ଧ୍ୟାନମ୍ ।
ଶ୍ରୀମଚ୍ଚଂଦନଚର୍ଚିତୋଜ୍ଜ୍ଵଲଵପୁଃ ଶୁକ୍ଲାଂବରା ମଲ୍ଲିକା-
ମାଲାଲାଲିତ କୁଂତଲା ପ୍ରଵିଲସନ୍ମୁକ୍ତାଵଲୀଶୋଭନା ।
ସର୍ଵଜ୍ଞାନନିଧାନପୁସ୍ତକଧରା ରୁଦ୍ରାକ୍ଷମାଲାଂକିତା
ଵାଗ୍ଦେଵୀ ଵଦନାଂବୁଜେ ଵସତୁ ମେ ତ୍ରୈଲୋକ୍ୟମାତା ଶୁଭା ॥

ଶ୍ରୀ ନାରଦ ଉଵାଚ –
ଭଗଵନ୍ପରମେଶାନ ସର୍ଵଲୋକୈକନାୟକ ।
କଥଂ ସରସ୍ଵତୀ ସାକ୍ଷାତ୍ପ୍ରସନ୍ନା ପରମେଷ୍ଠିନଃ ॥ 2 ॥

କଥଂ ଦେଵ୍ୟା ମହାଵାଣ୍ୟାସ୍ସତତ୍ପ୍ରାପ ସୁଦୁର୍ଲଭମ୍ ।
ଏତନ୍ମେ ଵଦ ତତ୍ତ୍ଵେନ ମହାୟୋଗୀଶ୍ଵର ପ୍ରଭୋ ॥ 3 ॥

ଶ୍ରୀ ସନତ୍କୁମାର ଉଵାଚ –
ସାଧୁ ପୃଷ୍ଟଂ ତ୍ଵୟା ବ୍ରହ୍ମନ୍ ଗୁହ୍ୟାଦ୍ଗୁହ୍ୟମନୁତ୍ତମମ୍ ।
ମୟାନୁଗୋପିତଂ ୟତ୍ନାଦିଦାନୀଂ ସତ୍ପ୍ରକାଶ୍ୟତେ ॥ 4 ॥

ପୁରା ପିତାମହଂ ଦୃଷ୍ଟ୍ଵା ଜଗତ୍ସ୍ଥାଵରଜଂଗମମ୍ ।
ନିର୍ଵିକାରଂ ନିରାଭାସଂ ସ୍ତଂଭୀଭୂତମଚେତସମ୍ ॥ 5 ॥

ସୃଷ୍ଟ୍ଵା ତ୍ରୈଲୋକ୍ୟମଖିଲଂ ଵାଗଭାଵାତ୍ତଥାଵିଧମ୍ ।
ଆଧିକ୍ୟାଭାଵତଃ ସ୍ଵସ୍ୟ ପରମେଷ୍ଠୀ ଜଗଦ୍ଗୁରୁଃ ॥ 6 ॥

ଦିଵ୍ୟଵର୍ଷାୟୁତଂ ତେନ ତପୋ ଦୁଷ୍କରମୁତ୍ତମମ୍ ।
ତତଃ କଦାଚିତ୍ସଂଜାତା ଵାଣୀ ସର୍ଵାର୍ଥଶୋଭିତା ॥ 7 ॥

ଅହମସ୍ମି ମହାଵିଦ୍ୟା ସର୍ଵଵାଚାମଧୀଶ୍ଵରୀ ।
ମମ ନାମ୍ନାଂ ସହସ୍ରଂ ତୁ ଉପଦେକ୍ଷ୍ୟାମ୍ୟନୁତ୍ତମମ୍ ॥ 8 ॥

ଅନେନ ସଂସ୍ତୁତା ନିତ୍ୟଂ ପତ୍ନୀ ତଵ ଭଵାମ୍ୟହମ୍ ।
ତ୍ଵୟା ସୃଷ୍ଟଂ ଜଗତ୍ସର୍ଵଂ ଵାଣୀୟୁକ୍ତଂ ଭଵିଷ୍ୟତି ॥ 9 ॥

ଇଦଂ ରହସ୍ୟଂ ପରମଂ ମମ ନାମସହସ୍ରକମ୍ ।
ସର୍ଵପାପୌଘଶମନଂ ମହାସାରସ୍ଵତପ୍ରଦମ୍ ॥ 10 ॥

ମହାକଵିତ୍ଵଦଂ ଲୋକେ ଵାଗୀଶତ୍ଵପ୍ରଦାୟକମ୍ ।
ତ୍ଵଂ ଵା ପରଃ ପୁମାନ୍ୟସ୍ତୁ ସ୍ତଵେନାଽନେନ ତୋଷୟେତ୍ ॥ 11 ॥

ତସ୍ୟାହଂ କିଂକରୀ ସାକ୍ଷାଦ୍ଭଵିଷ୍ୟାମି ନ ସଂଶୟଃ ।
ଇତ୍ୟୁକ୍ତ୍ଵାଂତର୍ଦଧେ ଵାଣୀ ତଦାରଭ୍ୟ ପିତାମହଃ ॥ 12 ॥

ସ୍ତୁତ୍ଵା ସ୍ତୋତ୍ରେଣ ଦିଵ୍ୟେନ ତତ୍ପତିତ୍ଵମଵାପ୍ତଵାନ୍ ।
ଵାଣୀୟୁକ୍ତଂ ଜଗତ୍ସର୍ଵଂ ତଦାରଭ୍ୟାଽଭଵନ୍ମୁନେ ॥ 13 ॥

ତତ୍ତେହଂ ସଂପ୍ରଵକ୍ଷ୍ୟାମି ଶୃଣୁ ୟତ୍ନେନ ନାରଦ ।
ସାଵଧାନମନା ଭୂତ୍ଵା କ୍ଷଣଂ ଶୁଦ୍ଧୋ ମୁନୀଶ୍ଵରଃ ॥ 14 ॥

[ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଵାଗ୍ଵାଣୀ ଵରଦା ଵଂଦ୍ୟା ଵରାରୋହା ଵରପ୍ରଦା ।
ଵୃତ୍ତିର୍ଵାଗୀଶ୍ଵରୀ ଵାର୍ତା ଵରା ଵାଗୀଶଵଲ୍ଲଭା ॥ 1 ॥

ଵିଶ୍ଵେଶ୍ଵରୀ ଵିଶ୍ଵଵଂଦ୍ୟା ଵିଶ୍ଵେଶପ୍ରିୟକାରିଣୀ ।
ଵାଗ୍ଵାଦିନୀ ଚ ଵାଗ୍ଦେଵୀ ଵୃଦ୍ଧିଦା ଵୃଦ୍ଧିକାରିଣୀ ॥ 2 ॥

ଵୃଦ୍ଧିର୍ଵୃଦ୍ଧା ଵିଷଘ୍ନୀ ଚ ଵୃଷ୍ଟିର୍ଵୃଷ୍ଟିପ୍ରଦାୟିନୀ ।
ଵିଶ୍ଵାରାଧ୍ୟା ଵିଶ୍ଵମାତା ଵିଶ୍ଵଧାତ୍ରୀ ଵିନାୟକା ॥ 3 ॥

ଵିଶ୍ଵଶକ୍ତିର୍ଵିଶ୍ଵସାରା ଵିଶ୍ଵା ଵିଶ୍ଵଵିଭାଵରୀ ।
ଵେଦାଂତଵେଦିନୀ ଵେଦ୍ୟା ଵିତ୍ତା ଵେଦତ୍ରୟାତ୍ମିକା ॥ 4 ॥

ଵେଦଜ୍ଞା ଵେଦଜନନୀ ଵିଶ୍ଵା ଵିଶ୍ଵଵିଭାଵରୀ ।
ଵରେଣ୍ୟା ଵାଙ୍ମୟୀ ଵୃଦ୍ଧା ଵିଶିଷ୍ଟପ୍ରିୟକାରିଣୀ ॥ 5 ॥

