𑌯𑌾𑌜𑍍𑌞𑌵𑌲𑍍𑌕𑍍𑌯𑌕𑍃𑌤 𑌸𑌰𑌸𑍍𑌵𑌤𑍀 𑌸𑍍𑌤𑌵𑌮𑍍
𑌯𑌾𑌜𑍍𑌞𑌵𑌲𑍍𑌕𑍍𑌯 𑌉𑌵𑌾𑌚
𑌕𑍃𑌪𑌾𑌂 𑌕𑍁𑌰𑍁 𑌜𑌗𑌨𑍍𑌮𑌾𑌤𑌰𑍍-𑌮𑌾𑌮𑍇𑌵𑌂 𑌹𑌤𑌤𑍇𑌜𑌸𑌮𑍍 ।
𑌗𑍁𑌰𑍁𑌶𑌾𑌪𑌾𑌤𑍍 𑌸𑍍𑌮𑍃𑌤𑌿𑌭𑍍𑌰𑌷𑍍𑌟𑌂 𑌵𑌿𑌦𑍍𑌯𑌾𑌹𑍀𑌨𑌂 𑌚 𑌦𑍁𑌃𑌖𑌿𑌤𑌮𑍍 ॥ 1 ॥
𑌜𑍍𑌞𑌾𑌨𑌂 𑌦𑍇𑌹𑌿 𑌸𑍍𑌮𑍃𑌤𑌿𑌂 𑌵𑌿𑌦𑍍𑌯𑌾𑌂 𑌶𑌕𑍍𑌤𑌿𑌂 𑌶𑌿𑌷𑍍𑌯 𑌪𑍍𑌰𑌬𑍋𑌧𑌿𑌨𑍀𑌮𑍍 ।
𑌗𑍍𑌰𑌂𑌥𑌕𑌰𑍍𑌤𑍃𑌤𑍍𑌵 𑌶𑌕𑍍𑌤𑌿𑌂 𑌚 𑌸𑍁𑌶𑌿𑌷𑍍𑌯𑌂 𑌸𑍁𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ॥ 2 ॥
𑌪𑍍𑌰𑌤𑌿𑌭𑌾𑌂 𑌸𑌤𑍍𑌸𑌭𑌾𑌯𑌾𑌂 𑌚 𑌵𑌿𑌚𑌾𑌰𑌕𑍍𑌷𑌮𑌤𑌾𑌂 𑌶𑍁𑌭𑌾𑌮𑍍 ।
𑌲𑍁𑌪𑍍𑌤𑌂 𑌸𑌰𑍍𑌵𑌂 𑌦𑍈𑌵 𑌯𑍋𑌗𑌾-𑌨𑍍𑌨𑌵𑍀𑌭𑍂𑌤𑌂 𑌪𑍁𑌨𑌃 𑌕𑍁𑌰𑍁 ॥ 3 ॥
𑌯𑌥𑌾𑌂𑌕𑍁𑌰𑌂 𑌭𑌸𑍍𑌮𑌨𑌿 𑌚 𑌕𑌰𑍋𑌤𑌿 𑌦𑍇𑌵𑌤𑌾 𑌪𑍁𑌨𑌃 ।
𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾 𑌪𑌰𑌮𑌾 𑌜𑍍𑌯𑍋𑌤𑍀𑌰𑍂𑌪𑌾 𑌸𑌨𑌾𑌤𑌨𑍀 ॥ 4 ॥
𑌸𑌰𑍍𑌵𑌵𑌿𑌦𑍍𑌯𑌾𑌧𑌿𑌦𑍇𑌵𑍀 𑌯𑌾 𑌤𑌸𑍍𑌯𑍈 𑌵𑌾𑌣𑍍𑌯𑍈 𑌨𑌮𑍋 𑌨𑌮𑌃 ।
𑌵𑌿𑌸𑌰𑍍𑌗 𑌬𑌿𑌂𑌦𑍁𑌮𑌾𑌤𑍍𑌰𑌾𑌸𑍁 𑌯𑌦𑌧𑌿𑌷𑍍𑌠𑌾𑌨𑌮𑍇𑌵𑌚 ॥ 5 ॥
𑌤𑌦𑌧𑌿𑌷𑍍𑌠𑌾𑌤𑍍𑌰𑍀 𑌯𑌾 𑌦𑍇𑌵𑍀 𑌤𑌸𑍍𑌯𑍈 𑌵𑌾𑌣𑍍𑌯𑍈 𑌨𑌮𑍋 𑌨𑌮𑌃 ।
𑌵𑍍𑌯𑌾𑌖𑍍𑌯𑌾𑌸𑍍𑌵𑌰𑍂𑌪𑌾 𑌸𑌾 𑌦𑍇𑌵𑍀 𑌵𑍍𑌯𑌾𑌖𑍍𑌯𑌾𑌧𑌿𑌷𑍍𑌠𑌾𑌤𑍃𑌰𑍂𑌪𑌿𑌣𑍀 ॥ 6 ॥
𑌯𑌯𑌾 𑌵𑌿𑌨𑌾 𑌪𑍍𑌰𑌸𑌂𑌖𑍍𑌯𑌾𑌵𑌾𑌨𑍍 𑌸𑌂𑌖𑍍𑌯𑌾𑌂 𑌕𑌰𑍍𑌤𑍁𑌂 𑌨 𑌶𑌕𑍍𑌯𑌤𑍇 ।
𑌕𑌾𑌲𑌸𑌂𑌖𑍍𑌯𑌾 𑌸𑍍𑌵𑌰𑍂𑌪𑌾 𑌯𑌾 𑌤𑌸𑍍𑌯𑍈 𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ॥ ॥
𑌭𑍍𑌰𑌮 𑌸𑌿𑌦𑍍𑌧𑌾𑌂𑌤𑌰𑍂𑌪𑌾 𑌯𑌾 𑌤𑌸𑍍𑌯𑍈 𑌦𑍇𑌵𑍍𑌯𑍈 𑌨𑌮𑍋 𑌨𑌮𑌃 ।
𑌸𑍍𑌮𑍃𑌤𑌿𑌶𑌕𑍍𑌤𑌿 𑌜𑍍𑌞𑌾𑌨𑌶𑌕𑍍𑌤𑌿 𑌬𑍁𑌦𑍍𑌧𑌿𑌶𑌕𑍍𑌤𑌿 𑌸𑍍𑌵𑌰𑍂𑌪𑌿𑌣𑍀 ॥ ॥
𑌪𑍍𑌰𑌤𑌿𑌭𑌾𑌕𑌲𑍍𑌪𑌨𑌾𑌶𑌕𑍍𑌤𑌿𑌰𑍍-𑌯𑌾 𑌚 𑌤𑌸𑍍𑌯𑍈 𑌨𑌮𑍋𑌨𑌮𑌃 ।
𑌸𑌨𑌤𑍍𑌕𑍁𑌮𑌾𑌰𑍋 𑌬𑍍𑌰𑌹𑍍𑌮𑌾𑌣𑌂 𑌜𑍍𑌞𑌾𑌨𑌂 𑌪𑌪𑍍𑌰𑌚𑍍𑌛 𑌯𑌤𑍍𑌰 𑌵𑍈 ॥ ॥
𑌬𑌭𑍂𑌵 𑌮𑍂𑌕𑌵𑌤𑍍𑌸𑍋𑌸𑍍𑌪𑌿 𑌸𑌿𑌦𑍍𑌧𑌾𑌂𑌤𑌂 𑌕𑌰𑍍𑌤𑍁 𑌮𑌕𑍍𑌷𑌮𑌃 ।
𑌤𑌦𑌾𑌷𑍍𑌜𑌗𑌾𑌮 𑌭𑌗𑌵𑌾-𑌨𑌾𑌤𑍍𑌮𑌾 𑌶𑍍𑌰𑍀𑌕𑍃𑌷𑍍𑌣 𑌈𑌶𑍍𑌵𑌰𑌃 ॥ 10 ॥
𑌉𑌵𑌾𑌚 𑌸 𑌚 𑌤𑌾𑌂 𑌸𑍍𑌤𑍌𑌹𑌿 𑌵𑌾𑌣𑍀 𑌮𑌿𑌷𑍍𑌟𑌾𑌂 𑌪𑍍𑌰𑌜𑌾𑌪𑌤𑍇 ।
𑌸 𑌚 𑌤𑍁𑌷𑍍𑌟𑌾𑌵 𑌤𑌾𑌂 𑌬𑍍𑌰𑌹𑍍𑌮𑌾 𑌚𑌾𑌜𑍍𑌞𑌯𑌾 𑌪𑌰𑌮𑌾𑌤𑍍𑌮𑌨𑌃 ॥ 11 ॥
𑌚𑌕𑌾𑌰 𑌤𑌤𑍍𑌪𑍍𑌰𑌸𑌾𑌦𑍇𑌨 𑌤𑌦𑌾 𑌸𑌿𑌦𑍍𑌧𑌾𑌂𑌤 𑌮𑍁𑌤𑍍𑌤𑌮𑌮𑍍 ।
