ඕං භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒-ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්​ම් ස॑ස්ත॒නූභිඃ॑ । ව්යශේ॑ම දේ॒වහි॑තං॒-යඁදායුඃ॑ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑-ර්දධාතු ॥
ඕං ශාංතිඃ॒ ශාංතිඃ॒ ශාංතිඃ॑ ॥

॥ ඕං බ්රහ්මණේ නමඃ ॥

॥ ප්රථමමුංඩකේ ප්රථමඃ ඛංඩඃ ॥

ඕං බ්රහ්මා දේවානාං ප්රථමඃ සංබභූව විශ්වස්ය කර්තා
භුවනස්ය ගෝප්තා । ස බ්රහ්මවිද්යාං සර්වවිද්යාප්රතිෂ්ඨාමථර්වාය
ජ්යේෂ්ඨපුත්රාය ප්රාහ ॥ 1॥

අථර්වණේ යාං ප්රවදේත බ්රහ්මාऽථර්වා තං
පුරෝවාචාංගිරේ බ්රහ්මවිද්යාම් ।
ස භාරද්වාජාය සත්යවාහාය ප්රාහ
භාරද්වාජෝऽංගිරසේ පරාවරාම් ॥ 2॥

ශෞනකෝ හ වෛ මහාශාලෝऽංගිරසං-විඁධිවදුපසන්නඃ පප්රච්ඡ ।
කස්මින්නු භගවෝ විජ්ඤාතේ සර්වමිදං-විඁජ්ඤාතං භවතීති ॥ 3॥

තස්මෛ ස හෝවාච ।
ද්වේ විද්යේ වේදිතව්යේ ඉති හ ස්ම
යද්බ්රහ්මවිදෝ වදංති පරා චෛවාපරා ච ॥ 4॥

තත්රාපරා ඍග්වේදෝ යජුර්වේදඃ සාමවේදෝऽථර්වවේදඃ
ශික්ෂා කල්පෝ ව්යාකරණං නිරුක්තං ඡංදෝ ජ්යෝතිෂමිති ।
අථ පරා යයා තදක්ෂරමධිගම්යතේ ॥ 5॥

යත්තදද්රේශ්යමග්රාහ්යමගෝත්රමවර්ණ-
මචක්ෂුඃශ්රෝත්රං තදපාණිපාදම් ।
නිත්යං-විඁභුං සර්වගතං සුසූක්ෂ්මං
තදව්යයං-යඁද්භූතයෝනිං පරිපශ්යංති ධීරාඃ ॥ 6॥

යථෝර්ණනාභිඃ සෘජතේ ගෘහ්ණතේ ච
යථා පෘථිව්යාමෝෂධයඃ සංභවංති ।
යථා සතඃ පුරුෂාත් කේශලෝමානි
තථාऽක්ෂරාත් සංභවතීහ විශ්වම් ॥ 7॥

තපසා චීයතේ බ්රහ්ම තතෝऽන්නමභිජායතේ ।
අන්නාත් ප්රාණෝ මනඃ සත්යං-ලෝඁකාඃ කර්මසු චාමෘතම් ॥ 8॥

යඃ සර්වජ්ඤඃ සර්වවිද්යස්ය ජ්ඤානමයං තපඃ ।
තස්මාදේතද්බ්රහ්ම නාම රූපමන්නං ච ජායතේ ॥ 9॥

॥ ඉති මුංඩකෝපනිෂදි ප්රථමමුංඩකේ ප්රථමඃ ඛංඩඃ ॥