శ్రీ కృష్ణ యజుర్వేద సంహితాన్తర్గతీయ స్వస్తివాచనమ్

ఆ॒శు-శ్శిశా॑నో వృష॒భో న యు॒ద్ధ్మో ఘ॑నాఘ॒నః, ఖ్షోభ॑ణ-శ్చర్​షణీ॒నామ్ । స॒ఙ్క్రన్ద॑నో-ఽనిమి॒ష ఏ॑క వీ॒ర-శ్శ॒తగ్ం సేనా॑ అజయ-థ్సా॒కమిన్ద్రః॑ ॥ స॒ఙ్క్రన్ద॑నేనా నిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా᳚ । తదిన్ద్రే॑ణ జయత॒ త-థ్స॑హద్ధ్వం॒-యుఀధో॑ నర॒ ఇషు॑హస్తేన॒ వృష్ణా᳚ ॥ స ఇషు॑హస్తై॒-స్స ని॑ష॒ఙ్గిభి॑ర్వ॒శీ సగ్గ్​స్ర॑ష్టా॒ స యుధ॒ ఇన్ద్రో॑ గ॒ణేన॑ । స॒గ్ం॒సృ॒ష్ట॒జి-థ్సో॑మ॒పా బా॑హుశ॒ర్ధ్యూ᳚ర్ధ్వధ॑న్వా॒ ప్రతి॑హితాభి॒రస్తా᳚ ॥ బృహ॑స్పతే॒ పరి॑ దీయా॒ [పరి॑ దీయ, రథే॑న] 4.6.16

రథే॑న రఖ్షో॒హా ఽమిత్రాగ్ం॑ అప॒ బాధ॑మానః । ప్ర॒భ॒ఞ్జన్-థ్సేనాః᳚ ప్రమృ॒ణో యు॒ధా జయ॑న్న॒స్మాక॑-మేద్ధ్యవి॒తా రథా॑నామ్ ॥ గో॒త్ర॒భిద॑-ఙ్గో॒విదం॒-వఀజ్ర॑బాహు॒-ఞ్జయ॑న్త॒మజ్మ॑ ప్రమృ॒ణన్త॒-మోజ॑సా । ఇ॒మగ్ం స॑జాతా॒ అను॑వీర-యద్ధ్వ॒మిన్ద్రగ్ం॑ సఖా॒యో-ఽను॒ సగ్ం ర॑భద్ధ్వమ్ ॥ బ॒ల॒వి॒జ్ఞా॒యః-స్థవి॑రః॒ ప్రవీ॑ర॒-స్సహ॑స్వాన్. వా॒జీ సహ॑మాన ఉ॒గ్రః । అ॒భివీ॑రో అ॒భిస॑త్వా సహో॒జా జైత్ర॑మిన్ద్ర॒ రథ॒మాతి॑ష్ఠ గో॒విత్ ॥ అ॒భి గో॒త్రాణి॒ సహ॑సా॒ గాహ॑మానో-ఽదా॒యో [గాహ॑మానో-ఽదా॒యః, వీ॒ర-శ్శ॒తమ॑న్యు॒రిన్ద్రః॑ ।] 4.6.17

వీ॒ర-శ్శ॒తమ॑న్యు॒రిన్ద్రః॑ । దు॒శ్చ్య॒వ॒నః పృ॑తనా॒షాడ॑ యు॒ద్ధ్యో᳚-స్మాక॒గ్ం॒ సేనా॑ అవతు॒ ప్ర యు॒థ్సు ॥ ఇన్ద్ర॑ ఆసాం-నే॒తా బృహ॒స్పతి॒ ర్దఖ్షి॑ణా య॒జ్ఞః పు॒ర ఏ॑తు॒ సోమః॑ । దే॒వ॒సే॒నానా॑-మభిభఞ్జతీ॒నా-ఞ్జయ॑న్తీనా-మ్మ॒రుతో॑ య॒న్త్వగ్రే᳚ ॥ ఇన్ద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానా᳚-మ్మ॒రుతా॒గ్ం॒ శర్ధ॑ ఉ॒గ్రమ్ । మ॒హామ॑నసా-మ్భువనచ్య॒వానా॒-ఙ్ఘోషో॑ దే॒వానా॒-ఞ్జయ॑తా॒ ముద॑స్థాత్ ॥ అ॒స్మాక॒-మిన్ద్ర॒-స్సమృ॑తేషు ధ్వ॒జేష్వ॒స్మాకం॒-యాఀ ఇష॑వ॒స్తా జ॑యన్తు । 4.6.18