𑌯𑌦𑌾𑌪𑍍𑌯𑌨𑌂𑌤𑌂 𑌪𑌪𑍍𑌰𑌚𑍍𑌛 𑌜𑍍𑌞𑌾𑌨𑌮𑍇𑌕𑌂 𑌵𑌸𑍁𑌂𑌧𑌰𑌾 ॥ 12 ॥
𑌬𑌭𑍂𑌵 𑌮𑍂𑌕𑌵𑌤𑍍𑌸𑍋𑌸𑍍𑌪𑌿 𑌸𑌿𑌦𑍍𑌧𑌾𑌂𑌤𑌂 𑌕𑌰𑍍𑌤𑍁 𑌮𑌕𑍍𑌷𑌮𑌃 ।
𑌤𑌦𑌾 𑌤𑌾𑌂 𑌚 𑌸 𑌤𑍁𑌷𑍍𑌟𑌾𑌵 𑌸𑌂𑌤𑍍𑌰𑌸𑍍𑌤𑌃 𑌕𑌶𑍍𑌯𑌪𑌾𑌜𑍍𑌞𑌯𑌾 ॥ 13 ॥
𑌤𑌤 𑌶𑍍𑌚𑌕𑌾𑌰 𑌸𑌿𑌦𑍍𑌧𑌾𑌂𑌤𑌂 𑌨𑌿𑌰𑍍𑌮𑌲𑌂 𑌭𑍍𑌰𑌮 𑌭𑌂𑌜𑌨𑌮𑍍 ।
𑌵𑍍𑌯𑌾𑌸𑌃 𑌪𑍁𑌰𑌾𑌣𑌸𑍂𑌤𑍍𑌰𑌂 𑌚 𑌪𑌪𑍍𑌰𑌚𑍍𑌛 𑌵𑌾𑌲𑍍𑌮𑍀𑌕𑌿𑌂 𑌯𑌦𑌾 ॥ 14 ॥
𑌮𑍌𑌨𑍀𑌭𑍂𑌤 𑌶𑍍𑌚 𑌸𑌸𑍍𑌮𑌾𑌰 𑌤𑌾𑌮𑍇𑌵 𑌜𑌗𑌦𑌂𑌬𑌿𑌕𑌾𑌮𑍍 ।
𑌤𑌦𑌾 𑌚𑌕𑌾𑌰 𑌸𑌿𑌦𑍍𑌧𑌾𑌂𑌤𑌂 𑌤𑌦𑍍𑌵𑌰𑍇𑌣 𑌮𑍁𑌨𑍀𑌶𑍍𑌵𑌰𑌃 ॥ 15 ॥
𑌸𑌂𑌪𑍍𑌰𑌾𑌪𑍍𑌯 𑌨𑌿𑌰𑍍𑌮𑌲𑌂 𑌜𑍍𑌞𑌾𑌨𑌂 𑌭𑍍𑌰𑌮𑌾𑌂𑌧𑍍𑌯 𑌧𑍍𑌵𑌂𑌸𑌦𑍀𑌪𑌕𑌮𑍍 ।
𑌪𑍁𑌰𑌾𑌣𑌸𑍂𑌤𑍍𑌰𑌂 𑌶𑍍𑌰𑍁𑌤𑍍𑌵𑌾 𑌚 𑌵𑍍𑌯𑌾𑌸𑌃 𑌕𑍃𑌷𑍍𑌣𑌕𑌲𑍋𑌦𑍍𑌭𑌵𑌃 ॥ 16 ॥
𑌤𑌾𑌂 𑌶𑌿𑌵𑌾𑌂 𑌵𑍇𑌦 𑌦𑌧𑍍𑌯𑍌 𑌚 𑌶𑌤𑌵𑌰𑍍𑌷𑌂 𑌚 𑌪𑍁𑌷𑍍𑌕𑌰𑍇 ।
𑌤𑌦𑌾 𑌤𑍍𑌵𑌤𑍍𑌤𑍋 𑌵𑌰𑌂 𑌪𑍍𑌰𑌾𑌪𑍍𑌯 𑌸𑌤𑍍𑌕𑌵𑍀𑌂𑌦𑍍𑌰𑍋 𑌬𑌭𑍂𑌵 𑌹 ॥ 1 ॥
𑌤𑌦𑌾 𑌵𑍇𑌦𑌵𑌿𑌭𑌾𑌗𑌂 𑌚 𑌪𑍁𑌰𑌾𑌣𑌂 𑌚 𑌚𑌕𑌾𑌰 𑌸𑌃 ।
𑌯𑌦𑌾 𑌮𑌹𑍇𑌂𑌦𑍍𑌰𑌃 𑌪𑌪𑍍𑌰𑌚𑍍𑌛 𑌤𑌤𑍍𑌤𑍍𑌵𑌜𑍍𑌞𑌾𑌨𑌂 𑌸𑌦𑌾𑌶𑌿𑌵𑌮𑍍 ॥ 1 ॥
