යේණ නිත්යම් ।
අංතඃශරීරේ ජ්යෝතිර්මයෝ හි ශුභ්රෝ
යං පශ්යංති යතයඃ ක්ෂීණදෝෂාඃ ॥ 5॥

සත්යමේව ජයතේ නානෘතං
සත්යේන පංථා විතතෝ දේවයානඃ ।
යේනාऽऽක්රමංත්යෘෂයෝ හ්යාප්තකාමා
යත්ර තත් සත්යස්ය පරමං නිධානම් ॥ 6॥

බෘහච්ච තද් දිව්යමචිංත්යරූපං
සූක්ෂ්මාච්ච තත් සූක්ෂ්මතරං-විඁභාති ।
දූරාත් සුදූරේ තදිහාංතිකේ ච
පශ්යංත්විහෛව නිහිතං ගුහායාම් ॥ 7॥

න චක්ෂුෂා ගෘහ්යතේ නාපි වාචා
නාන්යෛර්දේවෛස්තපසා කර්මණ වා ।
ජ්ඤානප්රසාදේන විශුද්ධසත්ත්ව-
ස්තතස්තු තං පශ්යතේ නිෂ්කලං
ධ්යායමානඃ ॥ 8॥

ඒෂෝऽණුරාත්මා චේතසා වේදිතව්යෝ
යස්මින් ප්රාණඃ පංචධා සං​විඁවේශ ।
ප්රාණෛශ්චිත්තං සර්වමෝතං ප්රජානාං
යස්මින් විශුද්ධේ විභවත්යේෂ ආත්මා ॥ 9॥

යං-යංඁ ලෝකං මනසා සං​විඁභාති
විශුද්ධසත්ත්වඃ කාමයතේ යාංශ්ච කාමාන් ।
තං තං-ලෝඁකං ජයතේ තාංශ්ච කාමාං-
ස්තස්මාදාත්මජ්ඤං හ්යර්චයේත් භූතිකාමඃ ॥ 10॥

॥ ඉති මුංඩකෝපනිෂදි තෘතීයමුංඩකේ ප්රථමඃ ඛංඩඃ ॥