అ॒స్మాకం॑-వీఀ॒రా ఉత్త॑రే భవన్త్వ॒స్మాను॑ దేవా అవతా॒ హవే॑షు ॥ ఉద్ధ॑ర్​షయ మఘవ॒న్నా-యు॑ధా॒-న్యుథ్సత్వ॑నా-మ్మామ॒కానా॒-మ్మహాగ్ం॑సి । ఉద్వృ॑త్రహన్ వా॒జినాం॒-వాఀజి॑నా॒న్యు-ద్రథా॑నా॒-ఞ్జయ॑తామేతు॒ ఘోషః॑ ॥ ఉప॒ ప్రేత॒ జయ॑తా నరస్స్థి॒రా వ॑-స్సన్తు బా॒హవః॑ । ఇన్ద్రో॑ వ॒-శ్శర్మ॑ యచ్ఛ త్వనా-ధృ॒ష్యా యథాస॑థ ॥ అవ॑సృష్టా॒ పరా॑ పత॒ శర॑వ్యే॒ బ్రహ్మ॑ సగ్ంశితా । గచ్ఛా॒-ఽమిత్రా॒-న్ప్ర- [గచ్ఛా॒-ఽమిత్రా॒-న్ప్ర, వి॒శ॒ మైషా॒-] 4.6.19

-వి॑శ॒ మైషా॒-ఙ్కఞ్చ॒నోచ్ఛి॑షః ॥ మర్మా॑ణి తే॒ వర్మ॑భిశ్ఛాదయామి॒ సోమ॑స్త్వా॒ రాజా॒ ఽమృతే॑నా॒భి-వ॑స్తామ్ । ఉ॒రోర్వరీ॑యో॒ వరి॑వస్తే అస్తు॒ జయ॑న్త॒-న్త్వామను॑ మదన్తు దే॒వాః ॥ యత్ర॑ బా॒ణా-స్స॒మ్పత॑న్తి కుమా॒రా వి॑శి॒ఖా ఇ॑వ । ఇన్ద్రో॑ న॒స్తత్ర॑ వృత్ర॒హా వి॑శ్వా॒హా శర్మ॑ యచ్ఛతు ॥ 4.6.20 ॥

జీ॒మూత॑స్యేవ భవతి॒ ప్రతీ॑కం॒-యఀద్వ॒ర్మీ యాతి॑ స॒మదా॑ము॒పస్థే᳚ । అనా॑విద్ధయా త॒నువా॑ జయ॒ త్వగ్ం స త్వా॒ వర్మ॑ణో మహి॒మా పి॑పర్తు ॥ ధన్వ॑నా॒ గా ధన్వ॑నా॒-ఽఽజి-ఞ్జ॑యేమ॒ ధన్వ॑నా తీ॒వ్రా-స్స॒మదో॑ జయేమ । ధను॒-శ్శత్రో॑రపకా॒మ-ఙ్కృ॑ణోతి॒ ధన్వ॑నా॒ సర్వాః᳚ ప్ర॒దిశో॑ జయేమ ॥ వ॒ఖ్ష్యన్తీ॒వేదా గ॑నీగన్తి॒ కర్ణ॑-మ్ప్రి॒యగ్ం సఖా॑య-మ్పరిషస్వజా॒నా । యోషే॑వ శిఙ్క్తే॒ విత॒తా-ఽధి॒ ధన్వ॒- [ధన్వన్న్॑, జ్యా ఇ॒యగ్ం] 4.6.27

