ଶ୍ରୀ ଶିଵ ଉଵାଚ ।
କଥିତୋଽୟଂ ମହାମଂତ୍ରଃ ସର୍ଵମଂତ୍ରୋତ୍ତମୋତ୍ତମଃ ।
ୟାମାସାଦ୍ୟ ମୟା ପ୍ରାପ୍ତମୈଶ୍ଵର୍ୟପଦମୁତ୍ତମମ୍ ॥ 1 ॥

ସଂୟୁକ୍ତଃ ପରୟା ଭକ୍ତ୍ୟା ୟଥୋକ୍ତ ଵିଧିନା ଭଵାନ୍ ।
କୁରୁତାମର୍ଚନଂ ଦେଵ୍ୟାସ୍ତ୍ରୈଲୋକ୍ୟଵିଜିଗୀଷୟା ॥ 2 ॥

ଶ୍ରୀପରଶୁରାମ ଉଵାଚ ।
ପ୍ରସନ୍ନୋ ୟଦି ମେ ଦେଵ ପରମେଶ ପୁରାତନ ।
ରହସ୍ୟଂ ପରମଂ ଦେଵ୍ୟାଃ କୃପୟା କଥୟ ପ୍ରଭୋ ॥ 3 ॥

ଵିନାର୍ଚନଂ ଵିନା ହୋମଂ ଵିନା ନ୍ୟାସଂ ଵିନା ବଲିମ୍ ।
ଵିନା ଗଂଧଂ ଵିନା ପୁଷ୍ପଂ ଵିନା ନିତ୍ୟୋଦିତାଂ କ୍ରିୟାମ୍ ॥ 4 ॥

ପ୍ରାଣାୟାମଂ ଵିନା ଧ୍ୟାନଂ ଵିନା ଭୂତଵିଶୋଧନମ୍ ।
ଵିନା ଦାନଂ ଵିନା ଜାପଂ ୟେନ କାଳୀ ପ୍ରସୀଦତି ॥ 5 ॥

ଶ୍ରୀ ଶିଵ ଉଵାଚ ।
ପୃଷ୍ଟଂ ତ୍ଵୟୋତ୍ତମଂ ପ୍ରାଜ୍ଞ ଭୃଗୁଵଂଶ ସମୁଦ୍ଭଵ ।
ଭକ୍ତାନାମପି ଭକ୍ତୋଽସି ତ୍ଵମେଵ ସାଧୟିଷ୍ୟସି ॥ 6 ॥

ଦେଵୀଂ ଦାନଵକୋଟିଘ୍ନୀଂ ଲୀଲୟା ରୁଧିରପ୍ରିୟାମ୍ ।
ସଦା ସ୍ତୋତ୍ରପ୍ରିୟାମୁଗ୍ରାଂ କାମକୌତୁକଲାଲସାମ୍ ॥ 7 ॥

ସର୍ଵଦାଽଽନଂଦହୃଦୟାମାସଵୋତ୍ସଵ ମାନସାମ୍ ।
ମାଧ୍ଵୀକ ମତ୍ସ୍ୟମାଂସାନୁରାଗିଣୀଂ ଵୈଷ୍ଣଵୀଂ ପରାମ୍ ॥ 8 ॥

ଶ୍ମଶାନଵାସିନୀଂ ପ୍ରେତଗଣନୃତ୍ୟମହୋତ୍ସଵାମ୍ ।
ୟୋଗପ୍ରଭାଵାଂ ୟୋଗେଶୀଂ ୟୋଗୀଂଦ୍ରହୃଦୟସ୍ଥିତାମ୍ ॥ 9 ॥

ତାମୁଗ୍ରକାଳିକାଂ ରାମ ପ୍ରସୀଦୟିତୁମର୍ହସି ।
ତସ୍ୟାଃ ସ୍ତୋତ୍ରଂ ପରଂ ପୁଣ୍ୟଂ ସ୍ଵୟଂ କାଳ୍ୟା ପ୍ରକାଶିତମ୍ ॥ 10 ॥

ତଵ ତତ୍ କଥୟିଷ୍ୟାମି ଶ୍ରୁତ୍ଵା ଵତ୍ସାଵଧାରୟ ।
ଗୋପନୀୟଂ ପ୍ରୟତ୍ନେନ ପଠନୀୟଂ ପରାତ୍ପରମ୍ ॥ 11 ॥

ୟସ୍ୟୈକକାଲପଠନାତ୍ ସର୍ଵେ ଵିଘ୍ନାଃ ସମାକୁଲାଃ ।
ନଶ୍ୟଂତି ଦହନେ ଦୀପ୍ତେ ପତଂଗା ଇଵ ସର୍ଵତଃ ॥ 12 ॥

ଗଦ୍ୟପଦ୍ୟମୟୀ ଵାଣୀ ତସ୍ୟ ଗଂଗାପ୍ରଵାହଵତ୍ ।
ତସ୍ୟ ଦର୍ଶନମାତ୍ରେଣ ଵାଦିନୋ ନିଷ୍ପ୍ରଭାଂ ଗତାଃ ॥ 13 ॥

ତସ୍ୟ ହସ୍ତେ ସଦୈଵାସ୍ତି ସର୍ଵସିଦ୍ଧିର୍ନ ସଂଶୟଃ ।
ରାଜାନୋଽପି ଚ ଦାସତ୍ଵଂ ଭଜଂତେ କିଂ ପରେ ଜନାଃ ॥ 14 ॥

ନିଶୀଥେ ମୁକ୍ତକେଶସ୍ତୁ ନଗ୍ନଃ ଶକ୍ତିସମାହିତଃ ।
ମନସା ଚିଂତୟେତ୍ କାଳୀଂ ମହାକାଳେନ ଚାଲିତାମ୍ ॥ 15 ॥

ପଠେତ୍ ସହସ୍ରନାମାଖ୍ୟଂ ସ୍ତୋତ୍ରଂ ମୋକ୍ଷସ୍ୟ ସାଧନମ୍ ।
ପ୍ରସନ୍ନା କାଳିକା ତସ୍ୟ ପୁତ୍ରତ୍ଵେନାନୁକଂପତେ ॥ 16 ॥

ୟଥା ବ୍ରହ୍ମମୃତୈର୍ବ୍ରହ୍ମକୁସୁମୈଃ ପୂଜିତା ପରା ।
ପ୍ରସୀଦତି ତଥାନେନ ସ୍ତୁତା କାଳୀ ପ୍ରସୀଦତି ॥ 17 ॥

ଵିନିୟୋଗଃ –
ଅସ୍ୟ ଶ୍ରୀ ଦକ୍ଷିଣକାଲିକା ସହସ୍ରନାମ ସ୍ତୋତ୍ରସ୍ୟ ମହାକାଲଭୈରଵ ଋଷିଃ ଅନୁଷ୍ଟୁପ୍ ଛଂଦଃ ଶ୍ମଶାନକାଳୀ ଦେଵତା ଧର୍ମାର୍ଥକାମମୋକ୍ଷାର୍ଥେ ପାଠେ ଵିନିୟୋଗଃ ।

ଧ୍ୟାନମ୍ –
ଶଵାରୂଢାଂ ମହାଭୀମାଂ ଘୋରଦଂଷ୍ଟ୍ରାଂ ହସନ୍ମୁଖୀଂ
ଚତୁର୍ଭୁଜାଂ ଖଡ୍ଗମୁଂଡଵରାଭୟକରାଂ ଶିଵାମ୍ ।
ମୁଂଡମାଲାଧରାଂ ଦେଵୀଂ ଲଲାଜ୍ଜିହ୍ଵାଂ ଦିଗଂବରାଂ
ଏଵଂ ସଂଚିଂତୟେତ୍କାଳୀଂ ଶ୍ମଶାନାଲୟଵାସିନୀମ୍ ॥

