సరస్వతీ మహాభద్రా మహామాయా వరప్రదా ।
శ్రీప్రదా పద్మనిలయా పద్మాక్షీ పద్మవక్త్రిగా ॥ 1 ॥
శివానుజా పుస్తకహస్తా జ్ఞానముద్రా రమా చ వై ।
కామరూపా మహావిద్యా మహాపాతకనాశినీ ॥ 2 ॥
మహాశ్రయా మాలినీ చ మహాభోగా మహాభుజా ।
మహాభాగా మహోత్సాహా దివ్యాఙ్గా సురవన్దితా ॥ 3 ॥
మహాకాళీ మహాపాశా మహాకారా మహాఙ్కుశా ।
సీతా చ విమలా విశ్వా విద్యున్మాలా చ వైష్ణవీ ॥ 4 ॥
చన్ద్రికా చన్ద్రలేఖావిభూషితా చ మహాఫలా ।
సావిత్రీ సురసాదేవీ దివ్యాలఙ్కారభూషితా ॥ 5 ॥
వాగ్దేవీ వసుధా తీవ్రా మహాభద్రా చ భోగదా ।
గోవిన్దా భారతీ భామా గోమతీ జటిలా తథా ॥ 6 ॥
విన్ధ్యవాసా చణ్డికా చ సుభద్రా సురపూజితా ।
వినిద్రా వైష్ణవీ బ్రాహ్మీ బ్రహ్మజ్ఞానైకసాధనా ॥ 7 ॥
సౌదామినీ సుధామూర్తి స్సువీణా చ సువాసినీ ।
విద్యారూపా బ్రహ్మజాయా విశాలా పద్మలోచనా ॥ 8 ॥
శుమ్భాసురప్రమథినీ ధూమ్రలోచనమర్దనా ।
సర్వాత్మికా త్రయీమూర్తి శ్శుభదా శాస్త్రరూపిణీ ॥ 9 ॥
సర్వదేవస్తుతా సౌయా సురాసురనమస్కృతా ।
రక్తబీజనిహన్త్రీ చ చాముణ్డా ముణ్డకామ్బికా ॥ 10 ॥
కాళరాత్రిః ప్రహరణా కళాధారా నిరఞ్జనా ।
వరారోహా చ వాగ్దేవీ వారాహీ వారిజాసనా ॥ 11 ॥
చిత్రామ్బరా చిత్రగన్ధా చిత్రమాల్యవిభూషితా ।
కాన్తా కామప్రదా వన్ద్యా రూపసౌభాగ్యదాయినీ ॥ 12 ॥
శ్వేతాసనా రక్తమధ్యా ద్విభుజా సురపూజితా ।
నిరఞ్జనా నీలజఙ్ఘా చతుర్వర్గఫలప్రదా ॥ 13 ॥
చతురాననసామ్రాజ్ఞీ బ్రహ్మవిష్ణుశివాత్మికా ।
హంసాననా మహావిద్యా మన్త్రవిద్యా సరస్వతీ ॥ 14 ॥
మహాసరస్వతీ తన్త్రవిద్యా జ్ఞానైకతత్పరా ।
ఇతి శ్రీసరస్వత్యష్టోత్తరశతనామస్తోత్రం సమ్పూర్ణమ్ ।