ଵିଶ୍ଵତୋଵଦନା ଵ୍ୟାପ୍ତା ଵ୍ୟାପିନୀ ଵ୍ୟାପକାତ୍ମିକା ।
ଵ୍ୟାଳଘ୍ନୀ ଵ୍ୟାଳଭୂଷାଂଗୀ ଵିରଜା ଵେଦନାୟିକା ॥ 6 ॥

ଵେଦଵେଦାଂତସଂଵେଦ୍ୟା ଵେଦାଂତଜ୍ଞାନରୂପିଣୀ ।
ଵିଭାଵରୀ ଚ ଵିକ୍ରାଂତା ଵିଶ୍ଵାମିତ୍ରା ଵିଧିପ୍ରିୟା ॥ 7 ॥

ଵରିଷ୍ଠା ଵିପ୍ରକୃଷ୍ଟା ଚ ଵିପ୍ରଵର୍ୟପ୍ରପୂଜିତା ।
ଵେଦରୂପା ଵେଦମୟୀ ଵେଦମୂର୍ତିଶ୍ଚ ଵଲ୍ଲଭା ॥ 8 ॥

[ ଓଂ ହ୍ରୀଂ ଗୁରୁରୂପେ ମାଂ ଗୃହ୍ଣ ଗୃହ୍ଣ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଗୌରୀ ଗୁଣଵତୀ ଗୋପ୍ୟା ଗଂଧର୍ଵନଗରପ୍ରିୟା ।
ଗୁଣମାତା ଗୁଣାଂତସ୍ଥା ଗୁରୁରୂପା ଗୁରୁପ୍ରିୟା ॥ 9 ॥ [ ଗୁହାଂତସ୍ଥା ]

ଗୁରୁଵିଦ୍ୟା ଗାନତୁଷ୍ଟା ଗାୟକପ୍ରିୟକାରିଣୀ । [ ଗିରିଵିଦ୍ୟା ]
ଗାୟତ୍ରୀ ଗିରୀଶାରାଧ୍ୟା ଗୀର୍ଗିରୀଶପ୍ରିୟଂକରୀ ॥ 10 ॥

ଗିରିଜ୍ଞା ଜ୍ଞାନଵିଦ୍ୟା ଚ ଗିରିରୂପା ଗିରୀଶ୍ଵରୀ ।
ଗୀର୍ମାତା ଗଣସଂସ୍ତୁତ୍ୟା ଗଣନୀୟଗୁଣାନ୍ଵିତା ॥ 11 ॥

ଗୂଢରୂପା ଗୁହା ଗୋପ୍ୟା ଗୋରୂପା ଗୌର୍ଗୁଣାତ୍ମିକା ।
ଗୁର୍ଵୀ ଗୁର୍ଵଂବିକା ଗୁହ୍ୟା ଗେୟଜା ଗୃହନାଶିନୀ ॥ 12 ॥

ଗୃହିଣୀ ଗୃହଦୋଷଘ୍ନୀ ଗଵଘ୍ନୀ ଗୁରୁଵତ୍ସଲା ।
ଗୃହାତ୍ମିକା ଗୃହାରାଧ୍ୟା ଗୃହବାଧାଵିନାଶିନୀ ॥ 13 ॥

ଗଂଗା ଗିରିସୁତା ଗମ୍ୟା ଗଜୟାନା ଗୁହସ୍ତୁତା ।
ଗରୁଡାସନସଂସେଵ୍ୟା ଗୋମତୀ ଗୁଣଶାଲିନୀ ॥ 14 ॥

[ ଓଂ ଐଂ ନମଃ ଶାରଦେ ଶ୍ରୀଂ ଶୁଦ୍ଧେ ନମଃ ଶାରଦେ ଵଂ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଶାରଦା ଶାଶ୍ଵତୀ ଶୈଵୀ ଶାଂକରୀ ଶଂକରାତ୍ମିକା ।
ଶ୍ରୀଶ୍ଶର୍ଵାଣୀ ଶତଘ୍ନୀ ଚ ଶରଚ୍ଚଂଦ୍ରନିଭାନନା ॥ 15 ॥

ଶର୍ମିଷ୍ଠା ଶମନଘ୍ନୀ ଚ ଶତସାହସ୍ରରୂପିଣୀ ।
ଶିଵା ଶଂଭୁପ୍ରିୟା ଶ୍ରଦ୍ଧା ଶ୍ରୁତିରୂପା ଶ୍ରୁତିପ୍ରିୟା ॥ 16 ॥

ଶୁଚିଷ୍ମତୀ ଶର୍ମକରୀ ଶୁଦ୍ଧିଦା ଶୁଦ୍ଧିରୂପିଣୀ ।
ଶିଵା ଶିଵଂକରୀ ଶୁଦ୍ଧା ଶିଵାରାଧ୍ୟା ଶିଵାତ୍ମିକା ॥ 17 ॥

ଶ୍ରୀମତୀ ଶ୍ରୀମୟୀ ଶ୍ରାଵ୍ୟା ଶ୍ରୁତିଃ ଶ୍ରଵଣଗୋଚରା ।
ଶାଂତିଶ୍ଶାଂତିକରୀ ଶାଂତା ଶାଂତାଚାରପ୍ରିୟଂକରୀ ॥ 18 ॥

ଶୀଲଲଭ୍ୟା ଶୀଲଵତୀ ଶ୍ରୀମାତା ଶୁଭକାରିଣୀ ।
ଶୁଭଵାଣୀ ଶୁଦ୍ଧଵିଦ୍ୟା ଶୁଦ୍ଧଚିତ୍ତପ୍ରପୂଜିତା ॥ 19 ॥

ଶ୍ରୀକରୀ ଶ୍ରୁତପାପଘ୍ନୀ ଶୁଭାକ୍ଷୀ ଶୁଚିଵଲ୍ଲଭା ।
ଶିଵେତରଘ୍ନୀ ଶବରୀ ଶ୍ରଵଣୀୟଗୁଣାନ୍ଵିତା ॥ 20 ॥ [ଶର୍ଵରୀ]

ଶାରୀ ଶିରୀଷପୁଷ୍ପାଭା ଶମନିଷ୍ଠା ଶମାତ୍ମିକା ।
ଶମାନ୍ଵିତା ଶମାରାଧ୍ୟା ଶିତିକଂଠପ୍ରପୂଜିତା ॥ 21 ॥

ଶୁଦ୍ଧିଃ ଶୁଦ୍ଧିକରୀ ଶ୍ରେଷ୍ଠା ଶ୍ରୁତାନଂତା ଶୁଭାଵହା ।
ସରସ୍ଵତୀ ଚ ସର୍ଵଜ୍ଞା ସର୍ଵସିଦ୍ଧିପ୍ରଦାୟିନୀ ॥ 22 ॥

[ ଓଂ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ସରସ୍ଵତୀ ଚ ସାଵିତ୍ରୀ ସଂଧ୍ୟା ସର୍ଵେପ୍ସିତପ୍ରଦା ।
ସର୍ଵାର୍ତିଘ୍ନୀ ସର୍ଵମୟୀ ସର୍ଵଵିଦ୍ୟାପ୍ରଦାୟିନୀ ॥ 23 ॥

ସର୍ଵେଶ୍ଵରୀ ସର୍ଵପୁଣ୍ୟା ସର୍ଗସ୍ଥିତ୍ୟଂତକାରିଣୀ ।
ସର୍ଵାରାଧ୍ୟା ସର୍ଵମାତା ସର୍ଵଦେଵନିଷେଵିତା ॥ 24 ॥

ସର୍ଵୈଶ୍ଵର୍ୟପ୍ରଦା ସତ୍ୟା ସତୀ ସତ୍ଵଗୁଣାଶ୍ରୟା ।
ସର୍ଵକ୍ରମପଦାକାରା ସର୍ଵଦୋଷନିଷୂଦିନୀ ॥ 25 ॥ [ ସ୍ଵରକ୍ରମପଦାକାରା ]

