ଅସ୍ୟ ଶ୍ରୀସିଦ୍ଧଲକ୍ଷ୍ମୀସ୍ତୋତ୍ରମଂତ୍ରସ୍ୟ ହିରଣ୍ୟଗର୍ଭ ଋଷିଃ ଅନୁଷ୍ଟୁପ୍ ଛଂଦଃ, ଶ୍ରୀମହାକାଳୀମହାଲକ୍ଷ୍ମୀମହାସରସ୍ଵତ୍ୟୋ ଦେଵତାଃ ଶ୍ରୀଂ ବୀଜଂ ହ୍ରୀଂ ଶକ୍ତିଃ କ୍ଲୀଂ କୀଲକଂ ମମ ସର୍ଵକ୍ଲେଶପୀଡାପରିହାରାର୍ଥଂ ସର୍ଵଦୁଃଖଦାରିଦ୍ର୍ୟନାଶନାର୍ଥଂ ସର୍ଵକାର୍ୟସିଦ୍ଧ୍ୟର୍ଥଂ ଶ୍ରୀସିଦ୍ଧିଲକ୍ଷ୍ମୀସ୍ତୋତ୍ର ପାଠେ ଵିନିୟୋଗଃ ॥

ଋଷ୍ୟାଦିନ୍ୟାସଃ
ଓଂ ହିରଣ୍ୟଗର୍ଭ ଋଷୟେ ନମଃ ଶିରସି ।
ଅନୁଷ୍ଟୁପ୍ଛଂଦସେ ନମୋ ମୁଖେ ।
ଶ୍ରୀମହାକାଳୀମହାଲକ୍ଷ୍ମୀମହାସରସ୍ଵତୀଦେଵତାଭ୍ୟୋ ନମୋ ହୃଦିଃ ।
ଶ୍ରୀଂ ବୀଜାୟ ନମୋ ଗୁହ୍ୟେ ।
ହ୍ରୀଂ ଶକ୍ତୟେ ନମଃ ପାଦୟୋଃ ।
କ୍ଲୀଂ କୀଲକାୟ ନମୋ ନାଭୌ ।
ଵିନିୟୋଗାୟ ନମଃ ସର୍ଵାଂଗେଷୁ ॥

କରନ୍ୟାସଃ
ଓଂ ଶ୍ରୀଂ ସିଦ୍ଧଲକ୍ଷ୍ମ୍ୟୈ ଅଂଗୁଷ୍ଠାଭ୍ୟାଂ ନମଃ ।
ଓଂ ହ୍ରୀଂ ଵିଷ୍ଣୁତେଜସେ ତର୍ଜନୀଭ୍ୟାଂ ନମଃ ।
ଓଂ କ୍ଲୀଂ ଅମୃତାନଂଦାୟୈ ମଧ୍ୟମାଭ୍ୟାଂ ନମଃ ।
ଓଂ ଶ୍ରୀଂ ଦୈତ୍ୟମାଲିନ୍ୟୈ ଅନାମିକାଭ୍ୟାଂ ନମଃ ।
ଓଂ ହ୍ରୀଂ ତେଜଃ ପ୍ରକାଶିନ୍ୟୈ କନିଷ୍ଠିକାଭ୍ୟାଂ ନମଃ ।
ଓଂ କ୍ଲୀଂ ବ୍ରାହ୍ମ୍ୟୈ ଵୈଷ୍ଣଵ୍ୟୈ ରୁଦ୍ରାଣ୍ୟୈ କରତଲ କରପୃଷ୍ଠାଭ୍ୟାଂ ନମଃ ॥

ଅଂଗନ୍ୟାସଃ
ଓଂ ଶ୍ରୀଂ ସିଦ୍ଧଲକ୍ଷ୍ମ୍ୟୈ ହୃଦୟାୟ ନମଃ ।
ଓଂ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।
ଓଂ କ୍ଲୀଂ ଅମୃତାନଂଦାୟୈ ଶିଖାୟୈ ଵଷଟ୍ ।
ଓଂ ଶ୍ରୀଂ ଦୈତ୍ୟମାଲିନ୍ୟୈ କଵଚାୟ ହୁମ୍ ।
ଓଂ ହ୍ରୀଂ ତେଜଃ ପ୍ରକାଶିନ୍ୟୈ ନେତ୍ରତ୍ରୟାୟ ଵୌଷଟ୍ ।
ଓଂ କ୍ଲୀଂ ବ୍ରାହ୍ମ୍ୟୈ ଵୈଷ୍ଣଵ୍ୟୈ ରୁଦ୍ରାଣ୍ୟୈ ଅସ୍ତ୍ରାୟ ଫଟ୍ ॥
ଓଂ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ୟୈ ନମଃ ଇତି ଦିଗ୍ବଂଧଃ ॥

