॥ ප්රථමමුංඩකේ ද්විතීයඃ ඛංඩඃ ॥

තදේතත් සත්යං මංත්රේෂු කර්මාණි කවයෝ
යාන්යපශ්යංස්තානි ත්රේතායාං බහුධා සංතතානි ।
තාන්යාචරථ නියතං සත්යකාමා ඒෂ වඃ
පංථාඃ සුකෘතස්ය ලෝකේ ॥ 1॥

යදා ලේලායතේ හ්යර්චිඃ සමිද්ධේ හව්යවාහනේ ।
තදාऽऽජ්යභාගාවංතරේණාऽऽහුතීඃ ප්රතිපාදයේත් ॥ 2॥

යස්යාග්නිහෝත්රමදර්​ශමපෞර්ණමාස-
මචාතුර්මාස්යමනාග්රයණමතිථිවර්ජිතං ච ।
අහුතමවෛශ්වදේවමවිධිනා හුත-
මාසප්තමාංස්තස්ය ලෝකාන් හිනස්ති ॥ 3॥

කාලී කරාලී ච මනෝජවා ච
සුලෝහිතා යා ච සුධූම්රවර්ණා ।
ස්ඵුලිංගිනී විශ්වරුචී ච දේවී
ලේලායමානා ඉති සප්ත ජිහ්වාඃ ॥ 4॥

ඒතේෂු යශ්චරතේ භ්රාජමානේෂු යථාකාලං
චාහුතයෝ හ්යාදදායන්න් ।
තං නයංත්යේතාඃ සූර්යස්ය රශ්මයෝ යත්ර
දේවානාං පතිරේකෝऽධිවාසඃ ॥ 5॥

ඒහ්යේහීති තමාහුතයඃ සුවර්චසඃ
සූර්යස්ය රශ්මිභිර්යජමානං-වඁහංති ।
ප්රියාං-වාඁචමභිවදංත්යෝऽර්චයංත්ය
ඒෂ වඃ පුණ්යඃ සුකෘතෝ බ්රහ්මලෝකඃ ॥ 6॥

ප්ලවා හ්යේතේ අදෘඪා යජ්ඤරූපා
අෂ්ටාදශෝක්තමවරං-යේඁෂු කර්ම ।
ඒතච්ඡ්රේයෝ යේऽභිනංදංති මූඪා
ජරාමෘත්යුං තේ පුනරේවාපි යංති ॥ 7॥

අවිද්යායාමංතරේ වර්තමානාඃ
ස්වයං ධීරාඃ පංඩිතං මන්යමානාඃ ।
ජංඝන්යමානාඃ පරියංති මූඪා
අංධේනෛව නීයමානා යථාංධාඃ ॥ 8॥

අවිද්යායං බහුධා වර්තමානා වයං
කෘතාර්ථා ඉත්යභිමන්යංති බාලාඃ ।
යත් කර්මිණෝ න ප්රවේදයංති රාගාත්
තේනාතුරාඃ ක්ෂීණලෝකාශ්ච්යවංතේ ॥ 9॥

ඉෂ්ටාපූර්තං මන්යමානා වරිෂ්ඨං
නාන්යච්ඡ්රේයෝ වේදයංතේ ප්රමූඪාඃ ।
නාකස්ය පෘෂ්ඨේ තේ සුකෘතේऽනුභූත්වේමං
ලෝකං හීනතරං-වාඁ විශංති ॥ 10॥

තපඃශ්රද්ධේ යේ හ්යුපවසංත්යරණ්යේ
ශාංතා විද්වාංසෝ භෛක්ෂ්යචර්යාං චරංතඃ ।
සූර්යද්වාරේණ තේ විරජාඃ ප්රයාංති
යත්රාමෘතඃ ස පුරුෂෝ හ්යව්යයාත්මා ॥ 11॥

පරීක්ෂ්ය ලෝකාන් කර්මචිතාන් බ්රාහ්මණෝ
නිර්වේදමායාන්නාස්ත්යකෘතඃ කෘතේන ।
තද්විජ්ඤානාර්ථං ස ගුරුමේවාභිගච්ඡේත්
සමිත්පාණිඃ ශ්රෝත්රියං බ්රහ්මනිෂ්ඨම් ॥ 12॥

තස්මෛ ස විද්වානුපසන්නාය සම්යක්
ප්රශාංතචිත්තාය ශමාන්විතාය ।
යේනාක්ෂරං පුරුෂං-වේඁද සත්යං ප්රෝවාච
තාං තත්ත්වතෝ බ්රහ්මවිද්යාම් ॥ 13॥

॥ ඉති මුංඩකෝපනිෂදි ප්රථමමුංඩකේ ද්විතීයඃ ඛංඩඃ ॥