ସହସ୍ରାକ୍ଷୀ ସହସ୍ରାସ୍ୟା ସହସ୍ରପଦସଂୟୁତା ।
ସହସ୍ରହସ୍ତା ସାହସ୍ରଗୁଣାଲଂକୃତଵିଗ୍ରହା ॥ 26 ॥

ସହସ୍ରଶୀର୍ଷା ସଦ୍ରୂପା ସ୍ଵଧା ସ୍ଵାହା ସୁଧାମୟୀ ।
ଷଡ୍ଗ୍ରଂଥିଭେଦିନୀ ସେଵ୍ୟା ସର୍ଵଲୋକୈକପୂଜିତା ॥ 27 ॥

ସ୍ତୁତ୍ୟା ସ୍ତୁତିମୟୀ ସାଧ୍ୟା ସଵିତୃପ୍ରିୟକାରିଣୀ ।
ସଂଶୟଚ୍ଛେଦିନୀ ସାଂଖ୍ୟଵେଦ୍ୟା ସଂଖ୍ୟା ସଦୀଶ୍ଵରୀ ॥ 28 ॥

ସିଦ୍ଧିଦା ସିଦ୍ଧସଂପୂଜ୍ୟା ସର୍ଵସିଦ୍ଧିପ୍ରଦାୟିନୀ ।
ସର୍ଵଜ୍ଞା ସର୍ଵଶକ୍ତିଶ୍ଚ ସର୍ଵସଂପତ୍ପ୍ରଦାୟିନୀ ॥ 29 ॥

ସର୍ଵାଽଶୁଭଘ୍ନୀ ସୁଖଦା ସୁଖସଂଵିତ୍ସ୍ଵରୂପିଣୀ ।
ସର୍ଵସଂଭାଷଣୀ ସର୍ଵଜଗତ୍ସମ୍ମୋହିନୀ ତଥା ॥ 30 ॥ [ ସର୍ଵସଂଭୀଷଣୀ ]

ସର୍ଵପ୍ରିୟଂକରୀ ସର୍ଵଶୁଭଦା ସର୍ଵମଂଗଳା ।
ସର୍ଵମଂତ୍ରମୟୀ ସର୍ଵତୀର୍ଥପୁଣ୍ୟଫଲପ୍ରଦା ॥ 31 ॥

ସର୍ଵପୁଣ୍ୟମୟୀ ସର୍ଵଵ୍ୟାଧିଘ୍ନୀ ସର୍ଵକାମଦା ।
ସର୍ଵଵିଘ୍ନହରୀ ସର୍ଵଵଂଦିତା ସର୍ଵମଂଗଳା ॥ 32 ॥

ସର୍ଵମଂତ୍ରକରୀ ସର୍ଵଲକ୍ଷ୍ମୀଃ ସର୍ଵଗୁଣାନ୍ଵିତା ।
ସର୍ଵାନଂଦମୟୀ ସର୍ଵଜ୍ଞାନଦା ସତ୍ୟନାୟିକା ॥ 33 ॥

ସର୍ଵଜ୍ଞାନମୟୀ ସର୍ଵରାଜ୍ୟଦା ସର୍ଵମୁକ୍ତିଦା ।
ସୁପ୍ରଭା ସର୍ଵଦା ସର୍ଵା ସର୍ଵଲୋକଵଶଂକରୀ ॥ 34 ॥

ସୁଭଗା ସୁଂଦରୀ ସିଦ୍ଧା ସିଦ୍ଧାଂବା ସିଦ୍ଧମାତୃକା ।
ସିଦ୍ଧମାତା ସିଦ୍ଧଵିଦ୍ୟା ସିଦ୍ଧେଶୀ ସିଦ୍ଧରୂପିଣୀ ॥ 35 ॥

ସୁରୂପିଣୀ ସୁଖମୟୀ ସେଵକପ୍ରିୟକାରିଣୀ ।
ସ୍ଵାମିନୀ ସର୍ଵଦା ସେଵ୍ୟା ସ୍ଥୂଲସୂକ୍ଷ୍ମାପରାଂବିକା ॥ 36 ॥

ସାରରୂପା ସରୋରୂପା ସତ୍ୟଭୂତା ସମାଶ୍ରୟା ।
ସିତାଽସିତା ସରୋଜାକ୍ଷୀ ସରୋଜାସନଵଲ୍ଲଭା ॥ 37 ॥

ସରୋରୁହାଭା ସର୍ଵାଂଗୀ ସୁରେଂଦ୍ରାଦିପ୍ରପୂଜିତା ।

[ ଓଂ ହ୍ରୀଂ ଐଂ ମହାସରସ୍ଵତି ସାରସ୍ଵତପ୍ରଦେ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ମହାଦେଵୀ ମହେଶାନୀ ମହାସାରସ୍ଵତପ୍ରଦା ॥ 38 ॥

ମହାସରସ୍ଵତୀ ମୁକ୍ତା ମୁକ୍ତିଦା ମୋହନାଶିନୀ । [ ମଲନାଶିନୀ ]
ମହେଶ୍ଵରୀ ମହାନଂଦା ମହାମଂତ୍ରମୟୀ ମହୀ ॥ 39 ॥

ମହାଲକ୍ଷ୍ମୀର୍ମହାଵିଦ୍ୟା ମାତା ମଂଦରଵାସିନୀ ।
ମଂତ୍ରଗମ୍ୟା ମଂତ୍ରମାତା ମହାମଂତ୍ରଫଲପ୍ରଦା ॥ 40 ॥

ମହାମୁକ୍ତିର୍ମହାନିତ୍ୟା ମହାସିଦ୍ଧିପ୍ରଦାୟିନୀ ।
ମହାସିଦ୍ଧା ମହାମାତା ମହଦାକାରସଂୟୁତା ॥ 41 ॥

ମହୀ ମହେଶ୍ଵରୀ ମୂର୍ତିର୍ମୋକ୍ଷଦା ମଣିଭୂଷଣା ।
ମେନକା ମାନିନୀ ମାନ୍ୟା ମୃତ୍ୟୁଘ୍ନୀ ମେରୁରୂପିଣୀ ॥ 42 ॥

ମଦିରାକ୍ଷୀ ମଦାଵାସା ମଖରୂପା ମଖେଶ୍ଵରୀ । [ ମହେଶ୍ଵରୀ ]
ମହାମୋହା ମହାମାୟା ମାତୄଣାଂ ମୂର୍ଧ୍ନିସଂସ୍ଥିତା ॥ 43 ॥

ମହାପୁଣ୍ୟା ମୁଦାଵାସା ମହାସଂପତ୍ପ୍ରଦାୟିନୀ ।
ମଣିପୂରୈକନିଲୟା ମଧୁରୂପା ମଦୋତ୍କଟା ॥ 44 ॥ [ ମହୋତ୍କଟା ]

ମହାସୂକ୍ଷ୍ମା ମହାଶାଂତା ମହାଶାଂତିପ୍ରଦାୟିନୀ ।
ମୁନିସ୍ତୁତା ମୋହହଂତ୍ରୀ ମାଧଵୀ ମାଧଵପ୍ରିୟା ॥ 45 ॥

ମା ମହାଦେଵସଂସ୍ତୁତ୍ୟା ମହିଷୀଗଣପୂଜିତା ।
ମୃଷ୍ଟାନ୍ନଦା ଚ ମାହେଂଦ୍ରୀ ମହେଂଦ୍ରପଦଦାୟିନୀ ॥ 46 ॥

ମତିର୍ମତିପ୍ରଦା ମେଧା ମର୍ତ୍ୟଲୋକନିଵାସିନୀ ।
ମୁଖ୍ୟା ମହାନିଵାସା ଚ ମହାଭାଗ୍ୟଜନାଶ୍ରିତା ॥ 47 ॥

ମହିଳା ମହିମା ମୃତ୍ୟୁହାରୀ ମେଧାପ୍ରଦାୟିନୀ ।
ମେଧ୍ୟା ମହାଵେଗଵତୀ ମହାମୋକ୍ଷଫଲପ୍ରଦା ॥ 48 ॥

ମହାପ୍ରଭାଭା ମହତୀ ମହାଦେଵପ୍ରିୟଂକରୀ ।
ମହାପୋଷା ମହର୍ଥିଶ୍ଚ ମୁକ୍ତାହାରଵିଭୂଷଣା ॥ 49 ॥ [ ମହର୍ଦ୍ଧିଶ୍ଚ ]

ମାଣିକ୍ୟଭୂଷଣା ମଂତ୍ରା ମୁଖ୍ୟଚଂଦ୍ରାର୍ଧଶେଖରା ।
ମନୋରୂପା ମନଶ୍ଶୁଦ୍ଧିଃ ମନଶ୍ଶୁଦ୍ଧିପ୍ରଦାୟିନୀ ॥ 50 ॥

ମହାକାରୁଣ୍ୟସଂପୂର୍ଣା ମନୋନମନଵଂଦିତା ।
ମହାପାତକଜାଲଘ୍ନୀ ମୁକ୍ତିଦା ମୁକ୍ତଭୂଷଣା ॥ 51 ॥

ମନୋନ୍ମନୀ ମହାସ୍ଥୂଲା ମହାକ୍ରତୁଫଲପ୍ରଦା ।
ମହାପୁଣ୍ୟଫଲପ୍ରାପ୍ୟା ମାୟାତ୍ରିପୁରନାଶିନୀ ॥ 52 ॥

ମହାନସା ମହାମେଧା ମହାମୋଦା ମହେଶ୍ଵରୀ ।
ମାଲାଧରୀ ମହୋପାୟା ମହାତୀର୍ଥଫଲପ୍ରଦା ॥ 53 ॥

ମହାମଂଗଳସଂପୂର୍ଣା ମହାଦାରିଦ୍ର୍ୟନାଶିନୀ ।
ମହାମଖା ମହାମେଘା ମହାକାଳୀ ମହାପ୍ରିୟା ॥ 54 ॥

ମହାଭୂଷା ମହାଦେହା ମହାରାଜ୍ଞୀ ମୁଦାଲୟା ।

[ ଓଂ ହ୍ରୀଂ ଐଂ ନମୋ ଭଗଵତି ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଭୂରିଦା ଭାଗ୍ୟଦା ଭୋଗ୍ୟା ଭୋଗ୍ୟଦା ଭୋଗଦାୟିନୀ ॥ 55 ॥

ଭଵାନୀ ଭୂତିଦା ଭୂତିଃ ଭୂମିର୍ଭୂମିସୁନାୟିକା ।
ଭୂତଧାତ୍ରୀ ଭୟହରୀ ଭକ୍ତସାରସ୍ଵତପ୍ରଦା ॥ 56 ॥

ଭୁକ୍ତିର୍ଭୁକ୍ତିପ୍ରଦା ଭୋକ୍ତ୍ରୀ ଭକ୍ତିର୍ଭକ୍ତିପ୍ରଦାୟିନୀ । [ଭେକୀ]
ଭକ୍ତସାୟୁଜ୍ୟଦା ଭକ୍ତସ୍ଵର୍ଗଦା ଭକ୍ତରାଜ୍ୟଦା ॥ 57 ॥

ଭାଗୀରଥୀ ଭଵାରାଧ୍ୟା ଭାଗ୍ୟାସଜ୍ଜନପୂଜିତା ।
ଭଵସ୍ତୁତ୍ୟା ଭାନୁମତୀ ଭଵସାଗରତାରିଣୀ ॥ 58 ॥

ଭୂତିର୍ଭୂଷା ଚ ଭୂତେଶୀ ଭାଲଲୋଚନପୂଜିତା । [ ଫାଲଲୋଚନପୂଜିତା ]
ଭୂତା ଭଵ୍ୟା ଭଵିଷ୍ୟା ଚ ଭଵଵିଦ୍ୟା ଭଵାତ୍ମିକା ॥ 59 ॥

ବାଧାପହାରିଣୀ ବଂଧୁରୂପା ଭୁଵନପୂଜିତା ।
ଭଵଘ୍ନୀ ଭକ୍ତିଲଭ୍ୟା ଚ ଭକ୍ତରକ୍ଷଣତତ୍ପରା ॥ 60 ॥

ଭକ୍ତାର୍ତିଶମନୀ ଭାଗ୍ୟା ଭୋଗଦାନକୃତୋଦ୍ୟମା ।
ଭୁଜଂଗଭୂଷଣା ଭୀମା ଭୀମାକ୍ଷୀ ଭୀମରୂପିଣୀ ॥ 61 ॥

ଭାଵିନୀ ଭ୍ରାତୃରୂପା ଚ ଭାରତୀ ଭଵନାୟିକା ।
ଭାଷା ଭାଷାଵତୀ ଭୀଷ୍ମା ଭୈରଵୀ ଭୈରଵପ୍ରିୟା ॥ 62 ॥

ଭୂତିର୍ଭାସିତସର୍ଵାଂଗୀ ଭୂତିଦା ଭୂତିନାୟିକା ।
ଭାସ୍ଵତୀ ଭଗମାଲା ଚ ଭିକ୍ଷାଦାନକୃତୋଦ୍ୟମା ॥ 63 ॥

ଭିକ୍ଷୁରୂପା ଭକ୍ତିକରୀ ଭକ୍ତଲକ୍ଷ୍ମୀପ୍ରଦାୟିନୀ ।
ଭ୍ରାଂତିଘ୍ନା ଭ୍ରାଂତିରୂପା ଚ ଭୂତିଦା ଭୂତିକାରିଣୀ ॥ 64 ॥

ଭିକ୍ଷଣୀୟା ଭିକ୍ଷୁମାତା ଭାଗ୍ୟଵଦ୍ଦୃଷ୍ଟିଗୋଚରା ।
ଭୋଗଵତୀ ଭୋଗରୂପା ଭୋଗମୋକ୍ଷଫଲପ୍ରଦା ॥ 65 ॥

ଭୋଗଶ୍ରାଂତା ଭାଗ୍ୟଵତୀ ଭକ୍ତାଘୌଘଵିନାଶିନୀ ।

[ ଓଂ ଐଂ କ୍ଲୀଂ ସୌଃ ବାଲେ ବ୍ରାହ୍ମୀ ବ୍ରହ୍ମପତ୍ନୀ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ବ୍ରାହ୍ମୀ ବ୍ରହ୍ମସ୍ଵରୂପା ଚ ବୃହତୀ ବ୍ରହ୍ମଵଲ୍ଲଭା ॥ 66 ॥

ବ୍ରହ୍ମଦା ବ୍ରହ୍ମମାତା ଚ ବ୍ରହ୍ମାଣୀ ବ୍ରହ୍ମଦାୟିନୀ ।
ବ୍ରହ୍ମେଶୀ ବ୍ରହ୍ମସଂସ୍ତୁତ୍ୟା ବ୍ରହ୍ମଵେଦ୍ୟା ବୁଧପ୍ରିୟା ॥ 67 ॥

ବାଲେଂଦୁଶେଖରା ବାଲା ବଲିପୂଜାକରପ୍ରିୟା ।
ବଲଦା ବିଂଦୁରୂପା ଚ ବାଲସୂର୍ୟସମପ୍ରଭା ॥ 68 ॥

ବ୍ରହ୍ମରୂପା ବ୍ରହ୍ମମୟୀ ବ୍ରଧ୍ନମଂଡଲମଧ୍ୟଗା ।
ବ୍ରହ୍ମାଣୀ ବୁଦ୍ଧିଦା ବୁଦ୍ଧିର୍ବୁଦ୍ଧିରୂପା ବୁଧେଶ୍ଵରୀ ॥ 69 ॥

