ওং স॒হ না॑ববতু । স॒হ নৌ॑ ভুনক্তু । স॒হ বী॒র্য়ং॑ করবাবহৈ ।
তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ॥
ওং শাংতিঃ॒ শাংতিঃ॒ শাংতিঃ॑ ॥
[ধা॒তা পু॒রস্তা॒দ্যমু॑দাজ॒হার॑ । শ॒ক্রঃ প্রবি॒দ্বান্-প্র॒দিশ॒শ্চত॑স্রঃ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্য়ঃ পংথা॒ অয়॑নায় বিদ্যতে ॥]
ওম্ ॥ স॒হ॒স্র॒শীর্॑ষং দে॒বং॒ বি॒শ্বাক্ষং॑-বিঁ॒শ্বশং॑ভুবম্ ।
বিশ্বং॑ না॒রায়॑ণং দে॒ব॒ম॒ক্ষরং॑ পর॒মং প॒দম্ ।
বি॒শ্বতঃ॒ পর॑মান্নি॒ত্য়ং॒-বিঁ॒শ্বং না॑রায়॒ণগ্ম্ হ॑রিম্ ।
বিশ্ব॑মে॒বেদং পুরু॑ষ॒-স্তদ্বিশ্ব-মুপ॑জীবতি ।
পতিং॒-বিঁশ্ব॑স্য়া॒ত্মেশ্ব॑র॒গ্ম্॒ শাশ্ব॑তগ্ম্ শি॒ব-ম॑চ্য়ুতম্ ।
না॒রায়॒ণং ম॑হাজ্ঞে॒য়ং॒-বিঁ॒শ্বাত্মা॑নং প॒রায়॑ণম্ ।
না॒রায়॒ণপ॑রো জ্য়ো॒তি॒রা॒ত্মা না॑রায়॒ণঃ প॑রঃ ।
না॒রায়॒ণপরং॑ ব্র॒হ্ম॒ তত্ত্বং না॑রায়॒ণঃ প॑রঃ ।
না॒রায়॒ণপ॑রো ধ্য়া॒তা॒ ধ্য়া॒নং না॑রায়॒ণঃ প॑রঃ ।
যচ্চ॑ কিং॒চিজ্জ॑গত্স॒র্বং॒ দৃ॒শ্যতে᳚ শ্রূয়॒তেঽপি॑ বা ॥
অংত॑র্ব॒হিশ্চ॑ তত্স॒র্বং॒-ব্য়াঁ॒প্য় না॑রায়॒ণঃ স্থি॑তঃ ।
অনংত॒মব্যয়ং॑ ক॒বিগ্ম্ স॑মু॒দ্রেংঽতং॑-বিঁ॒শ্বশং॑ভুবম্ ।
প॒দ্ম॒কো॒শ-প্র॑তীকা॒শ॒গ্ম্॒ হৃ॒দয়ং॑ চাপ্য়॒ধোমু॑খম্ ।
অধো॑ নি॒ষ্ট্য়া বি॑তস্য়াং॒তে॒ না॒ভ্য়ামু॑পরি॒ তিষ্ঠ॑তি ।
জ্বা॒ল॒মা॒লাকু॑লং ভা॒তী॒ বি॒শ্বস্য়া॑যত॒নং ম॑হত্ ।
সংত॑তগ্ম্ শি॒লাভি॑স্তু॒ লংব॑ত্য়াকোশ॒সন্নি॑ভম্ ।
তস্য়াংতে॑ সুষি॒রগ্ম্ সূ॒ক্ষ্মং তস্মিন্᳚ স॒র্বং প্রতি॑ষ্ঠিতম্ ।
তস্য়॒ মধ্য়ে॑ ম॒হান॑গ্নি-র্বি॒শ্বার্চি॑-র্বি॒শ্বতো॑মুখঃ ।
সোঽগ্র॑ভু॒গ্বিভ॑জংতি॒ষ্ঠ॒-ন্নাহা॑রমজ॒রঃ ক॒বিঃ ।
তি॒র্য়॒গূ॒র্ধ্বম॑ধশ্শা॒য়ী॒ র॒শ্ময়॑স্তস্য়॒ সংত॑তা ।
সং॒তা॒পয়॑তি স্বং দে॒হমাপা॑দতল॒মস্ত॑কঃ ।
তস্য়॒ মধ্য়ে॒ বহ্নি॑শিখা অ॒ণীয়ো᳚র্ধ্বা ব্য়॒বস্থি॑তঃ ।
নী॒লতো॑-যদ॑মধ্য়॒স্থা॒-দ্বি॒ধ্য়ুল্লে॑খেব॒ ভাস্ব॑রা ।
নী॒বার॒শূক॑বত্ত॒ন্বী॒ পী॒তা ভা᳚স্বত্য়॒ণূপ॑মা ।
তস্য়াঃ᳚ শিখা॒য়া ম॑ধ্য়ে প॒রমা᳚ত্মা ব্য়॒বস্থি॑তঃ ।
স ব্রহ্ম॒ স শিবঃ॒ স হরিঃ॒ সেংদ্রঃ॒ সোঽক্ষ॑রঃ পর॒মঃ স্ব॒রাট্ ॥
ঋতগ্ম্ স॒ত্য়ং প॑রং ব্র॒হ্ম॒ পু॒রুষং॑ কৃষ্ণ॒পিংগ॑লম্ ।
ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায়॒ বৈ নমো॒ নমঃ॑ ॥
ওং না॒রা॒য়॒ণায়॑ বি॒দ্মহে॑ বাসুদে॒বায়॑ ধীমহি ।
তন্নো॑ বিষ্ণুঃ প্রচো॒দয়া᳚ত্ ॥
ওং শাংতিঃ॒ শাংতিঃ॒ শাংতিঃ॑ ॥