ସ୍ତୋତ୍ରମ୍ –
ଶ୍ମଶାନକାଳିକା କାଳୀ ଭଦ୍ରକାଳୀ କପାଲିନୀ ।
ଗୁହ୍ୟକାଳୀ ମହାକାଳୀ କୁରୁକୁଲ୍ଲା ଵିରୋଧିନୀ ॥ 1 ॥

କାଳିକା କାଳରାତ୍ରିଶ୍ଚ ମହାକାଲନିତଂବିନୀ ।
କାଲଭୈରଵଭାର୍ୟା ଚ କୁଲଵର୍ତ୍ମପ୍ରକାଶିନୀ ॥ 2 ॥

କାମଦା କାମିନୀ କନ୍ୟା କମନୀୟସ୍ଵରୂପିଣୀ ।
କସ୍ତୂରୀରସଲିପ୍ତାଂଗୀ କୁଂଜରେଶ୍ଵରଗାମିନୀ ॥ 3 ॥

କକାରଵର୍ଣସର୍ଵାଂଗୀ କାମିନୀ କାମସୁଂଦରୀ ।
କାମାର୍ତା କାମରୂପା ଚ କାମଧେନୁଃ କଳାଵତୀ ॥ 4 ॥

କାଂତା କାମସ୍ଵରୂପା ଚ କାମାଖ୍ୟା କୁଲକାମିନୀ ।
କୁଲୀନା କୁଲଵତ୍ୟଂବା ଦୁର୍ଗା ଦୁର୍ଗତିନାଶିନୀ ॥ 5 ॥

କୌମାରୀ କଲଜା କୃଷ୍ଣା କୃଷ୍ଣଦେହା କୃଶୋଦରୀ ।
କୃଶାଂଗୀ କୁଲିଶାଂଗୀ ଚ କ୍ରୀଂକାରୀ କମଲା କଲା ॥ 6 ॥

କରାଳାସ୍ୟା କରାଳୀ ଚ କୁଲକାଂତାଽପରାଜିତା ।
ଉଗ୍ରା ଉଗ୍ରପ୍ରଭା ଦୀପ୍ତା ଵିପ୍ରଚିତ୍ତା ମହାବଲା ॥ 7 ॥

ନୀଲା ଘନା ମେଘନାଦା ମାତ୍ରା ମୁଦ୍ରା ମିତାମିତା ।
ବ୍ରାହ୍ମୀ ନାରାୟଣୀ ଭଦ୍ରା ସୁଭଦ୍ରା ଭକ୍ତଵତ୍ସଲା ॥ 8 ॥

ମାହେଶ୍ଵରୀ ଚ ଚାମୁଂଡା ଵାରାହୀ ନାରସିଂହିକା ।
ଵଜ୍ରାଂଗୀ ଵଜ୍ରକଂକାଳୀ ନୃମୁଂଡସ୍ରଗ୍ଵିଣୀ ଶିଵା ॥ 9 ॥

ମାଲିନୀ ନରମୁଂଡାଲୀ ଗଲଦ୍ରକ୍ତଵିଭୂଷଣା ।
ରକ୍ତଚଂଦନସିକ୍ତାଂଗୀ ସିଂଦୂରାରୁଣମସ୍ତକା ॥ 10 ॥

ଘୋରରୂପା ଘୋରଦଂଷ୍ଟ୍ରା ଘୋରାଘୋରତରା ଶୁଭା ।
ମହାଦଂଷ୍ଟ୍ରା ମହାମାୟା ସୁଦତୀ ୟୁଗଦଂତୁରା ॥ 11 ॥

ସୁଲୋଚନା ଵିରୂପାକ୍ଷୀ ଵିଶାଲାକ୍ଷୀ ତ୍ରିଲୋଚନା ।
ଶାରଦେଂଦୁପ୍ରସନ୍ନାସ୍ୟା ସ୍ଫୁରତ୍ସ୍ମେରାଂବୁଜେକ୍ଷଣା ॥ 12 ॥

ଅଟ୍ଟହାସପ୍ରଫୁଲ୍ଲାସ୍ୟା ସ୍ମେରଵକ୍ତ୍ରା ସୁଭାଷିଣୀ ।
ପ୍ରଫୁଲ୍ଲପଦ୍ମଵଦନା ସ୍ମିତାସ୍ୟା ପ୍ରିୟଭାଷିଣୀ ॥ 13 ॥

କୋଟରାକ୍ଷୀ କୁଲଶ୍ରେଷ୍ଠା ମହତୀ ବହୁଭାଷିଣୀ ।
ସୁମତିଃ କୁମତିଶ୍ଚଂଡା ଚଂଡମୁଂଡାତିଵେଗିନୀ ॥ 14 ॥

ସୁକେଶୀ ମୁକ୍ତକେଶୀ ଚ ଦୀର୍ଘକେଶୀ ମହାକଚା ।
ପ୍ରେତଦେହାକର୍ଣପୂରା ପ୍ରେତପାଣିସୁମେଖଲା ॥ 15 ॥

ପ୍ରେତାସନା ପ୍ରିୟପ୍ରେତା ପୁଣ୍ୟଦା କୁଲପଂଡିତା ।
ପୁଣ୍ୟାଲୟା ପୁଣ୍ୟଦେହା ପୁଣ୍ୟଶ୍ଲୋକା ଚ ପାଵନୀ ॥ 16 ॥

ପୂତା ପଵିତ୍ରା ପରମା ପରା ପୁଣ୍ୟଵିଭୂଷଣା ।
ପୁଣ୍ୟନାମ୍ନୀ ଭୀତିହରା ଵରଦା ଖଡ୍ଗପାଣିନୀ ॥ 17 ॥

ନୃମୁଂଡହସ୍ତା ଶାଂତା ଚ ଛିନ୍ନମସ୍ତା ସୁନାସିକା ।
ଦକ୍ଷିଣା ଶ୍ୟାମଲା ଶ୍ୟାମା ଶାଂତା ପୀନୋନ୍ନତସ୍ତନୀ ॥ 18 ॥

ଦିଗଂବରା ଘୋରରାଵା ସୃକ୍କାଂତରକ୍ତଵାହିନୀ ।
ଘୋରରାଵା ଶିଵାସଂଗା ନିଃସଂଗା ମଦନାତୁରା ॥ 19 ॥

ମତ୍ତା ପ୍ରମତ୍ତା ମଦନା ସୁଧାସିଂଧୁନିଵାସିନୀ ।
ଅତିମତ୍ତା ମହାମତ୍ତା ସର୍ଵାକର୍ଷଣକାରିଣୀ ॥ 20 ॥

ଗୀତପ୍ରିୟା ଵାଦ୍ୟରତା ପ୍ରେତନୃତ୍ୟପରାୟଣା ।
ଚତୁର୍ଭୁଜା ଦଶଭୁଜା ଅଷ୍ଟାଦଶଭୁଜା ତଥା ॥ 21 ॥

କାତ୍ୟାୟନୀ ଜଗନ୍ମାତା ଜଗତୀ ପରମେଶ୍ଵରୀ ।
ଜଗଦ୍ବଂଧୁର୍ଜଗଦ୍ଧାତ୍ରୀ ଜଗଦାନଂଦକାରିଣୀ ॥ 22 ॥

ଜଗଜ୍ଜୀଵଵତୀ ହୈମଵତୀ ମାୟା ମହାଲୟା ।
ନାଗୟଜ୍ଞୋପଵୀତାଂଗୀ ନାଗିନୀ ନାଗଶାୟିନୀ ॥ 23 ॥

ନାଗକନ୍ୟା ଦେଵକନ୍ୟା ଗାଂଧାରୀ କିନ୍ନରୀ ସୁରୀ ।
ମୋହରାତ୍ରୀ ମହାରାତ୍ରୀ ଦାରୁଣାମାସୁରାସୁରୀ ॥ 24 ॥