ବଂଧକ୍ଷୟକରୀ ବାଧାନାଶିନୀ ବଂଧୁରୂପିଣୀ ।
ବିଂଦ୍ଵାଲୟା ବିଂଦୁଭୂଷା ବିଂଦୁନାଦସମନ୍ଵିତା ॥ 70 ॥

ବୀଜରୂପା ବୀଜମାତା ବ୍ରହ୍ମଣ୍ୟା ବ୍ରହ୍ମକାରିଣୀ ।
ବହୁରୂପା ବଲଵତୀ ବ୍ରହ୍ମଜ୍ଞା ବ୍ରହ୍ମଚାରିଣୀ ॥ 71 ॥ [ବ୍ରହ୍ମଜା]

ବ୍ରହ୍ମସ୍ତୁତ୍ୟା ବ୍ରହ୍ମଵିଦ୍ୟା ବ୍ରହ୍ମାଂଡାଧିପଵଲ୍ଲଭା ।
ବ୍ରହ୍ମେଶଵିଷ୍ଣୁରୂପା ଚ ବ୍ରହ୍ମଵିଷ୍ଣ୍ଵୀଶସଂସ୍ଥିତା ॥ 72 ॥

ବୁଦ୍ଧିରୂପା ବୁଧେଶାନୀ ବଂଧୀ ବଂଧଵିମୋଚନୀ ।

[ ଓଂ ହ୍ରୀଂ ଐଂ ଅଂ ଆଂ ଇଂ ଈଂ ଉଂ ଊଂ ଋଂ ୠଂ ~ଲୁଂ ~ଲୂଂ ଏଂ ଐଂ ଓଂ ଔଂ କଂ ଖଂ ଗଂ ଘଂ ଙଂ ଚଂ ଛଂ ଜଂ ଝଂ ଞଂ ଟଂ ଠଂ ଡଂ ଢଂ ଣଂ ତଂ ଥଂ ଦଂ ଧଂ ନଂ ପଂ ଫଂ ବଂ ଭଂ ମଂ ୟଂ ରଂ ଲଂ ଵଂ ଶଂ ଷଂ ସଂ ହଂ ଳଂ କ୍ଷଂ ଅକ୍ଷମାଲେ ଅକ୍ଷରମାଲିକା ସମଲଂକୃତେ ଵଦ ଵଦ ଵାଗ୍ଵାଦିନୀ ସ୍ଵାହା ]

ଅକ୍ଷମାଲାଽକ୍ଷରାକାରାଽକ୍ଷରାଽକ୍ଷରଫଲପ୍ରଦା ॥ 73 ॥

ଅନଂତାଽନଂଦସୁଖଦାଽନଂତଚଂଦ୍ରନିଭାନନା ।
ଅନଂତମହିମାଽଘୋରାନଂତଗଂଭୀରସମ୍ମିତା ॥ 74 ॥

ଅଦୃଷ୍ଟାଽଦୃଷ୍ଟଦାଽନଂତାଦୃଷ୍ଟଭାଗ୍ୟଫଲପ୍ରଦା । [ ଦୃଷ୍ଟିଦା ]
ଅରୁଂଧତ୍ୟଵ୍ୟୟୀନାଥାଽନେକସଦ୍ଗୁଣସଂୟୁତା ॥ 75 ॥

ଅନେକଭୂଷଣାଽଦୃଶ୍ୟାଽନେକଲେଖନିଷେଵିତା ।
ଅନଂତାଽନଂତସୁଖଦାଽଘୋରାଽଘୋରସ୍ଵରୂପିଣୀ ॥ 76 ॥

ଅଶେଷଦେଵତାରୂପାଽମୃତରୂପାଽମୃତେଶ୍ଵରୀ ।
ଅନଵଦ୍ୟାଽନେକହସ୍ତାଽନେକମାଣିକ୍ୟଭୂଷଣା ॥ 77 ॥

ଅନେକଵିଘ୍ନସଂହର୍ତ୍ରୀ ତ୍ଵନେକାଭରଣାନ୍ଵିତା ।
ଅଵିଦ୍ୟାଜ୍ଞାନସଂହର୍ତ୍ରୀ ହ୍ୟଵିଦ୍ୟାଜାଲନାଶିନୀ ॥ 78 ॥

ଅଭିରୂପାନଵଦ୍ୟାଂଗୀ ହ୍ୟପ୍ରତର୍କ୍ୟଗତିପ୍ରଦା ।
ଅକଳଂକରୂପିଣୀ ଚ ହ୍ୟନୁଗ୍ରହପରାୟଣା ॥ 79 ॥

ଅଂବରସ୍ଥାଽଂବରମୟାଽଂବରମାଲାଽଂବୁଜେକ୍ଷଣା ।
ଅଂବିକାଽବ୍ଜକରାଽବ୍ଜସ୍ଥାଽଂଶୁମତ୍ୟଽଂଶୁଶତାନ୍ଵିତା ॥ 80 ॥

ଅଂବୁଜାଽନଵରାଽଖଂଡାଽଂବୁଜାସନମହାପ୍ରିୟା ।
ଅଜରାଽମରସଂସେଵ୍ୟାଽଜରସେଵିତପଦ୍ୟୁଗା ॥ 81 ॥

ଅତୁଲାର୍ଥପ୍ରଦାଽର୍ଥୈକ୍ୟାଽତ୍ୟୁଦାରାତ୍ଵଭୟାନ୍ଵିତା ।
ଅନାଥଵତ୍ସଲାଽନଂତପ୍ରିୟାଽନଂତେପ୍ସିତପ୍ରଦା ॥ 82 ॥

ଅଂବୁଜାକ୍ଷ୍ୟଂବୁରୂପାଽଂବୁଜାତୋଦ୍ଭଵମହାପ୍ରିୟା ।
ଅଖଂଡା ତ୍ଵମରସ୍ତୁତ୍ୟାଽମରନାୟକପୂଜିତା ॥ 83 ॥

ଅଜେୟା ତ୍ଵଜସଂକାଶାଽଜ୍ଞାନନାଶିନ୍ୟଭୀଷ୍ଟଦା ।
ଅକ୍ତାଘନେନ ଚାଽସ୍ତ୍ରେଶୀ ହ୍ୟଲକ୍ଷ୍ମୀନାଶିନୀ ତଥା ॥ 84 ॥

ଅନଂତସାରାଽନଂତଶ୍ରୀରନଂତଵିଧିପୂଜିତା ।
ଅଭୀଷ୍ଟାମର୍ତ୍ୟସଂପୂଜ୍ୟା ହ୍ୟସ୍ତୋଦୟଵିଵର୍ଜିତା ॥ 85 ॥

ଆସ୍ତିକସ୍ଵାଂତନିଲୟାଽସ୍ତ୍ରରୂପାଽସ୍ତ୍ରଵତୀ ତଥା ।
ଅସ୍ଖଲତ୍ୟସ୍ଖଲଦ୍ରୂପାଽସ୍ଖଲଦ୍ଵିଦ୍ୟାପ୍ରଦାୟିନୀ ॥ 86 ॥

ଅସ୍ଖଲତ୍ସିଦ୍ଧିଦାଽଽନଂଦାଽଂବୁଜାତାଽଽମରନାୟିକା ।
ଅମେୟାଽଶେଷପାପଘ୍ନ୍ୟକ୍ଷୟସାରସ୍ଵତପ୍ରଦା ॥ 87 ॥

[ ଓଂ ଜ୍ୟାଂ ହ୍ରୀଂ ଜୟ ଜୟ ଜଗନ୍ମାତଃ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଜୟା ଜୟଂତୀ ଜୟଦା ଜନ୍ମକର୍ମଵିଵର୍ଜିତା ।
ଜଗତ୍ପ୍ରିୟା ଜଗନ୍ମାତା ଜଗଦୀଶ୍ଵରଵଲ୍ଲଭା ॥ 88 ॥