-ఞ్జ్యా ఇ॒యగ్ం సమ॑నే పా॒రయ॑న్తీ ॥ తే ఆ॒చర॑న్తీ॒ సమ॑నేవ॒ యోషా॑ మా॒తేవ॑ పు॒త్ర-మ్బి॑భృతాము॒పస్థే᳚ । అప॒ శత్రూన్॑ విద్ధ్యతాగ్ం సం​విఀదా॒నే ఆర్త్నీ॑ ఇ॒మే వి॑ష్ఫు॒రన్తీ॑ అ॒మిత్రాన్॑ ॥ బ॒హ్వీ॒నా-మ్పి॒తా బ॒హుర॑స్య పు॒త్రశ్చి॒శ్చా కృ॑ణోతి॒ సమ॑నా-ఽవ॒గత్య॑ । ఇ॒షు॒ధి-స్సఙ్కాః॒ పృత॑నాశ్చ॒ సర్వాః᳚ పృ॒ష్ఠే నిన॑ద్ధో జయతి॒ ప్రసూ॑తః ॥ రథే॒ తిష్ఠ॑-న్నయతి వా॒జినః॑ పు॒రో యత్ర॑యత్ర కా॒మయ॑తే సుషార॒థిః । అ॒భీశూ॑నా-మ్మహి॒మాన॑- [మహి॒మాన᳚మ్, ప॒నా॒య॒త॒ మనః॑] 4.6.28

-మ్పనాయత॒ మనః॑ ప॒శ్చాదను॑ యచ్ఛన్తి ర॒శ్మయః॑ ॥ తీ॒వ్రా-న్ఘోషా᳚న్ కృణ్వతే॒ వృష॑పాణ॒యో-ఽశ్వా॒ రథే॑భి-స్స॒హ వా॒జయ॑న్తః । అ॒వ॒క్రామ॑న్తః॒ ప్రప॑దైర॒మిత్రా᳚న్ ఖ్షి॒ణన్తి॒ శత్రూ॒గ్ం॒రన॑పవ్యయన్తః ॥ ర॒థ॒వాహ॑నగ్ం హ॒విర॑స్య॒ నామ॒ యత్రా-ఽఽయు॑ధ॒-న్నిహి॑తమస్య॒ వర్మ॑ । తత్రా॒ రథ॒ముప॑ శ॒గ్మగ్ం స॑దేమ వి॒శ్వాహా॑ వ॒యగ్ం సు॑మన॒స్యమా॑నాః ॥ స్వా॒దు॒ష॒గ్ం॒ సదః॑ పి॒తరో॑ వయో॒ధాః కృ॑చ్ఛ్రే॒శ్రిత॒-శ్శక్తీ॑వన్తో గభీ॒రాః । చి॒త్రసే॑నా॒ ఇషు॑బలా॒ అమృ॑ద్ధ్రా-స్స॒తోవీ॑రా ఉ॒రవో᳚ వ్రాతసా॒హాః ॥ బ్రాహ్మ॑ణాసః॒ [బ్రాహ్మ॑ణాసః, పిత॑ర॒-] 4.6.29

పిత॑ర॒-స్సోమ్యా॑స-శ్శి॒వే నో॒ ద్యావా॑పృథి॒వీ అ॑నే॒హసా᳚ । పూ॒షా నః॑ పాతు దురి॒తాదృ॑తావృధో॒ రఖ్షా॒ మాకి॑ర్నో అ॒ఘశగ్ం॑స ఈశత ॥ సు॒ప॒ర్ణం-వఀ ॑స్తే మృ॒గో అ॑స్యా॒ దన్తో॒ గోభి॒-స్సన్న॑ద్ధా పతతి॒ ప్రసూ॑తా । యత్రా॒ నర॒-స్స-ఞ్చ॒ వి చ॒ ద్రవ॑న్తి॒ తత్రా॒స్మభ్య॒మిష॑వ॒-శ్శర్మ॑ యగ్ంసన్న్ ॥ ఋజీ॑తే॒ పరి॑ వృఙ్గ్ధి॒ నో-ఽశ్మా॑ భవతు నస్త॒నూః । సోమో॒ అధి॑ బ్రవీతు॒ నో-ఽది॑తి॒- [నో-ఽది॑తిః, శర్మ॑ యచ్ఛతు ।] 4.6.30

-శ్శర్మ॑ యచ్ఛతు ॥ ఆ జ॑ఙ్ఘన్తి॒ సాన్వే॑షా-ఞ్జ॒ఘనా॒గ్ం॒ ఉప॑ జిఘ్నతే । అశ్వా॑జని॒ ప్రచే॑త॒సో-ఽశ్వా᳚న్-థ్స॒మథ్సు॑ చోదయ ॥ అహి॑రివ భో॒గైః పర్యే॑తి బా॒హు-ఞ్జ్యాయా॑ హే॒తి-మ్ప॑రి॒బాధ॑మానః । హ॒స్త॒ఘ్నో విశ్వా॑ వ॒యునా॑ని వి॒ద్వా-న్పుమా॒-న్పుమాగ్ం॑స॒-మ్పరి॑ పాతు వి॒శ్వతః॑ ॥ వన॑స్పతే వీ॒డ్వ॑ఙ్గో॒ హి భూ॒యా అ॒స్మ-థ్స॑ఖా ప్ర॒తర॑ణ-స్సు॒వీరః॑ । గోభి॒-స్సన్న॑ద్ధో అసి వీ॒డయ॑స్వా-ఽఽస్థా॒తా తే॑ జయతు॒ జేత్వా॑ని ॥ ది॒వః పృ॑థి॒వ్యాః ప- [పరి॑, ఓజ॒ ఉ-ద్భృ॑తం॒-] 4.6.31

-ర్యోజ॒ ఉ-ద్భృ॑తం॒-వఀన॒స్పతి॑భ్యః॒ పర్యాభృ॑త॒గ్ం॒ సహః॑ । అ॒పామో॒జ్మాన॒-మ్పరి॒ గోభి॒రావృ॑త॒మిన్ద్ర॑స్య॒ వజ్రగ్ం॑ హ॒విషా॒ రథం॑-యఀజ ॥ ఇన్ద్ర॑స్య॒ వజ్రో॑ మ॒రుతా॒మనీ॑క-మ్మి॒త్రస్య॒ గర్భో॒ వరు॑ణస్య॒ నాభిః॑ । సేమా-న్నో॑ హ॒వ్యదా॑తి-ఞ్జుషా॒ణో దేవ॑ రథ॒ ప్రతి॑ హ॒వ్యా గృ॑భాయ ॥ ఉప॑ శ్వాసయ పృథి॒వీము॒త ద్యా-మ్పు॑రు॒త్రా తే॑ మనుతాం॒-విఀష్ఠి॑త॒-ఞ్జగ॑త్ । స దు॑న్దుభే స॒జూరిన్ద్రే॑ణ దే॒వైర్దూ॒రా- [దే॒వైర్దూ॒రాత్, దవీ॑యో॒] 4.6.32

-ద్దవీ॑యో॒ అప॑సేధ॒ శత్రూన్॑ ॥ ఆ క్ర॑న్దయ॒ బల॒మోజో॑ న॒ ఆ ధా॒ నిష్ట॑నిహి దురి॒తా బాధ॑మానః । అప॑ ప్రోథ దున్దుభే దు॒చ్ఛునాగ్ం॑ ఇ॒త ఇన్ద్ర॑స్య ము॒ష్టిర॑సి వీ॒డయ॑స్వ ॥ ఆ-ఽమూర॑జ ప్ర॒త్యావ॑ర్తయే॒మాః కే॑తు॒మ-ద్దు॑న్దు॒భి ర్వా॑వదీతి । సమశ్వ॑పర్ణా॒శ్చర॑న్తి నో॒ నరో॒-ఽస్మాక॑మిన్ద్ర ర॒థినో॑ జయన్తు ॥ 4.6.33 ॥

మమా᳚గ్నే॒ వర్చో॑ విహ॒వేష్వ॑స్తు వ॒య-న్త్వేన్ధా॑నా స్త॒నువ॑-మ్పుషేమ । మహ్య॑-న్నమన్తా-మ్ప్ర॒దిశ॒శ్చత॑స్ర॒ స్త్వయా-ఽద్ధ్య॑ఖ్షేణ॒ పృత॑నా జయేమ ॥ మమ॑ దే॒వా వి॑హ॒వే స॑న్తు॒ సర్వ॒ ఇన్ద్రా॑వన్తో మ॒రుతో॒ విష్ణు॑ర॒గ్నిః । మమా॒న్తరి॑ఖ్ష ము॒రు గో॒పమ॑స్తు॒ మహ్యం॒-వాఀతః॑ పవతా॒-ఙ్కామే॑ అ॒స్మిన్న్ ॥ మయి॑ దే॒వా ద్రవి॑ణ॒ మాయ॑జన్తా॒-మ్మయ్యా॒ శీర॑స్తు॒ మయి॑ దే॒వహూ॑తిః । దైవ్యా॒ హోతా॑రా వనిషన్త॒ [వనిషన్త, పూర్వే ఽరి॑ష్టా-స్స్యామ] 4.7.29

