අථ තෘතීයස්තෝත්රම්
කුරු භුංක්ෂ්ව ච කර්ම නිජං නියතං හරිපාදවිනම්රධියා සතතම් ।
හරිරේව පරෝ හරිරේව ගුරුඃ හරිරේව ජගත්පිතෘමාතෘගතිඃ ॥ 1॥
න තතෝऽස්ත්යපරං ජගදීඩ්යතමං (ජගතීඩ්යතමං) පරමාත්පරතඃ පුරුෂෝත්තමතඃ ।
තදලං බහුලෝකවිචිංතනයා ප්රවණං කුරු මානසමීශපදේ ॥ 2॥
යතතෝऽපි හරේඃ පදසංස්මරණේ සකලං හ්යඝමාශු ලයං ව්රජති ।
ස්මරතස්තු විමුක්තිපදං පරමං ස්ඵුටමේෂ්යති තත්කිමපාක්රියතේ ॥ 3॥
ශ‍ඍණුතාමලසත්යවචඃ පරමං ශපථේරිතං උච්ඡ්රිතබාහුයුගම් ।
න හරේඃ පරමෝ න හරේඃ සදෘශඃ පරමඃ ස තු සර්ව චිදාත්මගණාත් ॥ 4॥
යදි නාම පරෝ න භවේත (භවේත්ස) හරිඃ කථමස්ය වශේ ජගදේතදභූත් ।
යදි නාම න තස්ය වශේ සකලං කථමේව තු නිත්යසුඛං න භවේත් ॥ 5॥
න ච කර්මවිමාමල කාලගුණප්රභෘතීශමචිත්තනු තද්ධි යතඃ ।
චිදචිත්තනු සර්වමසෞ තු හරිර්යමයේදිති වෛදිකමස්ති වචඃ ॥ 6॥
ව්යවහාරභිදාऽපි ගුරෝර්ජගතාං න තු චිත්තගතා ස හි චෝද්යපරම් ।
බහවඃ පුරුෂාඃ පුරුෂප්රවරෝ හරිරිත්යවදත්ස්වයමේව හරිඃ ॥ 7॥
චතුරානන පූර්වවිමුක්තගණා හරිමේත්ය තු පූර්වවදේව සදා ।
නියතෝච්චවිනීචතයෛව නිජාං ස්ථිතිමාපුරිති ස්ම පරං වචනම් ॥ 8॥
ආනංදතීර්ථසන්නාම්නා පූර්ණප්රජ්ඤාභිධායුජා ।
කෘතං හර්යෂ්ටකං භක්ත්යා පඨතඃ ප්රීයතේ හරිඃ ॥ 9॥
ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු තෘතීයස්තෝත්රං සංපූර්ණම්
