𑌯𑌮 𑌕𑍃𑌤 𑌶𑌿𑌵 𑌕𑍇𑌶𑌵 𑌸𑍍𑌤𑍋𑌤𑍍𑌰𑌂

Collection of Spiritual and Devotional Literature in Various Indian Languages

View this in:

𑌧𑍍𑌯𑌾𑌨𑌂
𑌮𑌾𑌧𑌵𑍋𑌮𑌾𑌧𑌵𑌾𑌵𑍀𑌶𑍌 𑌸𑌰𑍍𑌵𑌸𑌿𑌦𑍍𑌧𑌿𑌵𑌿𑌹𑌾𑌯𑌿𑌨𑍌 ।
𑌵𑌂𑌦𑍇 𑌪𑌰𑌸𑍍𑌪𑌰𑌾𑌤𑍍𑌮𑌾𑌨𑍌 𑌪𑌰𑌸𑍍𑌪𑌰𑌨𑍁𑌤𑌿𑌪𑍍𑌰𑌿𑌯𑍌 ॥

𑌸𑍍𑌤𑍋𑌤𑍍𑌰𑌂
𑌗𑍋𑌵𑌿𑌂𑌦 𑌮𑌾𑌧𑌵 𑌮𑍁𑌕𑍁𑌂𑌦 𑌹𑌰𑍇 𑌮𑍁𑌰𑌾𑌰𑍇
𑌶𑌂𑌭𑍋 𑌶𑌿𑌵𑍇𑌶 𑌶𑌶𑌿𑌶𑍇𑌖𑌰 𑌶𑍂𑌲𑌪𑌾𑌣𑍇 ।
𑌦𑌾𑌮𑍋𑌦𑌰𑌾𑌽𑌚𑍍𑌯𑍁𑌤 𑌜𑌨𑌾𑌰𑍍𑌦𑌨 𑌵𑌾𑌸𑍁𑌦𑍇𑌵
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 1

𑌗𑌂𑌗𑌾𑌧𑌰𑌾𑌂𑌧𑌕𑌰𑌿𑌪𑍋 𑌹𑌰 𑌨𑍀𑌲𑌕𑌂𑌠
𑌵𑍈𑌕𑍁𑌂𑌠𑌕𑍈𑌟𑌭𑌰𑌿𑌪𑍋 𑌕𑌮𑌠𑌾𑌬𑍍𑌜𑌪𑌾𑌣𑍇 ।
𑌭𑍂𑌤𑍇𑌶 𑌖𑌂𑌡𑌪𑌰𑌶𑍋 𑌮𑍃𑌡 𑌚𑌂𑌡𑌿𑌕𑍇𑌶
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 2

𑌵𑌿𑌷𑍍𑌣𑍋 𑌨𑍃𑌸𑌿𑌂𑌹 𑌮𑌧𑍁𑌸𑍂𑌦𑌨 𑌚𑌕𑍍𑌰𑌪𑌾𑌣𑍇
𑌗𑍌𑌰𑍀𑌪𑌤𑍇 𑌗𑌿𑌰𑌿𑌶 𑌶𑌂𑌕𑌰 𑌚𑌂𑌦𑍍𑌰𑌚𑍂𑌡 ।
𑌨𑌾𑌰𑌾𑌯𑌣𑌾𑌽𑌸𑍁𑌰𑌨𑌿𑌬𑌰𑍍𑌹𑌣 𑌶𑌾𑌰𑍍𑌙𑍍𑌗𑌪𑌾𑌣𑍇
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 3

𑌮𑍃𑌤𑍍𑌯𑍁𑌂𑌜𑌯𑍋𑌗𑍍𑌰 𑌵𑌿𑌷𑌮𑍇𑌕𑍍𑌷𑌣 𑌕𑌾𑌮𑌶𑌤𑍍𑌰𑍋
𑌶𑍍𑌰𑍀𑌕𑌂𑌠 𑌪𑍀𑌤𑌵𑌸𑌨𑌾𑌂𑌬𑍁𑌦𑌨𑍀𑌲𑌶𑍌𑌰𑍇 ।
𑌈𑌶𑌾𑌨 𑌕𑍃𑌤𑍍𑌤𑌿𑌵𑌸𑌨 𑌤𑍍𑌰𑌿𑌦𑌶𑍈𑌕𑌨𑌾𑌥
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 4

𑌲𑌕𑍍𑌷𑍍𑌮𑍀𑌪𑌤𑍇 𑌮𑌧𑍁𑌰𑌿𑌪𑍋 𑌪𑍁𑌰𑍁𑌷𑍋𑌤𑍍𑌤𑌮𑌾𑌦𑍍𑌯
𑌶𑍍𑌰𑍀𑌕𑌂𑌠 𑌦𑌿𑌗𑍍𑌵𑌸𑌨 𑌶𑌾𑌂𑌤 𑌪𑌿𑌨𑌾𑌕𑌪𑌾𑌣𑍇 ।
𑌆𑌨𑌂𑌦𑌕𑌂𑌦 𑌧𑌰𑌣𑍀𑌧𑌰 𑌪𑌦𑍍𑌮𑌨𑌾𑌭
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 5

𑌸𑌰𑍍𑌵𑍇𑌶𑍍𑌵𑌰 𑌤𑍍𑌰𑌿𑌪𑍁𑌰𑌸𑍂𑌦𑌨 𑌦𑍇𑌵𑌦𑍇𑌵
𑌬𑍍𑌰𑌹𑍍𑌮𑌣𑍍𑌯𑌦𑍇𑌵 𑌗𑌰𑍁𑌡𑌧𑍍𑌵𑌜 𑌶𑌂𑌖𑌪𑌾𑌣𑍇 ।
𑌤𑍍𑌰𑍍𑌯𑌕𑍍𑌷𑍋𑌰𑌗𑌾𑌭𑌰𑌣 𑌬𑌾𑌲𑌮𑍃𑌗𑌾𑌂𑌕𑌮𑍌𑌳𑍇
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 6

𑌶𑍍𑌰𑍀𑌰𑌾𑌮 𑌰𑌾𑌘𑌵 𑌰𑌮𑍇𑌶𑍍𑌵𑌰 𑌰𑌾𑌵𑌣𑌾𑌰𑍇
𑌭𑍂𑌤𑍇𑌶 𑌮𑌨𑍍𑌮𑌥𑌰𑌿𑌪𑍋 𑌪𑍍𑌰𑌮𑌥𑌾𑌧𑌿𑌨𑌾𑌥 ।
𑌚𑌾𑌣𑍂𑌰𑌮𑌰𑍍𑌦𑌨 𑌹𑍃𑌷𑍀𑌕𑌪𑌤𑍇 𑌮𑍁𑌰𑌾𑌰𑍇
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 𑍭

𑌶𑍂𑌲𑌿𑌨𑍍 𑌗𑌿𑌰𑍀𑌶 𑌰𑌜𑌨𑍀𑌶𑌕𑌳𑌾𑌵𑌤𑌂𑌸
𑌕𑌂𑌸𑌪𑍍𑌰𑌣𑌾𑌶𑌨 𑌸𑌨𑌾𑌤𑌨 𑌕𑍇𑌶𑌿𑌨𑌾𑌶 ।
𑌭𑌰𑍍𑌗 𑌤𑍍𑌰𑌿𑌨𑍇𑌤𑍍𑌰 𑌭𑌵 𑌭𑍂𑌤𑌪𑌤𑍇 𑌪𑍁𑌰𑌾𑌰𑍇
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 𑍮

𑌗𑍋𑌪𑍀𑌪𑌤𑍇 𑌯𑌦𑍁𑌪𑌤𑍇 𑌵𑌸𑍁𑌦𑍇𑌵𑌸𑍂𑌨𑍋
𑌕𑌰𑍍𑌪𑍂𑌰𑌗𑍌𑌰 𑌵𑍃𑌷𑌭𑌧𑍍𑌵𑌜 𑌫𑌾𑌲𑌨𑍇𑌤𑍍𑌰 ।
𑌗𑍋𑌵𑌰𑍍𑌧𑌨𑍋𑌦𑍍𑌧𑌰𑌣 𑌧𑌰𑍍𑌮𑌧𑍁𑌰𑍀𑌣 𑌗𑍋𑌪
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 𑍯

𑌸𑍍𑌥𑌾𑌣𑍋 𑌤𑍍𑌰𑌿𑌲𑍋𑌚𑌨 𑌪𑌿𑌨𑌾𑌕𑌧𑌰 𑌸𑍍𑌮𑌰𑌾𑌰𑍇
𑌕𑍃𑌷𑍍𑌣𑌾𑌽𑌨𑌿𑌰𑍁𑌦𑍍𑌧 𑌕𑌮𑌲𑌾𑌕𑌰 𑌕𑌲𑍍𑌮𑌷𑌾𑌰𑍇 ।
𑌵𑌿𑌶𑍍𑌵𑍇𑌶𑍍𑌵𑌰 𑌤𑍍𑌰𑌿𑌪𑌥𑌗𑌾𑌰𑍍𑌦𑍍𑌰𑌜𑌟𑌾𑌕𑌲𑌾𑌪
𑌤𑍍𑌯𑌾𑌜𑍍𑌯𑌾𑌭𑌟𑌾𑌯 𑌇𑌤𑌿 𑌸𑌂𑌤𑌤𑌮𑌾𑌮𑌨𑌂𑌤𑌿 ॥ 10

𑌅𑌷𑍍𑌟𑍋𑌤𑍍𑌤𑌰𑌾𑌧𑌿𑌕𑌶𑌤𑍇𑌨 𑌸𑍁𑌚𑌾𑌰𑍁𑌨𑌾𑌮𑍍𑌨𑌾𑌂
𑌸𑌂𑌧𑌰𑍍𑌭𑌿𑌤𑌾𑌂 𑌲𑌲𑌿𑌤𑌰𑌤𑍍𑌨𑌕𑌦𑌂𑌬𑌕𑍇𑌨 ।
𑌸𑌨𑍍𑌨𑌾𑌮𑌕𑌾𑌂 𑌦𑍃𑌢𑌗𑍁𑌣𑌾𑌂 𑌦𑍍𑌵𑌿𑌜𑌕𑌂𑌠𑌗𑌾𑌂 𑌯𑌃
𑌕𑍁𑌰𑍍𑌯𑌾𑌦𑌿𑌮𑌾𑌂 𑌸𑍍𑌰𑌜𑌮𑌹𑍋 𑌸 𑌯𑌮𑌂 𑌨 𑌪𑌶𑍍𑌯𑍇𑌤𑍍 ॥ 11

𑌇𑌤𑌿 𑌯𑌮𑌕𑍃𑌤 𑌶𑍍𑌰𑍀 𑌶𑌿𑌵𑌕𑍇𑌶𑌵 𑌸𑍍𑌤𑍁𑌤𑌿𑌃 ।

Browse Related Categories: