අථ ද්විතීයස්තෝත්රම්
ස්වජනෝදධිසංවෘද්ධි පූර්ණචංද්රෝ ගුණාර්ණවඃ । (සුජනෝදධිසංවෘද්ධි)
අමංදානංද සාංද්රෝ නඃ සදාව්යාදිංදිරාපතිඃ ॥ 1॥ (ප්රීයාතාමිංදිරාපතිඃ)
රමාචකෝරීවිධවේ දුෂ්ටදර්පෝදවහ්නයේ । (දුෂ්ටසර්පෝදවහ්නයේ)
සත්පාංථජනගේහාය නමෝ නාරායණාය තේ ॥ 2॥
චිදචිද්භේදං අඛිලං විධායාධාය භුංජතේ ।
අව්යාකෘතගුහස්ථාය රමාප්රණයිනේ නමඃ ॥ 3॥
අමංදගුණසාරෝऽපි මංදහාසේන වීක්ෂිතඃ ।
නිත්යමිංදිරයාऽනංදසාංද්රෝ යෝ නෞමි තං හරිම් ॥ 4॥
වශී වශෝ (වශේ) න කස්යාපි යෝऽජිතෝ විජිතාඛිලඃ ।
සර්වකර්තා න ක්රියතේ තං නමාමි රමාපතිම් ॥ 5॥
අගුණායගුණෝද්රේක ස්වරූපායාදිකාරිණේ ।
විදාරිතාරිසංඝාය වාසුදේවාය තේ නමඃ ॥ 6॥
ආදිදේවාය දේවානාං පතයේ සාදිතාරයේ ।
අනාද්යජ්ඤානපාරාය නමඃ පාරාවරාශ්රය ॥ 7॥ (නමෝ වරවරාය තේ)
අජාය ජනයිත්රේऽස්ය විජිතාඛිලදානව ।
අජාදි පූජ්යපාදාය නමස්තේ ගරුඩධ්වජ ॥ 8॥
ඉංදිරාමංදසාංද්රාග්ර්ය කටාක්ෂප්රේක්ෂිතාත්මනේ ।
අස්මදිෂ්ටෛක කාර්යාය පූර්ණාය හරයේ නමඃ ॥ 9॥
ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු ද්විතීයස්තෝත්රං සංපූර්ණම්
