નારાયણ ઉવાચ ।
ઓં દુર્ગેતિ ચતુર્થ્યંતઃ સ્વાહાંતો મે શિરોઽવતુ ।
મંત્રઃ ષડક્ષરોઽયં ચ ભક્તાનાં કલ્પપાદપઃ ॥ 1 ॥
વિચારો નાસ્તિ વેદેષુ ગ્રહણેઽસ્ય મનોર્મુને ।
મંત્રગ્રહણમાત્રેણ વિષ્ણુતુલ્યો ભવેન્નરઃ ॥ 2 ॥
મમ વક્ત્રં સદા પાતુ ઓં દુર્ગાયૈ નમોઽંતતઃ ।
ઓં દુર્ગે રક્ષયતિ ચ કંઠં પાતુ સદા મમ ॥ 3 ॥
ઓં હ્રીં શ્રીમિતિ મંત્રોઽયં સ્કંધં પાતુ નિરંતરમ્ ।
હ્રીં શ્રીં ક્લીમિતિ પૃષ્ઠં ચ પાતુ મે સર્વતઃ સદા ॥ 4 ॥
હ્રીં મે વક્ષઃસ્થલં પાતુ હસ્તં શ્રીમિતિ સંતતમ્ ।
શ્રીં હ્રીં ક્લીં પાતુ સર્વાંગં સ્વપ્ને જાગરણે તથા ॥ 5 ॥
પ્રાચ્યાં માં પ્રકૃતિઃ પાતુઃ પાતુ વહ્નૌ ચ ચંડિકા ।
દક્ષિણે ભદ્રકાલી ચ નૈરૃત્યાં ચ મહેશ્વરી ॥ 6 ॥
વારુણ્યાં પાતુ વારાહી વાયવ્યાં સર્વમંગલા ।
ઉત્તરે વૈષ્ણવી પાતુ તથૈશાન્યાં શિવપ્રિયા ॥ 7 ॥
જલે સ્થલે ચાંતરિક્ષે પાતુ માં જગદંબિકા ।
ઇતિ તે કથિતં વત્સ કવચં ચ સુદુર્લભમ્ ॥ 8 ॥
યસ્મૈ કસ્મૈ ન દાતવ્યં પ્રવક્તવ્યં ન કસ્યચિત્ ।
ગુરુમભ્યર્ચ્ય વિધિવદ્વસ્ત્રાલંકારચંદનૈઃ ।
કવચં ધારયેદ્યસ્તુ સોઽપિ વિષ્ણુર્ન સંશયઃ ॥ 9 ॥
ઇતિ શ્રીબ્રહ્મવૈવર્તે મહાપુરાણે પ્રકૃતિખંડે નારદનારાયણસંવાદે દુર્ગોપાખ્યાને સપ્તષષ્ટિતમોઽધ્યાયે બ્રહ્માંડમોહનં નામ શ્રી દુર્ગા કવચમ્ ।
