శ్రీగోపాలకృష్ణాయ నమః ॥
శ్రీశేష ఉవాచ ॥
ఓం అస్య శ్రీకృష్ణాష్టోత్తరశతనామస్తోత్రస్య।
శ్రీశేష ఋషిః ॥ అనుష్టుప్ ఛన్దః ॥ శ్రీకృష్ణోదేవతా ॥
శ్రీకృష్ణాష్టోత్తరశతనామజపే వినియోగః ॥
ఓం శ్రీకృష్ణః కమలానాథో వాసుదేవః సనాతనః ।
వసుదేవాత్మజః పుణ్యో లీలామానుషవిగ్రహః ॥ 1 ॥
శ్రీవత్సకౌస్తుభధరో యశోదావత్సలో హరిః ।
చతుర్భుజాత్తచక్రాసిగదా శఙ్ఖాద్యుదాయుధః ॥ 2 ॥
దేవకీనన్దనః శ్రీశో నన్దగోపప్రియాత్మజః ।
యమునావేగసంహారీ బలభద్రప్రియానుజః ॥ 3 ॥
పూతనాజీవితహరః శకటాసురభఞ్జనః ।
నన్దవ్రజజనానన్దీ సచ్చిదానన్దవిగ్రహః ॥ 4 ॥
నవనీతవిలిప్తాఙ్గో నవనీతనటోఽనఘః ।
నవనీతనవాహారో ముచుకున్దప్రసాదకః ॥ 5 ॥
షోడశస్త్రీ సహస్రేశ స్రిభఙ్గి మధురాకృతిః ।
శుకవాగమృతాబ్ధీన్దుర్గోవిన్దో గోవిదామ్పతిః ॥ 6 ॥
వత్సవాటచరోఽనన్తో ధేనుకాసురభఞ్జనః ।
తృణీకృతతృణావర్తో యమళార్జునభఞ్జనః ॥ 7 ॥
ఉత్తానతాలభేత్తా చ తమాలశ్యామలాకృతిః ।
గోపగోపీశ్వరో యోగీ సూర్యకోటిసమప్రభః ॥ 8 ॥
ఇలాపతిః పరఞ్జ్యోతిర్యాదవేన్ద్రో యదూద్వహః ।
వనమాలీ పీతవాసాః పారిజాతాపహారకః ॥ 9 ॥
గోవర్ధనాచలోద్ధర్తా గోపాలః సర్వపాలకః ।
అజో నిరఞ్జనః కామజనకః కఞ్జలోచనః ॥ 10 ॥
మధుహా మథురానాథో ద్వారకానాయకో బలీ ।
వృన్దావనాన్తసఞ్చారీ తులసీదామభూషణః ॥ 11 ॥
శ్యమన్తకమణేర్హర్తా నరనారాయణాత్మకః ।
కుబ్జాకృష్ణామ్బరధరో మాయీ పరమపూరుషః ॥ 12 ॥
ముష్టికాసురచాణూరమహాయుద్ధవిశారదః ।
సంసారవైరీ కంసారిర్మురారిర్నరకాన్తకః ॥ 13 ॥
అనాదిబ్రహ్మచారీ చ కృష్ణావ్యసనకర్షకః ।
శిశుపాలశిరశ్ఛేత్తా దుర్యోధనకులాన్తకః ॥ 14 ॥
విదురాక్రూరవరదో విశ్వరూపప్రదర్శకః ।
సత్యవాక్ సత్యసఙ్కల్పః సత్యభామారతో జయీ ॥ 15 ॥
సుభద్రాపూర్వజో విష్ణుర్భీష్మముక్తిప్రదాయకః ।
జగద్గురుర్జగన్నాథో వేణునాదవిశారదః ॥ 16 ॥
వృషభాసురవిధ్వంసీ బాణాసురబలాన్తకః ।
యుధిష్ఠిరప్రతిష్ఠాతా బర్హిబర్హావతంసకః ॥ 17 ॥
పార్థసారథిరవ్యక్తో గీతామృతమహోదధిః ।
కాలీయఫణిమాణిక్యరఞ్జితశ్రీపదామ్బుజః ॥ 18 ॥
దామోదరో యజ్ఞభోక్తా దానవేన్ద్రవినాశకః ।
నారాయణః పరమ్బ్రహ్మ పన్నగాశనవాహనః ॥ 19 ॥
జలక్రీడాసమాసక్త గోపీవస్త్రాపహారకః ।
పుణ్యశ్లోకస్తీర్థపాదో వేదవేద్యో దయానిధిః ॥ 20 ॥
సర్వతీర్థాత్మకః సర్వగ్రహరుపీ పరాత్పరః ।
ఏవం శ్రీకృష్ణదేవస్య నామ్నామష్టోత్తరం శతమ్ ॥ 21 ॥
కృష్ణనామామృతం నామ పరమానన్దకారకమ్ ।
అత్యుపద్రవదోషఘ్నం పరమాయుష్యవర్ధనమ్ ॥ 22 ॥
॥ ఇతి శ్రీనారదపఞ్చరాత్రే జ్ఞానామృతసారే చతుర్థరాత్రే ఉమామహేశ్వరసంవాదే
ధరణీశేషసంవాదే శ్రీకృష్ణాష్టోత్తరశతనామస్తోత్రం సమ్పూర్ణమ్ ॥