ଵିଦ୍ୟାଧରୀ ଵସୁମତୀ ୟକ୍ଷିଣୀ ୟୋଗିନୀ ଜରା ।
ରାକ୍ଷସୀ ଡାକିନୀ ଵେଦମୟୀ ଵେଦଵିଭୂଷଣା ॥ 25 ॥

ଶ୍ରୁତିସ୍ମୃତିମହାଵିଦ୍ୟା ଗୁହ୍ୟଵିଦ୍ୟା ପୁରାତନୀ ।
ଚିଂତ୍ୟାଽଚିଂତ୍ୟା ସ୍ଵଧା ସ୍ଵାହା ନିଦ୍ରା ତଂଦ୍ରା ଚ ପାର୍ଵତୀ ॥ 26 ॥

ଅପର୍ଣା ନିଶ୍ଚଲା ଲୋଲା ସର୍ଵଵିଦ୍ୟା ତପସ୍ଵିନୀ ।
ଗଂଗା କାଶୀ ଶଚୀ ସୀତା ସତୀ ସତ୍ୟପରାୟଣା ॥ 27 ॥

ନୀତିଃ ସୁନୀତିଃ ସୁରୁଚିସ୍ତୁଷ୍ଟିଃ ପୁଷ୍ଟିର୍ଧୃତିଃ କ୍ଷମା ।
ଵାଣୀ ବୁଦ୍ଧିର୍ମହାଲକ୍ଷ୍ମୀ ଲକ୍ଷ୍ମୀର୍ନୀଲସରସ୍ଵତୀ ॥ 28 ॥

ସ୍ରୋତସ୍ଵତୀ ସ୍ରୋତଵତୀ ମାତଂଗୀ ଵିଜୟା ଜୟା ।
ନଦୀ ସିଂଧୁଃ ସର୍ଵମୟୀ ତାରା ଶୂନ୍ୟନିଵାସିନୀ ॥ 29 ॥

ଶୁଦ୍ଧା ତରଂଗିଣୀ ମେଧା ଲାକିନୀ ବହୁରୂପିଣୀ ।
ସଦାନଂଦମୟୀ ସତ୍ୟା ସର୍ଵାନଂଦସ୍ଵରୂପିଣୀ ॥ 30 ॥

ସୁନଂଦା ନଂଦିନୀ ସ୍ତୁତ୍ୟା ସ୍ତଵନୀୟା ସ୍ଵଭାଵିନୀ ।
ରଂକିଣୀ ଟଂକିଣୀ ଚିତ୍ରା ଵିଚିତ୍ରା ଚିତ୍ରରୂପିଣୀ ॥ 31 ॥

ପଦ୍ମା ପଦ୍ମାଲୟା ପଦ୍ମସୁଖୀ ପଦ୍ମଵିଭୂଷଣା ।
ଶାକିନୀ ହାକିନୀ କ୍ଷାଂତା ରାକିଣୀ ରୁଧିରପ୍ରିୟା ॥ 32 ॥

ଭ୍ରାଂତିର୍ଭଵାନୀ ରୁଦ୍ରାଣୀ ମୃଡାନୀ ଶତ୍ରୁମର୍ଦିନୀ ।
ଉପେଂଦ୍ରାଣୀ ମହେଶାନୀ ଜ୍ୟୋତ୍ସ୍ନା ଚେଂଦ୍ରସ୍ଵରୂପିଣୀ ॥ 33 ॥

ସୂର୍ୟାତ୍ମିକା ରୁଦ୍ରପତ୍ନୀ ରୌଦ୍ରୀ ସ୍ତ୍ରୀ ପ୍ରକୃତିଃ ପୁମାନ୍ ।
ଶକ୍ତିଃ ସୂକ୍ତିର୍ମତିମତୀ ଭୁକ୍ତିର୍ମୁକ୍ତିଃ ପତିଵ୍ରତା ॥ 34 ॥

ସର୍ଵେଶ୍ଵରୀ ସର୍ଵମାତା ଶର୍ଵାଣୀ ହରଵଲ୍ଲଭା ।
ସର୍ଵଜ୍ଞା ସିଦ୍ଧିଦା ସିଦ୍ଧା ଭାଵ୍ୟା ଭଵ୍ୟା ଭୟାପହା ॥ 35 ॥

କର୍ତ୍ରୀ ହର୍ତ୍ରୀ ପାଲୟିତ୍ରୀ ଶର୍ଵରୀ ତାମସୀ ଦୟା ।
ତମିସ୍ରା ୟାମିନୀସ୍ଥା ଚ ସ୍ଥିରା ଧୀରା ତପସ୍ଵିନୀ ॥ 36 ॥

ଚାର୍ଵଂଗୀ ଚଂଚଲା ଲୋଲଜିହ୍ଵା ଚାରୁଚରିତ୍ରିଣୀ ।
ତ୍ରପା ତ୍ରପାଵତୀ ଲଜ୍ଜା ନିର୍ଲଜ୍ଜା ହ୍ରୀଂ ରଜୋଵତୀ ॥ 37 ॥

ସତ୍ତ୍ଵଵତୀ ଧର୍ମନିଷ୍ଠା ଶ୍ରେଷ୍ଠା ନିଷ୍ଠୁରଵାଦିନୀ ।
ଗରିଷ୍ଠା ଦୁଷ୍ଟସଂହର୍ତ୍ରୀ ଵିଶିଷ୍ଟା ଶ୍ରେୟସୀ ଘୃଣା ॥ 38 ॥

ଭୀମା ଭୟାନକା ଭୀମନାଦିନୀ ଭୀଃ ପ୍ରଭାଵତୀ ।
ଵାଗୀଶ୍ଵରୀ ଶ୍ରୀର୍ୟମୁନା ୟଜ୍ଞକର୍ତ୍ରୀ ୟଜୁଃପ୍ରିୟା ॥ 39 ॥

ଋକ୍ସାମାଥର୍ଵନିଲୟା ରାଗିଣୀ ଶୋଭନସ୍ଵରା ।
କଲକଂଠୀ କଂବୁକଂଠୀ ଵେଣୁଵୀଣାପରାୟଣା ॥ 40 ॥

ଵଂଶିନୀ ଵୈଷ୍ଣଵୀ ସ୍ଵଚ୍ଛା ଧାତ୍ରୀ ତ୍ରିଜଗଦୀଶ୍ଵରୀ ।
ମଧୁମତୀ କୁଂଡଲିନୀ ଋଦ୍ଧିଃ ସିଦ୍ଧିଃ ଶୁଚିସ୍ମିତା ॥ 41 ॥

ରଂଭୋର୍ଵଶୀ ରତୀ ରାମା ରୋହିଣୀ ରେଵତୀ ରମା ।
ଶଂଖିନୀ ଚକ୍ରିଣୀ କୃଷ୍ଣା ଗଦିନୀ ପଦ୍ମିନୀ ତଥା ॥ 42 ॥

ଶୂଲିନୀ ପରିଘାସ୍ତ୍ରା ଚ ପାଶିନୀ ଶାର୍ଙ୍ଗପାଣିନୀ ।
ପିନାକଧାରିଣୀ ଧୂମ୍ରା ଶରଭୀ ଵନମାଲିନୀ ॥ 43 ॥

ଵଜ୍ରିଣୀ ସମରପ୍ରୀତା ଵେଗିନୀ ରଣପଂଡିତା ।
ଜଟିନୀ ବିଂବିନୀ ନୀଲା ଲାଵଣ୍ୟାଂବୁଧିଚଂଦ୍ରିକା ॥ 44 ॥

ବଲିପ୍ରିୟା ସଦାପୂଜ୍ୟା ପୂର୍ଣା ଦୈତ୍ୟେଂଦ୍ରମାଥିନୀ ।
ମହିଷାସୁରସଂହଂତ୍ରୀ ଵାସିନୀ ରକ୍ତଦଂତିକା ॥ 45 ॥

ରକ୍ତପା ରୁଧିରାକ୍ତାଂଗୀ ରକ୍ତଖର୍ପରହସ୍ତିନୀ ।
ରକ୍ତପ୍ରିୟା ମାଂସରୁଚିର୍ଵାସଵାସକ୍ତମାନସା ॥ 46 ॥

ଗଲଚ୍ଛୋଣିତମୁଂଡାଲିକଂଠମାଲାଵିଭୂଷଣା ।
ଶଵାସନା ଚିତାଂତସ୍ଥା ମାହେଶୀ ଵୃଷଵାହିନୀ ॥ 47 ॥

ଵ୍ୟାଘ୍ରତ୍ଵଗଂବରା ଚୀନଚେଲିନୀ ସିଂହଵାହିନୀ ।
ଵାମଦେଵୀ ମହାଦେଵୀ ଗୌରୀ ସର୍ଵଜ୍ଞଭାଵିନୀ ॥ 48 ॥

ବାଲିକା ତରୁଣୀ ଵୃଦ୍ଧା ଵୃଦ୍ଧମାତା ଜରାତୁରା ।
ସୁଭ୍ରୁର୍ଵିଲାସିନୀ ବ୍ରହ୍ମଵାଦିନୀ ବ୍ରାହ୍ମଣୀ ମହୀ ॥ 49 ॥

ସ୍ଵପ୍ନଵତୀ ଚିତ୍ରଲେଖା ଲୋପାମୁଦ୍ରା ସୁରେଶ୍ଵରୀ ।
ଅମୋଘାଽରୁଂଧତୀ ତୀକ୍ଷ୍ଣା ଭୋଗଵତ୍ୟନୁଵାଦିନୀ ॥ 50 ॥

ମଂଦାକିନୀ ମଂଦହାସା ଜ୍ଵାଲାମୁଖ୍ୟସୁରାଂତକା ।
ମାନଦା ମାନିନୀ ମାନ୍ୟା ମାନନୀୟା ମଦୋଦ୍ଧତା ॥ 51 ॥

ମଦିରା ମଦିରାନ୍ମାଦା ମେଧ୍ୟା ନଵ୍ୟା ପ୍ରସାଦିନୀ ।
ସୁମଧ୍ୟାଽନଂତଗୁଣିନୀ ସର୍ଵଲୋକୋତ୍ତମୋତ୍ତମା ॥ 52 ॥

ଜୟଦା ଜିତ୍ଵରା ଜୈତ୍ରୀ ଜୟଶ୍ରୀର୍ଜୟଶାଲିନୀ ।
ସୁଖଦା ଶୁଭଦା ସତ୍ୟା ସଭାସଂକ୍ଷୋଭକାରିଣୀ ॥ 53 ॥

ଶିଵଦୂତୀ ଭୂତିମତୀ ଵିଭୂତିର୍ଭୀଷଣାନନା ।
କୌମାରୀ କୁଲଜା କୁଂତୀ କୁଲସ୍ତ୍ରୀ କୁଲପାଲିକା ॥ 54 ॥

କୀର୍ତିର୍ୟଶସ୍ଵିନୀ ଭୂଷା ଭୂଷ୍ୟା ଭୂତପତିପ୍ରିୟା ।
ସଗୁଣା ନିର୍ଗୁଣା ଧୃଷ୍ଟା ନିଷ୍ଠା କାଷ୍ଠା ପ୍ରତିଷ୍ଠିତା ॥ 55 ॥

ଧନିଷ୍ଠା ଧନଦା ଧନ୍ୟା ଵସୁଧା ସ୍ଵପ୍ରକାଶିନୀ ।
ଉର୍ଵୀ ଗୁର୍ଵୀ ଗୁରୁଶ୍ରେଷ୍ଠା ସଗୁଣା ତ୍ରିଗୁଣାତ୍ମିକା ॥ 56 ॥

ମହାକୁଲୀନା ନିଷ୍କାମା ସକାମା କାମଜୀଵନା ।
କାମଦେଵକଲା ରାମାଽଭିରାମା ଶିଵନର୍ତକୀ ॥ 57 ॥

ଚିଂତାମଣିଃ କଲ୍ପଲତା ଜାଗ୍ରତୀ ଦୀନଵତ୍ସଲା ।
କାର୍ତିକୀ କୀର୍ତିକା କୃତ୍ୟା ଅୟୋଧ୍ୟା ଵିଷମା ସମା ॥ 58 ॥

ସୁମଂତ୍ରା ମଂତ୍ରିଣୀ ଘୂର୍ଣା ହ୍ଲାଦିନୀ କ୍ଲେଶନାଶିନୀ ।
ତ୍ରୈଲୋକ୍ୟଜନନୀ ହୃଷ୍ଟା ନିର୍ମାଂସା ମନୋରୂପିଣୀ ॥ 59 ॥

ତଡାଗନିମ୍ନଜଠରା ଶୁଷ୍କମାଂସାସ୍ଥିମାଲିନୀ ।
ଅଵଂତୀ ମଥୁରା ମାୟା ତ୍ରୈଲୋକ୍ୟପାଵନୀଶ୍ଵରୀ ॥ 60 ॥

ଵ୍ୟକ୍ତାଽଵ୍ୟକ୍ତାଽନେକମୂର୍ତିଃ ଶର୍ଵରୀ ଭୀମନାଦିନୀ ।
କ୍ଷେମଂକରୀ ଶଂକରୀ ଚ ସର୍ଵସମ୍ମୋହକାରିଣୀ ॥ 61 ॥

ଊର୍ଧ୍ଵତେଜସ୍ଵିନୀ କ୍ଲିନ୍ନା ମହାତେଜସ୍ଵିନୀ ତଥା ।
ଅଦ୍ଵୈତା ଭୋଗିନୀ ପୂଜ୍ୟା ୟୁଵତୀ ସର୍ଵମଂଗଳା ॥ 62 ॥

ସର୍ଵପ୍ରିୟଂକରୀ ଭୋଗ୍ୟା ଧରଣୀ ପିଶିତାଶନା ।
ଭୟଂକରୀ ପାପହରା ନିଷ୍କଳଂକା ଵଶଂକରୀ ॥ 63 ॥

ଆଶା ତୃଷ୍ଣା ଚଂଦ୍ରକଲା ନିଦ୍ରାନ୍ୟା ଵାୟୁଵେଗିନୀ ।
ସହସ୍ରସୂର୍ୟସଂକାଶା ଚଂଦ୍ରକୋଟିସମପ୍ରଭା ॥ 64 ॥

ଵହ୍ନିମଂଡଲସଂସ୍ଥା ଚ ସର୍ଵତତ୍ତ୍ଵପ୍ରତିଷ୍ଠିତା ।
ସର୍ଵାଚାରଵତୀ ସର୍ଵଦେଵକନ୍ୟାଧିଦେଵତା ॥ 65 ॥

ଦକ୍ଷକନ୍ୟା ଦକ୍ଷୟଜ୍ଞନାଶିନୀ ଦୁର୍ଗତାରିକା ।
ଇଜ୍ୟା ପୂଜ୍ୟା ଵିଭା ଭୂତିଃ ସତ୍କୀର୍ତିର୍ବ୍ରହ୍ମରୂପିଣୀ ॥ 66 ॥

