దుర్గా శివా మహాలక్ష్మీ-ర్మహాగౌరీ చ చణ్డికా ।
సర్వజ్ఞా సర్వలోకేశీ సర్వకర్మఫలప్రదా ॥ 1 ॥
సర్వతీర్థమయీ పుణ్యా దేవయోని-రయోనిజా ।
భూమిజా నిర్గుణాఽఽధారశక్తి శ్చానీశ్వరీ తథా ॥ 2 ॥
నిర్గుణా నిరహఙ్కారా సర్వగర్వవిమర్దినీ ।
సర్వలోకప్రియా వాణీ సర్వవిద్యాధిదేవతా ॥ 3 ॥
పార్వతీ దేవమాతా చ వనీశా విన్ధ్యవాసినీ ।
తేజోవతీ మహామాతా కోటిసూర్యసమప్రభా ॥ 4 ॥
దేవతా వహ్నిరూపా చ సతేజా వర్ణరూపిణీ ।
గుణాశ్రయా గుణమధ్యా గుణత్రయవివర్జితా ॥ 5 ॥
కర్మజ్ఞానప్రదా కాన్తా సర్వసంహారకారిణీ ।
ధర్మజ్ఞా ధర్మనిష్ఠా చ సర్వకర్మవివర్జితా ॥ 6 ॥
కామాక్షీ కామసంహర్త్రీ కామక్రోధవివర్జితా ।
శాఙ్కరీ శామ్భవీ శాన్తా చన్ద్రసూర్యాగ్నిలోచనా ॥ 7 ॥
సుజయా జయభూమిష్ఠా జాహ్నవీ జనపూజితా ।
శాస్త్రీ శాస్త్రమయీ నిత్యా శుభా చన్ద్రార్ధమస్తకా ॥ 8 ॥
భారతీ భ్రామరీ కల్పా కరాళీ కృష్ణపిఙ్గళా ।
బ్రాహ్మీ నారాయణీ రౌద్రీ చన్ద్రామృతపరిస్రుతా ॥ 9 ॥
జ్యేష్ఠేన్దిరా మహామాయా జగత్సృష్ట్యధికారిణీ ।
బ్రహ్మాణ్డకోటిసంస్థానా కామినీ కమలాలయా ॥ 10 ॥
కాత్యాయనీ కలాతీతా కాలసంహారకారిణీ ।
యోగనిష్ఠా యోగిగమ్యా యోగిధ్యేయా తపస్వినీ ॥ 11 ॥
జ్ఞానరూపా నిరాకారా భక్తాభీష్టఫలప్రదా ।
భూతాత్మికా భూతమాతా భూతేశా భూతధారిణీ ॥ 12 ॥
స్వధా నారీమధ్యగతా షడాధారాదివర్ధినీ ।
మోహితాంశుభవా శుభ్రా సూక్ష్మా మాతా నిరాలసా ॥ 13 ॥
నిమ్నగా నీలసఙ్కాశా నిత్యానన్దా హరా పరా ।
సర్వజ్ఞానప్రదాఽఽనన్తా సత్యా దుర్లభరూపిణీ ॥ 14 ॥
సరస్వతీ సర్వగతా సర్వాభీష్టప్రదాయినీ ।
ఇతి శ్రీదుర్గాష్టోత్తరశతనామస్తోత్రం సమాప్తమ్ ॥
