ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ ।
තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ ॥
ඕං ශාංතිඃ॒ ශාංතිඃ॒ ශාංතිඃ॑ ॥
ඕං අථ පුරුෂෝ හ වෛ නාරායණෝऽකාමයත ප්රජාඃ සෘ॑ජේයේ॒ති ।
නා॒රා॒ය॒ණාත්ප්රා॑ණෝ ජා॒යතේ । මනඃ සර්වේංද්රි॑යාණි॒ ච ।
ඛං-වාඁයුර්ජ්යෝතිරාපඃ පෘථිවී විශ්ව॑ස්ය ධා॒රිණී ।
නා॒රා॒ය॒ණාද්බ්ර॑හ්මා ජා॒යතේ ।
නා॒රා॒ය॒ණාද්රු॑ද්රෝ ජා॒යතේ ।
නා॒රා॒ය॒ණාදිං॑ද්රෝ ජා॒යතේ ।
නා॒රා॒ය॒ණාත්ප්රජාපතයඃ ප්ර॑ජායං॒තේ ।
නා॒රා॒ය॒ණාද්ද්වාදශාදිත්යා රුද්රා වසවස්සර්වාණි ච ඡං॑දාග්ම්॒සි ।
නා॒රා॒ය॒ණාදේව සමු॑ත්පද්යං॒තේ ।
නා॒රා॒ය॒ණේ ප්ර॑වර්තං॒තේ ।
නා॒රා॒ය॒ණේ ප්ර॑ලීයං॒තේ ॥
ඕම් । අථ නිත්යෝ නා॑රාය॒ණඃ । බ්ර॒හ්මා නා॑රාය॒ණඃ ।
ශි॒වශ්ච॑ නාරාය॒ණඃ । ශ॒ක්රශ්ච॑ නාරාය॒ණඃ ।
ද්යා॒වා॒පෘ॒ථි॒ව්යෞ ච॑ නාරාය॒ණඃ । කා॒ලශ්ච॑ නාරාය॒ණඃ ।
දි॒ශශ්ච॑ නාරාය॒ණඃ । ඌ॒ර්ධ්වශ්ච॑ නාරාය॒ණඃ ।
අ॒ධශ්ච॑ නාරාය॒ණඃ । අං॒ත॒ර්බ॒හිශ්ච॑ නාරාය॒ණඃ ।
නාරායණ ඒවේ॑දග්ම් ස॒ර්වම් ।
යද්භූ॒තං-යඁච්ච॒ භව්යම්᳚ ।
නිෂ්කලෝ නිරංජනෝ නිර්විකල්පෝ නිරාඛ්යාතඃ ශුද්ධෝ දේව
ඒකෝ॑ නාරාය॒ණඃ । න ද්වි॒තීයෝ᳚ස්ති॒ කශ්චි॑ත් ।
ය ඒ॑වං-වේඁ॒ද ।
ස විෂ්ණුරේව භවති ස විෂ්ණුරේ॑ව භ॒වති ॥
ඕමිත්ය॑ග්රේ ව්යා॒හරේත් । නම ඉ॑ති ප॒ශ්චාත් ।
නා॒රා॒ය॒ණායේත්යු॑පරි॒ෂ්ටාත් ।
ඕමි॑ත්යේකා॒ක්ෂරම් । නම ඉති॑ ද්වේ අ॒ක්ෂරේ ।
නා॒රා॒ය॒ණායේති පංචා᳚ක්ෂරා॒ණි ।
ඒතද්වෛ නාරායණස්යාෂ්ටාක්ෂ॑රං ප॒දම් ।
යෝ හ වෛ නාරායණස්යාෂ්ටාක්ෂරං පද॑මධ්යේ॒ති ।
අනපබ්රවස්සර්වමා॑යුරේ॒ති ।
විංදතේ ප්රා॑ජාප॒ත්යග්ම් රායස්පෝෂං॑ ගෞප॒ත්යම් ।
තතෝऽමෘතත්වමශ්නුතේ තතෝऽමෘතත්වමශ්නු॑ත ඉ॒ති ।
ය ඒ॑වං-වේඁ॒ද ॥
ප්රත්යගානංදං බ්රහ්ම පුරුෂං ප්රණව॑ස්වරූ॒පම් ।
අකාර උකාර මකා॑ර ඉ॒ති ।
තානේකධා සමභරත්තදේත॑දෝමි॒ති ।
යමුක්ත්වා॑ මුච්ය॑තේ යෝ॒ගී॒ ජ॒න්ම॒සංසා॑රබං॒ධනාත් ।
ඕං නමෝ නාරායණායේති මං॑ත්රෝපා॒සකඃ ।
වෛකුංඨභුවනලෝකං॑ ගමි॒ෂ්යති ।
තදිදං පරං පුංඩරීකං-විඁ ॑ජ්ඤාන॒ඝනම් ।
තස්මාත්තදිදා॑වන්මා॒ත්රම් ।
බ්රහ්මණ්යෝ දේව॑කීපු॒ත්රෝ॒ බ්රහ්මණ්යෝ ම॑ධුසූ॒දනෝම් ।
සර්වභූතස්ථමේකං॑ නාරා॒යණම් ।
කාරණරූපමකාර ප॑රබ්ර॒හ්මෝම් ।
ඒතදථර්ව ශිරෝ॑යෝऽධී॒තේ ප්රා॒තර॑ධීයා॒නෝ॒ රාත්රිකෘතං පාපං॑ නාශ॒යති ।
සා॒යම॑ධීයා॒නෝ॒ දිවසකෘතං පාපං॑ නාශ॒යති ।
මාධ්යංදිනමාදිත්යාභිමුඛෝ॑ऽධීයා॒නඃ॒ පංචපාතකෝපපාතකා᳚ත්ප්රමු॒ච්යතේ ।
සර්ව වේද පාරායණ පු॑ණ්යං-ලඁ॒භතේ ।
නාරායණසායුජ්යම॑වාප්නෝ॒ති॒ නාරායණ සායුජ්යම॑වාප්නෝ॒ති ।
ය ඒ॑වං-වේඁ॒ද । ඉත්යු॑ප॒නිෂ॑ත් ॥
ඕං ස॒හ නා॑වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ ।
තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ ॥
ඕං ශාංතිඃ॒ ශාංතිඃ॒ ශාංතිඃ॑ ॥
