(ঋ.6.28.1)
আ গাবো॑ অগ্মন্নু॒ত ভ॒দ্রম॑ক্রং॒ত্সীদং॑তু গো॒ষ্ঠে র॒ণয়ং॑ত্ব॒স্মে ।
প্র॒জাব॑তীঃ পুরু॒রুপা॑ ই॒হ স্য়ু॒রিংদ্রা॑য় পূ॒র্বীরু॒ষসো॒ দুহা॑নাঃ ॥ 1
ইংদ্রো॒ যজ্ব॑নে পৃণ॒তে চ॑ শিক্ষ॒ত্য়ুপেদ্দ॑দাতি॒ ন স্বং মা॑ষুযতি ।
ভূয়ো॑ভূয়ো র॒য়িমিদ॑স্য় ব॒র্ধয়॒ন্নভি॑ন্নে খি॒ল্য়ে নি দ॑ধাতি দেব॒য়ুম্ ॥ 2
ন তা ন॑শংতি॒ ন দ॑ভাতি॒ তস্ক॑রো॒ নাসা॑মামি॒ত্রো ব্যথি॒রা দ॑ধর্ষতি ।
দে॒বাংশ্চ॒ যাভি॒র্যজ॑তে॒ দদা॑তি চ॒ জ্য়োগিত্তাভিঃ॑ সচতে॒ গোপ॑তিঃ স॒হ ॥ 3
ন তা অর্বা॑ রে॒ণুক॑কাটো অশ্নুতে॒ ন সং॑স্কৃত॒ত্রমুপ॑ যংতি॒ তা অ॒ভি ।
উ॒রু॒গা॒যমভ॑য়ং॒ তস্য়॒ তা অনু॒ গাবো॒ মর্ত॑স্য়॒ বি চ॑রংতি॒ যজ্ব॑নঃ ॥ 4
গাবো॒ ভগো॒ গাব॒ ইংদ্রো॑ ম অচ্ছা॒ন্ গাবঃ॒ সোম॑স্য় প্রথ॒মস্য়॑ ভ॒ক্ষঃ ।
ই॒মা যা গাবঃ॒ স জ॑নাস॒ ইংদ্র॑ ই॒চ্ছামীদ্ধৃ॒দা মন॑সা চি॒দিংদ্র॑ম্ ॥ 5
যূ॒য়ং গা॑বো মেদযথা কৃ॒শং চি॑দশ্রী॒রং চি॑ত্কৃণুথা সু॒প্রতী॑কম্ ।
ভ॒দ্রং গৃ॒হং কৃ॑ণুথ ভদ্রবাচো বৃ॒হদ্বো॒ বয়॑ উচ্যতে স॒ভাসু॑ ॥ 6
প্র॒জাব॑তীঃ সূ॒যব॑সং রি॒শংতীঃ॑ শু॒দ্ধা অ॒পঃ সু॑প্রপা॒ণে পিবং॑তীঃ ।
মা বঃ॑ স্তে॒ন ঈ॑শত॒ মাঘশং॑সঃ॒ পরি॑ বো হে॒তি রু॒দ্রস্য়॑ বৃজ্য়াঃ ॥ 7
উপে॒দমু॑প॒পর্চ॑নমা॒সু গোষূপ॑ পৃচ্যতাম্ ।
উপ॑ ঋষ॒ভস্য়॒ রেত॒স্য়ুপেং॑দ্র॒ তব॑ বী॒র্য়ে॑ ॥ 8
ওং শাংতিঃ॒ শাংতিঃ॒ শাংতিঃ॑ ॥
