ધ્યાનમ્ ।
શ્રીમચ્ચંદનચર્ચિતોજ્જ્વલવપુઃ શુક્લાંબરા મલ્લિકા-
માલાલાલિત કુંતલા પ્રવિલસન્મુક્તાવલીશોભના ।
સર્વજ્ઞાનનિધાનપુસ્તકધરા રુદ્રાક્ષમાલાંકિતા
વાગ્દેવી વદનાંબુજે વસતુ મે ત્રૈલોક્યમાતા શુભા ॥

શ્રી નારદ ઉવાચ –
ભગવન્પરમેશાન સર્વલોકૈકનાયક ।
કથં સરસ્વતી સાક્ષાત્પ્રસન્ના પરમેષ્ઠિનઃ ॥ 2 ॥

કથં દેવ્યા મહાવાણ્યાસ્સતત્પ્રાપ સુદુર્લભમ્ ।
એતન્મે વદ તત્ત્વેન મહાયોગીશ્વર પ્રભો ॥ 3 ॥

શ્રી સનત્કુમાર ઉવાચ –
સાધુ પૃષ્ટં ત્વયા બ્રહ્મન્ ગુહ્યાદ્ગુહ્યમનુત્તમમ્ ।
મયાનુગોપિતં યત્નાદિદાનીં સત્પ્રકાશ્યતે ॥ 4 ॥

પુરા પિતામહં દૃષ્ટ્વા જગત્સ્થાવરજંગમમ્ ।
નિર્વિકારં નિરાભાસં સ્તંભીભૂતમચેતસમ્ ॥ 5 ॥

સૃષ્ટ્વા ત્રૈલોક્યમખિલં વાગભાવાત્તથાવિધમ્ ।
આધિક્યાભાવતઃ સ્વસ્ય પરમેષ્ઠી જગદ્ગુરુઃ ॥ 6 ॥

દિવ્યવર્ષાયુતં તેન તપો દુષ્કરમુત્તમમ્ ।
તતઃ કદાચિત્સંજાતા વાણી સર્વાર્થશોભિતા ॥ 7 ॥

અહમસ્મિ મહાવિદ્યા સર્વવાચામધીશ્વરી ।
મમ નામ્નાં સહસ્રં તુ ઉપદેક્ષ્યામ્યનુત્તમમ્ ॥ 8 ॥

અનેન સંસ્તુતા નિત્યં પત્ની તવ ભવામ્યહમ્ ।
ત્વયા સૃષ્ટં જગત્સર્વં વાણીયુક્તં ભવિષ્યતિ ॥ 9 ॥

ઇદં રહસ્યં પરમં મમ નામસહસ્રકમ્ ।
સર્વપાપૌઘશમનં મહાસારસ્વતપ્રદમ્ ॥ 10 ॥

મહાકવિત્વદં લોકે વાગીશત્વપ્રદાયકમ્ ।
ત્વં વા પરઃ પુમાન્યસ્તુ સ્તવેનાઽનેન તોષયેત્ ॥ 11 ॥

તસ્યાહં કિંકરી સાક્ષાદ્ભવિષ્યામિ ન સંશયઃ ।
ઇત્યુક્ત્વાંતર્દધે વાણી તદારભ્ય પિતામહઃ ॥ 12 ॥

સ્તુત્વા સ્તોત્રેણ દિવ્યેન તત્પતિત્વમવાપ્તવાન્ ।
વાણીયુક્તં જગત્સર્વં તદારભ્યાઽભવન્મુને ॥ 13 ॥

તત્તેહં સંપ્રવક્ષ્યામિ શૃણુ યત્નેન નારદ ।
સાવધાનમના ભૂત્વા ક્ષણં શુદ્ધો મુનીશ્વરઃ ॥ 14 ॥

[ ઐં વદ વદ વાગ્વાદિની સ્વાહા ]

વાગ્વાણી વરદા વંદ્યા વરારોહા વરપ્રદા ।
વૃત્તિર્વાગીશ્વરી વાર્તા વરા વાગીશવલ્લભા ॥ 1 ॥

વિશ્વેશ્વરી વિશ્વવંદ્યા વિશ્વેશપ્રિયકારિણી ।
વાગ્વાદિની ચ વાગ્દેવી વૃદ્ધિદા વૃદ્ધિકારિણી ॥ 2 ॥

વૃદ્ધિર્વૃદ્ધા વિષઘ્ની ચ વૃષ્ટિર્વૃષ્ટિપ્રદાયિની ।
વિશ્વારાધ્યા વિશ્વમાતા વિશ્વધાત્રી વિનાયકા ॥ 3 ॥

વિશ્વશક્તિર્વિશ્વસારા વિશ્વા વિશ્વવિભાવરી ।
વેદાંતવેદિની વેદ્યા વિત્તા વેદત્રયાત્મિકા ॥ 4 ॥

વેદજ્ઞા વેદજનની વિશ્વા વિશ્વવિભાવરી ।
વરેણ્યા વાઙ્મયી વૃદ્ધા વિશિષ્ટપ્રિયકારિણી ॥ 5 ॥

વિશ્વતોવદના વ્યાપ્તા વ્યાપિની વ્યાપકાત્મિકા ।
વ્યાળઘ્ની વ્યાળભૂષાંગી વિરજા વેદનાયિકા ॥ 6 ॥

