గురుర్గుణవరో గోప్తా గోచరో గోపతిప్రియః ।
గుణీ గుణవతాం శ్రేష్ఠో గురూణాం గురురవ్యయః ॥ 1 ॥
జేతా జయన్తో జయదో జీవోఽనన్తో జయావహః ।
ఆఙ్గీరసోఽధ్వరాసక్తో వివిక్తోఽధ్వరకృత్పరః ॥ 2 ॥
వాచస్పతిర్వశీ వశ్యో వరిష్ఠో వాగ్విచక్షణః ।
చిత్తశుద్ధికరః శ్రీమాన్ చైత్రః చిత్రశిఖణ్డిజః ॥ 3 ॥
బృహద్రథో బృహద్భానుర్బృహస్పతిరభీష్టదః ।
సురాచార్యః సురారాధ్యః సురకార్యహితఙ్కరః ॥ 4 ॥
గీర్వాణపోషకో ధన్యో గీష్పతిర్గిరిశోఽనఘః ।
ధీవరో ధిషణో దివ్యభూషణో దేవపూజితః ॥ 5 ॥
ధనుర్ధరో దైత్యహన్తా దయాసారో దయాకరః ।
దారిద్ర్యనాశకో ధన్యో దక్షిణాయనసమ్భవః ॥ 6 ॥
ధనుర్మీనాధిపో దేవో ధనుర్బాణధరో హరిః ।
ఆఙ్గీరసాబ్జసఞ్జాతః ఆఙ్గీరసకులోద్భవః ॥ 7 ॥
సిన్ధుదేశాధిపో ధీమాన్ స్వర్ణవర్ణశ్చతుర్భుజః ।
హేమాఙ్గదో హేమవపుర్హేమభూషణభూషితః ॥ 8 ॥
పుష్యనాథః పుష్యరాగమణిమణ్డలమణ్డితః ।
కాశపుష్పసమానాభః కలిదోషనివారకః ॥ 9 ॥
ఇన్ద్రాదిదేవోదేవేశో దేవతాభీష్టదాయకః ।
అసమానబలః సత్త్వగుణసమ్పద్విభాసురః ॥ 10 ॥
భూసురాభీష్టదో భూరియశః పుణ్యవివర్ధనః ।
ధర్మరూపో ధనాధ్యక్షో ధనదో ధర్మపాలనః ॥ 11 ॥
సర్వవేదార్థతత్త్వజ్ఞః సర్వాపద్వినివారకః ।
సర్వపాపప్రశమనః స్వమతానుగతామరః ॥ 12 ॥
ఋగ్వేదపారగో ఋక్షరాశిమార్గప్రచారకః ।
సదానన్దః సత్యసన్ధః సత్యసఙ్కల్పమానసః ॥ 13 ॥
సర్వాగమజ్ఞః సర్వజ్ఞః సర్వవేదాన్తవిద్వరః ।
బ్రహ్మపుత్రో బ్రాహ్మణేశో బ్రహ్మవిద్యావిశారదః ॥ 14 ॥
సమానాధికనిర్ముక్తః సర్వలోకవశంవదః ।
ససురాసురగన్ధర్వవన్దితః సత్యభాషణః ॥ 15 ॥
నమః సురేన్ద్రవన్ద్యాయ దేవాచార్యాయ తే నమః ।
నమస్తేఽనన్తసామర్థ్య వేదసిద్ధాన్తపారగః ॥ 16 ॥
సదానన్ద నమస్తేఽస్తు నమః పీడాహరాయ చ ।
నమో వాచస్పతే తుభ్యం నమస్తే పీతవాససే ॥ 17 ॥
నమోఽద్వితీయరూపాయ లమ్బకూర్చాయ తే నమః ।
నమః ప్రహృష్టనేత్రాయ విప్రాణాం పతయే నమః ॥ 18 ॥
నమో భార్గవశిష్యాయ విపన్నహితకారిణే ।
నమస్తే సురసైన్యానాం విపత్తిత్రాణహేతవే ॥ 19 ॥
బృహస్పతిః సురాచార్యో దయావాన్ శుభలక్షణః ।
లోకత్రయగురుః శ్రీమాన్ సర్వగః సర్వతోవిభుః ॥ 20 ॥
సర్వేశః సర్వదాతుష్టః సర్వదః సర్వపూజితః ।
అక్రోధనో మునిశ్రేష్ఠో నీతికర్తా జగత్పితా ॥ 21 ॥
విశ్వాత్మా విశ్వకర్తా చ విశ్వయోనిరయోనిజః ।
భూర్భువోధనదాతా చ భర్తాజీవో మహాబలః ॥ 22 ॥
బృహస్పతిః కాశ్యపేయో దయావాన్ శుభలక్షణః ।
అభీష్టఫలదః శ్రీమాన్ శుభగ్రహ నమోఽస్తు తే ॥ 23 ॥
బృహస్పతిః సురాచార్యో దేవాసురసుపూజితః ।
ఆచార్యోదానవారిశ్చ సురమన్త్రీ పురోహితః ॥ 24 ॥
కాలజ్ఞః కాలృగ్వేత్తా చిత్తగశ్చ ప్రజాపతిః ।
విష్ణుః కృష్ణః సదాసూక్ష్మః ప్రతిదేవోజ్జ్వలగ్రహః ॥ 25 ॥
ఇతి శ్రీ బృహస్పతి అష్టోత్తరశతనామ స్తోత్రమ్ ।
