ఓం స॒హ నా॑వవతు । స॒హ నౌ॑ భునక్తు । స॒హ వీ॒ర్య॑-ఙ్కరవావహై ।
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ॥
ఓం శాన్తి॒-శ్శాన్తి॒-శ్శాన్తిః॑ ॥
[ధా॒తా పు॒రస్తా॒ద్యము॑దాజ॒హార॑ । శ॒క్రః ప్రవి॒ద్వాన్-ప్ర॒దిశ॒శ్చత॑స్రః ।
తమే॒వం-విఀ॒ద్వాన॒మృత॑ ఇ॒హ భ॑వతి । నాన్యః పన్థా॒ అయ॑నాయ విద్యతే ॥]
ఓమ్ ॥ స॒హ॒స్ర॒శీర్॑ష-న్దే॒వం॒ వి॒శ్వాఖ్షం॑-విఀ॒శ్వశ॑మ్భువమ్ ।
విశ్వ॑-న్నా॒రాయ॑ణ-న్దే॒వ॒మ॒ఖ్షర॑-మ్పర॒మ-మ్ప॒దమ్ ।
వి॒శ్వతః॒ పర॑మాన్ని॒త్యం॒-విఀ॒శ్వ-న్నా॑రాయ॒ణగ్ం హ॑రిమ్ ।
విశ్వ॑మే॒వేద-మ్పురు॑ష॒-స్తద్విశ్వ-ముప॑జీవతి ।
పతిం॒-విఀశ్వ॑స్యా॒త్మేశ్వ॑ర॒గ్ం॒ శాశ్వ॑తగ్ం శి॒వ-మ॑చ్యుతమ్ ।
నా॒రాయ॒ణ-మ్మ॑హాజ్ఞే॒యం॒-విఀ॒శ్వాత్మా॑న-మ్ప॒రాయ॑ణమ్ ।
నా॒రాయ॒ణప॑రో జ్యో॒తి॒రా॒త్మా నా॑రాయ॒ణః ప॑రః ।
నా॒రాయ॒ణపర॑-మ్బ్ర॒హ్మ॒ తత్త్వ-న్నా॑రాయ॒ణః ప॑రః ।
నా॒రాయ॒ణప॑రో ధ్యా॒తా॒ ధ్యా॒న-న్నా॑రాయ॒ణః ప॑రః ।
యచ్చ॑ కి॒ఞ్చిజ్జ॑గత్స॒ర్వ॒-న్దృ॒శ్యతే᳚ శ్రూయ॒తే-ఽపి॑ వా ॥
అన్త॑ర్బ॒హిశ్చ॑ తత్స॒ర్వం॒-వ్యాఀ॒ప్య నా॑రాయ॒ణ-స్స్థి॑తః ।
అనన్త॒మవ్యయ॑-ఙ్క॒విగ్ం స॑ము॒ద్రేం-ఽతం॑-విఀ॒శ్వశ॑మ్భువమ్ ।
ప॒ద్మ॒కో॒శ-ప్ర॑తీకా॒శ॒గ్ం॒ హృ॒దయ॑-ఞ్చాప్య॒ధోము॑ఖమ్ ।
అధో॑ ని॒ష్ట్యా వి॑తస్యా॒న్తే॒ నా॒భ్యాము॑పరి॒ తిష్ఠ॑తి ।
జ్వా॒ల॒మా॒లాకు॑ల-మ్భా॒తీ॒ వి॒శ్వస్యా॑యత॒న-మ్మ॑హత్ ।
సన్త॑తగ్ం శి॒లాభి॑స్తు॒ లమ్బ॑త్యాకోశ॒సన్ని॑భమ్ ।
తస్యాన్తే॑ సుషి॒రగ్ం సూ॒ఖ్ష్మ-న్తస్మిన్᳚ స॒ర్వ-మ్ప్రతి॑ష్ఠితమ్ ।
తస్య॒ మధ్యే॑ మ॒హాన॑గ్ని-ర్వి॒శ్వార్చి॑-ర్వి॒శ్వతో॑ముఖః ।
సో-ఽగ్ర॑భు॒గ్విభ॑జన్తి॒ష్ఠ॒-న్నాహా॑రమజ॒రః క॒విః ।
తి॒ర్య॒గూ॒ర్ధ్వమ॑ధశ్శా॒యీ॒ ర॒శ్మయ॑స్తస్య॒ సన్త॑తా ।
స॒న్తా॒పయ॑తి స్వ-న్దే॒హమాపా॑దతల॒మస్త॑కః ।
తస్య॒ మధ్యే॒ వహ్ని॑శిఖా అ॒ణీయో᳚ర్ధ్వా వ్య॒వస్థి॑తః ।
నీ॒లతో॑-యద॑మధ్య॒స్థా॒-ద్వి॒ధ్యుల్లే॑ఖేవ॒ భాస్వ॑రా ।
నీ॒వార॒శూక॑వత్త॒న్వీ॒ పీ॒తా భా᳚స్వత్య॒ణూప॑మా ।
తస్యా᳚-శ్శిఖా॒యా మ॑ధ్యే ప॒రమా᳚త్మా వ్య॒వస్థి॑తః ।
స బ్రహ్మ॒ స శివ॒-స్స హరి॒-స్సేన్ద్ర॒-స్సో-ఽఖ్ష॑రః పర॒మ-స్స్వ॒రాట్ ॥
ఋతగ్ం స॒త్య-మ్ప॑ర-మ్బ్ర॒హ్మ॒ పు॒రుష॑-ఙ్కృష్ణ॒పిఙ్గ॑లమ్ ।
ఊ॒ర్ధ్వరే॑తం-విఀ ॑రూపా॒ఖ్షం॒-విఀ॒శ్వరూ॑పాయ॒ వై నమో॒ నమః॑ ॥
ఓ-న్నా॒రా॒య॒ణాయ॑ వి॒ద్మహే॑ వాసుదే॒వాయ॑ ధీమహి ।
తన్నో॑ విష్ణుః ప్రచో॒దయా᳚త్ ॥
ఓం శాన్తి॒-శ్శాన్తి॒-శ్శాన్తిః॑ ॥