વેદવેદાંતસંવેદ્યા વેદાંતજ્ઞાનરૂપિણી ।
વિભાવરી ચ વિક્રાંતા વિશ્વામિત્રા વિધિપ્રિયા ॥ 7 ॥

વરિષ્ઠા વિપ્રકૃષ્ટા ચ વિપ્રવર્યપ્રપૂજિતા ।
વેદરૂપા વેદમયી વેદમૂર્તિશ્ચ વલ્લભા ॥ 8 ॥

[ ઓં હ્રીં ગુરુરૂપે માં ગૃહ્ણ ગૃહ્ણ ઐં વદ વદ વાગ્વાદિની સ્વાહા ]

ગૌરી ગુણવતી ગોપ્યા ગંધર્વનગરપ્રિયા ।
ગુણમાતા ગુણાંતસ્થા ગુરુરૂપા ગુરુપ્રિયા ॥ 9 ॥ [ ગુહાંતસ્થા ]

ગુરુવિદ્યા ગાનતુષ્ટા ગાયકપ્રિયકારિણી । [ ગિરિવિદ્યા ]
ગાયત્રી ગિરીશારાધ્યા ગીર્ગિરીશપ્રિયંકરી ॥ 10 ॥

ગિરિજ્ઞા જ્ઞાનવિદ્યા ચ ગિરિરૂપા ગિરીશ્વરી ।
ગીર્માતા ગણસંસ્તુત્યા ગણનીયગુણાન્વિતા ॥ 11 ॥

ગૂઢરૂપા ગુહા ગોપ્યા ગોરૂપા ગૌર્ગુણાત્મિકા ।
ગુર્વી ગુર્વંબિકા ગુહ્યા ગેયજા ગૃહનાશિની ॥ 12 ॥

ગૃહિણી ગૃહદોષઘ્ની ગવઘ્ની ગુરુવત્સલા ।
ગૃહાત્મિકા ગૃહારાધ્યા ગૃહબાધાવિનાશિની ॥ 13 ॥

ગંગા ગિરિસુતા ગમ્યા ગજયાના ગુહસ્તુતા ।
ગરુડાસનસંસેવ્યા ગોમતી ગુણશાલિની ॥ 14 ॥

[ ઓં ઐં નમઃ શારદે શ્રીં શુદ્ધે નમઃ શારદે વં ઐં વદ વદ વાગ્વાદિની સ્વાહા ]

શારદા શાશ્વતી શૈવી શાંકરી શંકરાત્મિકા ।
શ્રીશ્શર્વાણી શતઘ્ની ચ શરચ્ચંદ્રનિભાનના ॥ 15 ॥

શર્મિષ્ઠા શમનઘ્ની ચ શતસાહસ્રરૂપિણી ।
શિવા શંભુપ્રિયા શ્રદ્ધા શ્રુતિરૂપા શ્રુતિપ્રિયા ॥ 16 ॥

શુચિષ્મતી શર્મકરી શુદ્ધિદા શુદ્ધિરૂપિણી ।
શિવા શિવંકરી શુદ્ધા શિવારાધ્યા શિવાત્મિકા ॥ 17 ॥

શ્રીમતી શ્રીમયી શ્રાવ્યા શ્રુતિઃ શ્રવણગોચરા ।
શાંતિશ્શાંતિકરી શાંતા શાંતાચારપ્રિયંકરી ॥ 18 ॥

શીલલભ્યા શીલવતી શ્રીમાતા શુભકારિણી ।
શુભવાણી શુદ્ધવિદ્યા શુદ્ધચિત્તપ્રપૂજિતા ॥ 19 ॥

શ્રીકરી શ્રુતપાપઘ્ની શુભાક્ષી શુચિવલ્લભા ।
શિવેતરઘ્ની શબરી શ્રવણીયગુણાન્વિતા ॥ 20 ॥ [શર્વરી]

શારી શિરીષપુષ્પાભા શમનિષ્ઠા શમાત્મિકા ।
શમાન્વિતા શમારાધ્યા શિતિકંઠપ્રપૂજિતા ॥ 21 ॥

શુદ્ધિઃ શુદ્ધિકરી શ્રેષ્ઠા શ્રુતાનંતા શુભાવહા ।
સરસ્વતી ચ સર્વજ્ઞા સર્વસિદ્ધિપ્રદાયિની ॥ 22 ॥

[ ઓં ઐં વદ વદ વાગ્વાદિની સ્વાહા ]

સરસ્વતી ચ સાવિત્રી સંધ્યા સર્વેપ્સિતપ્રદા ।
સર્વાર્તિઘ્ની સર્વમયી સર્વવિદ્યાપ્રદાયિની ॥ 23 ॥

સર્વેશ્વરી સર્વપુણ્યા સર્ગસ્થિત્યંતકારિણી ।
સર્વારાધ્યા સર્વમાતા સર્વદેવનિષેવિતા ॥ 24 ॥

સર્વૈશ્વર્યપ્રદા સત્યા સતી સત્વગુણાશ્રયા ।
સર્વક્રમપદાકારા સર્વદોષનિષૂદિની ॥ 25 ॥ [ સ્વરક્રમપદાકારા ]

