ફલશ્રુતિર્નામ દ્વાદશોઽધ્યાયઃ ॥
ધ્યાનં
વિધ્યુદ્ધામ સમપ્રભાં મૃગપતિ સ્કંધ સ્થિતાં ભીષણાં।
કન્યાભિઃ કરવાલ ખેટ વિલસદ્દસ્તાભિ રાસેવિતાં
હસ્તૈશ્ચક્ર ગધાસિ ખેટ વિશિખાં ગુણં તર્જનીં
વિભ્રાણ મનલાત્મિકાં શિશિધરાં દુર્ગાં ત્રિનેત્રાં ભજે
દેવ્યુવાચ॥1॥
એભિઃ સ્તવૈશ્ચ મા નિત્યં સ્તોષ્યતે યઃ સમાહિતઃ।
તસ્યાહં સકલાં બાધાં નાશયિષ્યામ્ય સંશયમ્ ॥2॥
મધુકૈટભનાશં ચ મહિષાસુરઘાતનમ્।
કીર્તિયિષ્યંતિ યે ત દ્વદ્વધં શુંભનિશુંભયોઃ ॥3॥
અષ્ટમ્યાં ચ ચતુર્ધશ્યાં નવમ્યાં ચૈકચેતસઃ।
શ્રોષ્યંતિ ચૈવ યે ભક્ત્યા મમ માહાત્મ્યમુત્તમમ્ ॥4॥
ન તેષાં દુષ્કૃતં કિંચિદ્ દુષ્કૃતોત્થા ન ચાપદઃ।
ભવિષ્યતિ ન દારિદ્ર્યં ન ચૈ વેષ્ટવિયોજનમ્ ॥5॥
શત્રુભ્યો ન ભયં તસ્ય દસ્યુતો વા ન રાજતઃ।
ન શસ્ત્રાનલતો યૌઘાત્ કદાચિત્ સંભવિષ્યતિ ॥6॥
તસ્માન્મમૈતન્માહત્મ્યં પઠિતવ્યં સમાહિતૈઃ।
શ્રોતવ્યં ચ સદા ભક્ત્યા પરં સ્વસ્ત્યયનં હિ તત્ ॥7॥
ઉપ સર્ગાન શેષાંસ્તુ મહામારી સમુદ્ભવાન્।
તથા ત્રિવિધ મુત્પાતં માહાત્મ્યં શમયેન્મમ ॥8॥
યત્રૈત ત્પઠ્યતે સમ્યઙ્નિત્યમાયતને મમ।
સદા ન તદ્વિમોક્ષ્યામિ સાન્નિધ્યં તત્ર મેસ્થિતમ્ ॥9॥
બલિ પ્રદાને પૂજાયામગ્નિ કાર્યે મહોત્સવે।
સર્વં મમૈતન્માહાત્મ્યં ઉચ્ચાર્યં શ્રાવ્યમેવચ ॥10॥
જાનતાજાનતા વાપિ બલિ પૂજાં તથા કૃતામ્।
પ્રતીક્ષિષ્યામ્યહં પ્રીત્યા વહ્નિ હોમં તથા કૃતમ્ ॥11॥
શરત્કાલે મહાપૂજા ક્રિયતે યાચ વાર્ષિકી।
તસ્યાં મમૈતન્માહાત્મ્યં શ્રુત્વા ભક્તિસમન્વિતઃ ॥12॥
સર્વબાધાવિનિર્મુક્તો ધનધાન્યસમન્વિતઃ।
મનુષ્યો મત્પ્રસાદેન ભવિષ્યતિ ન સંશયઃ॥13॥
શ્રુત્વા મમૈતન્માહાત્મ્યં તથા ચોત્પત્તયઃ શુભાઃ।
પરાક્રમં ચ યુદ્ધેષુ જાયતે નિર્ભયઃ પુમાન્॥14॥
રિપવઃ સંક્ષયં યાંતિ કળ્યાણાં ચોપપધ્યતે।
નંદતે ચ કુલં પુંસાં મહાત્મ્યં મમશૃણ્વતામ્॥15॥
શાંતિકર્માણિ સર્વત્ર તથા દુઃસ્વપ્નદર્શને।
ગ્રહપીડાસુ ચોગ્રાસુ મહાત્મ્યં શૃણુયાન્મમ॥16॥
ઉપસર્ગાઃ શમં યાંતિ ગ્રહપીડાશ્ચ દારુણાઃ
દુઃસ્વપ્નં ચ નૃભિર્દૃષ્ટં સુસ્વપ્નમુપજાયતે॥17॥
બાલગ્રહાભિભૂતાનં બાલાનાં શાંતિકારકમ્।
સંઘાતભેદે ચ નૃણાં મૈત્રીકરણમુત્તમમ્॥18॥
દુર્વૃત્તાનામશેષાણાં બલહાનિકરં પરમ્।
રક્ષોભૂતપિશાચાનાં પઠનાદેવ નાશનમ્॥19॥
સર્વં મમૈતન્માહાત્મ્યં મમ સન્નિધિકારકમ્।
પશુપુષ્પાર્ઘ્યધૂપૈશ્ચ ગંધદીપૈસ્તથોત્તમૈઃ॥20॥
