ඕං අස්ය ශ්රීවිෂ්ණුපංජරස්තෝත්ර මහාමංත්රස්ය නාරද ඍෂිඃ । අනුෂ්ටුප් ඡංදඃ । ශ්රීවිෂ්ණුඃ පරමාත්මා දේවතා । අහං බීජම් । සෝහං ශක්තිඃ । ඕං හ්රීං කීලකම් । මම සර්වදේහරක්ෂණාර්ථං ජපේ විනියෝගඃ ।
නාරද ඍෂයේ නමඃ මුඛේ । ශ්රීවිෂ්ණුපරමාත්මදේවතායෛ නමඃ හෘදයේ । අහං බීජං ගුහ්යේ । සෝහං ශක්තිඃ පාදයෝඃ । ඕං හ්රීං කීලකං පාදාග්රේ । ඕං හ්රාං හ්රීං හ්රූං හ්රෛං හ්රෞං හ්රඃ ඉති මංත්රඃ ।
ඕං හ්රාං අංගුෂ්ඨාභ්යාං නමඃ ।
ඕං හ්රීං තර්ජනීභ්යාං නමඃ ।
ඕං හ්රූං මධ්යමාභ්යාං නමඃ ।
ඕං හ්රෛං අනාමිකාභ්යාං නමඃ ।
ඕං හ්රෞං කනිෂ්ඨිකාභ්යාං නමඃ ।
ඕං හ්රඃ කරතලකරපෘෂ්ඨාභ්යාං නමඃ ।
ඉති කරන්යාසඃ ।
ඕං හ්රාං හෘදයාය නමඃ ।
ඕං හ්රීං ශිරසේ ස්වාහා ।
ඕං හ්රූං ශිඛායෛ වෂට් ।
ඕං හ්රෛං කවචාය හුම් ।
ඕං හ්රෞං නේත්රත්රයාය වෞෂට් ।
ඕං හ්රඃ අස්ත්රාය ඵට් ।
ඉති අංගන්යාසඃ ।
අහං බීජං ප්රාණායාමං මංත්රත්රයේණ කුර්යාත් ।
ධ්යානම් ।
පරං පරස්මාත්ප්රකෘතේරනාදිමේකං නිවිෂ්ටං බහුධා ගුහායාම් ।
සර්වාලයං සර්වචරාචරස්ථං නමාමි විෂ්ණුං ජගදේකනාථම් ॥ 1 ॥
ඕං විෂ්ණුපංජරකං දිව්යං සර්වදුෂ්ටනිවාරණම් ।
උග්රතේජෝ මහාවීර්යං සර්වශත්රුනිකෘංතනම් ॥ 2 ॥
ත්රිපුරං දහමානස්ය හරස්ය බ්රහ්මණෝ හිතම් ।
තදහං සංප්රවක්ෂ්යාමි ආත්මරක්ෂාකරං නෘණාම් ॥ 3 ॥
පාදෞ රක්ෂතු ගෝවිංදෝ ජංඝේ චෛව ත්රිවික්රමඃ ।
ඌරූ මේ කේශවඃ පාතු කටිං චෛව ජනාර්දනඃ ॥ 4 ॥
නාභිං චෛවාච්යුතඃ පාතු ගුහ්යං චෛව තු වාමනඃ ।
උදරං පද්මනාභශ්ච පෘෂ්ඨං චෛව තු මාධවඃ ॥ 5 ॥
වාමපාර්ශ්වං තථා විෂ්ණුර්දක්ෂිණං මධුසූදනඃ ।
බාහූ වෛ වාසුදේවශ්ච හෘදි දාමෝදරස්තථා ॥ 6 ॥
කංඨං රක්ෂතු වාරාහඃ කෘෂ්ණශ්ච මුඛමංඩලම් ।
මාධවඃ කර්ණමූලේ තු හෘෂීකේශශ්ච නාසිකේ ॥ 7 ॥
නේත්රේ නාරායණෝ රක්ෂේල්ලලාටං ගරුඩධ්වජඃ ।