સહસ્રાક્ષી સહસ્રાસ્યા સહસ્રપદસંયુતા ।
સહસ્રહસ્તા સાહસ્રગુણાલંકૃતવિગ્રહા ॥ 26 ॥

સહસ્રશીર્ષા સદ્રૂપા સ્વધા સ્વાહા સુધામયી ।
ષડ્ગ્રંથિભેદિની સેવ્યા સર્વલોકૈકપૂજિતા ॥ 27 ॥

સ્તુત્યા સ્તુતિમયી સાધ્યા સવિતૃપ્રિયકારિણી ।
સંશયચ્છેદિની સાંખ્યવેદ્યા સંખ્યા સદીશ્વરી ॥ 28 ॥

સિદ્ધિદા સિદ્ધસંપૂજ્યા સર્વસિદ્ધિપ્રદાયિની ।
સર્વજ્ઞા સર્વશક્તિશ્ચ સર્વસંપત્પ્રદાયિની ॥ 29 ॥

સર્વાઽશુભઘ્ની સુખદા સુખસંવિત્સ્વરૂપિણી ।
સર્વસંભાષણી સર્વજગત્સમ્મોહિની તથા ॥ 30 ॥ [ સર્વસંભીષણી ]

સર્વપ્રિયંકરી સર્વશુભદા સર્વમંગળા ।
સર્વમંત્રમયી સર્વતીર્થપુણ્યફલપ્રદા ॥ 31 ॥

સર્વપુણ્યમયી સર્વવ્યાધિઘ્ની સર્વકામદા ।
સર્વવિઘ્નહરી સર્વવંદિતા સર્વમંગળા ॥ 32 ॥

સર્વમંત્રકરી સર્વલક્ષ્મીઃ સર્વગુણાન્વિતા ।
સર્વાનંદમયી સર્વજ્ઞાનદા સત્યનાયિકા ॥ 33 ॥

સર્વજ્ઞાનમયી સર્વરાજ્યદા સર્વમુક્તિદા ।
સુપ્રભા સર્વદા સર્વા સર્વલોકવશંકરી ॥ 34 ॥

સુભગા સુંદરી સિદ્ધા સિદ્ધાંબા સિદ્ધમાતૃકા ।
સિદ્ધમાતા સિદ્ધવિદ્યા સિદ્ધેશી સિદ્ધરૂપિણી ॥ 35 ॥

સુરૂપિણી સુખમયી સેવકપ્રિયકારિણી ।
સ્વામિની સર્વદા સેવ્યા સ્થૂલસૂક્ષ્માપરાંબિકા ॥ 36 ॥

સારરૂપા સરોરૂપા સત્યભૂતા સમાશ્રયા ।
સિતાઽસિતા સરોજાક્ષી સરોજાસનવલ્લભા ॥ 37 ॥

સરોરુહાભા સર્વાંગી સુરેંદ્રાદિપ્રપૂજિતા ।

[ ઓં હ્રીં ઐં મહાસરસ્વતિ સારસ્વતપ્રદે ઐં વદ વદ વાગ્વાદિની સ્વાહા ]

મહાદેવી મહેશાની મહાસારસ્વતપ્રદા ॥ 38 ॥

મહાસરસ્વતી મુક્તા મુક્તિદા મોહનાશિની । [ મલનાશિની ]
મહેશ્વરી મહાનંદા મહામંત્રમયી મહી ॥ 39 ॥

મહાલક્ષ્મીર્મહાવિદ્યા માતા મંદરવાસિની ।
મંત્રગમ્યા મંત્રમાતા મહામંત્રફલપ્રદા ॥ 40 ॥

મહામુક્તિર્મહાનિત્યા મહાસિદ્ધિપ્રદાયિની ।
મહાસિદ્ધા મહામાતા મહદાકારસંયુતા ॥ 41 ॥

મહી મહેશ્વરી મૂર્તિર્મોક્ષદા મણિભૂષણા ।
મેનકા માનિની માન્યા મૃત્યુઘ્ની મેરુરૂપિણી ॥ 42 ॥

મદિરાક્ષી મદાવાસા મખરૂપા મખેશ્વરી । [ મહેશ્વરી ]
મહામોહા મહામાયા માતૄણાં મૂર્ધ્નિસંસ્થિતા ॥ 43 ॥

મહાપુણ્યા મુદાવાસા મહાસંપત્પ્રદાયિની ।
મણિપૂરૈકનિલયા મધુરૂપા મદોત્કટા ॥ 44 ॥ [ મહોત્કટા ]

મહાસૂક્ષ્મા મહાશાંતા મહાશાંતિપ્રદાયિની ।
મુનિસ્તુતા મોહહંત્રી માધવી માધવપ્રિયા ॥ 45 ॥

મા મહાદેવસંસ્તુત્યા મહિષીગણપૂજિતા ।
મૃષ્ટાન્નદા ચ માહેંદ્રી મહેંદ્રપદદાયિની ॥ 46 ॥

મતિર્મતિપ્રદા મેધા મર્ત્યલોકનિવાસિની ।
મુખ્યા મહાનિવાસા ચ મહાભાગ્યજનાશ્રિતા ॥ 47 ॥