ଅଥ ଧ୍ୟାନମ୍
ବ୍ରାହ୍ମୀଂ ଚ ଵୈଷ୍ଣଵୀଂ ଭଦ୍ରାଂ ଷଡ୍ଭୁଜାଂ ଚ ଚତୁର୍ମୁଖୀମ୍ ।
ତ୍ରିନେତ୍ରାଂ ଖଡ୍ଗତ୍ରିଶୂଲପଦ୍ମଚକ୍ରଗଦାଧରାମ୍ ॥ 1 ॥

ପୀତାଂବରଧରାଂ ଦେଵୀଂ ନାନାଲଂକାରଭୂଷିତାମ୍ ।
ତେଜଃପୁଂଜଧରୀଂ ଶ୍ରେଷ୍ଠାଂ ଧ୍ୟାୟେଦ୍ବାଲକୁମାରିକାମ୍ ॥ 2 ॥

ଅଥ ସ୍ତୋତ୍ରମ୍
ଓଂକାରଂ ଲକ୍ଷ୍ମୀରୂପଂ ତୁ ଵିଷ୍ଣୁଂ ଵାଗ୍ଭଵମଵ୍ୟୟମ୍ ।
ଵିଷ୍ଣୁମାନଂଦମଵ୍ୟକ୍ତଂ ହ୍ରୀଂକାରଂ ବୀଜରୂପିଣୀମ୍ ॥ 3 ॥

କ୍ଲୀଂ ଅମୃତାନଂଦିନୀଂ ଭଦ୍ରାଂ ସତ୍ୟାନଂଦଦାୟିନୀମ୍ ।
ଶ୍ରୀଂ ଦୈତ୍ୟଶମନୀଂ ଶକ୍ତିଂ ମାଲିନୀଂ ଶତ୍ରୁମର୍ଦିନୀମ୍ ॥ 4 ॥

ତେଜଃ ପ୍ରକାଶିନୀଂ ଦେଵୀଂ ଵରଦାଂ ଶୁଭକାରିଣୀମ୍ ।
ବ୍ରାହ୍ମୀଂ ଚ ଵୈଷ୍ଣଵୀଂ ରୌଦ୍ରୀଂ କାଲିକାରୂପଶୋଭିନୀମ୍ ॥ 5 ॥

ଅକାରେ ଲକ୍ଷ୍ମୀରୂପଂ ତୁ ଉକାରେ ଵିଷ୍ଣୁମଵ୍ୟୟମ୍ ।
ମକାରଃ ପୁରୁଷୋଽଵ୍ୟକ୍ତୋ ଦେଵୀ ପ୍ରଣଵ ଉଚ୍ୟତେ ॥ 6 ॥

ସୂର୍ୟକୋଟିପ୍ରତୀକାଶଂ ଚଂଦ୍ରକୋଟିସମପ୍ରଭମ୍ ।
ତନ୍ମଧ୍ୟେ ନିକରଂ ସୂକ୍ଷ୍ମଂ ବ୍ରହ୍ମରୁପଂ ଵ୍ୟଵସ୍ଥିତମ୍ ॥ 7 ॥

ଓଂକାରଂ ପରମାନଂଦଂ ସଦୈଵ ସୁରସୁଂଦରୀମ୍ ।
ସିଦ୍ଧଲକ୍ଷ୍ମୀ ମୋକ୍ଷଲକ୍ଷ୍ମୀ ଆଦ୍ୟଲକ୍ଷ୍ମୀ ନମୋଽସ୍ତୁ ତେ ॥ 8 ॥

ଶ୍ରୀଂକାରଂ ପରମଂ ସିଦ୍ଧଂ ସର୍ଵବୁଦ୍ଧିପ୍ରଦାୟକମ୍ ।
ସୌଭାଗ୍ୟାଽମୃତା କମଲା ସତ୍ୟଲକ୍ଷ୍ମୀ ନମୋଽସ୍ତୁ ତେ ॥ 9 ॥