ଜାତିର୍ଜୟା ଜିତାମିତ୍ରା ଜପ୍ୟା ଜପନକାରିଣୀ ।
ଜୀଵନୀ ଜୀଵନିଲୟା ଜୀଵାଖ୍ୟା ଜୀଵଧାରିଣୀ ॥ 89 ॥

ଜାହ୍ନଵୀ ଜ୍ୟା ଜପଵତୀ ଜାତିରୂପା ଜୟପ୍ରଦା ।
ଜନାର୍ଦନପ୍ରିୟକରୀ ଜୋଷନୀୟା ଜଗତ୍ସ୍ଥିତା ॥ 90 ॥

ଜଗଜ୍ଜ୍ୟେଷ୍ଠା ଜଗନ୍ମାୟା ଜୀଵନତ୍ରାଣକାରିଣୀ ।
ଜୀଵାତୁଲତିକା ଜୀଵଜନ୍ମୀ ଜନ୍ମନିବର୍ହଣୀ ॥ 91 ॥

ଜାଡ୍ୟଵିଧ୍ଵଂସନକରୀ ଜଗଦ୍ୟୋନିର୍ଜୟାତ୍ମିକା ।
ଜଗଦାନଂଦଜନନୀ ଜଂବୂଶ୍ଚ ଜଲଜେକ୍ଷଣା ॥ 92 ॥

ଜୟଂତୀ ଜଂଗପୂଗଘ୍ନୀ ଜନିତଜ୍ଞାନଵିଗ୍ରହା ।
ଜଟା ଜଟାଵତୀ ଜପ୍ୟା ଜପକର୍ତୃପ୍ରିୟଂକରୀ ॥ 93 ॥

ଜପକୃତ୍ପାପସଂହର୍ତ୍ରୀ ଜପକୃତ୍ଫଲଦାୟିନୀ ।
ଜପାପୁଷ୍ପସମପ୍ରଖ୍ୟା ଜପାକୁସୁମଧାରିଣୀ ॥ 94 ॥

ଜନନୀ ଜନ୍ମରହିତା ଜ୍ୟୋତିର୍ଵୃତ୍ୟଭିଦାୟିନୀ ।
ଜଟାଜୂଟନଚଂଦ୍ରାର୍ଧା ଜଗତ୍ସୃଷ୍ଟିକରୀ ତଥା ॥ 95 ॥

ଜଗତ୍ତ୍ରାଣକରୀ ଜାଡ୍ୟଧ୍ଵଂସକର୍ତ୍ରୀ ଜୟେଶ୍ଵରୀ ।
ଜଗଦ୍ବୀଜା ଜୟାଵାସା ଜନ୍ମଭୂର୍ଜନ୍ମନାଶିନୀ ॥ 96 ॥

ଜନ୍ମାଂତ୍ୟରହିତା ଜୈତ୍ରୀ ଜଗଦ୍ୟୋନିର୍ଜପାତ୍ମିକା ।
ଜୟଲକ୍ଷଣସଂପୂର୍ଣା ଜୟଦାନକୃତୋଦ୍ୟମା ॥ 97 ॥

ଜଂଭରାଦ୍ୟାଦିସଂସ୍ତୁତ୍ୟା ଜଂଭାରିଫଲଦାୟିନୀ ।
ଜଗତ୍ତ୍ରୟହିତା ଜ୍ୟେଷ୍ଠା ଜଗତ୍ତ୍ରୟଵଶଂକରୀ ॥ 98 ॥

ଜଗତ୍ତ୍ରୟାଂବା ଜଗତୀ ଜ୍ଵାଲା ଜ୍ଵାଲିତଲୋଚନା ।
ଜ୍ଵାଲିନୀ ଜ୍ଵଲନାଭାସା ଜ୍ଵଲଂତୀ ଜ୍ଵଲନାତ୍ମିକା ॥ 99 ॥

ଜିତାରାତିସୁରସ୍ତୁତ୍ୟା ଜିତକ୍ରୋଧା ଜିତେଂଦ୍ରିୟା ।
ଜରାମରଣଶୂନ୍ୟା ଚ ଜନିତ୍ରୀ ଜନ୍ମନାଶିନୀ ॥ 100 ॥

ଜଲଜାଭା ଜଲମୟୀ ଜଲଜାସନଵଲ୍ଲଭା ।
ଜଲଜସ୍ଥା ଜପାରାଧ୍ୟା ଜନମଂଗଳକାରିଣୀ ॥ 101 ॥

[ ଐଂ କ୍ଲୀଂ ସୌଃ କଲ୍ୟାଣୀ କାମଧାରିଣୀ ଵଦ ଵଦ ଵାଗ୍ଵାଦିନୀ ସ୍ଵାହା ]

କାମିନୀ କାମରୂପା ଚ କାମ୍ୟା କାମ୍ୟପ୍ରଦାୟିନୀ । [ କାମପ୍ରଦାୟିନୀ ]
କମୌଳୀ କାମଦା କର୍ତ୍ରୀ କ୍ରତୁକର୍ମଫଲପ୍ରଦା ॥ 102 ॥

କୃତଘ୍ନଘ୍ନୀ କ୍ରିୟାରୂପା କାର୍ୟକାରଣରୂପିଣୀ ।
କଂଜାକ୍ଷୀ କରୁଣାରୂପା କେଵଲାମରସେଵିତା ॥ 103 ॥

କଲ୍ୟାଣକାରିଣୀ କାଂତା କାଂତିଦା କାଂତିରୂପିଣୀ ।
କମଲା କମଲାଵାସା କମଲୋତ୍ପଲମାଲିନୀ ॥ 104 ॥

କୁମୁଦ୍ଵତୀ ଚ କଲ୍ୟାଣୀ କାଂତିଃ କାମେଶଵଲ୍ଲଭା । [ କାଂତା ]
କାମେଶ୍ଵରୀ କମଲିନୀ କାମଦା କାମବଂଧିନୀ ॥ 105 ॥

କାମଧେନୁଃ କାଂଚନାକ୍ଷୀ କାଂଚନାଭା କଳାନିଧିଃ ।
କ୍ରିୟା କୀର୍ତିକରୀ କୀର୍ତିଃ କ୍ରତୁଶ୍ରେଷ୍ଠା କୃତେଶ୍ଵରୀ ॥ 106 ॥

କ୍ରତୁସର୍ଵକ୍ରିୟାସ୍ତୁତ୍ୟା କ୍ରତୁକୃତ୍ପ୍ରିୟକାରିଣୀ ।
କ୍ଲେଶନାଶକରୀ କର୍ତ୍ରୀ କର୍ମଦା କର୍ମବଂଧିନୀ ॥ 107 ॥

କର୍ମବଂଧହରୀ କୃଷ୍ଟା କ୍ଲମଘ୍ନୀ କଂଜଲୋଚନା ।
କଂଦର୍ପଜନନୀ କାଂତା କରୁଣା କରୁଣାଵତୀ ॥ 108 ॥

କ୍ଲୀଂକାରିଣୀ କୃପାକାରା କୃପାସିଂଧୁଃ କୃପାଵତୀ ।
କରୁଣାର୍ଦ୍ରା କୀର୍ତିକରୀ କଲ୍ମଷଘ୍ନୀ କ୍ରିୟାକରୀ ॥ 109 ॥

କ୍ରିୟାଶକ୍ତିଃ କାମରୂପା କମଲୋତ୍ପଲଗଂଧିନୀ ।
କଳା କଳାଵତୀ କୂର୍ମୀ କୂଟସ୍ଥା କଂଜସଂସ୍ଥିତା ॥ 110 ॥

