ධ්යානං
අච්යුතානංත ගෝවිංද විෂ්ණෝ නාරායණාऽමෘත
රෝගාන්මේ නාශයාऽශේෂානාශු ධන්වංතරේ හරේ ।
ආරෝග්යං දීර්ඝමායුෂ්යං බලං තේජෝ ධියං ශ්රියං
ස්වභක්තේභ්යෝऽනුගෘහ්ණංතං වංදේ ධන්වංතරිං හරිම් ॥
ශංඛං චක්රං ජලෞකාං දධදමෘතඝටං චාරුදෝර්භිශ්චතුර්භිඃ ।
සූක්ෂ්මස්වච්ඡාතිහෘද්යාංශුක පරිවිලසන්මෞළිමංභෝජනේත්රම් ।
කාලාංභෝදෝජ්ජ්වලාංගං කටිතටවිලසච්චාරුපීතාංබරාඪ්යම් ।
වංදේ ධන්වංතරිං තං නිඛිලගදවනප්රෞඪදාවාග්නිලීලම් ॥
ධන්වංතරේරිමං ශ්ලෝකං භක්ත්යා නිත්යං පඨංති යේ ।
අනාරෝග්යං න තේෂාං ස්යාත් සුඛං ජීවංති තේ චිරම් ॥
මංත්රං
ඕං නමෝ භගවතේ වාසුදේවාය ධන්වංතරයේ අමෘතකලශහස්තාය [වජ්රජලෞකහස්තාය] සර්වාමයවිනාශනාය ත්රෛලෝක්යනාථාය ශ්රීමහාවිෂ්ණවේ ස්වාහා ।
[පාඨාංතරඃ]
ඕං නමෝ භගවතේ මහාසුදර්ශනාය වාසුදේවාය ධන්වංතරයේ අමෘතකලශහස්තාය සර්වභයවිනාශාය සර්වරෝගනිවාරණාය ත්රෛලෝක්යපතයේ ත්රෛලෝක්යනිධයේ ශ්රීමහාවිෂ්ණුස්වරූප ශ්රීධන්වංතරීස්වරූප ශ්රී ශ්රී ශ්රී ඖෂධචක්ර නාරායණාය ස්වාහා ।
ගායත්රී මංත්රම්
ඕං වාසුදේවාය විද්මහේ සුධාහස්තාය ධීමහි ।
තන්නෝ ධන්වංතරිඃ ප්රචෝදයාත් ।
තාරකමංත්රම්
ඕං ධං ධන්වංතරයේ නමඃ ।
