॥ ද්විතීය මුංඩකේ ද්විතීයඃ ඛංඩඃ ॥

ආවිඃ සංනිහිතං ගුහාචරං නාම
මහත්පදමත්රෛතත් සමර්පිතම් ।
ඒජත්ප්රාණන්නිමිෂච්ච යදේතජ්ජානථ
සදසද්වරේණ්යං පරං-විඁජ්ඤානාද්යද්වරිෂ්ඨං ප්රජානාම් ॥ 1॥

යදර්චිමද්යදණුභ්යෝऽණු ච
යස්මිංල්ලෝකා නිහිතා ලෝකිනශ්ච ।
තදේතදක්ෂරං බ්රහ්ම ස ප්රාණස්තදු වාඞ්මනඃ
තදේතත්සත්යං තදමෘතං තද්වේද්ධව්යං සෝම්ය විද්ධි ॥ 2॥

ධනුර් ගෘහීත්වෞපනිෂදං මහාස්ත්රං
ශරං හ්යුපාසා නිශිතං සංධයීත ।
ආයම්ය තද්භාවගතේන චේතසා
ලක්ෂ්යං තදේවාක්ෂරං සෝම්ය විද්ධි ॥ 3॥

ප්රණවෝ ධනුඃ ශාරෝ හ්යාත්මා බ්රහ්ම තල්ලක්ෂ්යමුච්යතේ ।
අප්රමත්තේන වේද්ධව්යං ශරවත් තන්මයෝ භවේත් ॥ 4॥

යස්මින් ද්යෞඃ පෘථිවී චාංතරික්ෂමෝතං
මනඃ සහ ප්රාණෛශ්ච සර්වෛඃ ।
තමේවෛකං ජානථ ආත්මානමන්යා වාචෝ
විමුංචථාමෘතස්යෛෂ සේතුඃ ॥ 5॥

අරා ඉව රථනාභෞ සංහතා යත්ර නාඩ්යඃ ।
ස ඒෂෝऽංතශ්චරතේ බහුධා ජායමානඃ ।
ඕමිත්යේවං ධ්යායථ ආත්මානං ස්වස්ති වඃ
පාරාය තමසඃ පරස්තාත් ॥ 6॥

යඃ සර්වජ්ඤඃ සර්වවිද් යස්යෛෂ මහිමා භුවි ।
දිව්යේ බ්රහ්මපුරේ හ්යේෂ ව්යෝම්න්යාත්මා ප්රතිෂ්ඨිතඃ ॥

මනෝමයඃ ප්රාණශරීරනේතා
ප්රතිෂ්ඨිතෝऽන්නේ හෘදයං සන්නිධාය ।
තද් විජ්ඤානේන පරිපශ්යංති ධීරා
ආනංදරූපමමෘතං-යඁද් විභාති ॥ 7॥

භිද්යතේ හෘදයග්රංථිශ්ඡිද්යංතේ සර්වසංශයාඃ ।
ක්ෂීයංතේ චාස්ය කර්මාණි තස්මින් දෘෂ්ටේ පරාවරේ ॥ 8॥

හිරණ්මයේ පරේ කෝශේ විරජං බ්රහ්ම නිෂ්කලම් ।
තච්ඡුභ්රං ජ්යෝතිෂං ජ්යෝතිස්තද් යදාත්මවිදෝ විදුඃ ॥ 9॥

න තත්ර සූර්යෝ භාති න චංද්රතාරකං
නේමා විද්යුතෝ භාංති කුතෝऽයමග්නිඃ ।
තමේව භාංතමනුභාති සර්වං
තස්ය භාසා සර්වමිදං-විඁභාති ॥ 10॥

බ්රහ්මෛවේදමමෘතං පුරස්තාද් බ්රහ්ම පශ්චාද් බ්රහ්ම දක්ෂිණතශ්චෝත්තරේණ ।
අධශ්චෝර්ධ්වං ච ප්රසෘතං බ්රහ්මෛවේදං-විඁශ්වමිදං-වඁරිෂ්ඨම් ॥ 11॥

॥ ඉති මුංඩකෝපනිෂදි ද්විතීයමුංඩකේ ද්විතීයඃ ඛංඩඃ ॥