𑌕𑍍𑌷𑌣𑌂 𑌤𑌾𑌮𑍇𑌵 𑌸𑌂𑌚𑌿𑌂𑌤𑍍𑌯 𑌤𑌸𑍍𑌮𑍈 𑌜𑍍𑌞𑌾𑌨𑌂 𑌦𑌦𑍌 𑌵𑌿𑌭𑍁𑌃 ।
𑌪𑌪𑍍𑌰𑌚𑍍𑌛 𑌶𑌬𑍍𑌦𑌶𑌾𑌸𑍍𑌤𑍍𑌰𑌂 𑌚 𑌮𑌹𑍇𑌂𑌦𑍍𑌰 𑌶𑍍𑌚 𑌬𑍃𑌹𑌸𑍍𑌪𑌤𑌿𑌮𑍍 ॥ 1 ॥
𑌦𑌿𑌵𑍍𑌯 𑌵𑌰𑍍𑌷 𑌸𑌹𑌸𑍍𑌰𑌂 𑌚 𑌸 𑌤𑍍𑌵𑌾𑌂 𑌦𑌧𑍍𑌯𑍌 𑌚 𑌪𑍁𑌷𑍍𑌕𑌰𑍇 ।
𑌤𑌦𑌾 𑌤𑍍𑌵𑌤𑍍𑌤𑍋 𑌵𑌰𑌂 𑌪𑍍𑌰𑌾𑌪𑍍𑌯 𑌦𑌿𑌵𑍍𑌯𑌵𑌰𑍍𑌷𑌸𑌹𑌸𑍍𑌰𑌕𑌮𑍍 ॥ 20 ॥
𑌉𑌵𑌾𑌚 𑌶𑌬𑍍𑌦 𑌶𑌾𑌸𑍍𑌤𑍍𑌰𑌂 𑌚 𑌤𑌦𑌰𑍍𑌥𑌂 𑌚 𑌸𑍁𑌰𑍇𑌶𑍍𑌵𑌰𑌮𑍍 ।
𑌅𑌧𑍍𑌯𑌾𑌪𑌿𑌤𑌾𑌶𑍍𑌚 𑌯𑍇 𑌶𑌿𑌷𑍍𑌯𑌾 𑌯𑍈𑌰𑌧𑍀𑌤𑌂 𑌮𑍁𑌨𑍀𑌶𑍍𑌵𑌰𑍈𑌃 ॥ 21 ॥
𑌤𑍇 𑌚 𑌤𑌾𑌂 𑌪𑌰𑌿𑌸𑌂𑌚𑌿𑌤𑍍𑌯 𑌪𑍍𑌰𑌵𑌰𑍍𑌤𑌂𑌤𑍇 𑌸𑍁𑌰𑍇𑌶𑍍𑌵𑌰𑍀𑌮𑍍 ।
𑌤𑍍𑌵𑌂 𑌸𑌂𑌸𑍍𑌤𑍁𑌤𑌾 𑌪𑍂𑌜𑌿𑌤𑌾 𑌚 𑌮𑍁𑌨𑍀𑌂𑌦𑍍𑌰𑍈 𑌰𑍍𑌮𑌨𑍁 𑌮𑌾𑌨𑌵𑍈𑌃 ॥ 22 ॥
𑌦𑍈𑌤𑍍𑌯𑍇𑌂𑌦𑍍𑌰𑍈 𑌶𑍍𑌚 𑌸𑍁𑌰𑍈𑌶𑍍𑌚𑌾𑌪𑌿 𑌬𑍍𑌰𑌹𑍍𑌮 𑌵𑌿𑌷𑍍𑌣𑍁𑌶𑌿𑌵𑌾𑌦𑌿𑌭𑌿𑌃 ।
𑌜𑌡𑍀𑌭𑍂𑌤 𑌸𑍍𑌸𑌹𑌸𑍍𑌰𑌾𑌸𑍍𑌯𑌃 𑌪𑌂𑌚𑌵𑌕𑍍𑌤𑍍𑌰 𑌶𑍍𑌚𑌤𑍁𑌰𑍍𑌮𑍁𑌖𑌃 ॥ 23 ॥
𑌯𑌾𑌂 𑌸𑍍𑌤𑍋𑌤𑍁𑌂 𑌕𑌿 𑌮𑌹𑌂 𑌸𑍍𑌤𑍌𑌮𑌿 𑌤𑌾𑌮𑍇𑌕𑌾𑌸𑍍𑌯𑍇𑌨 𑌮𑌾𑌨𑌵𑌃 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌯𑌾𑌜𑍍𑌞𑌵𑌲𑍍𑌕𑍍𑌯 𑌶𑍍𑌚 𑌭𑌕𑍍𑌤𑌿𑌨𑌮𑍍𑌰𑌾𑌤𑍍𑌮 𑌕𑌂𑌧𑌰𑌃 ॥ 24 ॥
