Sri Divakara Panchakam - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శ్రీ దివాకర పఞ్చకమ్

అతుల్యవీర్యముగ్రతేజసం సురం
సుకాన్తిమిన్ద్రియప్రదం సుకాన్తిదమ్ ।
కృపారసైకపూర్ణమాదిరూపిణం
దివాకరం సదా భజే సుభాస్వరమ్ ॥ 1 ॥

ఇనం మహీపతిం చ నిత్యసంస్తుతం
కలాసువర్ణభూషణం రథస్థితమ్ ।
అచిన్త్యమాత్మరూపిణం గ్రహాశ్రయం
దివాకరం సదా భజే సుభాస్వరమ్ ॥ 2 ॥

ఉషోదయం వసుప్రదం సువర్చసం
విదిక్ప్రకాశకం కవిం కృపాకరమ్ ।
సుశాన్తమూర్తిమూర్ధ్వగం జగజ్జ్వలం
దివాకరం సదా భజే సుభాస్వరమ్ ॥ 3 ॥

ఋషిప్రపూజితం వరం వియచ్చరం
పరం ప్రభుం సరోరుహస్య వల్లభమ్ ।
సమస్తభూమిపం చ తారకాపతిం
దివాకరం సదా భజే సుభాస్వరమ్ ॥ 4 ॥

గ్రహాధిపం గుణాన్వితం చ నిర్జరం
సుఖప్రదం శుభాశయం భయాపహమ్ ।
హిరణ్యగర్భముత్తమం చ భాస్కరం
దివాకరం సదా భజే సుభాస్వరమ్ ॥ 5 ॥

ఇతి శ్రీ దివాకర పఞ్చకమ్ ।

Browse Related Categories: