Surya Grahana Shanti Parihara Slokas - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

సూర్య గ్రహణ శాన్తి పరిహార శ్లోకాః

శాన్తి శ్లోకః
ఇన్ద్రోఽనలో దణ్డధరశ్చ రక్షః
ప్రాచేతసో వాయు కుబేర శర్వాః ।
మజ్జన్మ ఋక్షే మమ రాశి సంస్థే
సూర్యోపరాగం శమయన్తు సర్వే ॥

గ్రహణ పీడా పరిహార శ్లోకాః
యోఽసౌ వజ్రధరో దేవః ఆదిత్యానాం ప్రభుర్మతః ।
సహస్రనయనః శక్రః గ్రహపీడాం వ్యపోహతు ॥ 1

ముఖం యః సర్వదేవానాం సప్తార్చిరమితద్యుతిః ।
చన్ద్రసూర్యోపరాగోత్థాం అగ్నిః పీడాం వ్యపోహతు ॥ 2

యః కర్మసాక్షీ లోకానాం యమో మహిషవాహనః ।
చన్ద్రసూర్యోపరాగోత్థాం గ్రహపీడాం వ్యపోహతు ॥ 3

రక్షో గణాధిపః సాక్షాత్ ప్రలయానలసన్నిభః ।
ఉగ్రః కరాలో నిర్‍ఋతిః గ్రహపీడాం వ్యపోహతు ॥ 4

నాగపాశధరో దేవః సదా మకరవాహనః ।
వరుణో జలలోకేశో గ్రహపీడాం వ్యపోహతు ॥ 5

యః ప్రాణరూపో లోకానాం వాయుః కృష్ణమృగప్రియః ।
చన్ద్రసూర్యోపరాగోత్థాం గ్రహపీడాం వ్యపోహతు ॥ 6

యోఽసౌ నిధిపతిర్దేవః ఖడ్గశూలధరో వరః ।
చన్ద్రసూర్యోపరాగోత్థాం కలుషం మే వ్యపోహతు ॥ 7

యోఽసౌ శూలధరో రుద్రః శఙ్కరో వృషవాహనః ।
చన్ద్రసూర్యోపరాగోత్థాం దోషం నాశయతు ద్రుతమ్ ॥ 8

ఓం శాన్తిః శాన్తిః శాన్తిః ।

Browse Related Categories: