(তৈ-আ-10-38ঃ40)

ওং ব্রহ্ম॑মেতু॒ মাম্ । মধু॑মেতু॒ মাম্ ।
ব্রহ্ম॑মে॒ব মধু॑মেতু॒ মাম্ ।
যাস্তে॑ সোম প্র॒জা ব॒থ্সোঽভি॒ সো অ॒হম্ ।
দুষ্ষ্ব॑প্ন॒হংদু॑রুষ্ব॒হ ।
যাস্তে॑ সোম প্রা॒ণাগ্​ম্স্তাংজু॑হোমি ।
ত্রিসু॑পর্ণ॒ময়া॑চিতং ব্রাহ্ম॒ণায়॑ দদ্য়াত্ ।
ব্র॒হ্ম॒হ॒ত্য়াং-বাঁ এ॒তে ঘ্নং॑তি ।
যে ব্রা᳚হ্ম॒ণাস্ত্রিসু॑পর্ণং॒ পঠং॑তি ।
তে সোমং॒ প্রাপ্নু॑বংতি ।
আ॒স॒হ॒স্রাত্পং॒ক্তিং পুনং॑তি ।
ওম্ ॥ 1

ব্রহ্ম॑ মে॒ধয়া᳚ ।
মধু॑ মে॒ধয়া᳚ ।
ব্রহ্ম॑মে॒ব মধু॑ মে॒ধয়া᳚ ।
অ॒দ্য়া নো॑ দেব সবিতঃ প্র॒জাব॑ত্সাবী॒স্সৌভ॑গম্ ।
পরা॑ দু॒ষ্বপ্নি॑য়গ্​ম্ সুব ।
বিশ্বা॑নি দেব সবিতর্দুরি॒তানি॒ পরা॑সুব ।
যদ্ভ॒দ্রং তন্ম॒ আসু॑ব ।
মধু॒ বাতা॑ ঋতায়॒তে মধু॑ ক্ষরংতি॒ সিংধ॑বঃ ।
মাধ্বী᳚র্নস্সং॒ত্বোষ॑ধীঃ ।
মধু॒ নক্ত॑মু॒তোষসি॒ মধু॑ম॒ত্পার্থি॑ব॒গ্​ম্॒ রজঃ॑ ।
মধু॒ দ্য়ৌর॑স্তু নঃ পি॒তা ।
মধু॑ মান্নো॒ বন॒স্পতি॒র্মধু॑মাগ্​ম্ অস্তু॒ সূর্য়ঃ॑ ।
মাধ্বী॒র্গাবো॑ ভবংতু নঃ ।
য ই॒মং ত্রিসু॑পর্ণ॒ময়া॑চিতং ব্রাহ্ম॒ণায়॑ দদ্য়াত্ ।
ভ্রূ॒ণ॒হ॒ত্য়াং-বাঁ এ॒তে ঘ্নং॑তি ।
যে ব্রা᳚হ্ম॒ণাস্ত্রিসু॑পর্ণং॒ পঠং॑তি ।
তে সোমং॒ প্রাপ্নু॑বংতি ।
আ॒স॒হ॒স্রাত্পং॒ক্তিং পুনং॑তি ।
ওম্ ॥ 2

ব্রহ্ম॑ মে॒ধবা᳚ ।
মধু॑ মে॒ধবা᳚ ।
ব্রহ্ম॑মে॒ব মধু॑ মে॒ধবা᳚ ।
ব্র॒হ্মা দে॒বানাং᳚ পদ॒বীঃ ক॑বী॒নামৃষি॒র্বিপ্রা॑ণাং মহি॒ষো মৃ॒গাণা᳚ম্ ।
শ্য়ে॒নো গৃদ্ধ্রা॑ণা॒গ্​ম্॒ স্বধি॑তি॒র্বনা॑না॒গ্​ম্॒ সোমঃ॑ প॒বিত্র॒মত্য়ে॑তি॒ রেভন্ন্॑ ।
হ॒গ্​ম্॒সশ্শু॑চি॒ষদ্বসু॑রংতরিক্ষ॒সদ্ধোতা॑ বেদি॒ষদতি॑থির্দুরোণ॒সত্ ।
নৃ॒ষদ্ব॑র॒সদৃ॑ত॒সদ্ব্য়ো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒তং বৃ॒হত্ ।
ঋ॒চে ত্বা॑ রু॒চে ত্বা॒ সমিত্স্র॑বংতি স॒রিতো॒ ন ধেনাঃ᳚ ।
অং॒তর্​হৃ॒দা মন॑সা পূ॒যমা॑নাঃ ।
ঘৃ॒তস্য়॒ ধারা॑ অ॒ভিচা॑কশীমি ।
হি॒র॒ণ্যয়ো॑ বেত॒সো মদ্ধ্য়॑ আসাম্ ।
তস্মিং᳚থ্​সুপ॒র্ণো ম॑ধু॒কৃত্ কু॑লা॒য়ী ভজ॑ন্নাস্তে॒ মধু॑ দে॒বতা᳚ভ্য়ঃ ।
তস্য়া॑সতে॒ হর॑যস্স॒প্ত তীরে᳚ স্ব॒ধাং দুহা॑না অ॒মৃত॑স্য়॒ ধারা᳚ম্ ।
য ই॒দং ত্রিসু॑পর্ণ॒ময়া॑চিতং ব্রাহ্ম॒ণায়॑ দদ্য়াত্ ।
বী॒র॒হ॒ত্য়াং-বাঁ এ॒তে ঘ্নংতি ।
যে ব্রা᳚হ্ম॒ণাস্ত্রিসু॑পর্ণং॒ পঠং॑তি ।
তে সোমং॒ প্রাপ্নু॑বংতি ।
আ॒স॒হ॒স্রাত্পং॒ক্তিং পুনং॑তি ।
ওম্ ॥ 3

ওং শাংতিঃ॒ শাংতিঃ॒ শাংতিঃ॑ ॥