ହ୍ରୀଂକାରଂ ପରମଂ ଶୁଦ୍ଧଂ ପରମୈଶ୍ଵର୍ୟଦାୟକମ୍ ।
କମଲା ଧନଦା ଲକ୍ଷ୍ମୀ ଭୋଗଲକ୍ଷ୍ମୀ ନମୋଽସ୍ତୁ ତେ ॥ 10 ॥

କ୍ଲୀଂକାରଂ କାମରୂପିଣ୍ୟଂ କାମନାପରିପୂର୍ତିଦମ୍ ।
ଚପଲା ଚଂଚଲା ଲକ୍ଷ୍ମୀ କାତ୍ୟାୟନୀ ନମୋଽସ୍ତୁ ତେ ॥ 11 ॥

ଶ୍ରୀଂକାରଂ ସିଦ୍ଧିରୂପିଣ୍ୟଂ ସର୍ଵସିଦ୍ଧିପ୍ରଦାୟକମ୍ ।
ପଦ୍ମାନନାଂ ଜଗନ୍ମାତ୍ରେ ଅଷ୍ଟଲକ୍ଷ୍ମୀଂ ନମୋଽସ୍ତୁ ତେ ॥ 12 ॥

ସର୍ଵମଂଗଳମାଂଗଳ୍ୟେ ଶିଵେ ସର୍ଵାର୍ଥସାଧିକେ ।
ଶରଣ୍ୟେ ତ୍ର୍ୟଂବକେ ଗୌରି ନାରାୟଣୀ ନମୋଽସ୍ତୁ ତେ ॥ 13 ॥

ପ୍ରଥମଂ ତ୍ର୍ୟଂବକା ଗୌରୀ ଦ୍ଵିତୀୟଂ ଵୈଷ୍ଣଵୀ ତଥା ।
ତୃତୀୟଂ କମଲା ପ୍ରୋକ୍ତା ଚତୁର୍ଥଂ ସୁଂଦରୀ ତଥା ॥ 14 ॥

ପଂଚମଂ ଵିଷ୍ଣୁଶକ୍ତିଶ୍ଚ ଷଷ୍ଠଂ କାତ୍ୟାୟନୀ ତଥା ।
ଵାରାହୀ ସପ୍ତମଂ ଚୈଵ ହ୍ୟଷ୍ଟମଂ ହରିଵଲ୍ଲଭା ॥ 15 ॥

ନଵମଂ ଖଡ୍ଗିନୀ ପ୍ରୋକ୍ତା ଦଶମଂ ଚୈଵ ଦେଵିକା ।
ଏକାଦଶଂ ସିଦ୍ଧଲକ୍ଷ୍ମୀର୍ଦ୍ଵାଦଶଂ ହଂସଵାହିନୀ ॥ 16 ॥

ଉତ୍ତରନ୍ୟାସଃ
ଓଂ ଶ୍ରୀଂ ସିଦ୍ଧଲକ୍ଷ୍ମ୍ୟୈ ହୃଦୟାୟ ନମଃ ।
ଓଂ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।
ଓଂ କ୍ଲୀଂ ଅମୃତାନଂଦାୟୈ ଶିଖାୟୈ ଵଷଟ୍ ।
ଓଂ ଶ୍ରୀଂ ଦୈତ୍ୟମାଲିନ୍ୟୈ କଵଚାୟ ହୁମ୍ ।
ଓଂ ହ୍ରୀଂ ତେଜଃ ପ୍ରକାଶିନ୍ୟୈ ନେତ୍ରତ୍ରୟାୟ ଵୌଷଟ୍ ।
ଓଂ କ୍ଲୀଂ ବ୍ରାହ୍ମ୍ୟୈ ଵୈଷ୍ଣଵ୍ୟୈ ରୁଦ୍ରାଣ୍ୟୈ ଅସ୍ତ୍ରାୟ ଫଟ୍ ॥
ଓଂ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ୟୈ ନମଃ ଇତି ଦିଗ୍ଵିମୋକଃ ॥

ଅଥ ଫଲଶୃତିଃ
ଏତତ୍ ସ୍ତୋତ୍ରଵରଂ ଦେଵ୍ୟା ୟେ ପଠଂତି ସଦା ନରାଃ ।
ସର୍ଵାପଦ୍ଭ୍ୟୋ ଵିମୁଚ୍ୟଂତେ ନାତ୍ର କାର୍ୟା ଵିଚାରଣା ॥ 17 ॥

ଏକମାସଂ ଦ୍ଵିମାସଂ ଚ ତ୍ରିମାସଂ ଚ ଚତୁସ୍ଥଥା ।
ପଂଚମାସଂ ଚ ଷଣ୍ମାସଂ ତ୍ରିକାଲଂ ୟଃ ସଦା ପଠେତ୍ ॥ 18 ॥

ବ୍ରାହ୍ମଣଃ କ୍ଲେଶିତୋ ଦୁଃଖୀ ଦାରିଦ୍ର୍ୟଭୟପୀଡିତଃ ।
ଜନ୍ମାଂତର ସହସ୍ରୋତ୍ଥୈର୍ମୁଚ୍ୟତେ ସର୍ଵକିଲ୍ବଷୈଃ ॥ 19 ॥

ଦରିଦ୍ରୋ ଲଭତେ ଲକ୍ଷ୍ମୀମପୁତ୍ରଃ ପୁତ୍ରଵାନ୍ ଭଵେତ୍ ।
ଧନ୍ୟୋ ୟଶସ୍ଵୀ ଶତ୍ରୁଘ୍ନୋ ଵହ୍ନିଚୌରଭୟେଷୁ ଚ ॥ 20 ॥

ଶାକିନୀ ଭୂତ ଵେତାଲ ସର୍ପ ଵ୍ୟାଘ୍ର ନିପାତନେ ।
ରାଜଦ୍ଵାରେ ସଭାସ୍ଥାନେ କାରାଗୃହନିବଂଧନେ ॥ 21 ॥

ଈଶ୍ଵରେଣ କୃତଂ ସ୍ତୋତ୍ରଂ ପ୍ରାଣିନାଂ ହିତକାରକମ୍ ।
ସ୍ତୁଵଂତୁ ବ୍ରାହ୍ମଣାଃ ନିତ୍ୟଂ ଦାରିଦ୍ର୍ୟଂ ନ ଚ ବାଧତେ ॥ 22 ॥

ସର୍ଵପାପହରା ଲକ୍ଷ୍ମୀଃ ସର୍ଵସିଦ୍ଧିପ୍ରଦାୟିନୀମ୍ ।
ସାଧକାଃ ଲଭତେ ସର୍ଵଂ ପଠେତ୍ ସ୍ତୋତ୍ରଂ ନିରଂତରମ୍ ॥ 23 ॥

ପ୍ରାର୍ଥନା
ୟା ଶ୍ରୀଃ ପଦ୍ମଵନେ କଦଂବଶିଖରେ ରାଜଗୃହେ କୁଂଜରେ
ଶ୍ଵେତେ ଚାଶ୍ଵୟୁତେ ଵୃଷେ ଚ ୟୁଗଲେ ୟଜ୍ଞେ ଚ ୟୂପସ୍ଥିତେ ।
ଶଂଖେ ଦୈଵକୁଲେ ନରେଂଦ୍ରଭଵନେ ଗଂଗାତଟେ ଗୋକୁଲେ
ସା ଶ୍ରୀସ୍ତିଷ୍ଠତୁ ସର୍ଵଦା ମମ ଗୃହେ ଭୂୟାତ୍ ସଦା ନିଶ୍ଚଲା ॥

ୟା ସା ପଦ୍ମାସନସ୍ଥା ଵିପୁଲକଟିତଟୀ ପଦ୍ମପତ୍ରାୟତାକ୍ଷୀ
ଗଂଭୀରାଵର୍ତନାଭିଃ ସ୍ତନଭରନମିତା ଶୁଦ୍ଧଵସ୍ତ୍ରୋତ୍ତରୀୟା ।
ଲକ୍ଷ୍ମୀର୍ଦିଵ୍ୟୈର୍ଗଜେଂଦ୍ରୈର୍ମଣିଗଣଖଚିତୈଃ ସ୍ନାପିତା ହେମକୁଂଭୈଃ
ନିତ୍ୟଂ ସା ପଦ୍ମହସ୍ତା ମମ ଵସତୁ ଗୃହେ ସର୍ଵମାଂଗଳ୍ୟୟୁକ୍ତା ॥

ଇତି ଶ୍ରୀବ୍ରହ୍ମପୁରାଣେ ଈଶ୍ଵରଵିଷ୍ଣୁସଂଵାଦେ ଶ୍ରୀ ସିଦ୍ଧଲକ୍ଷ୍ମୀ ସ୍ତୋତ୍ରମ୍ ॥