(තෛ-ආ-10-38ඃ40)

ඕං බ්රහ්ම॑මේතු॒ මාම් । මධු॑මේතු॒ මාම් ।
බ්රහ්ම॑මේ॒ව මධු॑මේතු॒ මාම් ।
යාස්තේ॑ සෝම ප්ර॒ජා ව॒ථ්සෝऽභි॒ සෝ අ॒හම් ।
දුෂ්ෂ්ව॑ප්න॒හංදු॑රුෂ්ව॒හ ।
යාස්තේ॑ සෝම ප්රා॒ණාග්​ම්ස්තාංජු॑හෝමි ।
ත්රිසු॑පර්ණ॒මයා॑චිතං බ්රාහ්ම॒ණාය॑ දද්යාත් ।
බ්ර॒හ්ම॒හ॒ත්යාං-වාඁ ඒ॒තේ ඝ්නං॑ති ।
යේ බ්රා᳚හ්ම॒ණාස්ත්රිසු॑පර්ණං॒ පඨං॑ති ।
තේ සෝමං॒ ප්රාප්නු॑වංති ।
ආ॒ස॒හ॒ස්රාත්පං॒ක්තිං පුනං॑ති ।
ඕම් ॥ 1

බ්රහ්ම॑ මේ॒ධයා᳚ ।
මධු॑ මේ॒ධයා᳚ ।
බ්රහ්ම॑මේ॒ව මධු॑ මේ॒ධයා᳚ ।
අ॒ද්යා නෝ॑ දේව සවිතඃ ප්ර॒ජාව॑ත්සාවී॒ස්සෞභ॑ගම් ।
පරා॑ දු॒ෂ්වප්නි॑යග්​ම් සුව ।
විශ්වා॑නි දේව සවිතර්දුරි॒තානි॒ පරා॑සුව ।
යද්භ॒ද්රං තන්ම॒ ආසු॑ව ।
මධු॒ වාතා॑ ඍතාය॒තේ මධු॑ ක්ෂරංති॒ සිංධ॑වඃ ।
මාධ්වී᳚ර්නස්සං॒ත්වෝෂ॑ධීඃ ।
මධු॒ නක්ත॑මු॒තෝෂසි॒ මධු॑ම॒ත්පාර්ථි॑ව॒ග්​ම්॒ රජඃ॑ ।
මධු॒ ද්යෞර॑ස්තු නඃ පි॒තා ।
මධු॑ මාන්නෝ॒ වන॒ස්පති॒ර්මධු॑මාග්​ම් අස්තු॒ සූර්යඃ॑ ।
මාධ්වී॒ර්ගාවෝ॑ භවංතු නඃ ।
ය ඉ॒මං ත්රිසු॑පර්ණ॒මයා॑චිතං බ්රාහ්ම॒ණාය॑ දද්යාත් ।
භ්රූ॒ණ॒හ॒ත්යාං-වාඁ ඒ॒තේ ඝ්නං॑ති ।
යේ බ්රා᳚හ්ම॒ණාස්ත්රිසු॑පර්ණං॒ පඨං॑ති ।
තේ සෝමං॒ ප්රාප්නු॑වංති ।
ආ॒ස॒හ॒ස්රාත්පං॒ක්තිං පුනං॑ති ।
ඕම් ॥ 2

බ්රහ්ම॑ මේ॒ධවා᳚ ।
මධු॑ මේ॒ධවා᳚ ।
බ්රහ්ම॑මේ॒ව මධු॑ මේ॒ධවා᳚ ।
බ්ර॒හ්මා දේ॒වානාං᳚ පද॒වීඃ ක॑වී॒නාමෘෂි॒ර්විප්රා॑ණාං මහි॒ෂෝ මෘ॒ගාණා᳚ම් ।
ශ්යේ॒නෝ ගෘද්ධ්රා॑ණා॒ග්​ම්॒ ස්වධි॑ති॒ර්වනා॑නා॒ග්​ම්॒ සෝමඃ॑ ප॒විත්ර॒මත්යේ॑ති॒ රේභන්න්॑ ।
හ॒ග්​ම්॒සශ්ශු॑චි॒ෂද්වසු॑රංතරික්ෂ॒සද්ධෝතා॑ වේදි॒ෂදති॑ථිර්දුරෝණ॒සත් ।
නෘ॒ෂද්ව॑ර॒සදෘ॑ත॒සද්ව්යෝ॑ම॒සද॒බ්ජා ගෝ॒ජා ඍ॑ත॒ජා අ॑ද්රි॒ජා ඍ॒තං බෘ॒හත් ।
ඍ॒චේ ත්වා॑ රු॒චේ ත්වා॒ සමිත්ස්ර॑වංති ස॒රිතෝ॒ න ධේනාඃ᳚ ।
අං॒තර්​හෘ॒දා මන॑සා පූ॒යමා॑නාඃ ।
ඝෘ॒තස්ය॒ ධාරා॑ අ॒භිචා॑කශීමි ।
හි॒ර॒ණ්යයෝ॑ වේත॒සෝ මද්ධ්ය॑ ආසාම් ।
තස්මිං᳚ථ්​සුප॒ර්ණෝ ම॑ධු॒කෘත් කු॑ලා॒යී භජ॑න්නාස්තේ॒ මධු॑ දේ॒වතා᳚භ්යඃ ।
තස්යා॑සතේ॒ හර॑යස්ස॒ප්ත තීරේ᳚ ස්ව॒ධාං දුහා॑නා අ॒මෘත॑ස්ය॒ ධාරා᳚ම් ।
ය ඉ॒දං ත්රිසු॑පර්ණ॒මයා॑චිතං බ්රාහ්ම॒ණාය॑ දද්යාත් ।
වී॒ර॒හ॒ත්යාං-වාඁ ඒ॒තේ ඝ්නංති ।
යේ බ්රා᳚හ්ම॒ණාස්ත්රිසු॑පර්ණං॒ පඨං॑ති ।
තේ සෝමං॒ ප්රාප්නු॑වංති ।
ආ॒ස॒හ॒ස්රාත්පං॒ක්තිං පුනං॑ති ।
ඕම් ॥ 3

ඕං ශාංතිඃ॒ ශාංතිඃ॒ ශාංතිඃ॑ ॥