శక్తిహస్తం విరూపాక్షం శిఖివాహం షడాననమ్ ।
దారుణం రిపురోగఘ్నం భావయే కుక్కుటధ్వజమ్ ॥

ఇతి ధ్యానమ్

స్కన్దో గుహః షణ్ముఖశ్చ ఫాలనేత్రసుతః ప్రభుః ।
పిఙ్గళః కృత్తికాసూనుః శిఖివాహో ద్విషడ్భుజః ॥ 1 ॥

ద్విషణ్ణేత్ర-శ్శక్తిధరః పిశితాశ ప్రభఞ్జనః ।
తారకాసురసంహారీ రక్షోబలవిమర్దనః ॥ 2 ॥

మత్తః ప్రమత్త ఉన్మత్తః సురసైన్యసురక్షకః ।
దేవసేనాపతిః ప్రాజ్ఞః కృపాళు ర్భక్తవత్సలః ॥ 3 ॥

ఉమాసుత-శ్శక్తిధరః కుమారః క్రౌఞ్చధారణః ।
సేనానీ-రగ్నిజన్మా చ విశాఖః శఙ్కరాత్మజః ॥ 4 ॥

శివస్వామీ గణస్వామీ సర్వస్వామీ సనాతనః ।
అనన్తమూర్తి రక్షోభ్యః పార్వతీప్రియనన్దనః ॥ 5 ॥

గఙ్గాసుత-శ్శరోద్భూత ఆహూతః పావకాత్మజః ।
జృమ్భః ప్రజృమ్భ ఉజ్జృమ్భః కమలాసనసంస్తుతః ॥ 6 ॥

ఏకవర్ణో ద్వివర్ణశ్చ త్రివర్ణః సుమనోహరః ।
చతుర్వర్ణః పఞ్చవర్ణః ప్రజాపతి-రహస్పతిః ॥ 7 ॥

అగ్నిగర్భ-శ్శమీగర్భో విశ్వరేతా-స్సురారిహా ।
హరిద్వర్ణ-శ్శుభకరో పటుశ్చ వటువేషభృత్ ॥ 8 ॥

పూషా గభస్తి-ర్గహన శ్చన్ద్రవర్ణః కళాధరః ।
మాయాధరో మహామాయీ కైవల్య-శ్శఙ్కరాత్మజః ॥ 9 ॥

విశ్వయోని-రమేయాత్మా తేజోనిధి-రనామయః ।
పరమేష్ఠీ పరమ్బ్రహ్మ వేదగర్భో విరాట్సుతః ॥ 10 ॥

పుళిన్దకన్యాభర్తా చ మహాసారస్వతావృతః ।
అశ్రితోఖిలదాతా చ చోరఘ్నో రోగనాశనః ॥ 11 ॥

అనన్తమూర్తి-రానన్ద-శ్శిఖణ్డీకృతకేతనః ।
డమ్భః పరమడమ్భశ్చ మహాడమ్భో వృషాకపిః ॥ 12 ॥

కారణోపాత్తదేహశ్చ కారణాతీతవిగ్రహః ।
అనీశ్వరోఽమృతః ప్రాణః ప్రాణాయామపరాయణః ॥ 13 ॥

విరుద్ధహన్తా వీరఘ్నో రక్తశ్యామగళోఽపి చ ।
సుబ్రహ్మణ్యో గుహః ప్రీతో బ్రహ్మణ్యో బ్రాహ్మణప్రియః ॥ 14 ॥

వంశవృద్ధికరో వేదో వేద్యోఽక్షయఫలప్రదః ॥ 15 ॥

ఇతి శ్రీ సుబ్రహ్మణ్యాష్టోత్తర శతనామస్తోత్రం సమ్పూర్ణమ్ ।