Chaurashtakam (Sri Chauragraganya Purushashtakam) - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

చౌరాష్టకమ్ (శ్రీ చౌరాగ్రగణ్య పురుషాష్టకమ్)

వ్రజే ప్రసిద్ధం నవనీతచౌరం
గోపాఙ్గనానాం చ దుకూలచౌరమ్ ।
అనేకజన్మార్జితపాపచౌరం
చౌరాగ్రగణ్యం పురుషం నమామి ॥ 1॥

శ్రీరాధికాయా హృదయస్య చౌరం
నవామ్బుదశ్యామలకాన్తిచౌరమ్ ।
పదాశ్రితానాం చ సమస్తచౌరం
చౌరాగ్రగణ్యం పురుషం నమామి ॥ 2॥

అకిఞ్చనీకృత్య పదాశ్రితం యః
కరోతి భిక్షుం పథి గేహహీనమ్ ।
కేనాప్యహో భీషణచౌర ఈదృగ్-
దృష్టఃశ్రుతో వా న జగత్త్రయేఽపి ॥ 3॥

యదీయ నామాపి హరత్యశేషం
గిరిప్రసారాన్ అపి పాపరాశీన్ ।
ఆశ్చర్యరూపో నను చౌర ఈదృగ్
దృష్టః శ్రుతో వా న మయా కదాపి ॥ 4॥

ధనం చ మానం చ తథేన్ద్రియాణి
ప్రాణాంశ్చ హృత్వా మమ సర్వమేవ ।
పలాయసే కుత్ర ధృతోఽద్య చౌర
త్వం భక్తిదామ్నాసి మయా నిరుద్ధః ॥ 5॥

ఛినత్సి ఘోరం యమపాశబన్ధం
భినత్సి భీమం భవపాశబన్ధమ్ ।
ఛినత్సి సర్వస్య సమస్తబన్ధం
నైవాత్మనో భక్తకృతం తు బన్ధమ్ ॥ 6॥

మన్మానసే తామసరాశిఘోరే
కారాగృహే దుఃఖమయే నిబద్ధః ।
లభస్వ హే చౌర! హరే! చిరాయ
స్వచౌర్యదోషోచితమేవ దణ్డమ్ ॥ 7॥

కారాగృహే వస సదా హృదయే మదీయే
మద్భక్తిపాశదృఢబన్ధననిశ్చలః సన్ ।
త్వాం కృష్ణ హే! ప్రలయకోటిశతాన్తరేఽపి
సర్వస్వచౌర! హృదయాన్ న హి మోచయామి ॥ 8॥

ఇతి శ్రీబిల్వమఙ్గలఠాకూరవిరచితం చౌరాష్టకం సమ్పూర్ణమ్ ।

చౌరగ్రగణ్య పురుషాష్టకమ్ ।

Browse Related Categories: