॥ ද්වාදශ ස්තෝත්රාණි॥
අථ ප්රථමස්තෝත්රම්
වංදේ වංද්යං සදානංදං වාසුදේවං නිරංජනම් ।
ඉංදිරාපතිමාද්යාදි වරදේශ වරප්රදම් ॥ 1॥
නමාමි නිඛිලාධීශ කිරීටාඝෘෂ්ටපීඨවත් ।
හෘත්තමඃ ශමනේऽර්කාභං ශ්රීපතේඃ පාදපංකජම් ॥ 2॥
ජාංබූනදාංබරාධාරං නිතංබං චිංත්යමීශිතුඃ ।
ස්වර්ණමංජීරසංවීතං ආරූඪං ජගදංබයා ॥ 3॥
උදරං චිංත්යං ඊශස්ය තනුත්වේऽපි අඛිලංභරම් ।
වලිත්රයාංකිතං නිත්යං ආරූඪං ශ්රියෛකයා ॥ 4॥
ස්මරණීයමුරෝ විෂ්ණෝඃ ඉංදිරාවාසමුත්තමෛඃ । වර්
ඉංදිරාවාසමීශිතුඃ ඉංදිරාවාසමුත්තමම්
අනංතං අංතවදිව භුජයෝරංතරංගතම් ॥ 5॥
ශංඛචක්රගදාපද්මධරාශ්චිංත්යා හරේර්භුජාඃ ।
පීනවෘත්තා ජගද්රක්ෂා කේවලෝද්යෝගිනෝऽනිශම් ॥ 6॥
සංතතං චිංතයේත්කංඨං භාස්වත්කෞස්තුභභාසකම් ।
වෛකුංඨස්යාඛිලා වේදා උද්ගීර්යංතේऽනිශං යතඃ ॥ 7॥
ස්මරේත යාමිනීනාථ සහස්රාමිතකාංතිමත් ।
භවතාපාපනෝදීඩ්යං ශ්රීපතේඃ මුඛපංකජම් ॥ 8॥
පූර්ණානන්යසුඛෝද්භාසිං අංදස්මිතමධීශිතුඃ ।
ගෝවිංදස්ය සදා චිංත්යං නිත්යානංදපදප්රදම් ॥ 9॥
ස්මරාමි භවසංතාප හානිදාමෘතසාගරම් ।
පූර්ණානංදස්ය රාමස්ය සානුරාගාවලෝකනම් ॥ 10॥
ධ්යායේදජස්රමීශස්ය පද්මජාදිප්රතීක්ෂිතම් ।
භ්රූභංගං පාරමේෂ්ඨ්යාදි පදදායි විමුක්තිදම් ॥ 11॥
සංතතං චිංතයේऽනංතං අංතකාලේ । (අංත්යකාලේ විශේෂතඃ)
නෛවෝදාපුඃ ගෘණංතෝऽංතං යද්ගුණානාං අජාදයඃ ॥ 12॥
ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු ප්රථමස්තෝත්රං සංපූර්ණම්