କାଳିକା କଲ୍ମଷଘ୍ନୀ ଚ କମନୀୟଜଟାନ୍ଵିତା ।
କରପଦ୍ମା କରାଭୀଷ୍ଟପ୍ରଦା କ୍ରତୁଫଲପ୍ରଦା ॥ 111 ॥

କୌଶିକୀ କୋଶଦା କାଵ୍ୟା କର୍ତ୍ରୀ କୋଶେଶ୍ଵରୀ କୃଶା । [ କନ୍ୟା ]
କୂର୍ମୟାନା କଲ୍ପଲତା କାଲକୂଟଵିନାଶିନୀ ॥ 112 ॥

କଲ୍ପୋଦ୍ୟାନଵତୀ କଲ୍ପଵନସ୍ଥା କଲ୍ପକାରିଣୀ ।
କଦଂବକୁସୁମାଭାସା କଦଂବକୁସୁମପ୍ରିୟା ॥ 113 ॥

କଦଂବୋଦ୍ୟାନମଧ୍ୟସ୍ଥା କୀର୍ତିଦା କୀର୍ତିଭୂଷଣା ।
କୁଲମାତା କୁଲାଵାସା କୁଲାଚାରପ୍ରିୟଂକରୀ ॥ 114 ॥

କୁଲନାଥା କାମକଳା କଳାନାଥା କଳେଶ୍ଵରୀ ।
କୁଂଦମଂଦାରପୁଷ୍ପାଭା କପର୍ଦସ୍ଥିତଚଂଦ୍ରିକା ॥ 115 ॥

କଵିତ୍ଵଦା କାମ୍ୟମାତା କଵିମାତା କଳାପ୍ରଦା । [କାଵ୍ୟମାତା]

[ ଓଂ ସୌଃ କ୍ଲୀଂ ଐଂ ତତୋ ଵଦ ଵଦ ଵାଗ୍ଵାଦିନୀ ସ୍ଵାହା ]

ତରୁଣୀ ତରୁଣୀତାତା ତାରାଧିପସମାନନା ॥ 116 ॥

ତୃପ୍ତିସ୍ତୃପ୍ତିପ୍ରଦା ତର୍କ୍ୟା ତପନୀ ତାପିନୀ ତଥା ।
ତର୍ପଣୀ ତୀର୍ଥରୂପା ଚ ତ୍ରିପଦା ତ୍ରିଦଶେଶ୍ଵରୀ ॥ 117 ॥ [ ତ୍ରିଦଶା ]

ତ୍ରିଦିଵେଶୀ ତ୍ରିଜନନୀ ତ୍ରିମାତା ତ୍ର୍ୟଂବକେଶ୍ଵରୀ ।
ତ୍ରିପୁରା ତ୍ରିପୁରେଶାନୀ ତ୍ର୍ୟଂବକା ତ୍ରିପୁରାଂବିକା ॥ 118 ॥

ତ୍ରିପୁରଶ୍ରୀସ୍ତ୍ରୟୀରୂପା ତ୍ରୟୀଵେଦ୍ୟା ତ୍ରୟୀଶ୍ଵରୀ ।
ତ୍ରୟ୍ୟଂତଵେଦିନୀ ତାମ୍ରା ତାପତ୍ରିତୟହାରିଣୀ ॥ 119 ॥

ତମାଲସଦୃଶୀ ତ୍ରାତା ତରୁଣାଦିତ୍ୟସନ୍ନିଭା ।
ତ୍ରୈଲୋକ୍ୟଵ୍ୟାପିନୀ ତୃପ୍ତା ତୃପ୍ତିକୃତ୍ତତ୍ତ୍ଵରୂପିଣୀ ॥ 120 ॥

ତୁର୍ୟା ତ୍ରୈଲୋକ୍ୟସଂସ୍ତୁତ୍ୟା ତ୍ରିଗୁଣା ତ୍ରିଗୁଣେଶ୍ଵରୀ ।
ତ୍ରିପୁରଘ୍ନୀ ତ୍ରିମାତା ଚ ତ୍ର୍ୟଂବକା ତ୍ରିଗୁଣାନ୍ଵିତା ॥ 121 ॥

ତୃଷ୍ଣାଚ୍ଛେଦକରୀ ତୃପ୍ତା ତୀକ୍ଷ୍ଣା ତୀକ୍ଷ୍ଣସ୍ଵରୂପିଣୀ ।
ତୁଲା ତୁଲାଦିରହିତା ତତ୍ତଦ୍ବ୍ରହ୍ମସ୍ଵରୂପିଣୀ ॥ 122 ॥

ତ୍ରାଣକର୍ତ୍ରୀ ତ୍ରିପାପଘ୍ନୀ ତ୍ରିଦଶା ତ୍ରିଦଶାନ୍ଵିତା ।
ତଥ୍ୟା ତ୍ରିଶକ୍ତିସ୍ତ୍ରିପଦା ତୁର୍ୟା ତ୍ରୈଲୋକ୍ୟସୁଂଦରୀ ॥ 123 ॥

ତେଜସ୍କରୀ ତ୍ରିମୂର୍ତ୍ୟାଦ୍ୟା ତେଜୋରୂପା ତ୍ରିଧାମତା ।
ତ୍ରିଚକ୍ରକର୍ତ୍ରୀ ତ୍ରିଭଗା ତୁର୍ୟାତୀତଫଲପ୍ରଦା ॥ 124 ॥

ତେଜସ୍ଵିନୀ ତାପହାରୀ ତାପୋପପ୍ଲଵନାଶିନୀ ।
ତେଜୋଗର୍ଭା ତପସ୍ସାରା ତ୍ରିପୁରାରିପ୍ରିୟଂକରୀ ॥ 125 ॥

ତନ୍ଵୀ ତାପସସଂତୁଷ୍ଟା ତପନାଂଗଜଭୀତିନୁତ୍ ।
ତ୍ରିଲୋଚନା ତ୍ରିମାର୍ଗା ଚ ତୃତୀୟା ତ୍ରିଦଶସ୍ତୁତା ॥ 126 ॥

ତ୍ରିସୁଂଦରୀ ତ୍ରିପଥଗା ତୁରୀୟପଦଦାୟିନୀ ।

[ ଓଂ ହ୍ରୀଂ ଶ୍ରୀଂ କ୍ଲୀଂ ଐଂ ନମଶ୍ଶୁଦ୍ଧଫଲଦେ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ଶୁଭା ଶୁଭାଵତୀ ଶାଂତା ଶାଂତିଦା ଶୁଭଦାୟିନୀ ॥ 127 ॥

ଶୀତଲା ଶୂଲିନୀ ଶୀତା ଶ୍ରୀମତୀ ଚ ଶୁଭାନ୍ଵିତା ।

[ ଓଂ ଐଂ ୟାଂ ୟୀଂ ୟୂଂ ୟୈଂ ୟୌଂ ୟଃ ଐଂ ଵଦ ଵଦ ଵାଗ୍ଵାଦିନୀ ସ୍ଵାହା ]

ୟୋଗସିଦ୍ଧିପ୍ରଦା ୟୋଗ୍ୟା ୟଜ୍ଞେନପରିପୂରିତା ॥ 128 ॥

ୟଜ୍ଞା ୟଜ୍ଞମୟୀ ୟକ୍ଷୀ ୟକ୍ଷିଣୀ ୟକ୍ଷିଵଲ୍ଲଭା ।
ୟଜ୍ଞପ୍ରିୟା ୟଜ୍ଞପୂଜ୍ୟା ୟଜ୍ଞତୁଷ୍ଟା ୟମସ୍ତୁତା ॥ 129 ॥

ୟାମିନୀୟପ୍ରଭା ୟାମ୍ୟା ୟଜନୀୟା ୟଶସ୍କରୀ ।
ୟଜ୍ଞକର୍ତ୍ରୀ ୟଜ୍ଞରୂପା ୟଶୋଦା ୟଜ୍ଞସଂସ୍ତୁତା ॥ 130 ॥