ରଂଭୋରୁଶ୍ଚତୁରା ରାକା ଜୟଂତୀ କରୁଣା କୁହୁଃ ।
ମନସ୍ଵିନୀ ଦେଵମାତା ୟଶସ୍ୟା ବ୍ରହ୍ମଚାରିଣୀ ॥ 67 ॥

ଋଦ୍ଧିଦା ଵୃଦ୍ଧିଦା ଵୃଦ୍ଧିଃ ସର୍ଵାଦ୍ୟା ସର୍ଵଦାୟିନୀ ।
ଆଧାରରୂପିଣୀ ଧ୍ୟେୟା ମୂଲାଧାରନିଵାସିନୀ ॥ 68 ॥

ଅଜ୍ଞା ପ୍ରଜ୍ଞା ପୂର୍ଣମନାଶ୍ଚଂଦ୍ରମୁଖ୍ୟନୁକୂଲିନୀ ।
ଵାଵଦୂକା ନିମ୍ନନାଭିଃ ସତ୍ୟା ସଂଧ୍ୟା ଦୃଢଵ୍ରତା ॥ 69 ॥

ଆନ୍ଵୀକ୍ଷିକୀ ଦଂଡନୀତିସ୍ତ୍ରୟୀ ତ୍ରିଦିଵସୁଂଦରୀ ।
ଜ୍ଵଲିନୀ ଜ୍ଵାଲିନୀ ଶୈଲତନୟା ଵିଂଧ୍ୟଵାସିନୀ ॥ 70 ॥

ଅମେୟା ଖେଚରୀ ଧୈର୍ୟା ତୁରୀୟା ଵିମଲାଽଽତୁରା ।
ପ୍ରଗଲ୍ଭା ଵାରୁଣୀ ଛାୟା ଶଶିନୀ ଵିସ୍ଫୁଲିଂଗିନୀ ॥ 71 ॥

ଭୁକ୍ତିଃ ସିଦ୍ଧିଃ ସଦାପ୍ରାପ୍ତିଃ ପ୍ରାକାମ୍ୟା ମହିମାଽଣିମା ।
ଇଚ୍ଛାସିଦ୍ଧିର୍ଵିସିଦ୍ଧା ଚ ଵଶିତ୍ଵୋର୍ଧ୍ଵନିଵାସିନୀ ॥ 72 ॥

ଲଘିମା ଚୈଵ ଗାୟତ୍ରୀ ସାଵିତ୍ରୀ ଭୁଵନେଶ୍ଵରୀ ।
ମନୋହରା ଚିତା ଦିଵ୍ୟା ଦେଵ୍ୟୁଦାରା ମନୋରମା ॥ 73 ॥

ପିଂଗଳା କପିଲା ଜିହ୍ଵାରସଜ୍ଞା ରସିକା ରସା ।
ସୁଷୁମ୍ନେଡା ଭୋଗଵତୀ ଗାଂଧାରୀ ନରକାଂତକା ॥ 74 ॥

ପାଂଚାଲୀ ରୁକ୍ମିଣୀ ରାଧାରାଧ୍ୟା ଭୀମାଧିରାଧିକା ।
ଅମୃତା ତୁଲସୀ ଵୃଂଦା କୈଟଭୀ କପଟେଶ୍ଵରୀ ॥ 75 ॥

ଉଗ୍ରଚଂଡେଶ୍ଵରୀ ଵୀରା ଜନନୀ ଵୀରସୁଂଦରୀ ।
ଉଗ୍ରତାରା ୟଶୋଦାଖ୍ୟା ଦୈଵକୀ ଦେଵମାନିତା ॥ 76 ॥

ନିରଂଜନା ଚିତ୍ରଦେଵୀ କ୍ରୋଧିନୀ କୁଲଦୀପିକା ।
କୁଲଵାଗୀଶ୍ଵରୀ ଵାଣୀ ମାତୃକା ଦ୍ରାଵିଣୀ ଦ୍ରଵା ॥ 77 ॥

ୟୋଗେଶ୍ଵରୀ ମହାମାରୀ ଭ୍ରାମରୀ ବିଂଦୁରୂପିଣୀ ।
ଦୂତୀ ପ୍ରାଣେଶ୍ଵରୀ ଗୁପ୍ତା ବହୁଲା ଚମରୀ ପ୍ରଭା ॥ 78 ॥

କୁବ୍ଜିକା ଜ୍ଞାନିନୀ ଜ୍ୟେଷ୍ଠା ଭୁଶୁଂଡୀ ପ୍ରକଟା ତିଥିଃ ।
ଦ୍ରଵିଣୀ ଗୋପନୀ ମାୟା କାମବୀଜେଶ୍ଵରୀ କ୍ରିୟା ॥ 79 ॥

ଶାଂଭଵୀ କେକରା ମେନା ମୂଷଲାସ୍ତ୍ରା ତିଲୋତ୍ତମା ।
ଅମେୟଵିକ୍ରମା କ୍ରୂରା ସଂପତ୍ଶାଲା ତ୍ରିଲୋଚନା ॥ 80 ॥

ସ୍ଵସ୍ତିର୍ହଵ୍ୟଵହା ପ୍ରୀତିରୁଷ୍ମା ଧୂମ୍ରାର୍ଚିରଂଗଦା ।
ତପିନୀ ତାପିନୀ ଵିଶ୍ଵା ଭୋଗଦା ଧାରିଣୀ ଧରା ॥ 81 ॥

ତ୍ରିଖଂଡା ବୋଧିନୀ ଵଶ୍ୟା ସକଲା ଶବ୍ଦରୂପିଣୀ ।
ବୀଜରୂପା ମହାମୁଦ୍ରା ୟୋଗିନୀ ୟୋନିରୂପିଣୀ ॥ 82 ॥

ଅନଂଗକୁସୁମାଽନଂଗମେଖଲାଽନଂଗରୂପିଣୀ ।
ଵଜ୍ରେଶ୍ଵରୀ ଚ ଜୟିନୀ ସର୍ଵଦ୍ଵଂଦ୍ଵକ୍ଷୟଂକରୀ ॥ 83 ॥

ଷଡଂଗୟୁଵତୀ ୟୋଗୟୁକ୍ତା ଜ୍ଵାଲାଂଶୁମାଲିନୀ ।
ଦୁରାଶୟା ଦୁରାଧାରା ଦୁର୍ଜୟା ଦୁର୍ଗରୂପିଣୀ ॥ 84 ॥

ଦୁରଂତା ଦୁଷ୍କୃତିହରା ଦୁର୍ଧ୍ୟେୟା ଦୁରତିକ୍ରମା ।
ହଂସେଶ୍ଵରୀ ତ୍ରିକୋଣସ୍ଥା ଶାକଂଭର୍ୟନୁକଂପିନୀ ॥ 85 ॥

ତ୍ରିକୋଣନିଲୟା ନିତ୍ୟା ପରମାମୃତରଂଜିତା ।
ମହାଵିଦ୍ୟେଶ୍ଵରୀ ଶ୍ଵେତା ଭେରୁଂଡା କୁଲସୁଂଦରୀ ॥ 86 ॥

ତ୍ଵରିତା ଭକ୍ତିସଂସକ୍ତା ଭକ୍ତଵଶ୍ୟା ସନାତନୀ ।
ଭକ୍ତାନଂଦମୟୀ ଭକ୍ତଭାଵିକା ଭକ୍ତଶଂକରୀ ॥ 87 ॥

ସର୍ଵସୌଂଦର୍ୟନିଲୟା ସର୍ଵସୌଭାଗ୍ୟଶାଲିନୀ ।
ସର୍ଵସଂଭୋଗଭଵନା ସର୍ଵସୌଖ୍ୟନିରୂପିଣୀ ॥ 88 ॥

କୁମାରୀପୂଜନରତା କୁମାରୀଵ୍ରତଚାରିଣୀ ।
କୁମାରୀଭକ୍ତିସୁଖିନୀ କୁମାରୀରୂପଧାରିଣୀ ॥ 89 ॥

କୁମାରୀପୂଜକପ୍ରୀତା କୁମାରୀପ୍ରୀତିଦା ପ୍ରିୟା ।
କୁମାରୀସେଵକାସଂଗା କୁମାରୀସେଵକାଲୟା ॥ 90 ॥

ଆନଂଦଭୈରଵୀ ବାଲଭୈରଵୀ ବଟୁଭୈରଵୀ ।
ଶ୍ମଶାନଭୈରଵୀ କାଲଭୈରଵୀ ପୁରଭୈରଵୀ ॥ 91 ॥

ମହାଭୈରଵପତ୍ନୀ ଚ ପରମାନଂଦଭୈରଵୀ ।
ସୁଧାନଂଦଭୈରଵୀ ଚ ଉନ୍ମାଦାନଂଦଭୈରଵୀ ॥ 92 ॥

ମୁକ୍ତାନଂଦଭୈରଵୀ ଚ ତଥା ତରୁଣଭୈରଵୀ ।
ଜ୍ଞାନାନଂଦଭୈରଵୀ ଚ ଅମୃତାନଂଦଭୈରଵୀ ॥ 93 ॥

ମହାଭୟଂକରୀ ତୀଵ୍ରା ତୀଵ୍ରଵେଗା ତପସ୍ଵିନୀ ।
ତ୍ରିପୁରା ପରମେଶାନୀ ସୁଂଦରୀ ପୁରସୁଂଦରୀ ॥ 94 ॥

ତ୍ରିପୁରେଶୀ ପଂଚଦଶୀ ପଂଚମୀ ପୁରଵାସିନୀ ।
ମହାସପ୍ତଦଶୀ ଚୈଵ ଷୋଡଶୀ ତ୍ରିପୁରେଶ୍ଵରୀ ॥ 95 ॥

ମହାଂକୁଶସ୍ଵରୂପା ଚ ମହାଚକ୍ରେଶ୍ଵରୀ ତଥା ।
ନଵଚକ୍ରେଶ୍ଵରୀ ଚକ୍ରେଶ୍ଵରୀ ତ୍ରିପୁରମାଲିନୀ ॥ 96 ॥

ରାଜରାଜେଶ୍ଵରୀ ଧୀରା ମହାତ୍ରିପୁରସୁଂଦରୀ ।
ସିଂଦୂରପୂରରୁଚିରା ଶ୍ରୀମତ୍ତ୍ରିପୁରସୁଂଦରୀ ॥ 97 ॥

ସର୍ଵାଂଗସୁଂଦରୀ ରକ୍ତାରକ୍ତଵସ୍ତ୍ରୋତ୍ତରୀୟିଣୀ ।
ଜଵାୟାଵକସିଂଦୂରରକ୍ତଚଂଦନଧାରିଣୀ ॥ 98 ॥

ଜଵାୟାଵକସିଂଦୂରରକ୍ତଚଂଦନରୂପଧୃକ୍ ।
ଚାମରୀ ବାଲକୁଟିଲନିର୍ମଲା ଶ୍ୟାମକେଶିନୀ ॥ 99 ॥

ଵଜ୍ରମୌକ୍ତିକରତ୍ନାଢ୍ୟା କିରୀଟମୁକୁଟୋଜ୍ଜ୍ଵଲା ।
ରତ୍ନକୁଂଡଲସଂୟୁକ୍ତସ୍ଫୁରଦ୍ଗଂଡମନୋରମା ॥ 100 ॥

କୁଂଜରେଶ୍ଵରକୁଂଭୋତ୍ଥମୁକ୍ତାରଂଜିତନାସିକା ।
ମୁକ୍ତାଵିଦ୍ରୁମମାଣିକ୍ୟହାରାଢ୍ୟସ୍ତନମଂଡଲା ॥ 101 ॥

ସୂର୍ୟକାଂତେଂଦୁକାଂତାଢ୍ୟସ୍ପର୍ଶାଶ୍ମକଂଠଭୂଷଣା ।
ବୀଜପୂରସ୍ଫୁରଦ୍ବୀଜଦଂତପଂକ୍ତିରନୁତ୍ତମା ॥ 102 ॥

କାମକୋଦଂଡକାଭୁଗ୍ନଭ୍ରୂକଟାକ୍ଷପ୍ରଵର୍ଷିଣୀ ।
ମାତଂଗକୁଂଭଵକ୍ଷୋଜା ଲସତ୍କୋକନଦେକ୍ଷଣା ॥ 103 ॥

ମନୋଜ୍ଞଶଷ୍କୁଲୀକର୍ଣା ହଂସୀଗତିଵିଡଂବିନୀ ।
ପଦ୍ମରାଗାଂଗଦଜ୍ୟୋତିର୍ଦୋଶ୍ଚତୁଷ୍କପ୍ରକାଶିନୀ ॥ 104 ॥

ନାନାମଣିପରିସ୍ଫୂର୍ଜଚ୍ଛୁଦ୍ଧକାଂଚନକଂକଣା ।
ନାଗେଂଦ୍ରଦଂତନିର୍ମାଣଵଲୟାଂକିତପାଣିନୀ ॥ 105 ॥

ଅଂଗୁରୀୟକଚିତ୍ରାଂଗୀ ଵିଚିତ୍ରକ୍ଷୁଦ୍ରଘଂଟିକା ।
ପଟ୍ଟାଂବରପରୀଧାନା କଲମଂଜୀରଶିଂଜିନୀ ॥ 106 ॥

କର୍ପୂରାଗରୁକସ୍ତୂରୀକୁଂକୁମଦ୍ରଵଲେପିତା ।
ଵିଚିତ୍ରରତ୍ନପୃଥିଵୀକଲ୍ପଶାଖିତଲସ୍ଥିତା ॥ 107 ॥

ରତ୍ନଦ୍ଵୀପସ୍ଫୁରଦ୍ରତ୍ନସିଂହାସନଵିଲାସିନୀ ।
ଷଟ୍ଚକ୍ରଭେଦନକରୀ ପରମାନଂଦରୂପିଣୀ ॥ 108 ॥

ସହସ୍ରଦଳପଦ୍ମାଂତଶ୍ଚଂଦ୍ରମଂଡଲଵର୍ତିନୀ ।
ବ୍ରହ୍ମରୂପା ଶିଵକ୍ରୋଡା ନାନାସୁଖଵିଲାସିନୀ ॥ 109 ॥

ହରଵିଷ୍ଣୁଵିରିଂଚୀଂଦ୍ରଗ୍ରହନାୟକସେଵିତା ।
ଶିଵା ଶୈଵା ଚ ରୁଦ୍ରାଣୀ ତଥୈଵ ଶିଵଵାଦିନୀ ॥ 110 ॥

ମାତଂଗିନୀ ଶ୍ରୀମତୀ ଚ ତଥୈଵାନଂଗମେଖଲା ।
ଡାକିନୀ ୟୋଗିନୀ ଚୈଵ ତଥୋପୟୋଗିନୀ ମତା ॥ 111 ॥

ମାହେଶ୍ଵରୀ ଵୈଷ୍ଣଵୀ ଚ ଭ୍ରାମରୀ ଶିଵରୂପିଣୀ ।
ଅଲଂବୁଷା ଵେଗଵତୀ କ୍ରୋଧରୂପା ସୁମେଖଲା ॥ 112 ॥

ଗାଂଧାରୀ ହସ୍ତଜିହ୍ଵା ଚ ଇଡା ଚୈଵ ଶୁଭଂକରୀ ।
ପିଂଗଳା ବ୍ରହ୍ମଦୂତୀ ଚ ସୁଷୁମ୍ନା ଚୈଵ ଗଂଧିନୀ ॥ 113 ॥

