అస్య శ్రీ అన్నపూర్ణాష్టోత్తర శతనామస్తోత్ర మహామన్త్రస్య బ్రహ్మా ఋషిః అనుష్టుప్ఛన్దః శ్రీ అన్నపూర్ణేశ్వరీ దేవతా స్వధా బీజం స్వాహా శక్తిః ఓం కీలకం మమ సర్వాభీష్టప్రసాదసిద్ధ్యర్థే జపే వినియోగః ।
ఓం అన్నపూర్ణా శివా దేవీ భీమా పుష్టిస్సరస్వతీ ।
సర్వజ్ఞా పార్వతీ దుర్గా శర్వాణీ శివవల్లభా ॥ 1 ॥
వేదవేద్యా మహావిద్యా విద్యాదాత్రీ విశారదా ।
కుమారీ త్రిపురా బాలా లక్ష్మీశ్శ్రీర్భయహారిణీ ॥ 2 ॥
భవానీ విష్ణుజననీ బ్రహ్మాదిజననీ తథా ।
గణేశజననీ శక్తిః కుమారజననీ శుభా ॥ 3 ॥
భోగప్రదా భగవతీ భక్తాభీష్టప్రదాయినీ ।
భవరోగహరా భవ్యా శుభ్రా పరమమఙ్గలా ॥ 4 ॥
భవానీ చఞ్చలా గౌరీ చారుచన్ద్రకలాధరా ।
విశాలాక్షీ విశ్వమాతా విశ్వవన్ద్యా విలాసినీ ॥ 5 ॥
ఆర్యా కల్యాణనిలయా రుద్రాణీ కమలాసనా ।
శుభప్రదా శుభాఽనన్తా వృత్తపీనపయోధరా ॥ 6 ॥
అమ్బా సంహారమథనీ మృడానీ సర్వమఙ్గలా ।
విష్ణుసంసేవితా సిద్ధా బ్రహ్మాణీ సురసేవితా ॥ 7 ॥
పరమానన్దదా శాన్తిః పరమానన్దరూపిణీ ।
పరమానన్దజననీ పరానన్దప్రదాయినీ ॥ 8 ॥
పరోపకారనిరతా పరమా భక్తవత్సలా ।
పూర్ణచన్ద్రాభవదనా పూర్ణచన్ద్రనిభాంశుకా ॥ 9 ॥
శుభలక్షణసమ్పన్నా శుభానన్దగుణార్ణవా ।
శుభసౌభాగ్యనిలయా శుభదా చ రతిప్రియా ॥ 10 ॥
చణ్డికా చణ్డమథనీ చణ్డదర్పనివారిణీ ।
మార్తాణ్డనయనా సాధ్వీ చన్ద్రాగ్నినయనా సతీ ॥ 11 ॥
పుణ్డరీకహరా పూర్ణా పుణ్యదా పుణ్యరూపిణీ ।
మాయాతీతా శ్రేష్ఠమాయా శ్రేష్ఠధర్మాత్మవన్దితా ॥ 12 ॥
అసృష్టిస్సఙ్గరహితా సృష్టిహేతు కపర్దినీ ।
వృషారూఢా శూలహస్తా స్థితిసంహారకారిణీ ॥ 13 ॥
మన్దస్మితా స్కన్దమాతా శుద్ధచిత్తా మునిస్తుతా ।
మహాభగవతీ దక్షా దక్షాధ్వరవినాశినీ ॥ 14 ॥
సర్వార్థదాత్రీ సావిత్రీ సదాశివకుటుమ్బినీ ।
నిత్యసున్దరసర్వాఙ్గీ సచ్చిదానన్దలక్షణా ॥ 15 ॥
నామ్నామష్టోత్తరశతమమ్బాయాః పుణ్యకారణమ్ ।
సర్వసౌభాగ్యసిద్ధ్యర్థం జపనీయం ప్రయత్నతః ॥ 16 ॥
ఇదం జపాధికారస్తు ప్రాణమేవ తతస్స్తుతః ।
ఆవహన్తీతి మన్త్రేణ ప్రత్యేకం చ యథాక్రమమ్ ॥ 17 ॥
కర్తవ్యం తర్పణం నిత్యం పీఠమన్త్రేతి మూలవత్ ।
తత్తన్మన్త్రేతిహోమేతి కర్తవ్యశ్చేతి మాలవత్ ॥ 18 ॥
ఏతాని దివ్యనామాని శ్రుత్వా ధ్యాత్వా నిరన్తరమ్ ।
స్తుత్వా దేవీం చ సతతం సర్వాన్కామానవాప్నుయాత్ ॥ 19 ॥
ఇతి శ్రీ బ్రహ్మోత్తరఖణ్డే ఆగమప్రఖ్యాతిశివరహస్యే అన్నపూర్ణాష్టోత్తర శతనామస్తోత్రమ్ ॥
