ඕං-විඁෂ්ණෝ॒ර්නුකං॑-වීඁ॒ර්යා॑ණි॒ ප්රවෝ॑චං॒ යඃ පාර්ථි॑වානි විම॒මේ රාජාග්ම්॑සි॒ යෝ අස්ක॑භාය॒දුත්ත॑රග්ම් ස॒ධස්ථං॑-විඁචක්රමා॒ණස්ත්රේ॒ධෝරු॑ගා॒යඃ ॥ 1 (තෛ. සං. 1.2.13.3)
විෂ්ණෝ॑ර॒රාට॑මසි॒ විෂ්ණෝඃ᳚ පෘ॒ෂ්ඨම॑සි॒ විෂ්ණෝඃ॒ ශ්නප්ත්රේ᳚ස්ථෝ॒ විෂ්ණෝ॒ස්ස්යූර॑සි॒ විෂ්ණෝ᳚ර්ධ්රු॒වම॑සි වෛෂ්ණ॒වම॑සි॒ විෂ්ණ॑වේ ත්වා ॥ 2 (තෛ. සං. 1.2.13.3)
තද॑ස්ය ප්රි॒යම॒භිපාථෝ॑ අශ්යාම් । නරෝ॒ යත්ර॑ දේව॒යවෝ॒ මදං॑ති । උ॒රු॒ක්ර॒මස්ය॒ ස හි බංධු॑රි॒ත්ථා । විෂ්ණෝ᳚ ප॒දේ ප॑ර॒මේ මධ්ව॒ උථ්සඃ॑ ॥ 3 (තෛ. බ්රා. 2.4.6.2)
ප්ර තද්විෂ්ණු॑-ස්ස්තවතේ වී॒ර්යා॑ය । මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ । යස්යෝ॒රුෂු॑ ත්රි॒ෂු වි॒ක්රම॑ණේෂු । අධි॑ක්ෂ॒යංති॒ භුව॑නානි॒ විශ්වා᳚ ॥ 4 (තෛ. බ්රා. 2.4.3.4)
ප॒රෝ මාත්ර॑යා ත॒නුවා॑ වෘධාන । න තේ॑ මහි॒ත්වමන්ව॑ශ්නුවංති । උ॒භේ තේ॑ විද්ම॒ රජ॑සී පෘථි॒ව්යා විෂ්ණෝ॑ දේව॒ත්වම් । ප॒ර॒මස්ය॑ විථ්සේ ॥ 5 (තෛ. බ්රා. 2.8.3.2)
විච॑ක්රමේ පෘථි॒වීමේ॒ෂ ඒ॒තාම් । ක්ෂේත්රා॑ය॒ විෂ්ණු॒ර්මනු॑ෂේ දශ॒ස්යන්න් । ධ්රු॒වාසෝ॑ අස්ය කී॒රයෝ॒ ජනා॑සඃ । ඌ॒රු॒ක්ෂි॒තිග්ම් සු॒ජනි॑මාචකාර ॥ 6 (තෛ. බ්රා. 2.4.3.5)
ත්රිර්දේ॒වඃ පෘ॑ථි॒වීමේ॒ෂ ඒ॒තාම් । විච॑ක්රමේ ශ॒තර්ච॑සං මහි॒ත්වා । ප්ර විෂ්ණු॑රස්තු ත॒වස॒ස්තවී॑යාන් । ත්වේ॒ෂග්ග් හ්ය॑ස්ය॒ ස්ථවි॑රස්ය॒ නාම॑ ॥ 7 (තෛ. බ්රා. 2.4.3.5)
අතෝ॑ දේ॒වා අ॑වංතු නෝ॒ යතෝ॒ විෂ්ණු॑ර්විචක්ර॒මේ । පෘ॒ථි॒ව්යා-ස්ස॒ප්තධාම॑භිඃ । ඉ॒දං-විඁෂ්ණු॒ර්විච॑ක්රමේ ත්රේ॒ධා නිද॑ධේ ප॒දම් । සමූ॑ඪමස්ය පාග්ම් සු॒රේ ॥ ත්රීණි॑ ප॒දා විච॑ක්රමේ॒ විෂ්ණු॑ර්ගෝ॒පා අදා᳚භ්යඃ । තතෝ॒ ධර්මා॑ණි ධා॒රයන්॑ । විෂ්ණෝඃ॒ කර්මා॑ණි පශ්යත॒ යතෝ᳚ ව්ර॒තානි॑ පස්ප॒ශේ । ඉංද්ර॑ස්ය॒ යුජ්ය॒ස්සඛා᳚ ॥
තද්විෂ්ණෝඃ᳚ පර॒මං ප॒දග්ම් සදා॑ පශ්යංති සූ॒රයඃ॑ । දි॒වීව॒ චක්ෂු॒රාත॑තම් । තද්විප්රා॑සෝ විප॒න්යවෝ॑ ජාගෘ॒වාග්ම් ස॒ස්සමිං॑ධතේ । විෂ්ණෝ॒ර්යත්ප॑ර॒මං ප॒දම් । පර්යා᳚ප්ත්යා॒ අනං॑තරායාය॒ සර්ව॑ස්තෝමෝऽති රා॒ත්ර උ॑ත්ත॒ම මහ॑ර්භවති සර්ව॒ස්යාප්ත්යෛ॒ සර්ව॑ස්ය॒ ජිත්ත්යෛ॒ සර්ව॑මේ॒ව තේනා᳚ප්නෝති॒ සර්වං॑ ජයති ॥
ඕං ශාංතිඃ॒ ශාංතිඃ॒ ශාංතිඃ॑ ॥