ଆତ୍ମୟୋନିର୍ବ୍ରହ୍ମୟୋନିର୍ଜଗଦ୍ୟୋନିରୟୋନିଜା ।
ଭଗରୂପା ଭଗସ୍ଥାତ୍ରୀ ଭଗିନୀ ଭଗରୂପିଣୀ ॥ 114 ॥

ଭଗାତ୍ମିକା ଭଗାଧାରରୂପିଣୀ ଭଗମାଲିନୀ ।
ଲିଂଗାଖ୍ୟା ଚୈଵ ଲିଂଗେଶୀ ତ୍ରିପୁରା ଭୈରଵୀ ତଥା ॥ 115 ॥

ଲିଂଗଗୀତିଃ ସୁଗୀତିଶ୍ଚ ଲିଂଗସ୍ଥା ଲିଂଗରୂପଧୃକ୍ ।
ଲିଂଗମାନା ଲିଂଗଭଵା ଲିଂଗଲିଂଗା ଚ ପାର୍ଵତୀ ॥ 116 ॥

ଭଗଵତୀ କୌଶିକୀ ଚ ପ୍ରେମା ଚୈଵ ପ୍ରିୟଂଵଦା ।
ଗୃଧ୍ରରୂପା ଶିଵାରୂପା ଚକ୍ରିଣୀ ଚକ୍ରରୂପଧୃକ୍ ॥ 117 ॥

ଲିଂଗାଭିଧାୟିନୀ ଲିଂଗପ୍ରିୟା ଲିଂଗନିଵାସିନୀ ।
ଲିଂଗସ୍ଥା ଲିଂଗନୀ ଲିଂଗରୂପିଣୀ ଲିଂଗସୁଂଦରୀ ॥ 118 ॥

ଲିଂଗଗୀତିର୍ମହାପ୍ରୀତା ଭଗଗୀତିର୍ମହାସୁଖା ।
ଲିଂଗନାମସଦାନଂଦା ଭଗନାମସଦାଗତିଃ ॥ 119 ॥

ଲିଂଗମାଲାକଂଠଭୂଷା ଭଗମାଲାଵିଭୂଷଣା ।
ଭଗଲିଂଗାମୃତପ୍ରୀତା ଭଗଲିଂଗସ୍ଵରୂପିଣୀ ॥ 120 ॥

ଭଗଲିଂଗସ୍ୟ ରୂପା ଚ ଭଗଲିଂଗସୁଖାଵହା ।
ସ୍ଵୟଂଭୂକୁସୁମପ୍ରୀତା ସ୍ଵୟଂଭୂକୁସୁମାର୍ଚିତା ॥ 121 ॥

ସ୍ଵୟଂଭୂକୁସୁମପ୍ରାଣା ସ୍ଵୟଂଭୂପୁଷ୍ପତର୍ପିତା ।
ସ୍ଵୟଂଭୂପୁଷ୍ପଘଟିତା ସ୍ଵୟଂଭୂପୁଷ୍ପଧାରିଣୀ ॥ 122 ॥

ସ୍ଵୟଂଭୂପୁଷ୍ପତିଲକା ସ୍ଵୟଂଭୂପୁଷ୍ପଚର୍ଚିତା ।
ସ୍ଵୟଂଭୂପୁଷ୍ପନିରତା ସ୍ଵୟଂଭୂକୁସୁମଗ୍ରହା ॥ 123 ॥

ସ୍ଵୟଂଭୂପୁଷ୍ପୟଜ୍ଞାଂଶା ସ୍ଵୟଂଭୂକୁସୁମାତ୍ମିକା ।
ସ୍ଵୟଂଭୂପୁଷ୍ପନିଚିତା ସ୍ଵୟଂଭୂକୁସୁମପ୍ରିୟା ॥ 124 ॥

ସ୍ଵୟଂଭୂକୁସୁମାଦାନଲାଲସୋନ୍ମତ୍ତମାନସା ।
ସ୍ଵୟଂଭୂକୁସୁମାନଂଦଲହରୀସ୍ନିଗ୍ଧଦେହିନୀ ॥ 125 ॥

ସ୍ଵୟଂଭୂକୁସୁମାଧାରା ସ୍ଵୟଂଭୂକୁସୁମାକୁଲା ।
ସ୍ଵୟଂଭୂପୁଷ୍ପନିଲୟା ସ୍ଵୟଂଭୂପୁଷ୍ପଵାସିନୀ ॥ 126 ॥

ସ୍ଵୟଂଭୂକୁସୁମସ୍ନିଗ୍ଧା ସ୍ଵୟଂଭୂକୁସୁମାତ୍ମିକା ।
ସ୍ଵୟଂଭୂପୁଷ୍ପକରିଣୀ ସ୍ଵୟଂଭୂପୁଷ୍ପଵାଣିକା ॥ 127 ॥

ସ୍ଵୟଂଭୂକୁସୁମଧ୍ୟାନା ସ୍ଵୟଂଭୂକୁସୁମପ୍ରଭା ।
ସ୍ଵୟଂଭୂକୁସୁମଜ୍ଞାନା ସ୍ଵୟଂଭୂପୁଷ୍ପଭାଗିନୀ ॥ 128 ॥

ସ୍ଵୟଂଭୂକୁସୁମୋଲ୍ଲାସା ସ୍ଵୟଂଭୂପୁଷ୍ପଵର୍ଷିଣୀ ।
ସ୍ଵୟଂଭୂକୁସୁମୋତ୍ସାହା ସ୍ଵୟଂଭୂପୁଷ୍ପରୂପିଣୀ ॥ 129 ॥

ସ୍ଵୟଂଭୂକୁସୁମୋନ୍ମାଦା ସ୍ଵୟଂଭୂପୁଷ୍ପସୁଂଦରୀ ।
ସ୍ଵୟଂଭୂକୁସୁମାରାଧ୍ୟା ସ୍ଵୟଂଭୂକୁସୁମୋଦ୍ଭଵା ॥ 130 ॥

ସ୍ଵୟଂଭୂକୁସୁମାଵ୍ୟଗ୍ରା ସ୍ଵୟଂଭୂପୁଷ୍ପପୂର୍ଣିତା ।
ସ୍ଵୟଂଭୂପୂଜକପ୍ରାଜ୍ଞା ସ୍ଵୟଂଭୂହୋତୃମାତୃକା ॥ 131 ॥

ସ୍ଵୟଂଭୂଦାତୃରକ୍ଷିତ୍ରୀ ସ୍ଵୟଂଭୂରକ୍ତତାରିକା ।
ସ୍ଵୟଂଭୂପୂଜକଗ୍ରସ୍ତା ସ୍ଵୟଂଭୂପୂଜକପ୍ରିୟା ॥ 132 ॥

ସ୍ଵୟଂଭୂଵଂଦକାଧାରା ସ୍ଵୟଂଭୂନିଂଦକାଂତକା ।
ସ୍ଵୟଂଭୂପ୍ରଦସର୍ଵସ୍ଵା ସ୍ଵୟଂଭୂପ୍ରଦପୁତ୍ରିଣୀ ॥ 133 ॥

ସ୍ଵୟଂଭୂପ୍ରଦସସ୍ମେରା ସ୍ଵୟଂଭୂତଶରୀରିଣୀ ।
ସର୍ଵକାଲୋଦ୍ଭଵପ୍ରୀତା ସର୍ଵକାଲୋଦ୍ଭଵାତ୍ମିକା ॥ 134 ॥

