(ඍ.10.121)
හි॒ර॒ණ්ය॒ග॒ර්භඃ සම॑වර්ත॒තාග්රේ॑ භූ॒තස්ය॑ ජා॒තඃ පති॒රේක॑ ආසීත් ।
ස දා॑ධාර පෘථි॒වීං ද්යාමු॒තේමාං කස්මෛ॑ දේ॒වාය॑ හ॒විෂා॑ විධේම ॥ 1
ය ආ॑ත්ම॒දා බ॑ල॒දා යස්ය॒ විශ්ව॑ උ॒පාස॑තේ ප්ර॒ශිෂං॒-යඁස්ය॑ දේ॒වාඃ ।
යස්ය॑ ඡා॒යාමෘතං॒-යඁස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම ॥ 2
යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ ।
ය ඊශේ॑ අ॒ස්ය ද්වි॒පද॒ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම ॥ 3
යස්යේ॒මේ හි॒මවං॑තෝ මහි॒ත්වා යස්ය॑ සමු॒ද්රං ර॒සයා॑ ස॒හාහුඃ ।
යස්යේ॒මාඃ ප්ර॒දිශෝ॒ යස්ය॑ බා॒හූ කස්මෛ॑ දේ॒වාය॑ හ॒විෂා॑ විධේම ॥ 4
යේන॒ ද්යෞරු॒ග්රා පෘ॑ථි॒වී ච॑ දෘ॒ළ්හා යේන॒ ස්වඃ॑ ස්තභි॒තං-යේඁන॒ නාකඃ॑ ।
යෝ අං॒තරි॑ක්ෂේ॒ රජ॑සෝ වි॒මානඃ॒ කස්මෛ॑ දේ॒වාය॑ හ॒විෂා॑ විධේම ॥ 5
යං ක්රංද॑සී॒ අව॑සා තස්තභා॒නේ අ॒භ්යෛක්ෂේ॑තාං॒ මන॑සා॒ රේජ॑මානේ ।
යත්රාධි॒ සූර॒ උදි॑තෝ වි॒භාති॒ කස්මෛ॑ දේ॒වාය॑ හ॒විෂා॑ විධේම ॥ 6
ආපෝ॑ හ॒ යද්බෘ॑හ॒තීර්විශ්ව॒මාය॒න් ගර්භං॒ දධා॑නා ජ॒නයං॑තීර॒ග්නිම් ।
තතෝ॑ දේ॒වානාං॒ සම॑වර්ත॒තාසු॒රේකඃ॒ කස්මෛ॑ දේ॒වාය॑ හ॒විෂා॑ විධේම ॥ 7
යශ්චි॒දාපෝ॑ මහි॒නා ප॒ර්යප॑ශ්ය॒ද්දක්ෂං॒ දධා॑නා ජ॒නයං॑තීර්ය॒ජ්ඤම් ।
යෝ දේ॒වේෂ්විධි॑ දේ॒ව ඒක॒ ආසී॒ත්කස්මෛ॑ දේ॒වාය॑ හ॒විෂා॑ විධේම ॥ 8
මා නෝ॑ හිංසීජ්ජනි॒තා යඃ පෘ॑ථි॒ව්යා යෝ වා॒ දිවං॑ ස॒ත්යධ॑ර්මා ජ॒ජාන॑ ।
යශ්චා॒පශ්චං॒ද්රා බෘ॑හ॒තීර්ජ॒ජාන॒ කස්මෛ॑ දේ॒වාය॑ හ॒විෂා॑ විධේම ॥ 9
ප්රජා॑පතේ॒ න ත්වදේ॒තාන්ය॒න්යෝ විශ්වා॑ ජා॒තානි॒ පරි॒ තා බ॑භූව ।
යත්කා॑මාස්තේ ජුහු॒මස්තන්නෝ॑ අස්තු ව॒යං ස්යා॑ම॒ පත॑යෝ රයී॒ණාම් ॥ 10