పూర్వే ఽరి॑ష్టా-స్స్యామ త॒నువా॑ సు॒వీరాః᳚ ॥ మహ్యం॑-యఀజన్తు॒ మమ॒ యాని॑ హ॒వ్యా-ఽఽకూ॑తి-స్స॒త్యా మన॑సో మే అస్తు । ఏనో॒ మానిగా᳚-ఙ్కత॒మచ్చ॒నాహం-విఀశ్వే॑ దేవాసో॒ అధి॑వోచ తా మే ॥ దేవీ᳚-ష్షడుర్వీరు॒రుణః॑ కృణోత॒ విశ్వే॑ దేవా స ఇ॒హ వీ॑రయద్ధ్వమ్ । మాహా᳚స్మహి ప్ర॒జయా॒ మా త॒నూభి॒ర్మా ర॑ధామ ద్విష॒తే సో॑మ రాజన్న్ ॥ అ॒గ్నిర్మ॒న్యు-మ్ప్ర॑తిను॒ద-న్పు॒రస్తా॒- [ప్ర॑తిను॒ద-న్పు॒రస్తా᳚త్, అద॑బ్ధో గో॒పాః] 4.7.30

-దద॑బ్ధో గో॒పాః పరి॑పాహి న॒స్త్వమ్ । ప్ర॒త్యఞ్చో॑ యన్తు ని॒గుతః॒ పున॒స్తే॑ ఽమైషా᳚-ఞ్చి॒త్త-మ్ప్ర॒బుధా॒ వినే॑శత్ ॥ ధా॒తా ధా॑తృ॒ణా-మ్భువ॑నస్య॒ యస్పతి॑ ర్దే॒వగ్ం స॑వి॒తార॑మభి మాతి॒షాహ᳚మ్ । ఇ॒మం-యఀ॒జ్ఞ మ॒శ్వినో॒భా బృహ॒స్పతి॑ ర్దే॒వాః పా᳚న్తు॒ యజ॑మాన-న్న్య॒ర్థాత్ ॥ ఉ॒రు॒వ్యచా॑ నో మహి॒ష-శ్శర్మ॑ యగ్ం సద॒స్మిన్. హవే॑ పురుహూ॒తః పు॑రు॒ఖ్షు । స నః॑ ప్ర॒జాయై॑ హర్యశ్వ మృడ॒యేన్ద్ర॒ మా [మృడ॒యేన్ద్ర॒ మా, నో॒ రీ॒రి॒షో॒ మా పరా॑ దాః ।] 4.7.31

నో॑ రీరిషో॒ మా పరా॑ దాః ॥ యే న॑-స్స॒పత్నా॒ అప॒తే భ॑వన్త్విన్ద్రా॒-గ్నిభ్యా॒మవ॑ బాధామహే॒ తాన్ । వస॑వో రు॒ద్రా ఆ॑ది॒త్యా ఉ॑పరి॒ స్పృశ॑-మ్మో॒గ్ర-ఞ్చేత్తా॑రమధి రా॒జమ॑క్రన్న్ ॥ అ॒ర్వాఞ్చ॒ మిన్ద్ర॑మ॒ముతో॑ హవామహే॒ యో గో॒జి-ద్ధ॑న॒-జిద॑శ్వ॒-జిద్యః । ఇ॒మన్నో॑ య॒జ్ఞం-విఀ ॑హ॒వే జు॑షస్వా॒స్య కు॑ర్మో హరివో మే॒దిన॑-న్త్వా ॥ 4.7.32 ॥