વિપ્રાણાં ભોજનૈર્હોમૈઃ પ્રોક્ષણીયૈરહર્નિશમ્।
અન્યૈશ્ચ વિવિધૈર્ભોગૈઃ પ્રદાનૈર્વત્સરેણ યા॥21॥
પ્રીતિર્મે ક્રિયતે સાસ્મિન્ સકૃદુચ્ચરિતે શ્રુતે।
શ્રુતં હરતિ પાપાનિ તથારોગ્યં પ્રયચ્છતિ॥22॥
રક્ષાં કરોતિ ભૂતેભ્યો જન્મનાં કીર્તિનં મમ।
યુદ્દેષુ ચરિતં યન્મે દુષ્ટ દૈત્ય નિબર્હણમ્॥23॥
તસ્મિંછૃતે વૈરિકૃતં ભયં પુંસાં ન જાયતે।
યુષ્માભિઃ સ્તુતયો યાશ્ચ યાશ્ચ બ્રહ્મર્ષિભિઃ કૃતાઃ॥24॥
બ્રહ્મણા ચ કૃતાસ્તાસ્તુ પ્રયચ્છંતુ શુભાં મતિમ્।
અરણ્યે પ્રાંતરે વાપિ દાવાગ્નિ પરિવારિતઃ॥25॥
દસ્યુભિર્વા વૃતઃ શૂન્યે ગૃહીતો વાપિ શતૃભિઃ।
સિંહવ્યાઘ્રાનુયાતો વા વનેવા વન હસ્તિભિઃ॥26॥
રાજ્ઞા ક્રુદ્દેન ચાજ્ઞપ્તો વધ્યો બંદ ગતોઽપિવા।
આઘૂર્ણિતો વા વાતેન સ્થિતઃ પોતે મહાર્ણવે॥27॥
પતત્સુ ચાપિ શસ્ત્રેષુ સંગ્રામે ભૃશદારુણે।
સર્વાબાધાશુ ઘોરાસુ વેદનાભ્યર્દિતોઽપિવા॥28॥
સ્મરન્ મમૈતચ્ચરિતં નરો મુચ્યેત સંકટાત્।
મમ પ્રભાવાત્સિંહાદ્યા દસ્યવો વૈરિણ સ્તથા॥29॥
દૂરાદેવ પલાયંતે સ્મરતશ્ચરિતં મમ॥30॥
ઋષિરુવાચ॥31॥
ઇત્યુક્ત્વા સા ભગવતી ચંડિકા ચંડવિક્રમા।
પશ્યતાં સર્વ દેવાનાં તત્રૈવાંતરધીયત॥32॥
તેઽપિ દેવા નિરાતંકાઃ સ્વાધિકારાન્યથા પુરા।
યજ્ઞભાગભુજઃ સર્વે ચક્રુર્વિ નિહતારયઃ॥33॥
દૈત્યાશ્ચ દેવ્યા નિહતે શુંભે દેવરિપૌ યુધિ
જગદ્વિધ્વંસકે તસ્મિન્ મહોગ્રેઽતુલ વિક્રમે॥34॥
નિશુંભે ચ મહાવીર્યે શેષાઃ પાતાળમાયયુઃ॥35॥
એવં ભગવતી દેવી સા નિત્યાપિ પુનઃ પુનઃ।
સંભૂય કુરુતે ભૂપ જગતઃ પરિપાલનમ્॥36॥
તયૈતન્મોહ્યતે વિશ્વં સૈવ વિશ્વં પ્રસૂયતે।
સાયાચિતા ચ વિજ્ઞાનં તુષ્ટા ઋદ્ધિં પ્રયચ્છતિ॥37॥
વ્યાપ્તં તયૈતત્સકલં બ્રહ્માંડં મનુજેશ્વર।
મહાદેવ્યા મહાકાળી મહામારી સ્વરૂપયા॥38॥
સૈવ કાલે મહામારી સૈવ સૃષ્તિર્ભવત્યજા।
સ્થિતિં કરોતિ ભૂતાનાં સૈવ કાલે સનાતની॥39॥
ભવકાલે નૃણાં સૈવ લક્ષ્મીર્વૃદ્ધિપ્રદા ગૃહે।
સૈવાભાવે તથા લક્ષ્મી ર્વિનાશાયોપજાયતે॥40॥
સ્તુતા સંપૂજિતા પુષ્પૈર્ગંધધૂપાદિભિસ્તથા।
દદાતિ વિત્તં પુત્રાંશ્ચ મતિં ધર્મે ગતિં શુભાં॥41॥
॥ ઇતિ શ્રી માર્કંડેય પુરાણે સાવર્નિકે મન્વંતરે દેવી મહત્મ્યે ફલશ્રુતિર્નામ દ્વાદશોઽધ્યાય સમાપ્તમ્ ॥
આહુતિ
ઓં ક્લીં જયંતી સાંગાયૈ સશક્તિકાયૈ સપરિવારાયૈ સવાહનાયૈ વરપ્રધાયૈ વૈષ્ણવી દેવ્યૈ અહાહુતિં સમર્પયામિ નમઃ સ્વાહા ॥
