ଅଂବାଶଂବରଵୈରିତାତଭଗିନୀ ଶ୍ରୀଚଂଦ୍ରବିଂବାନନା
ବିଂବୋଷ୍ଠୀ ସ୍ମିତଭାଷିଣୀ ଶୁଭକରୀ କାଦଂବଵାଟ୍ୟାଶ୍ରିତା ।
ହ୍ରୀଂକାରାକ୍ଷରମଂତ୍ରମଧ୍ୟସୁଭଗା ଶ୍ରୋଣୀନିତଂବାଂକିତା
ମାମଂବାପୁରଵାସିନୀ ଭଗଵତୀ ହେରଂବମାତାଵତୁ ॥ 1 ॥
କଲ୍ୟାଣୀ କମନୀୟସୁଂଦରଵପୁଃ କାତ୍ୟାୟନୀ କାଲିକା
କାଲା ଶ୍ୟାମଲମେଚକଦ୍ୟୁତିମତୀ କାଦିତ୍ରିପଂଚାକ୍ଷରୀ ।
କାମାକ୍ଷୀ କରୁଣାନିଧିଃ କଲିମଲାରଣ୍ୟାତିଦାଵାନଲା
ମାମଂବାପୁରଵାସିନୀ ଭଗଵତୀ ହେରଂବମାତାଵତୁ ॥ 2 ॥
କାଂଚୀକଂକଣହାରକୁଂଡଲଵତୀ କୋଟୀକିରୀଟାନ୍ଵିତା
କଂଦର୍ପଦ୍ୟୁତିକୋଟିକୋଟିସଦନା ପୀୟୂଷକୁଂଭସ୍ତନା ।
କୌସୁଂଭାରୁଣକାଂଚନାଂବରଵୃତା କୈଲାସଵାସପ୍ରିୟା
ମାମଂବାପୁରଵାସିନୀ ଭଗଵତୀ ହେରଂବମାତାଵତୁ ॥ 3 ॥
ୟା ସା ଶୁଂଭନିଶୁଂଭଦୈତ୍ୟଶମନୀ ୟା ରକ୍ତବୀଜାଶନୀ
ୟା ଶ୍ରୀ ଵିଷ୍ଣୁସରୋଜନେତ୍ରଭଵନା ୟା ବ୍ରହ୍ମଵିଦ୍ୟାଽଽସନୀ ।
ୟା ଦେଵୀ ମଧୁକୈଟଭାସୁରରିପୁର୍ୟା ମାହିଷଧ୍ଵଂସିନୀ
ମାମଂବାପୁରଵାସିନୀ ଭଗଵତୀ ହେରଂବମାତାଵତୁ ॥ 4 ॥
ଶ୍ରୀଵିଦ୍ୟା ପରଦେଵତାଽଽଦିଜନନୀ ଦୁର୍ଗା ଜୟା ଚଂଡିକା
ବାଲା ଶ୍ରୀତ୍ରିପୁରେଶ୍ଵରୀ ଶିଵସତୀ ଶ୍ରୀରାଜରାଜେଶ୍ଵରୀ ।
ଶ୍ରୀରାଜ୍ଞୀ ଶିଵଦୂତିକା ଶ୍ରୁତିନୁତା ଶୃଂଗାରଚୂଡାମଣିଃ
ମାମଂବାପୁରଵାସିନୀ ଭଗଵତୀ ହେରଂବମାତାଵତୁ ॥ 5 ॥
ଅଂବାପଂଚକମଦ୍ଭୁତଂ ପଠତି ଚେଦ୍ୟୋ ଵା ପ୍ରଭାତେଽନିଶଂ
ଦିଵ୍ୟୈଶ୍ଵର୍ୟଶତାୟୁରୁତ୍ତମମତିଂ ଵିଦ୍ୟାଂ ଶ୍ରିୟଂ ଶାଶ୍ଵତମ୍ ।
ଲବ୍ଧ୍ଵା ଭୂମିତଲେ ସ୍ଵଧର୍ମନିରତାଂ ଶ୍ରୀସୁଂଦରୀଂ ଭାମିନୀଂ
ଅଂତେ ସ୍ଵର୍ଗଫଲଂ ଲଭେତ୍ସ ଵିବୁଧୈଃ ସଂସ୍ତୂୟମାନୋ ନରଃ ॥ 6 ॥
ଇତି ଶ୍ରୀ ଅଂବା ପଂଚରତ୍ନ ସ୍ତୋତ୍ରମ୍ ।
