ନାରାୟଣ ଉଵାଚ ।
ଓଂ ଦୁର୍ଗେତି ଚତୁର୍ଥ୍ୟଂତଃ ସ୍ଵାହାଂତୋ ମେ ଶିରୋଽଵତୁ ।
ମଂତ୍ରଃ ଷଡକ୍ଷରୋଽୟଂ ଚ ଭକ୍ତାନାଂ କଲ୍ପପାଦପଃ ॥ 1 ॥
ଵିଚାରୋ ନାସ୍ତି ଵେଦେଷୁ ଗ୍ରହଣେଽସ୍ୟ ମନୋର୍ମୁନେ ।
ମଂତ୍ରଗ୍ରହଣମାତ୍ରେଣ ଵିଷ୍ଣୁତୁଲ୍ୟୋ ଭଵେନ୍ନରଃ ॥ 2 ॥
ମମ ଵକ୍ତ୍ରଂ ସଦା ପାତୁ ଓଂ ଦୁର୍ଗାୟୈ ନମୋଽଂତତଃ ।
ଓଂ ଦୁର୍ଗେ ରକ୍ଷୟତି ଚ କଂଠଂ ପାତୁ ସଦା ମମ ॥ 3 ॥
ଓଂ ହ୍ରୀଂ ଶ୍ରୀମିତି ମଂତ୍ରୋଽୟଂ ସ୍କଂଧଂ ପାତୁ ନିରଂତରମ୍ ।
ହ୍ରୀଂ ଶ୍ରୀଂ କ୍ଲୀମିତି ପୃଷ୍ଠଂ ଚ ପାତୁ ମେ ସର୍ଵତଃ ସଦା ॥ 4 ॥
ହ୍ରୀଂ ମେ ଵକ୍ଷଃସ୍ଥଲଂ ପାତୁ ହସ୍ତଂ ଶ୍ରୀମିତି ସଂତତମ୍ ।
ଶ୍ରୀଂ ହ୍ରୀଂ କ୍ଲୀଂ ପାତୁ ସର୍ଵାଂଗଂ ସ୍ଵପ୍ନେ ଜାଗରଣେ ତଥା ॥ 5 ॥
ପ୍ରାଚ୍ୟାଂ ମାଂ ପ୍ରକୃତିଃ ପାତୁଃ ପାତୁ ଵହ୍ନୌ ଚ ଚଂଡିକା ।
ଦକ୍ଷିଣେ ଭଦ୍ରକାଲୀ ଚ ନୈରୃତ୍ୟାଂ ଚ ମହେଶ୍ଵରୀ ॥ 6 ॥
ଵାରୁଣ୍ୟାଂ ପାତୁ ଵାରାହୀ ଵାୟଵ୍ୟାଂ ସର୍ଵମଂଗଲା ।
ଉତ୍ତରେ ଵୈଷ୍ଣଵୀ ପାତୁ ତଥୈଶାନ୍ୟାଂ ଶିଵପ୍ରିୟା ॥ 7 ॥
ଜଲେ ସ୍ଥଲେ ଚାଂତରିକ୍ଷେ ପାତୁ ମାଂ ଜଗଦଂବିକା ।
ଇତି ତେ କଥିତଂ ଵତ୍ସ କଵଚଂ ଚ ସୁଦୁର୍ଲଭମ୍ ॥ 8 ॥
ୟସ୍ମୈ କସ୍ମୈ ନ ଦାତଵ୍ୟଂ ପ୍ରଵକ୍ତଵ୍ୟଂ ନ କସ୍ୟଚିତ୍ ।
ଗୁରୁମଭ୍ୟର୍ଚ୍ୟ ଵିଧିଵଦ୍ଵସ୍ତ୍ରାଲଂକାରଚଂଦନୈଃ ।
କଵଚଂ ଧାରୟେଦ୍ୟସ୍ତୁ ସୋଽପି ଵିଷ୍ଣୁର୍ନ ସଂଶୟଃ ॥ 9 ॥
ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଂଡେ ନାରଦନାରାୟଣସଂଵାଦେ ଦୁର୍ଗୋପାଖ୍ୟାନେ ସପ୍ତଷଷ୍ଟିତମୋଽଧ୍ୟାୟେ ବ୍ରହ୍ମାଂଡମୋହନଂ ନାମ ଶ୍ରୀ ଦୁର୍ଗା କଵଚମ୍ ।
