తరుణాదిత్యసఙ్కాశా సహస్రనయనోజ్జ్వలా ।
విచిత్రమాల్యాభరణా తుహినాచలవాసినీ ॥ 1 ॥

వరదాభయహస్తాబ్జా రేవాతీరనివాసినీ ।
ప్రణిత్యయవిశేషజ్ఞా యన్త్రాకృతవిరాజిత ॥ 2 ॥

భద్రపాదప్రియా చైవ గోవిన్దపథగామినీ ।
దేవర్షిగణసంస్తుత్యా వనమాలావిభూషితా ॥ 3 ॥

స్యన్దనోత్తమసంస్థా చ ధీరజీమూతనిస్వనా ।
మత్తమాతఙ్గగమనా హిరణ్యకమలాసనా ॥ 4 ॥

దీనజనోద్ధారనిరతా యోగినీ యోగధారిణీ ।
నటనాట్యైకనిరతా ప్రణవాద్యక్షరాత్మికా ॥ 5 ॥

చోరచారక్రియాసక్తా దారిద్ర్యచ్ఛేదకారిణీ ।
యాదవేన్ద్రకులోద్భూతా తురీయపథగామినీ ॥ 6 ॥

గాయత్రీ గోమతీ గఙ్గా గౌతమీ గరుడాసనా ।
గేయగానప్రియా గౌరీ గోవిన్దపదపూజితా ॥ 7 ॥

గన్ధర్వనగరాగారా గౌరవర్ణా గణేశ్వరీ ।
గదాశ్రయా గుణవతీ గహ్వరీ గణపూజితా ॥ 8 ॥

గుణత్రయసమాయుక్తా గుణత్రయవివర్జితా ।
గుహావాసా గుణాధారా గుహ్యా గన్ధర్వరూపిణీ ॥ 9 ॥

గార్గ్యప్రియా గురుపదా గుహలిఙ్గాఙ్గధారిణీ ।
సావిత్రీ సూర్యతనయా సుషుమ్నానాడిభేదినీ ॥ 10 ॥

సుప్రకాశా సుఖాసీనా సుమతి-స్సురపూజితా ।
సుషుప్త్యవస్థా సుదతీ సున్దరీ సాగరామ్బరా ॥ 11 ॥

సుధాంశుబిమ్బవదనా సుస్తనీ సువిలోచనా ।
సీతా సత్త్వాశ్రయా సన్ధ్యా సుఫలా సువిధాయినీ ॥ 12 ॥

సుభ్రూ-స్సువాసా సుశ్రోణీ సంసారార్ణవతారిణీ ।
సామగానప్రియా సాధ్వీ సర్వాభరణభూషితా ॥ 13 ॥

వైష్ణవీ విమలాకారా మహేన్ద్రీ మన్త్రరూపిణీ ।
మహలక్ష్మీ-ర్మహాసిద్ధి-ర్మహామాయా మహేశ్వరీ ॥ 14 ॥

మోహినీ మదనాకారా మధుసూదనచోదితా ।
మీనాక్షీ మధురావాసా నగేన్ద్రతనయా ఉమా ॥ 15 ॥

త్రివిక్రమపదాక్రాన్తా త్రిస్వరా త్రివిలోచనా ।
సూర్యమణ్డలమధ్యస్థా చన్ద్రమణ్డలసంస్థితా ॥ 16 ॥

వహ్నిమణ్డలమధ్యస్థా వాయుమణ్డలసంస్థితా ।
వ్యోమమణ్డలమధ్యస్థా చక్రిణీ చక్రరూపిణీ ॥ 17 ॥

కాలచక్రవితానస్థా చన్ద్రమణ్డలదర్పణా ।
జ్యోత్స్నాతపాసులిప్తాఙ్గీ మహామారుతవీజితా ॥ 18 ॥

సర్వమన్త్రాశ్రయా ధేనుః పాపఘ్నీ పరమేశ్వరీ ।
నమస్తేఽస్తు మహాలక్ష్మీ-ర్మహాసమ్పత్తిదాయిని ॥ 19 ॥

నమస్తే కరుణామూర్తే నమస్తే భక్తవత్సలే ।
గాయత్ర్యాః ప్రజపేద్యస్తు నామ్నామష్టోత్తరం శతమ్ ॥ 20 ॥

తస్య పుణ్యఫలం వక్తుం బ్రహ్మణాపి న శక్యతే ।

ఇతి శ్రీగాయత్ర్యష్టోత్తరశతనామస్తోత్రం సమ్పూర్ణమ్ ।