అ॒గ్నేర్మ॑న్వే ప్రథ॒మస్య॒ ప్రచే॑తసో॒ య-మ్పాఞ్చ॑జన్య-మ్బ॒హవ॑-స్సమి॒న్ధతే᳚ । విశ్వ॑స్యాం-విఀ॒శి ప్ర॑వివిశి॒వాగ్ం స॑మీమహే॒ స నో॑ ముఞ్చ॒త్వగ్ం హ॑సః ॥ యస్యే॒ద-మ్ప్రా॒ణన్ని॑మి॒ష-ద్యదేజ॑తి॒ యస్య॑ జా॒త-ఞ్జన॑మాన-ఞ్చ॒ కేవ॑లమ్ । స్తౌమ్య॒గ్ని-న్నా॑థి॒తో జో॑హవీమి॒ స నో॑ ముఞ్చ॒త్వగ్ం హ॑సః ॥ ఇన్ద్ర॑స్య మన్యే ప్రథ॒మస్య॒ ప్రచే॑తసో వృత్ర॒ఘ్న-స్స్తోమా॒ ఉప॒ మాము॒పాగుః॑ । యో దా॒శుష॑-స్సు॒కృతో॒ హవ॒ముప॒ గన్తా॒ [గన్తా᳚, స నో॑ ముఞ్చ॒త్వగ్ం హ॑సః ।] 4.7.33

స నో॑ ముఞ్చ॒త్వగ్ం హ॑సః ॥ య-స్స॑ఙ్గ్రా॒మ-న్నయ॑తి॒ సం-వఀ॒శీ యు॒ధే యః పు॒ష్టాని॑ సగ్ంసృ॒జతి॑ త్ర॒యాణి॑ । స్తౌమీన్ద్ర॑-న్నాథి॒తో జో॑హవీమి॒ స నో॑ ముఞ్చ॒త్వగ్ం హ॑సః ॥ మ॒న్వే వా᳚-మ్మిత్రా వరుణా॒ తస్య॑ విత్త॒గ్ం॒ సత్యౌ॑జసా దృగ్ంహణా॒ య-న్ను॒దేథే᳚ । యా రాజా॑నగ్ం స॒రథం॑-యాఀ॒థ ఉ॑గ్రా॒ తా నో॑ ముఞ్చత॒మాగ॑సః ॥ యో వా॒గ్ం॒ రథ॑ ఋ॒జుర॑శ్మి-స్స॒త్యధ॑ర్మా॒ మిథు॒ శ్చర॑న్త-ముప॒యాతి॑ దూ॒షయన్న్॑ । స్తౌమి॑ [ ] 4.7.34

మి॒త్రావరు॑ణా నాథి॒తో జో॑హవీమి॒ తౌ నో॑ ముఞ్చత॒మాగ॑సః ॥ వా॒యో-స్స॑వి॒తు ర్వి॒దథా॑ని మన్మహే॒ యావా᳚త్మ॒న్వ-ద్బి॑భృ॒తో యౌ చ॒ రఖ్ష॑తః । యౌ విశ్వ॑స్య పరి॒భూ బ॑భూ॒వతు॒స్తౌ నో॑ ముఞ్చత॒మాగ॑సః ॥ ఉప॒ శ్రేష్ఠా॑న ఆ॒శిషో॑ దే॒వయో॒ర్ధర్మే॑ అస్థిరన్న్ । స్తౌమి॑ వా॒యుగ్ం స॑వి॒తార॑-న్నాథి॒తో జో॑హవీమి॒ తౌ నో॑ ముఞ్చత॒మాగ॑సః ॥ ర॒థీత॑మౌ రథీ॒నామ॑హ్వ ఊ॒తయే॒ శుభ॒-ఙ్గమి॑ష్ఠౌ సు॒యమే॑భి॒రశ్వైః᳚ । యయో᳚- [యయోః᳚, వా॒-న్దే॒వౌ॒ దే॒వేష్వ-ని॑శిత॒-] 4.7.35