කපෝලෞ කේශවෝ රක්ෂේද්වෛකුංඨඃ සර්වතෝදිශම් ॥ 8 ॥
ශ්රීවත්සාංකශ්ච සර්වේෂාමංගානාං රක්ෂකෝ භවේත් ।
පූර්වස්යාං පුංඩරීකාක්ෂ ආග්නේය්යාං ශ්රීධරස්තථා ॥ 9 ॥
දක්ෂිණේ නාරසිංහශ්ච නෛරෘත්යාං මාධවෝऽවතු ।
පුරුෂෝත්තමෝ වාරුණ්යාං වායව්යාං ච ජනාර්දනඃ ॥ 10 ॥
ගදාධරස්තු කෞබේර්යාමීශාන්යාං පාතු කේශවඃ ।
ආකාශේ ච ගදා පාතු පාතාළේ ච සුදර්ශනම් ॥ 11 ॥
සන්නද්ධඃ සර්වගාත්රේෂු ප්රවිෂ්ටෝ විෂ්ණුපංජරඃ ।
විෂ්ණුපංජරවිෂ්ටෝऽහං විචරාමි මහීතලේ ॥ 12 ॥
රාජද්වාරේऽපථේ ඝෝරේ සංග්රාමේ ශත්රුසංකටේ ।
නදීෂු ච රණේ චෛව චෝරව්යාඝ්රභයේෂු ච ॥ 13 ॥
ඩාකිනීප්රේතභූතේෂු භයං තස්ය න ජායතේ ।
රක්ෂ රක්ෂ මහාදේව රක්ෂ රක්ෂ ජනේශ්වර ॥ 14 ॥
රක්ෂංතු දේවතාඃ සර්වා බ්රහ්මවිෂ්ණුමහේශ්වරාඃ ।
ජලේ රක්ෂතු වාරාහඃ ස්ථලේ රක්ෂතු වාමනඃ ॥ 15 ॥
අටව්යාං නාරසිංහශ්ච සර්වතඃ පාතු කේශවඃ ॥
දිවා රක්ෂතු මාං සූර්යෝ රාත්රෞ රක්ෂතු චංද්රමාඃ ॥ 16 ॥
පංථානං දුර්ගමං රක්ෂේත්සර්වමේව ජනාර්දනඃ ।
රෝගවිඝ්නහතශ්චෛව බ්රහ්මහා ගුරුතල්පගඃ ॥ 17 ॥
ස්ත්රීහංතා බාලඝාතී ච සුරාපෝ වෘෂලීපතිඃ ।
මුච්යතේ සර්වපාපේභ්යෝ යඃ පඨේන්නාත්ර සංශයඃ ॥ 18 ॥
අපුත්රෝ ලභතේ පුත්රං ධනාර්ථී ලභතේ ධනම් ।
විද්යාර්ථී ලභතේ විද්යාං මෝක්ෂාර්ථී ලභතේ ගතිම් ॥ 19 ॥
ආපදෝ හරතේ නිත්යං විෂ්ණුස්තෝත්රාර්ථසංපදා ।
යස්ත්විදං පඨතේ ස්තෝත්රං විෂ්ණුපංජරමුත්තමම් ॥ 20 ॥
මුච්යතේ සර්වපාපේභ්යෝ විෂ්ණුලෝකං ස ගච්ඡති ।
ගෝසහස්රඵලං තස්ය වාජපේයශතස්ය ච ॥ 21 ॥
අශ්වමේධසහස්රස්ය ඵලං ප්රාප්නෝති මානවඃ ।
සර්වකාමං ලභේදස්ය පඨනාන්නාත්ර සංශයඃ ॥ 22 ॥
ජලේ විෂ්ණුඃ ස්ථලේ විෂ්ණුර්විෂ්ණුඃ පර්වතමස්තකේ ।
ජ්වාලාමාලාකුලේ විෂ්ණුඃ සර්වං විෂ්ණුමයං ජගත් ॥ 23 ॥
ඉති ශ්රීබ්රහ්මාංඩපුරාණේ ඉංද්රනාරදසංවාදේ ශ්රීවිෂ්ණුපංජරස්තෝත්රම් ॥