𑌪𑍍𑌰𑌣𑌨𑌾𑌮 𑌨𑌿𑌰𑌾𑌹𑌾𑌰𑍋 𑌰𑍁𑌰𑍋𑌦 𑌚 𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌜𑍍𑌯𑍋𑌤𑍀𑌰𑍂𑌪𑌾 𑌮𑌹𑌾𑌮𑌾𑌯𑌾 𑌤𑍇𑌨 𑌦𑍃𑌷𑍍𑌟𑌾𑌪𑍍𑌯𑍁𑌵𑌾𑌚 𑌤𑌮𑍍 ॥ 25 ॥
𑌸𑍁𑌕𑌵𑍀𑌂𑌦𑍍𑌰𑍋 𑌭𑌵𑍇𑌤𑍍𑌯𑍁𑌕𑍍𑌤𑍍𑌵𑌾 𑌵𑍈𑌕𑍁𑌂𑌠𑌂 𑌚 𑌜𑌗𑌾𑌮 𑌹 ।
𑌯𑌾𑌜𑍍𑌞𑌵𑌲𑍍𑌕𑍍𑌯 𑌕𑍃𑌤𑌂 𑌵𑌾𑌣𑍀 𑌸𑍍𑌤𑍋𑌤𑍍𑌰𑌮𑍇𑌤𑌤𑍍𑌤𑍁 𑌯𑌃 𑌪𑌠𑍇𑌤𑍍 ॥ 26 ॥
𑌸 𑌕𑌵𑍀𑌂𑌦𑍍𑌰𑍋 𑌮𑌹𑌾𑌵𑌾𑌗𑍍𑌮𑍀 𑌬𑍃𑌹𑌸𑍍𑌪𑌤𑌿𑌸𑌮𑍋 𑌭𑌵𑍇𑌤𑍍 ।
𑌮𑌹𑌾 𑌮𑍂𑌰𑍍𑌖𑌶𑍍𑌚 𑌦𑍁𑌰𑍍𑌬𑍁𑌦𑍍𑌧𑌿𑌰𑍍-𑌵𑌰𑍍𑌷𑌮𑍇𑌕𑌂 𑌯𑌦𑌾 𑌪𑌠𑍇𑌤𑍍 ।
𑌸 𑌪𑌂𑌡𑌿𑌤𑌶𑍍𑌚 𑌮𑍇𑌧𑌾𑌵𑍀 𑌸𑍁𑌕𑌵𑍀𑌂𑌦𑍍𑌰𑍋 𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 2 ॥
𑌇𑌤𑌿 𑌶𑍍𑌰𑍀 𑌦𑍇𑌵𑍀 𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌨𑌵𑌮𑌸𑍍𑌕𑌂𑌧𑍇
𑌸𑌰𑌸𑍍𑌵𑌤𑍀𑌸𑍍𑌤𑌵𑌂 𑌨𑌾𑌮 𑌪𑌂𑌚𑌮𑍋𑌧𑍍𑌯𑌾𑌯𑌃 ।
𑌸𑌰𑌸𑍍𑌵𑌤𑍀 𑌕𑌟𑌾𑌕𑍍𑌷 𑌸𑌿𑌦𑍍𑌧𑌿𑌰𑌸𑍍𑌤𑍁 ।
𑌇𑌦𑌂 𑌮𑌯𑌾𑌕𑍃𑌤𑌂 𑌪𑌾𑌰𑌾𑌯𑌣𑌂
𑌶𑍍𑌰𑍀𑌸𑌦𑍍𑌗𑍁𑌰𑍁 𑌚𑌰𑌣𑌾𑌰𑌵𑌿𑌂𑌦𑌾𑌰𑍍𑌪𑌣𑌮𑌸𑍍𑌤𑍁 ।