-ర్వా-న్దేవౌ దే॒వేష్వ-ని॑శిత॒-మోజ॒స్తౌ నో॑ ముఞ్చత॒మాగ॑సః ॥ యదయా॑తం-వఀఀహ॒తుగ్ం సూ॒ర్యాయా᳚-స్త్రిచ॒క్రేణ॑ స॒గ్ం॒ సద॑మి॒చ్ఛమా॑నౌ । స్తౌమి॑ దే॒వా వ॒శ్వినౌ॑ నాథి॒తో జో॑హవీమి॒ తౌ నో॑ ముఞ్చత॒మాగ॑సః ॥ మ॒రుతా᳚-మ్మన్వే॒ అధి॑నో బ్రువన్తు॒ ప్రేమాం-వాఀచం॒-విఀశ్వా॑ మవన్తు॒ విశ్వే᳚ । ఆ॒శూన్. హు॑వే సు॒యమా॑నూ॒తయే॒ తే నో॑ ముఞ్చ॒న్త్వేన॑సః ॥ తి॒గ్మమాయు॑ధం-వీఀడి॒తగ్ం సహ॑స్వ-ద్ది॒వ్యగ్ం శర్ధః॒ [శర్ధః॑, పృత॑నాసు జి॒ష్ణు ।] 4.7.36

పృత॑నాసు జి॒ష్ణు । స్తౌమి॑ దే॒వా-న్మ॒రుతో॑ నాథి॒తో జో॑హవీమి॒ తే నో॑ ముఞ్చ॒న్త్వేన॑సః ॥ దే॒వానా᳚-మ్మన్వే॒ అధి॑ నో బ్రువన్తు॒ ప్రేమాం-వాఀచం॒-విఀశ్వా॑మవన్తు॒ విశ్వే᳚ । ఆ॒శూన్. హు॑వే సు॒యమా॑నూ॒తయే॒ తే నో॑ ముఞ్చ॒న్త్వేన॑సః ॥ యది॒ద-మ్మా॑-ఽభి॒శోచ॑తి॒ పౌరు॑షేయేణ॒ దైవ్యే॑న । స్తౌమి॒ విశ్వా᳚-న్దే॒వా-న్నా॑థి॒తో జో॑హవీమి॒ తే నో॑ ముఞ్చ॒న్త్వేన॑సః ॥ అను॑నో॒-ఽద్యాను॑మతి॒ ర- [అను॑నో॒-ఽద్యాను॑మతి॒ రను॑, ఇద॑నుమతే॒] 4.7.37

-న్విద॑నుమతే॒ త్వం ఀవై᳚శ్వాన॒రో న॑ ఊ॒త్యాపృ॒ష్టో ది॒వి> 4 ॥ యే అప్ర॑థేతా॒-మమి॑తేభి॒ రోజో॑భి॒ ర్యే ప్ర॑తి॒ష్ఠే అభ॑వతాం॒-వఀసూ॑నామ్ । స్తౌమి॒ ద్యావా॑ పృథి॒వీ నా॑థి॒తో జో॑హవీమి॒ తే నో॑ ముఞ్చత॒మగ్ం హ॑సః ॥ ఉర్వీ॑ రోదసీ॒ వరి॑వః కృణోత॒-ఙ్ఖ్షేత్ర॑స్య పత్నీ॒ అధి॑ నో బ్రూయాతమ్ । స్తౌమి॒ ద్యావా॑ పృథి॒వీ నా॑థి॒తో జో॑హవీమి॒ తే నో॑ ముఞ్చత॒మగ్ం హ॑సః ॥ య-త్తే॑ వ॒య-మ్పు॑రుష॒త్రా య॑వి॒ష్ఠా వి॑ద్వాగ్ంసశ్చకృ॒మా కచ్చ॒నా- [కచ్చ॒న, ఆగః॑ ।] 4.7.38

-ఽఽగః॑ । కృ॒ధీ స్వ॑స్మాగ్ం అది॑తే॒రనా॑గా॒ వ్యేనాగ్ం॑సి శిశ్రథో॒ విష్వ॑గగ్నే ॥ యథా॑ హ॒ త-ద్వ॑సవో గౌ॒ర్య॑-ఞ్చి-త్ప॒దిషి॒తా మము॑ఞ్చతా యజత్రాః । ఏ॒వా త్వమ॒స్మ-త్ప్రము॑ఞ్చా॒ వ్యగ్ంహః॒ ప్రాతా᳚ర్యగ్నే ప్రత॒రాన్న॒ ఆయుః॑ ॥ 4.7.39 ॥