ସର୍ଵକାଲୋଦ୍ଭଵୋଦ୍ଭାଵା ସର୍ଵକାଲୋଦ୍ଭଵୋଦ୍ଭଵା ।
କୁଂଡପୁଷ୍ପସଦାପ୍ରୀତା କୁଂଡପୁଷ୍ପସଦାରତିଃ ॥ 135 ॥

କୁଂଡଗୋଲୋଦ୍ଭଵପ୍ରାଣା କୁଂଡଗୋଲୋଦ୍ଭଵାତ୍ମିକା ।
ସ୍ଵୟଂଭୂର୍ଵା ଶିଵା ଧାତ୍ରୀ ପାଵନୀ ଲୋକପାଵନୀ ॥ 136 ॥

କୀର୍ତିର୍ୟଶସ୍ଵିନୀ ମେଧା ଵିମେଧା ଶୁକ୍ରସୁଂଦରୀ ।
ଅଶ୍ଵିନୀ କୃତ୍ତିକା ପୁଷ୍ୟା ତେଜସ୍କା ଚଂଦ୍ରମଂଡଲା ॥ 137 ॥

ସୂକ୍ଷ୍ମାଽସୂକ୍ଷ୍ମା ବଲାକା ଚ ଵରଦା ଭୟନାଶିନୀ ।
ଵରଦାଽଭୟଦା ଚୈଵ ମୁକ୍ତିବଂଧଵିନାଶିନୀ ॥ 138 ॥

କାମୁକା କାମଦା କାଂତା କାମାଖ୍ୟା କୁଲସୁଂଦରୀ ।
ଦୁଃଖଦା ସୁଖଦା ମୋକ୍ଷା ମୋକ୍ଷଦାର୍ଥପ୍ରକାଶିନୀ ॥ 139 ॥

ଦୁଷ୍ଟାଦୁଷ୍ଟମତିଶ୍ଚୈଵ ସର୍ଵକାର୍ୟଵିନାଶିନୀ ।
ଶୁକ୍ରାଧାରା ଶୁକ୍ରରୂପା ଶୁକ୍ରସିଂଧୁନିଵାସିନୀ ॥ 140 ॥

ଶୁକ୍ରାଲୟା ଶୁକ୍ରଭୋଗା ଶୁକ୍ରପୂଜାସଦାରତିଃ ।
ଶୁକ୍ରପୂଜ୍ୟା ଶୁକ୍ରହୋମସଂତୁଷ୍ଟା ଶୁକ୍ରଵତ୍ସଲା ॥ 141 ॥

ଶୁକ୍ରମୂର୍ତିଃ ଶୁକ୍ରଦେହା ଶୁକ୍ରପୂଜକପୁତ୍ରିଣୀ ।
ଶୁକ୍ରସ୍ଥା ଶୁକ୍ରିଣୀ ଶୁକ୍ରସଂସ୍ପୃହା ଶୁକ୍ରସୁଂଦରୀ ॥ 142 ॥

ଶୁକ୍ରସ୍ନାତା ଶୁକ୍ରକରୀ ଶୁକ୍ରସେଵ୍ୟାଽତିଶୁକ୍ରିଣୀ ।
ମହାଶୁକ୍ରା ଶୁକ୍ରଭଵା ଶୁକ୍ରଵୃଷ୍ଟିଵିଧାୟିନୀ ॥ 143 ॥

ଶୁକ୍ରାଭିଧେୟା ଶୁକ୍ରାର୍ହା ଶୁକ୍ରଵଂଦକଵଂଦିତା ।
ଶୁକ୍ରାନଂଦକରୀ ଶୁକ୍ରସଦାନଂଦାଭିଧାୟିକା ॥ 144 ॥

ଶୁକ୍ରୋତ୍ସଵା ସଦାଶୁକ୍ରପୂର୍ଣା ଶୁକ୍ରମନୋରମା ।
ଶୁକ୍ରପୂଜକସର୍ଵସ୍ଵା ଶୁକ୍ରନିଂଦକନାଶିନୀ ॥ 145 ॥

ଶୁକ୍ରାତ୍ମିକା ଶୁକ୍ରସଂଵତ୍ ଶୁକ୍ରାକର୍ଷଣକାରିଣୀ ।
ଶାରଦା ସାଧକପ୍ରାଣା ସାଧକାସକ୍ତମାନସା ॥ 146 ॥

ସାଧକୋତ୍ତମସର୍ଵସ୍ଵା ସାଧକାଭକ୍ତରକ୍ତପା ।
ସାଧକାନଂଦସଂତୋଷା ସାଧକାନଂଦକାରିଣୀ ॥ 147 ॥

ଆତ୍ମଵିଦ୍ୟା ବ୍ରହ୍ମଵିଦ୍ୟା ପରବ୍ରହ୍ମସ୍ଵରୂପିଣୀ ।
ତ୍ରିକୂଟସ୍ଥା ପଂଚକୂଟା ସର୍ଵକୂଟଶରୀରିଣୀ ॥ 148 ॥

ସର୍ଵଵର୍ଣମୟୀ ଵର୍ଣଜପମାଲାଵିଧାୟିନୀ ।
ଇତି ଶ୍ରୀକାଳିକାନାମସହସ୍ରଂ ଶିଵଭାଷିତମ୍ ॥ 149 ॥

ଗୁହ୍ୟାଦ୍ଗୁହ୍ୟତରଂ ସାକ୍ଷାନ୍ମହାପାତକନାଶନମ୍ ।
ପୂଜାକାଲେ ନିଶୀଥେ ଚ ସଂଧ୍ୟୟୋରୁଭୟୋରପି ॥ 150 ॥

ଲଭତେ ଗାଣପତ୍ୟଂ ସ ୟଃ ପଠେତ୍ ସାଧକୋତ୍ତମଃ ।
ୟଃ ପଠେତ୍ ପାଠୟେଦ୍ଵାପି ଶୃଣୋତି ଶ୍ରାଵୟେଦପି ॥ 151 ॥

ସର୍ଵପାପଵିନିର୍ମୁକ୍ତଃ ସ ୟାତି କାଳିକାପୁରମ୍ ।
ଶ୍ରଦ୍ଧୟାଽଶ୍ରଦ୍ଧୟା ଵାପି ୟଃ କଶ୍ଚିନ୍ମାନଵଃ ସ୍ମରେତ୍ ॥ 152 ॥

ଦୁର୍ଗଂ ଦୁର୍ଗଶତଂ ତୀର୍ତ୍ଵା ସ ୟାତି ପରମାଂଗତିମ୍ ।
ଵଂଧ୍ୟା ଵା କାକଵଂଧ୍ୟା ଵା ମୃତଵତ୍ସା ଚ ୟାଂଗନା ॥ 153 ॥

ଶ୍ରୁତ୍ଵା ସ୍ତୋତ୍ରମିଦଂ ପୁତ୍ରାନ୍ ଲଭତେ ଚିରଜୀଵିନଃ ।
ୟଂ ୟଂ କାମୟତେ କାମଂ ପଠନ୍ ସ୍ତୋତ୍ରମନୁତ୍ତମମ୍ ।
ଦେଵୀପାଦପ୍ରସାଦେନ ତତ୍ତଦାପ୍ନୋତି ନିଶ୍ଚିତମ୍ ॥ 154 ॥

ଇତି ଶ୍ରୀକାଳିକାକୁଲସର୍ଵସ୍ଵେ ହରପରଶୁରାମସଂଵାଦେ ଶ୍ରୀ କାଳିକା ସହସ୍ରନାମ ସ୍ତୋତ୍ରମ୍ ।