ස්ඵුරත්සහස්රාරශිඛාතිතීව්රං
සුදර්ශනං භාස්කරකෝටිතුල්යම් ।
සුරද්විෂාං ප්රාණවිනාශි විෂ්ණෝඃ
චක්රං සදාऽහං ශරණං ප්රපද්යේ ॥ 1 ॥
විෂ්ණෝර්මුඛෝත්ථානිලපූරිතස්ය
යස්ය ධ්වනිර්දානවදර්පහංතා ।
තං පාංචජන්යං ශශිකෝටිශුභ්රං
ශංඛං සදාऽහං ශරණං ප්රපද්යේ ॥ 2 ॥
හිරණ්මයීං මේරුසමානසාරාං
කෞමෝදකීං දෛත්යකුලෛකහංත්රීම් ।
වෛකුංඨවාමාග්රකරාග්රමෘෂ්ටාං
ගදාං සදාऽහං ශරණං ප්රපද්යේ ॥ 3 ॥
යජ්ජ්යානිනාදශ්රවණාත්සුරාණාං
චේතාංසි නිර්මුක්තභයානි සද්යඃ ।
භවංති දෛත්යාශනිබාණවර්ෂෛඃ
ශාර්ඞ්ගං සදාऽහං ශරණං ප්රපද්යේ ॥ 4 ॥
රක්ෂෝऽසුරාණාං කඨිනෝග්රකංඨ-
-ච්ඡේදක්ෂරත්‍ක්ෂෝණිත දිග්ධසාරම් ।
තං නංදකං නාම හරේඃ ප්රදීප්තං
ඛඩ්ගං සදාऽහං ශරණං ප්රපද්යේ ॥ 5 ॥
ඉමං හරේඃ පංචමහායුධානාං
ස්තවං පඨේද්යෝऽනුදිනං ප්රභාතේ ।
සමස්ත දුඃඛානි භයානි සද්යඃ
පාපානි නශ්යංති සුඛානි සංති ॥ 6 ॥
වනේ රණේ ශත්රු ජලාග්නිමධ්යේ
යදෘච්ඡයාපත්සු මහාභයේෂු ।
පඨේත්විදං ස්තෝත්රමනාකුලාත්මා
සුඛීභවේත්තත්කෘත සර්වරක්ෂඃ ॥ 7 ॥
යච්චක්රශංඛං ගදඛඩ්ගශාරංගිණං
පීතාංබරං කෞස්තුභවත්සලාංඡිතම් ।
ශ්රියාසමේතෝජ්ජ්වලශෝභිතාංගං
විෂ්ණුං සදාऽහං ශරණං ප්රපද්යේ ॥
ජලේ රක්ෂතු වාරාහඃ ස්ථලේ රක්ෂතු වාමනඃ ।
අටව්යාං නාරසිංහශ්ච සර්වතඃ පාතු කේශවඃ ॥
ඉති පංචායුධ ස්තෝත්රම් ॥