મહિળા મહિમા મૃત્યુહારી મેધાપ્રદાયિની ।
મેધ્યા મહાવેગવતી મહામોક્ષફલપ્રદા ॥ 48 ॥

મહાપ્રભાભા મહતી મહાદેવપ્રિયંકરી ।
મહાપોષા મહર્થિશ્ચ મુક્તાહારવિભૂષણા ॥ 49 ॥ [ મહર્દ્ધિશ્ચ ]

માણિક્યભૂષણા મંત્રા મુખ્યચંદ્રાર્ધશેખરા ।
મનોરૂપા મનશ્શુદ્ધિઃ મનશ્શુદ્ધિપ્રદાયિની ॥ 50 ॥

મહાકારુણ્યસંપૂર્ણા મનોનમનવંદિતા ।
મહાપાતકજાલઘ્ની મુક્તિદા મુક્તભૂષણા ॥ 51 ॥

મનોન્મની મહાસ્થૂલા મહાક્રતુફલપ્રદા ।
મહાપુણ્યફલપ્રાપ્યા માયાત્રિપુરનાશિની ॥ 52 ॥

મહાનસા મહામેધા મહામોદા મહેશ્વરી ।
માલાધરી મહોપાયા મહાતીર્થફલપ્રદા ॥ 53 ॥

મહામંગળસંપૂર્ણા મહાદારિદ્ર્યનાશિની ।
મહામખા મહામેઘા મહાકાળી મહાપ્રિયા ॥ 54 ॥

મહાભૂષા મહાદેહા મહારાજ્ઞી મુદાલયા ।

[ ઓં હ્રીં ઐં નમો ભગવતિ ઐં વદ વદ વાગ્વાદિની સ્વાહા ]

ભૂરિદા ભાગ્યદા ભોગ્યા ભોગ્યદા ભોગદાયિની ॥ 55 ॥

ભવાની ભૂતિદા ભૂતિઃ ભૂમિર્ભૂમિસુનાયિકા ।
ભૂતધાત્રી ભયહરી ભક્તસારસ્વતપ્રદા ॥ 56 ॥

ભુક્તિર્ભુક્તિપ્રદા ભોક્ત્રી ભક્તિર્ભક્તિપ્રદાયિની । [ભેકી]
ભક્તસાયુજ્યદા ભક્તસ્વર્ગદા ભક્તરાજ્યદા ॥ 57 ॥

ભાગીરથી ભવારાધ્યા ભાગ્યાસજ્જનપૂજિતા ।
ભવસ્તુત્યા ભાનુમતી ભવસાગરતારિણી ॥ 58 ॥

ભૂતિર્ભૂષા ચ ભૂતેશી ભાલલોચનપૂજિતા । [ ફાલલોચનપૂજિતા ]
ભૂતા ભવ્યા ભવિષ્યા ચ ભવવિદ્યા ભવાત્મિકા ॥ 59 ॥

બાધાપહારિણી બંધુરૂપા ભુવનપૂજિતા ।
ભવઘ્ની ભક્તિલભ્યા ચ ભક્તરક્ષણતત્પરા ॥ 60 ॥

ભક્તાર્તિશમની ભાગ્યા ભોગદાનકૃતોદ્યમા ।
ભુજંગભૂષણા ભીમા ભીમાક્ષી ભીમરૂપિણી ॥ 61 ॥

ભાવિની ભ્રાતૃરૂપા ચ ભારતી ભવનાયિકા ।
ભાષા ભાષાવતી ભીષ્મા ભૈરવી ભૈરવપ્રિયા ॥ 62 ॥

ભૂતિર્ભાસિતસર્વાંગી ભૂતિદા ભૂતિનાયિકા ।
ભાસ્વતી ભગમાલા ચ ભિક્ષાદાનકૃતોદ્યમા ॥ 63 ॥

ભિક્ષુરૂપા ભક્તિકરી ભક્તલક્ષ્મીપ્રદાયિની ।
ભ્રાંતિઘ્ના ભ્રાંતિરૂપા ચ ભૂતિદા ભૂતિકારિણી ॥ 64 ॥

ભિક્ષણીયા ભિક્ષુમાતા ભાગ્યવદ્દૃષ્ટિગોચરા ।
ભોગવતી ભોગરૂપા ભોગમોક્ષફલપ્રદા ॥ 65 ॥

ભોગશ્રાંતા ભાગ્યવતી ભક્તાઘૌઘવિનાશિની ।

[ ઓં ઐં ક્લીં સૌઃ બાલે બ્રાહ્મી બ્રહ્મપત્ની ઐં વદ વદ વાગ્વાદિની સ્વાહા ]

બ્રાહ્મી બ્રહ્મસ્વરૂપા ચ બૃહતી બ્રહ્મવલ્લભા ॥ 66 ॥

બ્રહ્મદા બ્રહ્મમાતા ચ બ્રહ્માણી બ્રહ્મદાયિની ।
બ્રહ્મેશી બ્રહ્મસંસ્તુત્યા બ્રહ્મવેદ્યા બુધપ્રિયા ॥ 67 ॥