ୟଜ୍ଞେଶୀ ୟଜ୍ଞଫଲଦା ୟୋଗୟୋନିର୍ୟଜୁସ୍ସ୍ତୁତା ।
ୟମିସେଵ୍ୟା ୟମାରାଧ୍ୟା ୟମିପୂଜ୍ୟା ୟମୀଶ୍ଵରୀ ॥ 131 ॥

ୟୋଗିନୀ ୟୋଗରୂପା ଚ ୟୋଗକର୍ତୃପ୍ରିୟଂକରୀ ।
ୟୋଗୟୁକ୍ତା ୟୋଗମୟୀ ୟୋଗୟୋଗୀଶ୍ଵରାଂବିକା ॥ 132 ॥

ୟୋଗଜ୍ଞାନମୟୀ ୟୋନିର୍ୟମାଦ୍ୟଷ୍ଟାଂଗୟୋଗତା ।
ୟଂତ୍ରିତାଘୌଘସଂହାରା ୟମଲୋକନିଵାରିଣୀ ॥ 133 ॥

ୟଷ୍ଟିଵ୍ୟଷ୍ଟୀଶସଂସ୍ତୁତ୍ୟା ୟମାଦ୍ୟଷ୍ଟାଂଗୟୋଗୟୁକ୍ ।
ୟୋଗୀଶ୍ଵରୀ ୟୋଗମାତା ୟୋଗସିଦ୍ଧା ଚ ୟୋଗଦା ॥ 134 ॥

ୟୋଗାରୂଢା ୟୋଗମୟୀ ୟୋଗରୂପା ୟଵୀୟସୀ ।
ୟଂତ୍ରରୂପା ଚ ୟଂତ୍ରସ୍ଥା ୟଂତ୍ରପୂଜ୍ୟା ଚ ୟଂତ୍ରିକା ॥ 135 ॥ [ ୟଂତ୍ରିତା ]

ୟୁଗକର୍ତ୍ରୀ ୟୁଗମୟୀ ୟୁଗଧର୍ମଵିଵର୍ଜିତା ।
ୟମୁନା ୟାମିନୀ ୟାମ୍ୟା ୟମୁନାଜଲମଧ୍ୟଗା ॥ 136 ॥ [ ୟମିନୀ ]

ୟାତାୟାତପ୍ରଶମନୀ ୟାତନାନାଂନିକୃଂତନୀ ।
ୟୋଗାଵାସା ୟୋଗିଵଂଦ୍ୟା ୟତ୍ତଚ୍ଛବ୍ଦସ୍ଵରୂପିଣୀ ॥ 137 ॥

ୟୋଗକ୍ଷେମମୟୀ ୟଂତ୍ରା ୟାଵଦକ୍ଷରମାତୃକା ।
ୟାଵତ୍ପଦମୟୀ ୟାଵଚ୍ଛବ୍ଦରୂପା ୟଥେଶ୍ଵରୀ ॥ 138 ॥

ୟତ୍ତଦୀୟା ୟକ୍ଷଵଂଦ୍ୟା ୟଦ୍ଵିଦ୍ୟା ୟତିସଂସ୍ତୁତା ।
ୟାଵଦ୍ଵିଦ୍ୟାମୟୀ ୟାଵଦ୍ଵିଦ୍ୟାବୃଂଦସୁଵଂଦିତା ॥ 139 ॥

ୟୋଗିହୃତ୍ପଦ୍ମନିଲୟା ୟୋଗିଵର୍ୟପ୍ରିୟଂକରୀ ।
ୟୋଗିଵଂଦ୍ୟା ୟୋଗିମାତା ୟୋଗୀଶଫଲଦାୟିନୀ ॥ 140 ॥

ୟକ୍ଷଵଂଦ୍ୟା ୟକ୍ଷପୂଜ୍ୟା ୟକ୍ଷରାଜସୁପୂଜିତା ।
ୟଜ୍ଞରୂପା ୟଜ୍ଞତୁଷ୍ଟା ୟାୟଜୂକସ୍ଵରୂପିଣୀ ॥ 141 ॥

ୟଂତ୍ରାରାଧ୍ୟା ୟଂତ୍ରମଧ୍ୟା ୟଂତ୍ରକର୍ତୃପ୍ରିୟଂକରୀ ।
ୟଂତ୍ରାରୂଢା ୟଂତ୍ରପୂଜ୍ୟା ୟୋଗିଧ୍ୟାନପରାୟଣା ॥ 142 ॥

ୟଜନୀୟା ୟମସ୍ତୁତ୍ୟା ୟୋଗୟୁକ୍ତା ୟଶସ୍କରୀ ।
ୟୋଗବଦ୍ଧା ୟତିସ୍ତୁତ୍ୟା ୟୋଗଜ୍ଞା ୟୋଗନାୟକୀ ॥ 143 ॥

ୟୋଗିଜ୍ଞାନପ୍ରଦା ୟକ୍ଷୀ ୟମବାଧାଵିନାଶିନୀ ।
ୟୋଗିକାମ୍ୟପ୍ରଦାତ୍ରୀ ଚ ୟୋଗିମୋକ୍ଷପ୍ରଦାୟିନୀ ॥ 144 ॥

ଫଲଶ୍ରୁତିଃ
ଇତି ନାମ୍ନାଂ ସରସ୍ଵତ୍ୟାଃ ସହସ୍ରଂ ସମୁଦୀରିତମ୍ ।
ମଂତ୍ରାତ୍ମକଂ ମହାଗୋପ୍ୟଂ ମହାସାରସ୍ଵତପ୍ରଦମ୍ ॥ 1 ॥

ୟଃ ପଠେଚ୍ଛୃଣୁୟାଦ୍ଭକ୍ତ୍ୟାତ୍ତ୍ରିକାଲଂ ସାଧକଃ ପୁମାନ୍ ।
ସର୍ଵଵିଦ୍ୟାନିଧିଃ ସାକ୍ଷାତ୍ ସ ଏଵ ଭଵତି ଧ୍ରୁଵମ୍ ॥ 2 ॥

ଲଭତେ ସଂପଦଃ ସର୍ଵାଃ ପୁତ୍ରପୌତ୍ରାଦିସଂୟୁତାଃ ।
ମୂକୋଽପି ସର୍ଵଵିଦ୍ୟାସୁ ଚତୁର୍ମୁଖ ଇଵାପରଃ ॥ 3 ॥

ଭୂତ୍ଵା ପ୍ରାପ୍ନୋତି ସାନ୍ନିଧ୍ୟଂ ଅଂତେ ଧାତୁର୍ମୁନୀଶ୍ଵର ।
ସର୍ଵମଂତ୍ରମୟଂ ସର୍ଵଵିଦ୍ୟାମାନଫଲପ୍ରଦମ୍ ॥ 4 ॥

ମହାକଵିତ୍ଵଦଂ ପୁଂସାଂ ମହାସିଦ୍ଧିପ୍ରଦାୟକମ୍ ।
କସ୍ମୈ ଚିନ୍ନ ପ୍ରଦାତଵ୍ୟଂ ପ୍ରାଣୈଃ କଂଠଗତୈରପି ॥ 5 ॥

ମହାରହସ୍ୟଂ ସତତଂ ଵାଣୀନାମସହସ୍ରକମ୍ ।
ସୁସିଦ୍ଧମସ୍ମଦାଦୀନାଂ ସ୍ତୋତ୍ରଂ ତେ ସମୁଦୀରିତମ୍ ॥ 6 ॥

ଇତି ଶ୍ରୀସ୍କାଂଦପୁରାଣାଂତର୍ଗତ ଶ୍ରୀସନତ୍କୁମାର ସଂହିତାୟାଂ ନାରଦ ସନତ୍କୁମାର ସଂଵାଦେ ଶ୍ରୀ ସରସ୍ଵତୀ ସହସ୍ରନାମ ସ୍ତୋତ୍ରଂ ସଂପୂର୍ଣମ୍ ॥