శృణు నామాని రాహోశ్చ సైంహికేయో విధున్తుదః ।
సురశత్రుస్తమశ్చైవ ఫణీ గార్గ్యాయణస్తథా ॥ 1 ॥

సురాగుర్నీలజీమూతసఙ్కాశశ్చ చతుర్భుజః ।
ఖడ్గఖేటకధారీ చ వరదాయకహస్తకః ॥ 2 ॥

శూలాయుధో మేఘవర్ణః కృష్ణధ్వజపతాకవాన్ ।
దక్షిణాశాముఖరతః తీక్ష్ణదంష్ట్రధరాయ చ ॥ 3 ॥

శూర్పాకారాసనస్థశ్చ గోమేదాభరణప్రియః ।
మాషప్రియః కశ్యపర్షినన్దనో భుజగేశ్వరః ॥ 4 ॥

ఉల్కాపాతజనిః శూలీ నిధిపః కృష్ణసర్పరాట్ ।
విషజ్వలావృతాస్యోఽర్ధశరీరో జాద్యసమ్ప్రదః ॥ 5 ॥

రవీన్దుభీకరశ్ఛాయాస్వరూపీ కఠినాఙ్గకః ।
ద్విషచ్చక్రచ్ఛేదకోఽథ కరాళాస్యో భయఙ్కరః ॥ 6 ॥

క్రూరకర్మా తమోరూపః శ్యామాత్మా నీలలోహితః ।
కిరీటీ నీలవసనః శనిసామన్తవర్త్మగః ॥ 7 ॥

చాణ్డాలవర్ణోఽథాశ్వ్యర్క్షభవో మేషభవస్తథా ।
శనివత్ఫలదః శూరోఽపసవ్యగతిరేవ చ ॥ 8 ॥

ఉపరాగకరః సూర్యహిమాంశుచ్ఛవిహారకః ।
నీలపుష్పవిహారశ్చ గ్రహశ్రేష్ఠోఽష్టమగ్రహః ॥ 9 ॥

కబన్ధమాత్రదేహశ్చ యాతుధానకులోద్భవః ।
గోవిన్దవరపాత్రం చ దేవజాతిప్రవిష్టకః ॥ 10 ॥

క్రూరో ఘోరః శనేర్మిత్రం శుక్రమిత్రమగోచరః ।
మానేగఙ్గాస్నానదాతా స్వగృహేప్రబలాఢ్యకః ॥ 11 ॥

సద్గృహేఽన్యబలధృచ్చతుర్థే మాతృనాశకః ।
చన్ద్రయుక్తే తు చణ్డాలజన్మసూచక ఏవ తు ॥ 12 ॥

జన్మసింహే రాజ్యదాతా మహాకాయస్తథైవ చ ।
జన్మకర్తా విధురిపు మత్తకో జ్ఞానదశ్చ సః ॥ 13 ॥

జన్మకన్యారాజ్యదాతా జన్మహానిద ఏవ చ ।
నవమే పితృహన్తా చ పఞ్చమే శోకదాయకః ॥ 14 ॥

ద్యూనే కళత్రహన్తా చ సప్తమే కలహప్రదః ।
షష్ఠే తు విత్తదాతా చ చతుర్థే వైరదాయకః ॥ 15 ॥

నవమే పాపదాతా చ దశమే శోకదాయకః ।
ఆదౌ యశః ప్రదాతా చ అన్తే వైరప్రదాయకః ॥ 16 ॥

కాలాత్మా గోచరాచారో ధనే చాస్య కకుత్ప్రదః ।
పఞ్చమే ధిషణాశృఙ్గదః స్వర్భానుర్బలీ తథా ॥ 17 ॥

మహాసౌఖ్యప్రదాయీ చ చన్ద్రవైరీ చ శాశ్వతః ।
సురశత్రుః పాపగ్రహః శామ్భవః పూజ్యకస్తథా ॥ 18 ॥

పాటీరపూరణశ్చాథ పైఠీనసకులోద్భవః ।
దీర్ఘకృష్ణోఽతనుర్విష్ణునేత్రారిర్దేవదానవౌ ॥ 19 ॥

భక్తరక్షో రాహుమూర్తిః సర్వాభీష్టఫలప్రదః ।
ఏతద్రాహుగ్రహస్యోక్తం నామ్నామష్టోత్తరం శతమ్ ॥ 20 ॥

శ్రద్ధయా యో జపేన్నిత్యం ముచ్యతే సర్వసఙ్కటాత్ ।
సర్వసమ్పత్కరస్తస్య రాహురిష్టప్రదాయకః ॥ 21 ॥

ఇతి శ్రీ రాహు అష్టోత్తరశతనామ స్తోత్రమ్ ।