બાલેંદુશેખરા બાલા બલિપૂજાકરપ્રિયા ।
બલદા બિંદુરૂપા ચ બાલસૂર્યસમપ્રભા ॥ 68 ॥

બ્રહ્મરૂપા બ્રહ્મમયી બ્રધ્નમંડલમધ્યગા ।
બ્રહ્માણી બુદ્ધિદા બુદ્ધિર્બુદ્ધિરૂપા બુધેશ્વરી ॥ 69 ॥

બંધક્ષયકરી બાધાનાશિની બંધુરૂપિણી ।
બિંદ્વાલયા બિંદુભૂષા બિંદુનાદસમન્વિતા ॥ 70 ॥

બીજરૂપા બીજમાતા બ્રહ્મણ્યા બ્રહ્મકારિણી ।
બહુરૂપા બલવતી બ્રહ્મજ્ઞા બ્રહ્મચારિણી ॥ 71 ॥ [બ્રહ્મજા]

બ્રહ્મસ્તુત્યા બ્રહ્મવિદ્યા બ્રહ્માંડાધિપવલ્લભા ।
બ્રહ્મેશવિષ્ણુરૂપા ચ બ્રહ્મવિષ્ણ્વીશસંસ્થિતા ॥ 72 ॥

બુદ્ધિરૂપા બુધેશાની બંધી બંધવિમોચની ।

[ ઓં હ્રીં ઐં અં આં ઇં ઈં ઉં ઊં ઋં ૠં ~લું ~લૂં એં ઐં ઓં ઔં કં ખં ગં ઘં ઙં ચં છં જં ઝં ઞં ટં ઠં ડં ઢં ણં તં થં દં ધં નં પં ફં બં ભં મં યં રં લં વં શં ષં સં હં ળં ક્ષં અક્ષમાલે અક્ષરમાલિકા સમલંકૃતે વદ વદ વાગ્વાદિની સ્વાહા ]

અક્ષમાલાઽક્ષરાકારાઽક્ષરાઽક્ષરફલપ્રદા ॥ 73 ॥

અનંતાઽનંદસુખદાઽનંતચંદ્રનિભાનના ।
અનંતમહિમાઽઘોરાનંતગંભીરસમ્મિતા ॥ 74 ॥

અદૃષ્ટાઽદૃષ્ટદાઽનંતાદૃષ્ટભાગ્યફલપ્રદા । [ દૃષ્ટિદા ]
અરુંધત્યવ્યયીનાથાઽનેકસદ્ગુણસંયુતા ॥ 75 ॥

અનેકભૂષણાઽદૃશ્યાઽનેકલેખનિષેવિતા ।
અનંતાઽનંતસુખદાઽઘોરાઽઘોરસ્વરૂપિણી ॥ 76 ॥

અશેષદેવતારૂપાઽમૃતરૂપાઽમૃતેશ્વરી ।
અનવદ્યાઽનેકહસ્તાઽનેકમાણિક્યભૂષણા ॥ 77 ॥

અનેકવિઘ્નસંહર્ત્રી ત્વનેકાભરણાન્વિતા ।
અવિદ્યાજ્ઞાનસંહર્ત્રી હ્યવિદ્યાજાલનાશિની ॥ 78 ॥

અભિરૂપાનવદ્યાંગી હ્યપ્રતર્ક્યગતિપ્રદા ।
અકળંકરૂપિણી ચ હ્યનુગ્રહપરાયણા ॥ 79 ॥

અંબરસ્થાઽંબરમયાઽંબરમાલાઽંબુજેક્ષણા ।
અંબિકાઽબ્જકરાઽબ્જસ્થાઽંશુમત્યઽંશુશતાન્વિતા ॥ 80 ॥

અંબુજાઽનવરાઽખંડાઽંબુજાસનમહાપ્રિયા ।
અજરાઽમરસંસેવ્યાઽજરસેવિતપદ્યુગા ॥ 81 ॥

અતુલાર્થપ્રદાઽર્થૈક્યાઽત્યુદારાત્વભયાન્વિતા ।
અનાથવત્સલાઽનંતપ્રિયાઽનંતેપ્સિતપ્રદા ॥ 82 ॥

અંબુજાક્ષ્યંબુરૂપાઽંબુજાતોદ્ભવમહાપ્રિયા ।
અખંડા ત્વમરસ્તુત્યાઽમરનાયકપૂજિતા ॥ 83 ॥

અજેયા ત્વજસંકાશાઽજ્ઞાનનાશિન્યભીષ્ટદા ।
અક્તાઘનેન ચાઽસ્ત્રેશી હ્યલક્ષ્મીનાશિની તથા ॥ 84 ॥

અનંતસારાઽનંતશ્રીરનંતવિધિપૂજિતા ।
અભીષ્ટામર્ત્યસંપૂજ્યા હ્યસ્તોદયવિવર્જિતા ॥ 85 ॥

આસ્તિકસ્વાંતનિલયાઽસ્ત્રરૂપાઽસ્ત્રવતી તથા ।
અસ્ખલત્યસ્ખલદ્રૂપાઽસ્ખલદ્વિદ્યાપ્રદાયિની ॥ 86 ॥

અસ્ખલત્સિદ્ધિદાઽઽનંદાઽંબુજાતાઽઽમરનાયિકા ।
અમેયાઽશેષપાપઘ્ન્યક્ષયસારસ્વતપ્રદા ॥ 87 ॥

[ ઓં જ્યાં હ્રીં જય જય જગન્માતઃ ઐં વદ વદ વાગ્વાદિની સ્વાહા ]

જયા જયંતી જયદા જન્મકર્મવિવર્જિતા ।
જગત્પ્રિયા જગન્માતા જગદીશ્વરવલ્લભા ॥ 88 ॥

જાતિર્જયા જિતામિત્રા જપ્યા જપનકારિણી ।
જીવની જીવનિલયા જીવાખ્યા જીવધારિણી ॥ 89 ॥

જાહ્નવી જ્યા જપવતી જાતિરૂપા જયપ્રદા ।
જનાર્દનપ્રિયકરી જોષનીયા જગત્સ્થિતા ॥ 90 ॥

જગજ્જ્યેષ્ઠા જગન્માયા જીવનત્રાણકારિણી ।
જીવાતુલતિકા જીવજન્મી જન્મનિબર્હણી ॥ 91 ॥

જાડ્યવિધ્વંસનકરી જગદ્યોનિર્જયાત્મિકા ।
જગદાનંદજનની જંબૂશ્ચ જલજેક્ષણા ॥ 92 ॥

જયંતી જંગપૂગઘ્ની જનિતજ્ઞાનવિગ્રહા ।
જટા જટાવતી જપ્યા જપકર્તૃપ્રિયંકરી ॥ 93 ॥

જપકૃત્પાપસંહર્ત્રી જપકૃત્ફલદાયિની ।
જપાપુષ્પસમપ્રખ્યા જપાકુસુમધારિણી ॥ 94 ॥

જનની જન્મરહિતા જ્યોતિર્વૃત્યભિદાયિની ।
જટાજૂટનચંદ્રાર્ધા જગત્સૃષ્ટિકરી તથા ॥ 95 ॥

જગત્ત્રાણકરી જાડ્યધ્વંસકર્ત્રી જયેશ્વરી ।
જગદ્બીજા જયાવાસા જન્મભૂર્જન્મનાશિની ॥ 96 ॥

જન્માંત્યરહિતા જૈત્રી જગદ્યોનિર્જપાત્મિકા ।
જયલક્ષણસંપૂર્ણા જયદાનકૃતોદ્યમા ॥ 97 ॥

જંભરાદ્યાદિસંસ્તુત્યા જંભારિફલદાયિની ।
જગત્ત્રયહિતા જ્યેષ્ઠા જગત્ત્રયવશંકરી ॥ 98 ॥

જગત્ત્રયાંબા જગતી જ્વાલા જ્વાલિતલોચના ।
જ્વાલિની જ્વલનાભાસા જ્વલંતી જ્વલનાત્મિકા ॥ 99 ॥

જિતારાતિસુરસ્તુત્યા જિતક્રોધા જિતેંદ્રિયા ।
જરામરણશૂન્યા ચ જનિત્રી જન્મનાશિની ॥ 100 ॥

જલજાભા જલમયી જલજાસનવલ્લભા ।
જલજસ્થા જપારાધ્યા જનમંગળકારિણી ॥ 101 ॥

[ ઐં ક્લીં સૌઃ કલ્યાણી કામધારિણી વદ વદ વાગ્વાદિની સ્વાહા ]

કામિની કામરૂપા ચ કામ્યા કામ્યપ્રદાયિની । [ કામપ્રદાયિની ]
કમૌળી કામદા કર્ત્રી ક્રતુકર્મફલપ્રદા ॥ 102 ॥

કૃતઘ્નઘ્ની ક્રિયારૂપા કાર્યકારણરૂપિણી ।
કંજાક્ષી કરુણારૂપા કેવલામરસેવિતા ॥ 103 ॥

કલ્યાણકારિણી કાંતા કાંતિદા કાંતિરૂપિણી ।
કમલા કમલાવાસા કમલોત્પલમાલિની ॥ 104 ॥

કુમુદ્વતી ચ કલ્યાણી કાંતિઃ કામેશવલ્લભા । [ કાંતા ]
કામેશ્વરી કમલિની કામદા કામબંધિની ॥ 105 ॥

કામધેનુઃ કાંચનાક્ષી કાંચનાભા કળાનિધિઃ ।
ક્રિયા કીર્તિકરી કીર્તિઃ ક્રતુશ્રેષ્ઠા કૃતેશ્વરી ॥ 106 ॥

ક્રતુસર્વક્રિયાસ્તુત્યા ક્રતુકૃત્પ્રિયકારિણી ।
ક્લેશનાશકરી કર્ત્રી કર્મદા કર્મબંધિની ॥ 107 ॥

કર્મબંધહરી કૃષ્ટા ક્લમઘ્ની કંજલોચના ।
કંદર્પજનની કાંતા કરુણા કરુણાવતી ॥ 108 ॥

ક્લીંકારિણી કૃપાકારા કૃપાસિંધુઃ કૃપાવતી ।
કરુણાર્દ્રા કીર્તિકરી કલ્મષઘ્ની ક્રિયાકરી ॥ 109 ॥

ક્રિયાશક્તિઃ કામરૂપા કમલોત્પલગંધિની ।
કળા કળાવતી કૂર્મી કૂટસ્થા કંજસંસ્થિતા ॥ 110 ॥

કાળિકા કલ્મષઘ્ની ચ કમનીયજટાન્વિતા ।
કરપદ્મા કરાભીષ્ટપ્રદા ક્રતુફલપ્રદા ॥ 111 ॥

કૌશિકી કોશદા કાવ્યા કર્ત્રી કોશેશ્વરી કૃશા । [ કન્યા ]
કૂર્મયાના કલ્પલતા કાલકૂટવિનાશિની ॥ 112 ॥

કલ્પોદ્યાનવતી કલ્પવનસ્થા કલ્પકારિણી ।
કદંબકુસુમાભાસા કદંબકુસુમપ્રિયા ॥ 113 ॥

કદંબોદ્યાનમધ્યસ્થા કીર્તિદા કીર્તિભૂષણા ।
કુલમાતા કુલાવાસા કુલાચારપ્રિયંકરી ॥ 114 ॥

કુલનાથા કામકળા કળાનાથા કળેશ્વરી ।
કુંદમંદારપુષ્પાભા કપર્દસ્થિતચંદ્રિકા ॥ 115 ॥

કવિત્વદા કામ્યમાતા કવિમાતા કળાપ્રદા । [કાવ્યમાતા]

[ ઓં સૌઃ ક્લીં ઐં તતો વદ વદ વાગ્વાદિની સ્વાહા ]

તરુણી તરુણીતાતા તારાધિપસમાનના ॥ 116 ॥

તૃપ્તિસ્તૃપ્તિપ્રદા તર્ક્યા તપની તાપિની તથા ।
તર્પણી તીર્થરૂપા ચ ત્રિપદા ત્રિદશેશ્વરી ॥ 117 ॥ [ ત્રિદશા ]

ત્રિદિવેશી ત્રિજનની ત્રિમાતા ત્ર્યંબકેશ્વરી ।
ત્રિપુરા ત્રિપુરેશાની ત્ર્યંબકા ત્રિપુરાંબિકા ॥ 118 ॥

ત્રિપુરશ્રીસ્ત્રયીરૂપા ત્રયીવેદ્યા ત્રયીશ્વરી ।
ત્રય્યંતવેદિની તામ્રા તાપત્રિતયહારિણી ॥ 119 ॥

તમાલસદૃશી ત્રાતા તરુણાદિત્યસન્નિભા ।
ત્રૈલોક્યવ્યાપિની તૃપ્તા તૃપ્તિકૃત્તત્ત્વરૂપિણી ॥ 120 ॥

તુર્યા ત્રૈલોક્યસંસ્તુત્યા ત્રિગુણા ત્રિગુણેશ્વરી ।
ત્રિપુરઘ્ની ત્રિમાતા ચ ત્ર્યંબકા ત્રિગુણાન્વિતા ॥ 121 ॥

તૃષ્ણાચ્છેદકરી તૃપ્તા તીક્ષ્ણા તીક્ષ્ણસ્વરૂપિણી ।
તુલા તુલાદિરહિતા તત્તદ્બ્રહ્મસ્વરૂપિણી ॥ 122 ॥

ત્રાણકર્ત્રી ત્રિપાપઘ્ની ત્રિદશા ત્રિદશાન્વિતા ।
તથ્યા ત્રિશક્તિસ્ત્રિપદા તુર્યા ત્રૈલોક્યસુંદરી ॥ 123 ॥

તેજસ્કરી ત્રિમૂર્ત્યાદ્યા તેજોરૂપા ત્રિધામતા ।
ત્રિચક્રકર્ત્રી ત્રિભગા તુર્યાતીતફલપ્રદા ॥ 124 ॥

તેજસ્વિની તાપહારી તાપોપપ્લવનાશિની ।
તેજોગર્ભા તપસ્સારા ત્રિપુરારિપ્રિયંકરી ॥ 125 ॥

તન્વી તાપસસંતુષ્ટા તપનાંગજભીતિનુત્ ।
ત્રિલોચના ત્રિમાર્ગા ચ તૃતીયા ત્રિદશસ્તુતા ॥ 126 ॥

ત્રિસુંદરી ત્રિપથગા તુરીયપદદાયિની ।

[ ઓં હ્રીં શ્રીં ક્લીં ઐં નમશ્શુદ્ધફલદે ઐં વદ વદ વાગ્વાદિની સ્વાહા ]

શુભા શુભાવતી શાંતા શાંતિદા શુભદાયિની ॥ 127 ॥

શીતલા શૂલિની શીતા શ્રીમતી ચ શુભાન્વિતા ।

[ ઓં ઐં યાં યીં યૂં યૈં યૌં યઃ ઐં વદ વદ વાગ્વાદિની સ્વાહા ]

યોગસિદ્ધિપ્રદા યોગ્યા યજ્ઞેનપરિપૂરિતા ॥ 128 ॥

યજ્ઞા યજ્ઞમયી યક્ષી યક્ષિણી યક્ષિવલ્લભા ।
યજ્ઞપ્રિયા યજ્ઞપૂજ્યા યજ્ઞતુષ્ટા યમસ્તુતા ॥ 129 ॥

યામિનીયપ્રભા યામ્યા યજનીયા યશસ્કરી ।
યજ્ઞકર્ત્રી યજ્ઞરૂપા યશોદા યજ્ઞસંસ્તુતા ॥ 130 ॥

યજ્ઞેશી યજ્ઞફલદા યોગયોનિર્યજુસ્સ્તુતા ।
યમિસેવ્યા યમારાધ્યા યમિપૂજ્યા યમીશ્વરી ॥ 131 ॥

યોગિની યોગરૂપા ચ યોગકર્તૃપ્રિયંકરી ।
યોગયુક્તા યોગમયી યોગયોગીશ્વરાંબિકા ॥ 132 ॥

યોગજ્ઞાનમયી યોનિર્યમાદ્યષ્ટાંગયોગતા ।
યંત્રિતાઘૌઘસંહારા યમલોકનિવારિણી ॥ 133 ॥

યષ્ટિવ્યષ્ટીશસંસ્તુત્યા યમાદ્યષ્ટાંગયોગયુક્ ।
યોગીશ્વરી યોગમાતા યોગસિદ્ધા ચ યોગદા ॥ 134 ॥

યોગારૂઢા યોગમયી યોગરૂપા યવીયસી ।
યંત્રરૂપા ચ યંત્રસ્થા યંત્રપૂજ્યા ચ યંત્રિકા ॥ 135 ॥ [ યંત્રિતા ]

યુગકર્ત્રી યુગમયી યુગધર્મવિવર્જિતા ।
યમુના યામિની યામ્યા યમુનાજલમધ્યગા ॥ 136 ॥ [ યમિની ]

યાતાયાતપ્રશમની યાતનાનાંનિકૃંતની ।
યોગાવાસા યોગિવંદ્યા યત્તચ્છબ્દસ્વરૂપિણી ॥ 137 ॥

યોગક્ષેમમયી યંત્રા યાવદક્ષરમાતૃકા ।
યાવત્પદમયી યાવચ્છબ્દરૂપા યથેશ્વરી ॥ 138 ॥

યત્તદીયા યક્ષવંદ્યા યદ્વિદ્યા યતિસંસ્તુતા ।
યાવદ્વિદ્યામયી યાવદ્વિદ્યાબૃંદસુવંદિતા ॥ 139 ॥

યોગિહૃત્પદ્મનિલયા યોગિવર્યપ્રિયંકરી ।
યોગિવંદ્યા યોગિમાતા યોગીશફલદાયિની ॥ 140 ॥

યક્ષવંદ્યા યક્ષપૂજ્યા યક્ષરાજસુપૂજિતા ।
યજ્ઞરૂપા યજ્ઞતુષ્ટા યાયજૂકસ્વરૂપિણી ॥ 141 ॥

યંત્રારાધ્યા યંત્રમધ્યા યંત્રકર્તૃપ્રિયંકરી ।
યંત્રારૂઢા યંત્રપૂજ્યા યોગિધ્યાનપરાયણા ॥ 142 ॥

યજનીયા યમસ્તુત્યા યોગયુક્તા યશસ્કરી ।
યોગબદ્ધા યતિસ્તુત્યા યોગજ્ઞા યોગનાયકી ॥ 143 ॥

યોગિજ્ઞાનપ્રદા યક્ષી યમબાધાવિનાશિની ।
યોગિકામ્યપ્રદાત્રી ચ યોગિમોક્ષપ્રદાયિની ॥ 144 ॥

ફલશ્રુતિઃ
ઇતિ નામ્નાં સરસ્વત્યાઃ સહસ્રં સમુદીરિતમ્ ।
મંત્રાત્મકં મહાગોપ્યં મહાસારસ્વતપ્રદમ્ ॥ 1 ॥

યઃ પઠેચ્છૃણુયાદ્ભક્ત્યાત્ત્રિકાલં સાધકઃ પુમાન્ ।
સર્વવિદ્યાનિધિઃ સાક્ષાત્ સ એવ ભવતિ ધ્રુવમ્ ॥ 2 ॥

લભતે સંપદઃ સર્વાઃ પુત્રપૌત્રાદિસંયુતાઃ ।
મૂકોઽપિ સર્વવિદ્યાસુ ચતુર્મુખ ઇવાપરઃ ॥ 3 ॥

ભૂત્વા પ્રાપ્નોતિ સાન્નિધ્યં અંતે ધાતુર્મુનીશ્વર ।
સર્વમંત્રમયં સર્વવિદ્યામાનફલપ્રદમ્ ॥ 4 ॥

મહાકવિત્વદં પુંસાં મહાસિદ્ધિપ્રદાયકમ્ ।
કસ્મૈ ચિન્ન પ્રદાતવ્યં પ્રાણૈઃ કંઠગતૈરપિ ॥ 5 ॥

મહારહસ્યં સતતં વાણીનામસહસ્રકમ્ ।
સુસિદ્ધમસ્મદાદીનાં સ્તોત્રં તે સમુદીરિતમ્ ॥ 6 ॥

ઇતિ શ્રીસ્કાંદપુરાણાંતર્ગત શ્રીસનત્કુમાર સંહિતાયાં નારદ સનત્કુમાર સંવાદે શ્રી સરસ્વતી સહસ્રનામ સ્તોત્રં સંપૂર્ણમ્ ॥