Sri Adiya (Surya) Dwadasha Nama Stotram - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

శ్రీ ఆదిత్య (సూర్య) ద్వాదశ నామ స్తోత్రమ్

ఆదిత్యః ప్రథమం నామం ద్వితీయం తు దివాకరః ।
తృతీయం భాస్కరః ప్రోక్తం చతుర్థం తు ప్రభాకరః ॥ 1 ॥

పఞ్చమం తు సహస్రాంశుః షష్ఠం చైవ త్రిలోచనః ।
సప్తమం హరిదశ్వశ్చ అష్టమం తు విభావసుః ॥ 2 ॥

నవమం దినకృత్ ప్రోక్తం దశమం ద్వాదశాత్మకః ।
ఏకాదశం త్రయీమూర్తిర్ద్వాదశం సూర్య ఏవ చ ॥ 3 ॥

ద్వాదశాదిత్యనామాని ప్రాతః కాలే పఠేన్నరః ।
దుఃస్వప్నో నశ్యతే తస్య సర్వదుఃఖం చ నశ్యతి ॥ 4 ॥

దద్రుకుష్ఠహరం చైవ దారిద్ర్యం హరతే ధ్రువమ్ ।
సర్వతీర్థకరం చైవ సర్వకామఫలప్రదమ్ ॥ 5 ॥

యః పఠేత్ ప్రాతరుత్థాయ భక్త్యా స్తోత్రమిదం నరః ।
సౌఖ్యమాయుస్తథారోగ్యం లభతే మోక్షమేవ చ ॥ 6 ॥

ఇతి శ్రీ ఆదిత్య ద్వాదశనామ స్తోత్రమ్ ।

Browse Related Categories: