සා බ්රහ්මේති හෝවාච බ්රහ්මණෝ වා ඒතද්විජයේ මහීයධ්වමිති තතෝ හෛව විදාංචකාර බ්රහ්මේති ॥ 1॥

තස්මාද්වා ඒතේ දේවා අතිතරාමිවාන්යාංදේවාන්යදග්නිර්වායුරිංද්රස්තේ හ්යේනන්නේදිෂ්ඨං පස්පර්​ශුස්තේ හ්යේනත්ප්රථමෝ විදාංචකාර බ්රහ්මේති ॥ 2॥

තස්මාද්වා ඉංද්රෝऽතිතරාමිවාන්යාංදේවාන්ස හ්යේනන්නේදිෂ්ඨං පස්පර්​ශ ස හ්යේනත්ප්රථමෝ විදාංචකාර බ්රහ්මේති ॥ 3॥

තස්යෛෂ ආදේශෝ යදේතද්විද්යුතෝ ව්යද්යුතදා(3) ඉතීන් න්යමීමිෂදා(3) ඉත්යධිදෛවතම් ॥ 4॥

අථාධ්යාත්මං-යඁද්දේතද්ගච්ඡතීව ච මනෝऽනේන චෛතදුපස්මරත්යභීක්ෂ්ණං සංකල්පඃ ॥ 5॥

තද්ධ තද්වනං නාම තද්වනමිත්යුපාසිතව්යං ස ය ඒතදේවං-වේඁදාභි හෛනග්​ම් සර්වාණි භූතානි සං​වාංඁඡංති ॥ 6॥

උපනිෂදං භෝ බ්රූහීත්යුක්තා ත උපනිෂද්බ්රාහ්මීං-වාඁව ත උපනිෂදමබ්රූමේති ॥ 7॥

තසෛ තපෝ දමඃ කර්මේති ප්රතිෂ්ඨා වේදාඃ සර්වාංගානි සත්යමායතනම් ॥ 8॥

යෝ වා ඒතාමේවං-වේඁදාපහත්ය පාප්මානමනංතේ ස්වර්ගේ ලෝකේ ජ්යේයේ ප්රතිතිෂ්ඨති ප්රතිතිෂ්ඨති ॥ 9॥

॥ ඉති කේනෝපනිෂදි චතුර්ථඃ ඛංඩඃ ॥

ඕං ආප්යායංතු මමාංගානි වාක්ප්රාණශ්චක්ෂුඃ ශ්රෝත්රමථෝ බලමිංද්රියාණි ච සර්වාණි । සර්වං බ්රහ්මෞපනිෂදං මාऽහං බ්රහ්ම නිරාකුර්යාං මා මා බ්රහ්ම නිරාකරෝදනිරාකරණමස්ත්වනිරාකරණං මේऽස්තු । තදාත්මනි නිරතේ ය උපනිෂත්සු ධර්මාස්තේ මයි සංතු තේ මයි සංතු ।

ඕං ශාංතිඃ॒ ශාංතිඃ॒ ශාංතිඃ॑ ॥

॥ ඉති කේනෝපනිෂත් ॥